Mövzu 3.
AİLƏ VƏ EV TƏSƏRRÜFATI İQTİSADİ TƏHLİLİN OBYEKTİ KİMİ
1. Reproduktiv davrvnış və onun iqtisadi təhlili
2. Ev təsərrüfatının məhsuldarlıq funksiyası anlayışı
3. Nigah münasibətlərinin iqtisadi təhlili. Ailə daxilində əmək bölgüsü
1. Reproduktiv davrvnış və onun iqtisadi təhlili
İqtisadiyyatda dövriyyə modelini nəzərdən keçirərkən qeyd etmək lazımdır ki,
istehlakçı və istehsalçı buraxılış və resursların qiyməti və sayını müəyyənləşdirərkən
bir-birinə təsir göstərirlər. Məhsullar və resurslar və ya istehsal amilləri (torpaq və əmək
kimi) bazarları mövcuddur. Qərarlar təsərrüfat işləri aparan iki müxtəlif subyektlər
tərəfindən (ev təsərrüfatları və müəssisələr) verilir.
Ev təsərrüfatları nemətləri alır və istehsalat amillərini satır, müəssisələr isə
nemətləri satır, istehsal amillərini alırlar. Ev təsərrüfatları əməyin və digər resursların
satılmasından əldə etdikldəri gəliri müəssisələrdən nemətlərin alınmasına sərf edirlər,
müəssisələr əməyin və mülkiyyətin qiymətinə əsaslanaraq malların qiymətlərini
müəyyənləşdirirlər.
İşçilər – sadəcə olaraq mücərrəd istehsal amili deyillər. İşçi dedikdə insan nəzərdə
tutulur. Onlar yalnız iqtisadiyyatı əmək resursları ilə təmin etməklə məşğul deyillər.
Onların ailəsi, arzuları və tələbatları vardır. Məhz buna görə biz iş yerlərinin sayı və
keyfiyyəti ilə maraqlanırıq, buna görə işsizlik səviyyəsinin artması mərkəzi sosial
problemə çevrilir, əmək bazarı isə müzakirələr, sosial münaqişələr və siyasi
narahatlıqlar mənbəyinə çevrilir.
XX əsrdə əmək haqqının tarifi, əməyin şərtləri və birliklərin yaradılması məsələləri
ilə bağlı əmək və kapital arasında qəti vuruşma gedirdi; bu gün qadınlar yaxşı iş və
kişilərlə bərabər əmək haqqı almaq üçün öz hüquqları uğrunda mübarizə aparırlar.
1994-cü ildə YUNİSEF in icra soveti kişilər və qadınlar arasında hüquq bərabərliyi,
qız və qadınların imkanlarının genişləndirilməsi məsələlərinə həsr olunmuş siyasi
icmalını şərh etdi. Siyasi icmal qadınlara qarşı ayrı-seçkiliyin bütün formalarının ləğv
edilməsi haqqında Konvensiyanın və uşaq hüquqları barədə Konvensiyanın
məqsədlərinin həyata keçirilməsi məqsədilə atılan mühüm addımdır.
Siyasi icmal inkişaf və cinslər arasında bərabərlik məsələlərinin araşdırılmasına
yeni nəzər deməkdir. Qadınlar və onların cəmiyyətdə rolu məsələsinə xüsusi diqqət
verilir. Siyasətin icmalında hüquq bərabərsizliyinin aradan qaldırılması üçün onun dərin
köklərinin tapılması və ləğv edilməsi məsləhət görülür.
Siyasi icmalda qadınların hüquq bərabərliyinin təmin edilməsi əsaslarının
konsepsiyası şərh edilir. Bu konsepsiyaya əsasən, qadınların inkişafı prosesi sosial
təminat mərhələsindən başlayaraq 5 mərhələdə keçir. Qadınların imkan və hüquqlarının
genişləndirilməsi qadınların resurslardan istifadə imkanı, cinslərin bərabərhüquqlu
olmayan vəziyyətinin dərk olunması, qadınların qərarların qəbul edilməsi prosesində
iştirakı kimi növbəti mərhələlərin hər birinin vacib komponentlərindən biridir. Sonuncu
mərhələdə (nəzarət mərhələsi), qadınlar öz hüquq və imkanlarına, kişilərlə
bərabərhüquqluğa nail olurlar.
Cinsi əlamətə görə fərqləndirmənin əsas struktur səbəblərinin ləğv edilməsinə
xüsusi diqqət yetirilir. Bu problemin həll edilməsi məqsədilə həyat tsikllərinin
konsepsiyaları şərh edilir. Bu konsepsiya əsasən bu günkü qız – sabahkı qadının, öz
inkişafının hər mərhələsində (anadan olandan 5 yaşınadək, 6 –dan 12 yaşa və 13 – dən
18 yaşa qədər) qarşılaşdığı problemin həllinə yönəldilmişdir. Bu konsepsiya qadın
həyatının bərabərhüquqlu olmayan təzahürlərinin ləğvinə yönəldilmişdir. Cinslər
arasında bərabərliyin təmin edilməsinə yönəldilmiş strategiya və konkret tədbirlər
arasında aşağıdakıları qeyd etmək olar:
- ailə daxilində bərabərliyə yardım etmək;
- ev
işləri və valideynlək borcunun yerinə yetirilməsində ataların daha yaxından
iştirakının rəğbətləndirilməsi;
- çıxılmaz vəziyyətlərdə qender problemlərinə aid olan məsələlərin həlli; kasıb
ailələrdə yaşayan qadınlar, daha çətin şəraitdə olan qız və qadınlar üçün tədbirlərin
həyata keçirilməsi.
