Qədim Yunanıstanda beynəlxalq əlaqələrin həyata keçirilməsi vasitələri. Amfiktoniya və Simmaxiyalar.
Yunanıstanda geniş yayılmış digər bir institut amfiktoniya idi. Məbədlərin ətrafında yaranan dini ittifaqlar belə adlanırdı. Bu ittifaqlara qohumluq əlaqələrindən asılı olmayaraq, məbədin ətrafında yaşayan insanlar daxil idilər. İlkin dövrlərdə amfiktoniyaların məqsədi qurban kəsmək, məbədi və onun xəzinəsini qorumaq, dini qaydaları pozanları cəzalandırmaq idi. Bayram mərasimləri zamanı müharibə etmək qadağan olunurdu və “İlahi sülh” elan edilirdi. Beləliklə, amfiktoniylar dini-siyasi institutlara çevrildilər. Amfiktoniyaların sayı çox olsa da onlardan ən qədimi və geniş yayılanı Delfi-Fermopil amfiktoniyası idi.
Yunanıstanda beynəlxalq münasibətlərin üçüncü forması müqavilələr və hərbi-siyasi ittifaqlar-simmaxiyalar idi. Onların ən nüfuzlusu Lakedemon və Afina(Delos) simmaxiyaları idi.Spartanın rəhbərlik etdiyi Lakedemon simmaxiyasının ali orqanı ümumittifaq yiğıncağı (silloqos) ildə bir dəfə çağırılırdı. Ittifaqa daxil olan şəhərlər qüdrətlərindən asılı olmayaraq, bir səsə malik idilər. Qərarlar uzun müzakirələrdən sonra səs çoxluğu ilə qəbul edilirdi. Afinanın rəhbərlik etdiyi Delos simmaxiyası yunan-fars müharibələri zamanı yaranmışdır və Lakedemondan iki fərqli cəhəti var idi:
Dostları ilə paylaş: |
