MühaziRƏ №1 Müdafiə təyinatlı optik-elektron cihazların
Yüklə 39,32 Kb.
|
|
MÜHAZİRƏ № 1 Müdafiə təyinatlı optik-elektron cihazların qısa təsnifatı Optik-elektron cihazların müxtəlif təsnifat üsulları mövcuddur. Belə ki, konkret təyinatına görə onları aşağıdakı növlərə bölmək mümkündür: informasiyanın qeyd edilməsi və ötürülməsi üçün OEC; informasiya-ölçücü və izləyici OEC; informasiyanın çevrilməsi üçün OEC-lər. Bütün optik-elektron cihazlar ətraf mühit obyektlərindən optik siqnallarla ötürülən informasiyanın alınması üçün nəzərdə tutulmuşdur. Müdafiə təyinatlı, lokasiya üçün, təbii resursların tədqiqi üçün, müxtəlif obyektlərin optik xüsusiyyətlərinin ölçülməsi üçün nəzərdə tutulmuş OEC-lər daha geniş yayılmışdır. Bir çox OEC-lər naviqasiyada və orientasiyada, texniki baxış sistemlərində, avtomatik nəzarət və idarəetmə qurğularında, uçuş aparatlarını idarəetmə sistemlərində, müşahidə sistemlərində, xətti və bucaq kəmiyyətlərinin ölçülməsi üçün və obyektlərin koordinatlarının təyin edilməsi üçün nəzərdə tutulmuş bir çox qurğuların izləyici sistemlərinin tərkibində fəaliyyət göstərir. Yuxarıda sadaladıqlarımıza düşmənə əks təsir göstərmək üçün və düşmənin optik hücumunun yatırılması üçün nəzərdə tutulmuş optik-elektron sistemləri də əlavə etmək olar. Optik-elektron cihazları onların düzəldilməsi və tətbiq edilməsi prinsiplərindən asılı olan geniş əlamətlərə görə də təsnifatlandırmaq olar. Bu təsnifat sxemi şəkil 1.1-də göstərilmişdir. Bu təsnifat əlamətlərinə optik siqnalın parametrlərini, ölçmə metodunu, spektral iş diapazonunu, iş rejimini, avtomatlaşdırma dərəcəsini, ölçmənin növünü, təyinatını və tətbiq sahəsini, istismar şərtlərini və s. aid etmək olar. Yuxarıda göstərilmiş təsnifat əlamətlərindən ən vacibi təyinatı (tətbiq sahəsi) sayılır. Texnikanın elə bir sahəsi yoxdur ki, orada optik-elektron cihazlar tətbiq olunmasın. Buna görə də təsnifat sxemində OEC-nin tətbiq olunması onların gələcək inkişafında həlledici amil olan bir neçə texniki sahə göstərilmişdir. Bu sahələr: naviqasiya, geodeziya, astrofizika, tibbi, robototexnika, televiziya texnikası, nəzarət-ölçmə texnikası və digər sahələrdir. Sonda qeyd etmək lazımdır ki, hər bir təsnifat qrupunun daxilində nəzərdən keçirilən OEC-lər konstruktiv, funksional və digər əlamətlərinə görə fərqlənirlər. Belə ki, bütün təsnifat əlamətlərində birbaşa və dolayısı əlaqələr mövcuddur. Məsələn nəzarət-ölçü cihazları bucaqölçən, avtomatik və s. ola bilər. Hal-hazırda optik elektron cihazlar (OEC) müdafiə sənayesində və hərbi sənayedə geniş tətbiq tapmışdır. Bu cihazlara aşağıdakılar daxil edilir: müşahidə üçün cihazlar, bucaqölçən və nişangah qurğuları, məsafəölçənlər, rabitə məqsədli siqnal cihazları, fotoapparatlar, artilleriya atışını idarəetmə cihazları və mərkəzi tənzimləmə cihazları. Göstərilən hər bir cihaz qrupu təyin olunmuş məsələlərin həlli üçün nəzərdə tutulmuşdur. Müdafiə təyinatlı OEC-lərin təsnifatı cədvəl 1.1-də göstərilmişdir. Cədvəl 1.1. Müdafiə təyinatlı OEC-lərin təsnifatı.
Şəkil 1.1. Optik-elektron cihazların (OEC) təsniatı. Yüklə 39,32 Kb. Dostları ilə paylaş:
|