Sosial proqramlar və əmək haqqında qanunlar istehsalatda qadın və kişilər
arasında bərabərsizliyin azaldılmasına yardımçı oldular. Ev təsərrüfatında isə cinslər
arasında əmək bölgüsünün çoxəsrlik qaydası hələ də saxlanılır. İşləyən qadınlar evə
gəldikdən sonra «ikinci növbə» işə başlayırlar, kişilər isə ev işləri və uşaqların tərbiyəsi
ilə demək olar ki, məşğul olmurlar.
Ev təsərrüfatında cinslər arasında ənənəvi əmək bölgüsünün qalması fertilliyin
dinamikasına, qadınların özfəaliyyət göstəricilərinə, iş qüvvəsi bazarında kişi və qadınlar
arasında bərabərliyə, əmək sferası, əhali, sosial məsələlər və iqtisadiyyatda dövlət
siyasətinin effektivliyinə təsir göstərir. Nə qədər ki, qadınlar ev işləri və uşaqların
tərbiyəsi üçün cavabdehdirlər onlar, onlar üçün xidmət nərdivanında yüksəlmək, bəzən
isə iş bazarında ümumiyyətlə iş tapmaq çətin olacaq. Bundan əlavə, o qadınlar ki ailənin
təmin olunması üçün işlə təmin olunmanı vacib hesab edirlər, çətin ki, çox uşağın
olmasına razı olsunlar.
Qadınlar istənilən ölkənin var-dövlətidir. Lakin heç bir ölkə öz qadınlarına öz
kişilərinə yanaşdıqları kimi yanaşmırlar, heç bir ölkə qadına onun iqtisadiyyata verdiyi
xeyirə uyğun qiymət vermir. BMT və Dünya bankı tərəfindən hazırlanan bir sıra
araşdırmalar nəticəsində məlum olmuşdur ki, qadına qoyulan investisiyalar artımın
sürətlənməsi, səmərəliliyin artması, iqtisadiyyatın güclənməsi və yoxsulluğun azalması
şəklində geri qayıdır. Qadınların sağlamlığının keşiyində durmaqla dövlət sosial-iqtisadi
inkişaf üçün zəmin yaratmış olur. Bunsuz də qadınların sağlamlığına qoyulmuş
investisiyalar az xeyir gətirmir. Onlar uşaqların sağlamlığının möhkəmləndirilməsi,
ailənin rifahının artması, səhiyyəyə qoyulan xərclərin azalması və məhsuldarlığın
yüksəlməsi şəklində geri qayıdır.
1990–cı illərdə, demək olar ki, bütün ölkələrdə planlı iqtisadiyyatla başlamış və
onların bazar iqtisadiyyatlı demokratik dövlətə çevrilməsinə yönəldilmiş keçid prosesi,
səhiyyə və sosial təminatlar sahəsində böyük xərclərə səbəb oldu. Bundan ən çox
əziyyət çəkən qadınlar, uşaqlar və ailələr oldu.
Hələ siyasi dəyişikliklər başlamazdan əvvəl ölkələr xəstəliklə bağlı məzuniyyət
(qadınlar uşaqlara qulluqla bağlı kiçik müddətli məzuniyyətlər ala bilirdilər), dekrektlə
qoyulmuş məzuniyyət (hamiləliyə görə məzuniyyət), eləcə də işləyən hamilə qadınları
zərərli kimyəvi maddələr və həddən artıq fiziki gərginlikdən qorumağa yönəldilmiş
təhlükəsizlik texnikası və professional gigiyena normaları barədə geniş proqressiv
qanunlar qəbul etmişdilər. Hal-hazırda isə qadınlar iş itirmək qorxusu olduğu üçün bu
imtiyazlardan getdikcə daha az istifadə edirlər. Bu o deməkdir ki, sadalanan qanunlar
yerinə yetirilmir. Qadınların üzərinə ev işlərinin görülməsi, uşaqlara qayğı, qoca və xəstə
ailə üzvlərinə qayğı kimi vəzifə borcu qoyulur. Qadınların çiyinləri üzərinə düşən bu
ikiqat ağırlıq azmış kimi, o, keçid dövrünün şərtləri, sanitariya və nəqliyyat problemləri,
əməyi asanlaşdıran texniki avadanlıqların əldə edilməsi üçün əlavə vəsaitin olmaması,
sosial tələbatlara dövlət xərclərinin azalması və məişət xidmətləri, məktəbəqədər və
məktəb təhsili qiymətlərinin artması kimi gündəlik problemlərlə də rastlaşır. Yoxsulluq
dərəcəsinə çatanlar ,adətən, qadınların başçılıq etdiyi və iki və daha artıq uşaqlı ailələr
olur. Nigaha girənlərin sayının azalması və ərsiz qadınların doğduğu uşaqların sayının
artması qadınların başçılıq etdiyi ailələrin sayının artması deməkdir.
Dava-dərmanların azalması, tibbi texnika və materialların defisiti geniş vüsət
almışdır: ən müasir texnrologiyalardan istifadəyə, baha başa gələn analiz və
proseduraların keçirilməsinə daha çox diqqət verilir. Respublikada Əhaliyə ilkin tibbi-
sanitar xidmət infrastrukturu vardır. Lakin bu infrastrukturda məşğul olan həkim, akuşer
və tibb başçılarının sosial statusu çox aşağıdır və maddi və mənəvi stimul üçün azdır.
