Etiologiyası:
Obsessiv-kompulsiv pozuntunun uşaqlarda meydana çıxma yaş dövrü 7-12
yaşlarıdır. Oğlanlarda qızlara nisbətən 1,5 dəfə daha çox müşahidə edilir. Tiklərlə
meydana çıxma ehtimalı daha çoxdur. Uşaqlarda görülmə faizi 1-4-dir.
Əlamətlərin demək olar ki, 70%-i valideynlər tərəfindən müəyyən edilir. Bunun
yaranmasında aparılan araşdırmalar nəticəsində müəyyən edilmişdir ki, genetik
faktorlar vardır. Monoziqot əkizlərdə 67%, diziqot əziklərdə isə 31%-dir. Van
Groothest genetik faktorların uşaqlarda obsessiv-kompulsiv pozuntunun
yaranmasında 45-65% rol oynadıqlarını qeyd etmişdir. Uşaqlarda ən çox
obsessiyalar şəklində özünü göstərir. Bunlar əsasən təmizliklə bağlı
obsessiyalardır. İkinci özünü göstərən əsas obsessiya şühbhədir. Burada
kompulsiya hər şeyi idarə etmək istəyi ilə əlaqəlidir. Üçüncü özünü göstərən
obsessiya əsasən cinsi və aqressivliklə bağlıdır. Bu zaman şəxs özünü qınamağa
başlayır. Simmetriya formasında özünü gösətərn obsessiya 4-cüdür. Kompulsiya
kimi yavaşlama özünü göstərir. Hər etdiyi iş çox uzun zaman alır. Uşaqlarda özünü
göstərən obsessiyalar əsasən, fərqli söz istifadə etmə, dini, rənglər və saymaq, cinsi
olur.
Xəstəliklərin Beynəlxalq Təsnifatı 10-da əsasən aşağıdakı əlamətləri vardır:
1. Həm obsessiyalar, həm də kompulsiyalar 2 həftə müddətində mövcud
olur;
2. Obsessiyalar (istəksiz şəkildə beynə gələn fikirlər, təsəvvürlər və s.) və
kompulsiyalar (təkrarlanan stereotipik hərəkətlər və yaxud qəti şəkildə tədbiq
edilən qaydalar) xüsusiyyətləri aşağıdakılardır:
-Xəstə bunların öz fikirindən yarandığını bilir;
-Təkrarlanan hərəkətlər xəstə üçün narahatedicidir.
Dostları ilə paylaş: |