-
Müvəkkil bankın bilavasitə özü ilə bağlanan alqısatqı
müqaviləsi əsasında
-
Müvəkkil banklar vasitəsi ilə digər müəssisələrə və banklar
üçün valyuta alışı və satışına müqavilələr və tapşırıqlar vasitəsi ilə.
Valyuta əməliyyatlarının bir növü də müddətli sövdələşmələr
əsasında valyuta alışı və satışı əməliyyatlarıdır.
Bu əməliyyatlara forvardlar, fyuçerslər, opsionlar və «svop»
sövdələşmələri daxildir.
«Forvard» əsasında sövdələşmə birjadan kənar bazarda
aparılır. Bu zaman valyuta satıcısı alıçıya sövdələşmə bağlanan
zaman qeyd edilən qiymətlə konkret miqdarda valyuta satışı
öhdəliyini qəbul edir. Bu əməliyyatların aparılması üçün
iştirakçıların balansında valyuta mövqei açılır.
Mahiyyət etibarı ilə fyuçers kontraktı forvarda bənzəsə də
ondan fərqlidir. Belə ki fyuçers birja kontraktıdır. Onun şərtləri
birja vasitəsi ilə müəyyən edildiyindən daha etibarlıdır və
likvidlidir.
Opsion qaydasında aparılan müddətli kontraktların əsasında
valyuta alışı və satışı zamanı tərəflər kontrakt əsasında bazis
valyutanı alıb satmaq hüququna malik olurlar. Bu hüququ almaq
üçün pul ödənilir ki, bu da opsionun qiyməti adlanır.
Pul bazarında «svop» sövdələşmələri də həyata keçirilir. Bu
zaman valyutalar «svop» şərtləri ilə satın alınaraq «forvard» şərtləri
ilə satılır və*ya əksinə.
Xarici valyuta ilə əməliyyatların aparılması zamanı bank
müvafiq valyutalarda aktivləri və passivləri formalaşdırır ki,
onların da nisbəti «valyuta mövqei» adlanır.
§ 6. Qiymətli kağızlarla əməliyyatlar
Qiymətli kağız müəyyənləşdirilmiş formaya riayət olunmaqla
hər hansı hüququ təsdiqləyən elə bir sənəddir ki, həmin hüquq bu
sənəd olmadan nə həyata keçirilə bilər, nə də başqa şəxsə verilə
bilər. Qiymətli kağız başqasına verildikdə onun
85
təsdiqlədiyi bütün hüquqlar da keçir. (Azərbaycan Respublikası
Mülki Məcəlləsi).
Qiymətli kağızlara - dövlət istiqraz vərəqələri, veksel, çek,
depozit və əmanət sertifikatları; əmanət kitabçası (təqdim edənə),
səhm, özəlləşdirilmiş qiymətli kağızlar və qanunla qiymətli kağız
hesab edilən digər sənədlər daxildir.
Mövcud qanunçuluğa əsasən qiymətli kağızlar emissiya və
qeyri emissiya qiymətli kağizlara bölünür. Səhm və istiqrazlar
emissiya qiymətli kağızlarına, yerdə qalanlar isə qeyri emissiya
qiymətli kağızlar qrupuna daxildir.
Qiymətli kağızlar bazarında banklar; emitent, investor,
qiymətli kağızlar bazarında peşəkar fəaliyyət göstərən və qiymətli
kağızlar bazarına bank əməliyyatı xidmətini göstərən formada çıxış
edirlər.
Banklar emitent əməliyyatlarını özlərinin qiymətli kağızlarının
buraxılması və ilkin yerləşdirilməsi; banklar tərəfindən buraxılmış
qiymətli kağızlarla təsdiq edilmiş investorların hüquqlarının
reallaşdırılması ilə əlaqədar əməliyyatları; faiz və dividendlərin
ödənilməsində, ödəniş müddəti çatdıqda borc qiymətli kağızlarının
ödənilməsində və s. zamanı yerinə yetirirlər.
Bank investor kimi aşağıdakı əməliyyatları yerinə yetirir:
-
qiymətli kağızların alqışı və satqısı;
-
əldə olunmuş qiymətli kağızların girovuna əsasən
kreditlərin cəlb edilməsi;
-
əldə olunmuş qiymətli kağızların verdiyi hüquqların
investor bank tərəfindən reallaşdırılması əməliyyatları;
-
qiymətli kağızların ödənilməsi üçün faizlərin, dividendlərin
və məbləğlərin əldə edilməsi.
Kommersiya bankları qiymətli kağızlar bazarında peşəkar kimi
- broker, diler, qiymətli kağızların idarə edilməsi, klirinq, depozitar
və s. əməliyyatlarla məşğul olurlar.
Banklar eyni zamanda qiymətli kağızlar bazarına xidmət ilə
əlaqədar öz ənənəvi əməliyyatlarım da yerinə yetirirlər. Belə ki,
banklar qiymətli kağızların əldə edilməsi və onların girovu əsasında
kreditləşmə əməliyyatlarını həyata keçirir, qiymətli
86
kağızların - xüsusən istiqrazların buraxılmasına zəmanət verir,
qiymətli kağızlar bazarı iştirakçılarına hesablar açır, hesablar üzrə
əməliyyatlar aparır.
Kommersiya banklarının fəaliyyətinin əsas məqsədi mənfəət
əldə etmək olduğundan qiymətli kağızlarla əməliyyatlar zamanı da
bank mənfəət əldə etməyə çalışır. Bu məqsədlə banklara qiymətli
kağızlar bazarında investisiya fəaliyyəti ilə məşğul olurlar. Bu o
deməkdir ki, banklar öz təşəbbüsü ilə öz adından qiymətli kağızlara
vəsait qoyurlar. Bununda nəticəsində banklar həm birbaşa həm də
dolayısı ilə mənfəət əldə edirlər. Banklar dividend və ya faiz
formasında gəlir əldə etməklə yanaşı qiymətli kağızların satışından
mənfəət əldə edirlər.
Səhmdar kommersiya bankları nizamnamə kapitallarının
formalaşdırılması və ya artırılması məqsədi ilə öz qiymətli
kağızlarını buraxa bilərlər.
Banklar eyni zamanda qiymətli kağızların ilkin yerləşdirilməsi
üzrə də əməliyyatlar apara bilərlər. Onlar maliyyə bazarlarında
səhmlərin yerləşdirilməsi, səhmdarların reyestrlərinin aparılması,
illik dividendlərin ödənilməsi əməliyyatlarını yerinə yetirirlər.
§7. Bankların investisiya əməliyyatları
İnvestisiya dedikdə mənfəət əldə etmək məqsədi ilə ölkə
daxilində və xaricində sənaye, kənd təsərrüfatı və iqtisadiyyatın
digər sahələrinə uzun müddətli vəsait qoyuluşu başa düşülür. Bu
zaman müvəqqəti sərbəst pul vəsaitlərinə malik olanlarla bu vəsaitə
ehtiyacı olanlar arasında əlaqə yaratmaq zərurəri yaranır ki, bu
əlaqə də kommersiya bankları, inventisiya, pensiya fondları,
sığorta kompaniyaları və s. vasitəçiliyi ilə yaradılır. Bu prosesdə
kommersiya bankları aparıcı rola malikdirlər.
Bankların investisiya əməliyyatları dedikdə isə bank
resurslarının qiymətli kağızlara, daşınmaz əmlaka, müəssisələrin
nizamnamə fonduna, qiymətli materiallara və digər obyektlərə
87
Dostları ilə paylaş: |