Tibb elmi «qalıq prinsipi» vasitəsilə maliyyələşdirilir, tibbi heyətin təkmilləşdirilməsi nadir
hallarda aparılır. Kağız üzərində səhiyyə yüksək inkişaf səviyyəsindədir, lakin
Respublikanın bəzi rayonlarında, xüsusən kənd rayonlarında qadınlar ambulator
müayinədən keçmək üçün böyük məsafə qət etməli olurlar. Gəldikləri yerdə isə, heç bir
ilkin səviyyədə müayinə aparmaq üçün belə avadanlıq olmur.
Analıq və reproduktiv sağlamlığın qorunması xidmətləri isə səviyyəsizdir: bu
xidmətlərin göstərilməsi zamanı qadın və onun ailəsinin sosial, emosional və
şəxslərarası tələbatlar nəzərə alınmır. Respublikada kontrasepsiya vasitələrinin
istehsalı və yayılması, cins və ailənin planlaşdırılması məsələləri ilə bağlı biliklərin
yayılması, tibb işçiləri ilə tibbi xidmətlərdən istifadə edənlər qarşı diqqətli olmaq
ətrafında tərbiyəvi işin aparılması ilə bağlı heç bir iş görülməmişdir. Qanın toplanması
və köçürülməsi, təcili tibbi yardım göstərilməsi üçün rabitə və nəqliyyatın təşkili, duzların
yodlaşdırılması, vitaminləşdirilmə və sağlam qida kimi sanitariya-gigiyena işlərinin əsas
istiqamətlərinə də az diqqət yetirilir. Respublikada analıq ölümü monitorinqinin səmərəsi
olmayan və köhnəlmiş sistemindən istifadə olunur. Kompleks profilaktika veneroloji
xəstəliklərin, QİÇS və qadınlarda uşaqlığın xərçəng xəstəliyinin müalicəsi proqramı
lazımi səviyyədə inkişaf etməyib, yaxud yox dərəcəmindədir. Yuxarıda sadaladığımız
yanaşmalardan hər biri (neoklassik, marksist, institusional) reproduktiv davranışı
müxtəlif cür təhlil edirlər. Məsələn, neoklassik nəzəriyyə uşağın olub-olmamasına ən
əvvəl investisiya qərarı kimi baxırlar. Bu qərar ər-arvad tərəfindən rasional seçim
əsasında qəbul edilir, o vaxt ki, gözlənilən nemət (sevgi, altruizm – inkişaf etmiş
ölkələrdə, məhsuldar xidmətlər – inkişaf etməkdə olan ölkələrdə) onlar üçün xərclərə
(pul və vaxt məsrəfinə) üstün gəlir. Uşağa tələbat mənfi surətdə onların saxlanmasına
olan xərclərlə, müsbət surətdə isə valideynlərin gəliri ilə bağlıdır. Lakin, adətən, müasir
ailədə gəlirin artması, uşaqların sayının azalması ilə müşayiət olunur. Bu valideynlərin
vaxtının çox bahalı olması, xüsusən də işləyən ananın vaxtının bahalı olması ilə
bağlıdır. Bundan əlavə, istər-istəməz uşaqların sayı və keyfiyyəti arasında asılılıq vardır,
belə ki, uşaqların sayı artdıqca keyfiyyəti təmin etmək üçün onların hər birinə qoyulan
investisiya azalır. Və ananın təhsil səviyyəsi, məşğulluğu həlledici faktorlardan birinə
çevrilir ki, bu da öz növbəsində nigaha girmək üçün partnyorun seçilməsinə, uşaq
istəmək arzusuna, ev işlərinə sərf olunan vaxtın qiymətinə, uşaq ölümüm və
doğumsayına təsir göstərir. Beləliklə, müasir iqtisadi nəzəriyyə uşağın olub-olmaması
qərarının ən əvvəl qadın tərəfindən düşünülmüş rasional seçim olması faktının dərk
edilməsinə kömək edir.
2. Ev təsərrüfatının məhsuldarlıq funksiyası anlayışı
Ev təsərrüfatının məhsuldarlıq funksiyası anlayışını nəzərdən keçirərkən biz
marksist siyasi nəzəriyyə baxımından yanaşmaya əsaslanırıq. Qender problemlərinə ilk
dəfə XlX əsrdə marksist iqtisadi nəzəriyyə çərçivəsində baxılmışdı. Bu baxımda daha
dolğun marksist mövqe F.Engelsin «Ailənin xüsusi mülkiyyətin və dövlətin yaranmvsı»
əsərində öz əksini tapmışdır. Engels qadının məhsuldar əməyi və sənaye
müəssisəsində iştirakının qadın azadlığının şərtləri və çıxış noqtəsi kimi göstərir.
Müxtəlif əsrlərdə «ailənin tədrici inkişafı»nı nəzərdən keçirərkən Engels qeyd edirdi ki,
qadınların evdə qul halına salınması (təhkim olunması) yalnız evdən kənarda əmək
bölgüsünün inkişafı ilə bağlıdır. Burjua ailəsi bir tərəfdən ailəni dolandıran kişilərin
ağalığı, digər tərəfdən isə onların iqtisadi cəhətdən kişilərdən asılı olan qadınların açıq
yaxud gizli olaraq əsarət altına alınması əsasında formalaşmışdı. Məsələnin bu cür
qoyuluşu zamanı köləliyə o vaxt son qoymaq olar ki, qadınlar ictimai istehsalata
qovuşsunlar. Sosializmə keçid zamanı bu məsələni həll etmək ev təsərrüfatı və
uşaqların tərbiyəsini evdən kənara çıxarmaq və bu sahəni ictimai əmək sahəsinə
çevirmək sayəsində həll olunacaqdı. Bununla da qadınların hüquq bərabərsizliyinin
obyektiv əsasına son qoyulacaqdı. Lakin marksist nəzəriyyə aşağıdakı suallara cavab
verə bilmir:
- Qadınların ev təsərrüfatında işi nədir – əmək yaxud asudə vaxtın keçirilməsidir?
