getmir, şəriət qanunlarına uyub onun ikinci arvadı olmaq istəmir,
bununla da azadfikirliliyi, nümayiş
etdirir, cəmiyyətin tələblərinə tabe olur. Bununla da yazıçı o dövrün dünyagörüşünün konsepsiyalarını
ifadə edir.
Məlumdur ki, ən radikal fransız maarifçilərindən biri olan Russo yüksək səviyyədə ardıcıl
demokrat idi. Onun sosial zülmə qarşı çıxışı, sosial bərabərlik prinsiplərinin humanizmi, şəxsiyyət
azadlığının müdafiə etməsi ona ümumdünya şöhrəti gətirdi, «russoçuluq» anlayışı yarandı. Elmi
traktatlar isə yanaşı bədii əsərlərində («Yeni Eloiza», «Emil və ya tərbiyə haqqında», «İctimai müqavilə»)
öz fikirlərini bəyan edirdi. Əxlaqı təsdiqləyən Russo hesab edirdi ki, əxlaq özündə fərdi, ailəvi və
vətəndaş məziyyətlərini cəmləyib. Amma əxlaq hissiyyata, fərdilik - cəmiyyətə qarşı qoyulur. Xeyirxahlıq
- insanın öz hissləri və ehtirasları üzərində qələbəsidir. Buna görə də Russonun qəhrəmanları spartalılar
kimi sərtdirlər.
Russonun əxlaqi-estetik idealı öz təcəssümünü sentimental nəşrin klassik nümunəsi olan «Yeni
Eloira»da tapdı. Onun analizi qender problematikası planında da maraqlıdır. Russonun qəhrəmanı
aristokrat Yuliya Detant öz müəllimi Sen-Preni sevir. Silki xürafat onlara evlənməyə mane olur və
Yuliyanın atası bu qeyri-bərabər nigaha razılıq vermir. Sen-Pre ilə qaçmağa imkan olsa da, Yuliya ata
evini tərk etməkdən qəti imtina edir. Ənənələrin onun üzərindəki hökmranlığı qızın məhəbbətindən
güclü çıxır. Sərt Sparta əxlaqı Yuliyanın əsas keyfiyyəti və Russonun kredosudur. Amma məhəbbət güclü
çıxır. Dörd ildən sonra Sen-Preni görən Yuliya başa düşür ki, ona qarşı məhəbbəti ölməyib. Romanın
sonu Russonun müəllif mövqeyini çox gözəl qeyd edir. Yuliya xəstələnir və ləkələnməmiş adla vəfat edir.
Buna baxmayaraq, yazıçının Yuliyanı bədbəxt edən ictimai şəraiti tənqidi və sevgi hissinin
poetikləşdirilməsi göz qabağındadır. Beləliklə, ədəbi mətnlərdə qender stereotipləri adını almış qender
rolları anlayışları təsbit edilirdi. Əlbəttə ədəbi mətn real gerçəkliyin adekvat əksi deyil. Lakin o, müxtəlif
mədəni sosiumda gedən bu cür proseslər haqqında mühakimə yürütmək üçün material verir.
Maarifçilik dövründə J.J.Russo öz əsərlərində o dövrün dünyagörüşünün postulatlarını ifadə
edirdi. O cəmiyyətin yenidən qurulması ideyalarını inkişaf etdirərək həmişə onun ierarxik olduğunu, hər
bir elementin müəyyən yer tutduğu ictimai müqaviləyə əsaslandığını qeyd edirdi. «Emil, və ya tərbiyə
haqqında» taktatında (1762) Russo qadının kişiyə tabe vəziyyətini qeyd edərək bildirirdi ki, qadın kişidən
asılı olduğunu unutmamalı, onun hörmətini qazanmalı, onun iradəsinə tabe olaraq bununla, son nəticə
olaraq, cəmiyyətin rifahını qorumalıdır.
Feminist tənqid belə mühafizəkar nəzər-nöqtəsini diskriminasion hesab edir.
Belə patriarxat tabu sistemi sözsüz ki, qadının təkcə azad seçimə deyil, eləcə də yaradıcı və ictimai
sferaya yolunu bağlayırdı. Rus ədəbiyyatı həyat rollarının belə bölüşdürülməsinin doğru olduğunu
şübhə altına aldı.
XVIII əsr Rusiya bədii nəşri tamam açıqlığı ilə göstərdi ki, qəhrəmanların ona məxsus məişəti, eləcə
də emosional davranışı qender tədqiqatlarının obyekti ola bilər.
