Beynəlxalq elmi-texniki mübadiləni müəssisə və təşkilatlar səviyyəsində şərtləndirən lokal amillərə aşağıdakılar aiddir:
konkret elmi-texniki problemlərin həlli üçün zəruri olan resurs limitinin keçilməsi;
ayrıca bir institutun, müəssisənin, labaratoriyanın maddi-texniki bazasının darlığı;
mövcud istehsal sistemlərinin yeni texniki həllərin tətbiqinə hazır olmaması;
əldə edilmiş elmi-texniki nəticələrin müəssisənin inkişaf strategiyasına uyğun olmaması;
beynəlxalq texnologiya mübadiləsində iştirak nəticəsində əldə edilən yeni strateji imkanlar.
Əksər hallarda texnologiya istehsalın inkişaf etmiş amillərindən biri kimi çıxış edir ki, bu cür amillər də məlumdur ki, digərlərinə nisbətən yüksək beynəlxalq mobillik qabiliyyətinə malikdirlər. Texnologiyanın inkişafının əsasında texniki tərəqqi durur. Texniki tərəqqinin çoxsaylı anlayışları və təhlil metodları mövcuddur. Ən populyar texniki tərəqqi modeli isə ingilis iqtisadçısı Con Hiksin işləyib hazırladığı modeldir.
Dostları ilə paylaş: |