- Bu
cür
fəaliyyətə qiymət vermək olarmı?
- Bu
fəaliyyət zamanı dəyər yaranırmı? Elə isə qadına necə qiymət verək? O kimdir?
– ərin vəsaiti hesabına yaşayan və əvəzində heç nə yaradmayan tənbəl avara,
yazud əməyi ev təsərrüfatında istifadə olunan işçi?
Beləliklə, marksist nəzəriyyə çərçivəsində qender aspekti açıq-aydın asılı
vəziyyətindədir. Əslində marksizm «qadın məsələsinə» elmi deyil, ideoloji cavab verir:
kapitalizm olmasa qadınların istismarı da olmayacaq. Nəticə etibarilə marksist iqtisadi
nəzəriyyə üçün qadın və qadın əməyi görünməz olaraq qalır.
Bu istiqamətdə iş aparan müasir feminist iqtisadçılardan Hayzi, Hartmann, Ayris
yanq, Kristin Delfi və b. Adlarını çəkmək olar. Bunların hamısı öz fikirlərinə üç bölmədə
cəmləşdirirlər:
1. kapitalizm və qadınların istismarı;
2. patriarxat və qadınların istismarı;
3. qadınların istismarında patriarxat və kapitalizm.
Onların nöqteyi-nəzərinjə qadınların istismarı insanın insan tərəfindən istismarının
ən geniş yayılmış və kök salmış formalarından biridir.
Radikal feminizmin ən görkəmli nümayəndələrindən K.Delfi qadınların istismarını
«istehsalatın ailə üsulu» konsepsiyasından çıxış edərək izah edir. Onun fikrincə
qadınların istismarı onun evdə nə işlə məşğul olmasından asılı deyildir, onun işinin evdə
olması artıq özü istismardır.
Delfinin fikrincə evdən kənarə yalnız kişilər çıxır, qadınlar isə evdə qalaraq
ərlərinin əməyi ödənilməyən işçilərinə çevrilirlər. Və bu vaxt qadınların əmək bazarına
çıxması kişilərin icazəsindən sonra mümkün ola bilər. Kişilər öz istismarçılıq
məqsədlərini tam həyata keçirə bilməyəndə bu metodlara əl atırlar. Bu hələ harasıdır,
hətta onlar qadınların aldıqları əmək haqqını mənimsəyərək bildirirlər ki, evdənkənar iş
ev işlərinə mane olmamalıdır. (Bundan əlavə qadınlar kişilər tərəfindən seksual istismar
obyektinə çevrilirlər. Onların fikrincə yalnız kişilər qadınların reproduktiv funksiyalarının
nəzarətçisi ola bilərlər)
Deməli, verilmiş nəzəriyyəyə əsasən qadınların istismarının mənbəyi ailədir,
kapitalizm isə bunu yalnız tamamlayır. Bu təqdirdə ailə istehsalatı çərçivəsində qadınlar
yer üzünün əzilən və istismar edilən yeganə sinfidirlər, hakim sinif isə bütün kişilərdir.
Hartmanın fikrincə kapitalist cəmiyyəti yalnız bazar qiymətinə malik olan nemətləri
istehsal edən əməyə qiymət verir, bazar vasitəsilə qiymətləndirilməyən nemətlər
istehsal edən əməyi isə (məsələn, uşaqların tərbiyəsi) qiymətləndirmir. Nəticə etibarilə,
kapitalizm cəmiyyətində qadınların əməyi ikinci dərəcəli və sosial cəhətdən
əhəmiyyətsiz sayılır. O israr edir ki, patriarxat kişilərin reproduktiv funksiya, seksual
davranış və qadınların işinə nəzarət üzərində qurulub. Bu vaxt qadınların istismarından
alınan xeyiri kişilərlə yanaşı kapitalistlər də görür, çünki, qadınların istismarı, haradasa
kişilərə kapitalistlər arasındakı özünəməxsus sazişdən irəli gəlir.
Beləliklə, Hartmann tərəfindən kapitalizm və patriarxata verilən şərh marksist
şərhlə eynilik təşkil edir. Yəni, müasir cəmiyyətdə qadınların təhkimçi vəziyyətinə son
qoyulması ictimai sistemdə köklü dəyişiklək edilməsi, kapitalist istehsal üsulunun ləğvi
ilə bağlıdır.
60-cı illərin sonunda neoklassik nəzəriyyə iqtisadiyyatın qender aspektlərini
öyrənməyə başladı. Buna səbəb amerikalı iqtisadiyyatçı Herri Bekkerin işləri oldu. O
konseptual olaraq əmək bazarına çıxmaq haqqında qərarın qəbul edilməsi, əmək
bazarında diskreminasiyanın səbəbləri, ev təsərrüfatının məhsuldarlıq funksiyası, ailədə
gəlirin paylaşdırılması və s. kimi bölmələri işləyib hazırladı.