Onlarda təkcə təsvir olunan qəhrəmanların portret xarateristikaları əks olunmayıb. Jins, yaş, şəxsi
və fərdi xüsusiyyətlər kimi xarakteristikalarla sıx bağlı olan hər fərdin psixofizik xüsusiyyətlərindən
xəbər verən emosiyaların eksperssiyasının qender steretotipləri də bu sıraya daxildir. Cəmiyyətdə çoxdan
qadın və kişi arasındakı fərqlərə aid sosial rituallar, qiymətlər, ənənəvi rol bölgüsü var.
XVIII əsrin 80-ci illərində Rusiyada sentimentalizm ədəbi cərəyanı yaranır ki, onun axarında
klassik əsərlərə əks olaraq hisslərin və emosiyaların azad olmasını göstərən əsərlər yarandı. Həssaslıq
sentimental kitabların dəyərini müəyyən edən əsas faktordur. İnsanların hiss və emosiyalarına təsir
etmək, təsvir olunan qəhrəmana qarşı şəfqət və açıma hiss yaratmaq üçün sentimentalist yazıçılar sadə
insanın həyatını təsvir edirdilər. Jinslərin qeyri-bərabərliyi burada əsas ideya olur, qadın kişiyə tabe və
müti bir vəziyyətdə təsvir olunur. Belə tip qadına klassik nümunə Karamzinin «Bədbəxt Liza»
povestindəki Lizadır.
İ.S.Bajenova XVIII əsrin sonu - XIX əsrin əvvəllərində yaradılmış bədii ədəbiyyatı təhlil edərək,
qadınların emosional vəziyyətlərinin aşağıdakı tiplərini müəyyən etmişdir: həya-ustancaqlıq, qorxu-
dəhşət, qəm-kədər, məhəbbət-sevinc. Müəllif qeyd edir ki, «verilmiş dövrün bədii nəşrində təəccüb
emosiyaların, ekspressiyaların adı belə yoxdur, bu təkcə rus deyil, alman əəbiyyatına da aiddir». Bu
əsərlərin müəllifləri qəhrəmanların hər birinin qender stereotipini milli spesifika ilə birlikdə nəzərə
alaraq, onların həyəcanlarını dərindən açırlar (H.Karamzinin «Yazıq Liza» povestindən sitat slayd
üzərindədir).
XIX əsrin əvvəlində yazıçı-qadın E.A.Gan «İdeal» povestində yazırdı: «adama elə gəlir ki, Allah
dünyanı ancaq kişilər üçün yaradıb; arvadlıq və qadının bütün sirrləri onlara aiddir, əgər qadının ailə
xoşbəxtliyinə olan ümidləri baş tutmasa, ona nə qalacaq? Onun məhdud bəsit tərbiyəsi ona mühüm
işlərlə məşğul olmağa imkan vermir və o qəbirə qədər yazıq, rəngsiz bəyat sürməlidir».
4
Povest 1937-ci
ildə nəşr olundu, bu o
deməkdir ki, qadınların hüquqsuz vəziyyəti rus cəmiyyətini narahat edir, həmin
dövrdə bu mövzu bədii ədəbiyyat və publisistikada qoyulurdu.
Bu mövzu öz inkişafını daha sonra yazılmış əsərlərdə də tapdı. Məsələn, N.Q.Çernışevskinin
məşhur «Nə etməli?» (1862) romanında «iş və azadlıq» arzusunda olanlara bunları əldə etmək yolu
göstərirdi. İstehsal artel və kommunaların yaradılması yeni qadınlar üçün həyat dərsliyi oldu. Ədəbi
əsərdə sosial proqramın olub-olmaması rus oxucuları üçün əsərin ədəbi-bədii məziyyətlərindən daha
vacib arqument idi. Məlumdur ki, H.Çernışevskinin məlum romanı kommuna və artellərin təşkili üçün
praktik məsləhətlərlə deyil, həm də şəxsi və ailə kolliziyalarının həlli üçün tövsiyələrlə doludur.
Qender təhlili üçün maraqlı olan momentlərdən biri - tənqidin qadın qəhrəmanlara münasibətidir.
Yeni qəhrəmanlar sorağında olan H.Dobrolyubov hələ XIX əsrdə ancaq Katerina Kabanova (A.Ostrovski
«Tufan») obrazında «qaranlıq səltənətin» qanunlarına qarşı etiraz edən şəxsiyyətin əlamətinin görür,
Turgenevin Yelenasında («Ərəfə») isə ictimai dəyşikliklərə hazır bir şəxsiyyət görür. Əsərin kişi
qəhrəmanlarını isə, müəllifin mücərrəd baxışlarının ifadəsi hesab edərək, onların bədii gerçəklikdən uzaq
olduğunu göstərir. D.Pisarev onunla qətiyyən razılaşmayaraq yazır ki, Dobrolyubov «qaranlıq
səltənətində işıq şüası» adlandırdığı Ostrovskinin qəhrəmanını idealizə edir.
