rübə aparıla bilməz. Deməli, şərəf və ləyaqət anlayışı
Konstitusiyada geniş mənada başa düşülür və fərdin fiziki
toxunulmazlığını da əhatə edir (şəxsin üzərində təcrübə
aparılmasının qeyri-mümkünlüyü). Şəxsin mənafeyi ziddinə
olub, birbaşa onun şəxsiyyətinə qarşı yönələn hər hansı
davranış, əməl şərəf və ləyaqətin müdafiəsi hüququna qəsd
sayıla bilər. Konstitusiya fərdin şərəf və ləyaqətini alçaldan
cəzalar verilməsini qadağan edir. Şərəf və ləyaqət həm
cinayət qanunvericiliyi ilə, həm də digər sahə qanunvericiliyi
ilə qorunur. Fərdin ümumi toxunulmazlığının təmin edilməsi
onun şərəf və ləyaqətinin toxunulmazlığının təmin edilməsi
deməkdir. Bir çox hallarda şəxsin toxunulmazlığına qarşı
yönələn cinayətlər və digər əməllər həm də onun şərəf və
ləyaqətinə təcavüz edir. Bir çox prosessual qaydalar da məhz
bu aspektdə, yəni potensial olaraq fərdin şərəf və ləyaqətinin
toxunulmazlığı amili nəzərə alınaraq işlənmişdir. Məsələn,
şəxs üzərində axtarış aparılması prosesində bu tədbiri həyata
keçirən şəxs, üzərində axtarış aparılan şəxslə mütləq eyni
cinsdən olmalıdırlar. Heç bir istintaq hərəkətində şəxsə
hədə-qorxu gəlməyə və mənəvi-fıziki təzyiq göstərməyə yol
verilmir.
Mülki-hüquqi müdafiə forması Mülki Məcəllədə və
müxtəlif qanunvericilik aktlarında öz əksini tapmışdır. Hər
hansı fərdin şərəf və ləyaqətini ləkələyən məlumatlar yayan
şəxs qanunvericiliyə müvafiq olaraq məsuliyyətə cəlb olunur
və zərərçəkən şəxsə dəyən ziyan ödənilir; eyni zamanda
ləkələyici məlumatlar dərc olunmuşdursa, həmin mətbu
orqanında bu barədə təkzib verilir. İnsanın şərəf və ləyaqət
hüququ və onun müdafiəsi «Mülki və siyasi hüquqlar
haqqında Beynəlxalq Pakt»m 7-ci maddəsində də əks
olunmuşdur.
— 173 —
işgəncə anlayışı 10 dekabr 1984-cü il tarixli "İşgəncə və
digər qəddar, qeyri-insani, yaxud ləyaqəti alçaldan davranış
və cəza növləri əleyhinə Konvensiya"nın 1-ci maddəsində
şərh edilmişdir. Burada əzab və işgəncə insana güclü fiziki və
ya əxlaqi ağrı verən, onu alçaldan hərəkətlər kimi başa
düşülür ki, bu hərəkətlər də, adətən, şəxsdən müəyyən
məlumat almaq, onu nəyəsə məcbur etmək məqsədilə və
dövlət orqanı, onun nümayəndəsi tərəfindən həyata keçirilir.
İnsan hüquqları üzrə Avropa Məhkəməsi rəftarın
qəddarlığına görə üç dərəcəsini fərqləndirir:
1)
işgəncə - hər hansı məlumatı əldə etmək məqsədilə
qeyri-insani rəftar;
2)
qeyri-insani rəftar və ya cəza - konkret halda haqq
qazandırılması mümkün olmayan və ciddi fıziki-əxlaqi ziyan
yetirən rəftar;
3)
şərəf və ləyaqəti alçaldan rəftar - bu elə bir rəftardır ki,
insanı başqalarının qarşısında alçaldır və onu öz iradəsi və
vicdanı əleyhinə hərəkət etməyə məcbur edir.
Avropa Məhkəməsi 1978-ci ildə İrlandiyanın Böyük
Britaniya əleyhinə işinə baxarkən, bu normaları azacıq
dəyişdi. İşgəncə güclü əzab verən rəftar kimi, qeyri-insani
rəftar fiziki və əxlaqi zərərvurma kimi başa düşülür. Şərəf və
ləyaqəti alçaldan davranış isə elə pis rəftar qaydası kimi
anlaşılır ki, bu rəftar cinayətin qurbanında onun əxlaqi və
fiziki müqavimətini qırmaq üçün natamamlıq kompleksi
yaratmağa yönəlmişdir.
Azərbaycan Respublikasının Cəzaların İcrası Məcəlləsi
Konstitusiyanın 46-cı maddəsini dəqiqləşdirir və inkişaf
etdirir. Burada göstərilir ki, məhkumlarla rəftarda
işgəncələrə, digər qeyri-insani hərəkətlərə və şəxsiyyətin
alçaldılmasına yol verilmir.
— 174 —
§ 7. Milli mənsubiyyət və ana dilindən istifadə hüququ
Azərbaycan Respublikası Konstitusiyasının 44-cü və
45-ci maddəsində insanın etnosla əlaqəsini ifadə edən iki əsas
vasitə hüquq kimi nəzərdə tutulur. Bunlardan biri özünü hər
hansı etnosa aid etmə, ikincisi isə müəyyən bir dildə
danışmaq hüququdur. Milli mənsubiyyət bioloji deyil, sosial
anlayışdır. Yəni o, tərbiyə və s. ilə müəyyənləşir və fərdin
bioloji xüsusiyyətləri ilə şərtlənmir. İnsan rus valideynlərdən
doğula bilər, lakin gördüyü tərbiyə əsasında özünü rus deyil,
azərbaycanlı hesab edə bilər. Milli mənsubiyyət insan üçün
vacib amildir. O, fərdin özünü müəyyən bir etnosla
eyniləşdirməsi deməkdir. Fərd özünü hər hansı xalqın üzvü,
nümayəndəsi sayaraq onun mənəvi dəyərlərini, əxlaqını
qəbul edir. Bu mənada milli mənsubiyyət fərd üçün
istiqamətveriei əhəmiyyətə malik bir vasitədir. Milli
mənsubiyyət müxtəlif əlamətlər əsasında müəyyənləşir.
Buraya dil, din, adət-ənənə və s. aiddir. Beynəlxalq aktlarda
bəzən «milli azlıqlar» ifadəsi işlədilir ki, bu da istənilən növ
azlığa şamil edilir. Milli mənsubiyyət bir hüquqi amil kimi
fərdin hüquqi statusuna təsir etmir. Ona görə də mövcud
qanunvericiliyə
görə,
Azərbaycan
Respublikası
vətəndaşlarının şəxsiyyətini təsdiq edən sənəddə əks etdirilən
məlumatlar sırasında fərdin milli mənsubiyyəti göstərilmir.
Eyni zamanda milli mənsubiyyət hüququndan istifadə etmə
fərdə imkan verir ki, aid olduğu etnosun adət-ənənələrini
həyata keçirsin, öz həyatında həmin etnosun sosial
normalanm tətbiq və təqlid etsin.
Milli dil fərdlər arasında ünsiyyət üçün ən əsas vasitədir.
İnsanın milli mənsubiyyətinin müəyyən edilməsin
— 175 —
Dostları ilə paylaş: |