Neoklassiklər ən əsas problem – ev əməyinin dəyəri qiyməti problemini həll
etməyə çalışmışlar. Bekker tərəfindən təklif olunmuş «ev təsərrüfatının nəzəriyyəsi»
ailəni sadəcə olaraq bazar məhsullarının passiv istehlakçısı kimi deyil, istehlak
mallarının aktiv istehsalçısı kimi göstərir. Bekkerə görə, ailənin tələbatı məhsula deyil,
ondan əldə olunan faydalı nəticəyədir. Müəyyən «istehsal amillərindən» (bazar
məhsulları, ailə üzvlərinin vaxtı və s.) istifadə edən ailə üzvləri əsas istehlak mallarında
maddi-ləşdirilən «son məhsul» buraxırlar. Məsələn, paltaryuyan maşın alanda ailə təmiz
paltar kimi istehlak malının istehsalını nəzərdə tutur.
Bekkerin konsepsiyasına görə ailə eyni neməti müxtəlif texnologiyalardan istifadə
etməklə istehsal edə bilər. Məsələn, paltarı əli ilə özü yuya bilər, paltaryuyan dəvət edə
bilər, yaxud paltarları yumaq üçün camaşırxanaya verə bilər. Ailə qarşısında duran əsas
məsələ istehlak mallarının istehsalı üçün lazım olan bu və ya digər istehsalat
«texnologiyasının» seçilməsidir. Ailə bu seçimi nə cür edir? Bu ailənin gəlirindən və
istehsalın amillərinə olan qiymətdən asılıdır. Bu vaxt ev istehsalatı üçün ən əsas resurs
ailə üzvlərinin vaxtıdır. Vaxtın dəyəri isə alternativ xərclərdən irəli gəlir. Qadının seçimi
aşağıdakı kimi həyata keçirilir: o N saatda ev təsərrüfatından kənarda nə qədər qazana
bilər və bu N saat ərzində ev işləri başqası tərəfindən görülərsə, bu əmək isə öz
növbəsində bazar qiyməti ilə qiymətləndirilərsə, onun ailəsinə neçəyə başa gələ bilər.
Məsələn, əgər qadın dizayner işləyərsə onun əmək haqqı bir gündə 100 dollardır,
qulluqçu əməyinin bazar qiyməti isə bir gündə 30 dollardır. Deməli seçim aydındır.
Aydındır ki, ev təsərrüfatında məşğul olan qadınların təhsili və ixtisas dərəcəsi nə
qədər yüksəkdirsə, onların bazarda məşğulluq səviyyəsi və əmək haqqı bir o qədər
yüksəkdir.
İqtisadi fikrin ən cavan istiqamətlərindən biri olan institusionalizm çərçivəsində
qender aspektləri neoklassik və ya neomarksist və sol radikal nəzəriyyələrdə olduğu
qədər öz əksini tapmamışdır. İqtisadiyyatın qender probleminin öyrənilməsi ənənəsi
institusionalizmin banilərindən biri olan Torsteyn Veblen tərəfindən «Tənbəl sinif
nəzəriyyəsi» kitabında qoyulmuşdur. Tarix boyu qadınların iqtisadi təkamülünü
nəzərdən keçirərkən T.Veblen üç əsas mərhələni qeyd edir:
1. qadın işğalçının ovu kimi;
2. qadın öz ağası üçün istehlak mallarının istehsalçısı kimi;
3. qadın kişi müvəffəqiyyətinin və dövlətinin nümayiş obyekti kimi;
T. Veblen qeyd edirdi ki, onun üçün müasir olan cəmiyyətdə kişilərin sosial
statusunun ən təsirli nümayişi onların öz qadınlarını məhsuldar fəaliyyətdən azad edə
bilməsi dərəcəsindən asılıdır. Bu vaxt ev işinin bir sıra növləri həyatın təmin edilməsi
prosesi kimi real iqtisadiyyatın bir hissəsinə çevrilir, kişilərin bazar fəaliyyəti isə
(məsələn, maliyyə fırıldaqları) cəmiyyət üçün həddən artıq israfcıl olur.
Ancaq qender aspektləri sonrakı institusionistlərin işində öz əksini tapa bilmədi:
Onlar bu problemin öyrənilməsinə yenidən 80-ci illərin birinci yarısında qayıtdılar. Buna
səbəb H.Bekkerin klassik işləri oldu. İnstitusionistlər ailənin daxili strukturunun
əhəmiyyətini xüsusi olaraq qeyd edərək «ev təsərrüfatının yeni nəzəriyyəsi» çərçivəsini
daha da genişləndirdilər. Onlar üçün ailə – sadəcə olaraq bir sıra üstünlükləri və «ev»
istehsalatı texnologiyalarına sahib olan ər, arvad və uşaqlar deyil, öz üzvlərinin
davrvnışına nəzarət edən və səbəblər əmələ gətirən xüsusi institutdur. Bu institutun
mövcud olması uşaqların tərbiyəsi və həyatı üçün stabil mühiti təmin etmək, müxtəlif tipli
spesifik ailə kapitalının toplanması ilə bağlı olan riskləri azaltmaq məqsədilə fərdlərin
uzunmüddətli ailə münasibətlərini xüsusi qeyd etməyə çalışmaları ilə müəyyən edilir.
İqtisadi böhran şəraitində qadının sosial vəzifələri arasında münaqişə kəskinləşir.