Bu mövzu – rus tənqidinin «qadın mövzusuna» münasibəti – qender aspektində xüsusi tədqiqat,
diqqətli yanaşma tələb edir. Belə analiz rus ədəbiyatçının «qızıl» və «gümüş» dövrünün əsərlərini
yenidən «oxumağa», imkan verər, belə ki, bu əsərlər bizi maraqlandıran problem ətrafında böyük və
maraqlı material verir. XIX əsrin 70-ci illərindən başlayaraq rus ədəbiyyatında bu mövzuya böyük maraq
müşahidə olunur. Bu maraq öz əksini dövri mətbuatda: qadınlar tərəfindən qadınlar üçün nəşr olunan
jurnallarda, qadın emasipasiyası problemlərinə yer verən nəşrlərdə tapırdı və bununla da ictimaiyyətin
müzakirəsinə verilirdi.
XIX əsrin 60-cı illərində Rusiyada «qadın» mövzusu periodik nəşrlərdə, kitab, monoqrafiya,
məqalələrdə öz əksini tapdı. Q.A.Tişkinin «XIX srin 50-60-cı illərində Rusiyada «qadın məsələsi» kitabı,
İ.V.Ziryanova Q.A. Vişnevskaya və başqalarının elmi əsərləri bu qəbildəndir.
Beləliklə, ədəbiyyat və publisistika qadına qarşı «ümumi işdə dost» kimi bərabər münasibətin
formalaşmasına və yetişməsinə imkan verdi. Heç də həmin illərin mətbu orqanlarının hamısı «qadın
mövzusünü fəal müzakirə etmirdi, bəziləri bu məsələyə qətiyyən toxunmayaraq ailə-məişət problemləri
ilə məhdudlaşırdılar. Amma məhz bu dövrdə (1870-1880) qadınların ali təhsilə qarşı praktiki hərəkatı
başlanır. Məsələn, 1872-ci ildə Moskvada Rusiyanın tarixində ilk dəfə qadınlar üçün ümumuniversitet
xarakterli ali təhsil müəssisəsi – professor V.İ.Geryenin Ali qadın kursları açıldı. 70-ci illərində xüsusi
universitet xarakterli ali qadın kursları Peterburq, Kazan, Kiyev, Odessada açıldı. 1878-ci ildə
Peterburqda açılmış Bestucev qadın kursları təhsil aləmində böyük presticə malik idi. Söz yox ki, bütün
bunlar müəyyən dərəcədə qender problematikasına marağı artıq XIX əsrdən stimulaşdırırdı.
O dövrün yazıçıları çox vaxt qadın xarakter və psixologiyasında tarixin suallarına cavab
axtarırdılar, belə ki, onlar xarakter və psixologiyanı sosial mühitin məişət ənənələrinin, zamanın və
məişətin şəraiti ilə sıx bağlı olduğunu hesab edirdilər. Məsələn, «Msen uyezdinin ledi Maqbeti» (1865)
povestində N.S.Leskov sarsıdıcı bədii qüvvə ilə «qaranlıq səltənətin» təsiri altında xalq kütlələlərinə
məxsus əxlaqi mövqeyini kasta əxlaqı ilə mübarizədə itirən qadının dramını verir. Katerina İzmaylovanın
faciəli məhəbbəti və cinayəti sübut edir ki, şəxsiyyətin alınıb-satılmasını təsdiq edən, hissləri ailə
mərasiminin qanunları ilə əvəz edən silki quruluş daxili mübarizə ilə doludur və bu onu daxildən məhv
edir.
Qaynar ehtirasını xalqdan irsən almış sadə el qızı tacir evində dustağa çevrilir. Bu evdə «nə bir
canlı, nə bir insan səsi var», burda olan yeganə şey samovardan yatağa olan qısa yoldur. Darıxmaqdan və
qüvvə çoxluğundan üzüntü keçirən meşşan qadına uyezd arvadbazının nəzəri dəyən kimi o dəyişməyə
başlayır. Katerinanın ehtiraslarını məharətlə idarə edən məşuq onun hisslərinin çoşğunluğunu
məhəbbətə düşmən olan cinayətkar menkartil məntiqə tabe edir. tacir arvadı ilə məhəbbətdən aşiqin
gözlədiyi şey – sürətli karyera idi.
4
Ганн Е. Идеал. Русская романтическая повесть.- М.: 1992, с. 16