İşləyən qadın ailəyə gələn gəlirin cəmini ən azı 1,5 dəfə artırır. Buna görə onun işdən
imtina edib ev işləri ilə məşğul olması bu gəlirin gözəçarpan dərəcədə aşağı düşməsinə
səbəb olur. Eyni zamanda ictimai istehsalatda qadınların məşğulluğu doğum sayının
azalmasına səbəb olan əsas amillərdən biridir. Axır iki ildə əhalini sosial müdafiə
sisteminin islah edilməsi ilə bağlı aparılan iş hansı cinsə mənsub olmasından asılı
olmayaraq bütün vətəndaşların hüquqlarının realizə edilməsi üçün imkanların
yaradılmasına yönəldilmişdir. Bura daxildir: ailə və professional vəzifələrin birləşdirilməsi
üçün şəraitin təmin edilməsi; əhalinin öz problemlərini müstəqil həll edə bilməsinə
yönəldilmiş sosial müdafiənin fəal formalarının inkişafı, vətəşdaşlara dəyişən sosial
iqtisadi mühitə uyğunlaşmağa kömək göstərən və cəmiyyətdə sosial gərginliyi azaldan
əhaliyə sosial xidmət kimi – yeni sahənin formalaşdırılması. Müəyyən həyat
situasiyalarının spesifikası də nəzərə alınır: bütün qadınlar dövlət tərəfindən onlara
verilən hüquqlardan istifadə edə bilərlər, əlbəttə ki, birinci növbədə rəqabət qabiliyyəti
aşağı olanlar və tənhalıq, iş bacarığı, sağlamlıq, öhdədə olma amillərinə görə sosial
cəhətdən zəif olandar.
Milli iqtisadiyyatda qadınların geniş iştirak etməsinə baxmayaraq, onlar qərarların
qəbul edilməsi ilə bağlı olan idarəedici orqanlarda və vəzifələrdə çox az yer tuturlar.
Sənaye müəssisəlsrində məşğul olan qadınlar, əsasən az ödənişli vəzifələrdə işləyirlər.
Bu işlər isə xüsusi qabiliyyət tələb etmir. Qadınların xoşagəlməyən vəziyyətə
düşməsinin səbəblərindən biri də Azərbaycanda kişilər və qadınlar arasında geniş vüsət
almış fikirdir: ev işləri və uşaqların tərbiyəsi ancaq qadınların vəzifəsidir. Məhz bu fikrin
olması ev işləri ilə məşğul olan az sayda kişiləri gördükləri işi gizlətməyə məcbur edir,
axı ev işləri yalnız qadınlara aiddir. Müasir iqtisadi çətinliklər şəraitində qadınlar kişilərə
nisbətən daha ağır həyat şəraiti keçirirlər.
4. Nigah münasibətlərinin iqtisadi təhlili. Ailə daxilində əmək bölgüsü.
Qeyd edildiyi kimi, bir çox cəmiyyətlərdə ailə daxilində ənənəvi əmək bölgüsü
qadınlara «ailənin qoruyucusu», kişilərə isə sahibkar, pul qazanan ailə başçısı kimi
baxır. Neoklassik nəzəriyyə bu təzahürləri izah etməyə çalışır. Onlar «insan kapitalı»
anlayışından istifadə etməklə ailədaxili əmək bölgüsünün möhkəmləndirilməsi
mexanizmini açmağa çalışırlar. İnvestisiyaların insan kapitalına qoyuluşunun
səmərəliliyi onların istifadə olunduğu vaxtın müddətindən asılıdır: əlbəttə ki, professional
fəaliyyətlə bütün gün məşğul olanlarda təhsilin faydalı iş kofisiyenti yarım gün məşğul
olanlardan, yaxud əmək fəaliyyətini uzun müddətə dayandırından daha yüksəkdir.
Cinslər araçında kiçicik fərq kifayətdir ki, istər bioloji mənşə (qadının uşağını yedizdirə
bilmək qabiliyyəti) və ya sosial mənşə (bu vaxt bir sıra peşələrə yalnız kişilərə üstünlük
verilir), onları ev əməyinin məhsuldarlığını, və ya bazar sektorunda əmək
məhsuldarlığını artıran hər hansı növün kapital yığımı üçün ixtisas ələd etməsinə sövq
etsin. Bu sistem ailə daxilində əmək bölgüsü sistemini daha da möhkəmləndirir.
Ev əməyi ev təsərrüfatının məhsuldarlığını və nigahın qorunması üçün mənfəət
gətirən spesifik kapitalı artıran xüsusi vərdişlər yaradır. Eyni zamanda bazar sektorunda
əməkdən imtina edilməsi, bazar insan kapitalının əldə edilməsindən imtina etmək
deməkdir ki, bu da boşanma ilə bağlı gəliri ahağı salır. İqtisadçı-feministlər qeyd edirlər
ki, əmək bazarında hüquq pozulan qadınlar ev işlərinə daha çox vaxt ayırmağa məcbur
olurlar, bu isə onun bazar insan kapitalı yığımına, professionallığın aşağı düşməsinə,
beləliklə də, onu iqtisadi sərbəstlikdən məhrum edərək, əmək haqqının azalmasına
gətirib çıxarır. Toplanmış ailə insan kapitalı daha çox ev təsərrüfatı ilə məşğul olmağa
sövq edir və mümkün boşanmadan ələdə ediləcək mənfəəti azaldaraq onun ailədə
təhkimçi vəziyyətini təsdiqləyir.
Feminizm nəzəriyyəçiləri «insan nədir?», «ailə nədir?», «ailədə və cəmiyyətdə
qadın və kişilərin rolu nədən ibarətdir?» kimi anlayışları şübhə altına aldılar. Fəlsəfə və
iqtisadi nəzəriyyədə insana verilən təriflər («iqtisadi insan», insan rasional varlıq, siyasi
varlıq, ictimai heyvan, azadlıq və muxtariyyətə malik olan varlıq kimi və s) yalnız kişilərə
aid edilirdi, ona görə ki, birincisi; qadınlar siyasi, ictimai, iqtisadi həyat sahəsindən
çıxarılmışdı və muxtariyyət hüququ yox idi, ikincisi, qadınların reproduktiv-ailə
funksiyaları insanı heyvanlardan ayıran əsl insan keyfiyyətləri dərəcəsinə aid edilmirdi;
qadınların ev təsərrüfatında ailə-tərbiyə fəaliyyəti ya «görünmürdü», ya da fəaliyyətin ən
aşağı olan forması kimi qiymətləndirilirdi. Bu cür yanaşma, yəni insan anlayışının
kişilərə aid edilməsi, o vaxt androsentrizm adı almışdı. Bu, bəzən qəsdən, bəzən isə
qəsdsiz qadınların fəlsəfi və sosial-iqtisadi elmi nəzəriyyələrdən çıxarılması, feminist
tənqidin episentrində idi.
İşçilər əmək bazarında işçi qüvvəsini satır, əvəzində əmək haqqı alır. Qadının ev
əməyi isə əmək haqqı ilə əvəz edilmir və bu onun mistifikasiyası üçün əsas yaradır, ev
əməyinin əslində iş olmaması və ailədə başçı evə pul gətirən ola bilər fikrini təsdiqləyir.
Bu kişilərin «üstünlüyünü» təsdiqləyərək ailədə resurslar və əməyin qeyri-bərabər
bölgüsünə gətirib çıxarır, hakimiyyət iyerarxiyası və tabeçilik yaradır. Beləliklə,
«buludsuz razılıq adası» haqqında əfsanəyə son qoyuldu.
Xeydi Xortmanın fikrincə, ailədə maraqların birliyi və bir-birinə arxalanma ilə
yanaşı, qeyri-bərabər əmək bölgüsü və tələbata, istehsalata olan müxtəlif münasibətlə
bağlı olan ziddiyyətlər də vardır
Müasir ailə əvvəlki kimi kişinin qadın üzərində hakimiyyəti sferası olaraq qalır. Kişi
hakimiyyətinin ölçüsü isə ailə vəzifələri və ev əməyindən azad olmaqla ölçülür.
Bir çox tədqiqatlar sübut edir ki, evdar qadın vəziyyətinə keçid təşəbbüsü kişilərə
məxsusdur. Onların dəlilləri (bəhanələri) müxtəlifdir: proteksionist (bu çətin işdən
getmək lazımdır), iqtsadi (uşaq bağçasının qiyməti ananın əmək haqqından çox ola
bilər), yaxud uşaqlarla bağlı maraqlar (mənim kiçik oğlum pis oxuyur, onunla məşğul
olmaq lazımdır). Bundan əlavə tez-tez gətirilən başqa bir dəlil də vardır ki, bu haqda
kişilər deyil, onların arvadları danışırlar. Məsələn, «O mənim işləməyimi istəmir. Ona
görə ki, yaxşı qazanır. O deyir ki, kişi çox qazanırsa, qadın işləməməlidir». Həmçinin
kişiyə psixoloji rahatlıq lazımdır: mən ailəni saxlayan, evə gəlir gətirən yeganə adamam,
ona görə də, evə gəlib ayağımı stolun üstünə qoya bilərəm. Kişilər nə cür izah edirlər
etsinlər, qadınları evdar qadın olmağa sövq edərkən onların bir məqsədi var, ev
işlərindən tam azad olmaq üçün heç nə ilə bağlı olmayan xidmətçiyə sahib olmaq.
Məsələn, bir cavan qadından alının müsahibədən nümunə gətirək: «Mənim ərim axşam
evə gələndə soruşur: «Bu gün nə ilə məşğul olmusan?», mən cavab verirəm: «Evləri
yığışdırmışam, mağazaya getmişəm, sənin üçün yemək hazırlamışam.» O cavab verir:
«Demək heç nə etməmisən». Əgər Qərbdə evdar qadın – normal qadın taleyidirsə,
bizdə işləməyən qadın-öhdədə olan müftəxordur.
Ailədə münaqişəyə səbəb qender rollarının bölüşdürülməsidir. Bizim şəraitimizdə
evdar qadının xoşbəxtliyi ərin arzusundan asılıdır. Ər öz hakimiyyətini hiss edir, buna
görə də «yeni dövlətlilər»in ailəsində qarşılıqlı münasibətlərin möhkəm patriarxal modeli
özünü biruzə verir. Qadın xidmətçi heyət yerini tutur. Əgər qadın üçün «ailə», yaxud
«iş» seçimi nəzəri cəhətdən mövcuddursa, kişi bu seçim qarşısında qalmır; axı o mütləq
işləməli və pul qazanmalıdır.
Əksər təminatlı ailələrin iqtisadi vəziyyəti sabit olmadığı üçün, biznesdə
uğursuzluqlardan heç kəs mühafizə edilməmişdir. Hər şeydən əvvəl kişilər doğrudan da
bütün günü işləməyə məcburdurlar və onlar «mühafizəsiz» işləyərlər, çünki «ailə
onlardan asılıdır».
Nəhayət bizim evdar qadınlarımızın çoxunun yaşadığı həyat şəraiti «qərb
standartlərından» fərqlənir. Əsasən bunlar varlı adamların arvadı deyillər, «orta sinfin»,
yəni «ağ mülklərdə» deyil, adi, kiçik qabaritli evlərdə yaşayan ailələrin qadınlarıdır.
Azərbaycanda xüsusən qadınlar üçün ailə həyatın ən vacib olan sahəsidir və
konservativ, sabit olan bir institut olaraq qalır. Baxmayaraq ki, quruluşda kiçik ailələr
üstünlük təşkil edir, xüsusən şəhər rayonlarında insanlar əvvəlki kimi böyük ailə
normalarına ümid edirlər. Bu normalar qadınlar üçün həm neqativ, həm də pozitiv
nəticələrə malikdir: məsələn, bir tərəfdən qohumlara kömək sistemi saxlanılır, digər
tərəfdən isə qadınların fərdiliyi və azadlığı məhdudlaşır.
Neoklassik məktəb nigahın bağlanmasını firmaların yaradılması ilə müqayisə edir:
rasional seçim əsasında. Bekkerin verdiyi tərifə görə nigah lazımi dərəcədə səmərəli
olan nigah bazarının köməyi ilə kiçik biznes yaradılması üçün qadın və kişilərin
çeşidləmə prosesidir. Hər nigah xüsusi ailə kapitalı yaradır: uşaqlar, ətrafdakıların
hörmət və həsədi, nüfuz, sağlamlıq, altruizm, məmnuniyyət hissi və s. bu kapitalın çox
hissəsi nigah mövcud olana qədər olur, nigah pozulan kimi isə yox olur. İnsanlar nigaha
o vaxt girirlər ki, onların birlikdə yarada biləcəkləri nemətlərin həcmi ayrı-ayrılıqda
yarada biləcəkləri nemətlərin cəminin həcmindən çox olsun. Nigah o vaxt pozulur ki,
ondan əldə edilən mənfəət gözlənilən mənfəətdən aşağı olsun. Deməli nigah
münasibətlərində də insanlar səmərəliliyin maksimum olmasına çalışır.
Nigah nə qədər uzunmüddətli olarsa, onun pozulması ehtimalı bir o qədər aşağı
olar, belə ki, ər-arvad bu ailəyə qarşı xüsusi insanlıq kapitalı toplayırlar və ayrılıq onlar
üçün böyük itkilərə səbəb olur. Bu yanaşma qadınların iqtisadi fəallığı ilə bağlı olan bir
sıra təzahürlərin izah edilməsinə imkan yaradır. İnkişaf etmiş ölkələrdə boşanmaların
sayının artması ən əvvəl əmək bazarında qadınların fəallığının artması ilə bağlıdır.
Neoklassik məktəb bu institutun xüsusiyyətlərinə varmadan nigahın bağlanmasının
iqtisadi mexanizmini təhlil edir. Məsələn, nigahın dəyişməyən təbiətinə və ailədaxili
əmək bölgüsünə əsaslanaraq, «qadın» və «kişi» əməyinin bir-birini tamamlamasının
nigahın bağlanmasından əldə edilən mənfəəti artırması haqqında nəticə. Başqa bir
nəticə: qadının potensial qazancı nə qədər yüksəkdirsə, ictimai istehsalatda iştirak
etməməsi ona bir o qədər baha başa gəlir və nəticə etibarilə nigah pozulmaq təhlükəsi
altında qalır. Bu nəticə «işləməyən qadın» haqqında fərziyyələrdən və bu gün inkişaf
etmiş ölkələrədə üstünlük təşkil etməyən ailə tipindən irəli gəlir. Məhz bu bazar
mexanizminin təhlili ilə kifayətlənən neoklassik nəzəriyyənin ən zəif yeridir. Buna görə
də bəzi feministlər nigah və ailəni, cəmiyyətdə qadınların təhkimçi vəziyyətini təsvir
edən müasir forma – institutlar kimi nəzərdən keçirərək neoinstitusionalizmin
imkanlarından istifadə edirlər. İnstitusionalizmin metodlarına əsaslanan feministləri
ailənin yaradılmasında bazar mexanizmi o qədər maraqlandırmır, onun müasir
cəmiyyət quruluşunda, sosial qaydaların saxlanmasında yeri maraqlandırır.
İndiyə qədər Azərbaycanda qanunlar, qadınların nigah sahəsində, boşanmada və
uşaqlara qəyyumluq etməkdə hüquqlarını qoruyan eqalitar və dünyəvi qanunlar olaraq
qalırdı. Lakin sosial və demoqrafik disbalansın olmasını bəhanə gətirərək bəzi din
xadimləri qanuniləşdirilmiş çoxarvadlılığı yenidən bərpa etmək istəyirlər. Əlbəttə ki,
qadınlar buna qarşı gz etirazlarının bildirirlər. Bu məsələnin parlament səviyyəsində
müzakirəsi isə zarafatlarla deyişmədən uzağa getmədi. Lakin bu fikrin maddi əsası
olduğunu nəzərə alaraq qadınlar ciddi mübarizəyə hazırlaşırlar.
Ərə getmək probleminin olması (iqtisadi çətinliklərə əlaqədar), kişilərin
proporsional olmayan emiqrasiyası, müharibələr zamanı kişi itgisi, bunlar hamısı birlikdə
tənha qadınların sayının çoxalmasına səbəb olur. Azərbaycanlı kişilərin qarışıq nigaha
girməsi (şəhər rayonlarında bu 16% təşkil edir), Azərbaycanlı qadınlar arasında isə bu
təcrübənin demək olar ki, olmaması da tənha qadınların sayının artmasına səbəb
olurdu.
Dostları ilə paylaş: |