Dövlət mülkiyyətinin inhisarçılığı, planlaşdırma və
idarəetmənin mərkəzdən həyata keçirildiyi sosializm şəraitində
kapital qoyuluşu da mərkəzləşdirilmiş qaydada müəyyən edilərək
sahələrin inkişafına yönəldilirdi. Hər il məcmu ictimai məhsulun
təxminən 18-20%-i kapital qoyuluşu xərclərinə istifadə olunurdu
ki, bu da həmin dövrdə dünyada yüksək göstərici kimi qəbul
olunurdu.
Müasir dövrdə bazar iqtisadiyyatının tələblərinə müvafiq
olaraq mülkiyyətin özəlləşdirildiyi, dövlətin mülkiyyət üzərindəki
inhisarçılığı aradan qaldırıldığı şəraitdə, sahələrin inkişafı, bunun
üçün kapital qoyuluşunun müəyyən edilməsi vacib olmaqla, onun
mənbələri müəyyən edilməlidir. Nəzərə alınmalıdır ki, yeni
mülkiyyət sahibləri kifayət qədər kapitala malik deyildir ki, onlar
təmsil etdikləri sahələrin inkişafına lazımi vəsaiti ayırsın, digər
tərəfdən, yeni mülkiyyətçilər əsasən Abşeron iqtisadi rayonunda
Bakı və Sumqayıtda cəmləşdiklərindən,
ölkə ərazisində məhsuldar
qüvvələrin düzgün yerləşdirilməsi hələlik dövlət qayğısı olmadan
mümkün deyildir. Elə bu səbəbdən də son illərdə regionların
inkişafı daha çox diqqət mərkəzində saxlanılır. Ölkə başçısının
regionların sosial-iqtisadi inkişafına xüsusi qayğı göstərməsi bu
sahədə vəziyyətin tədricən yaxşılaşdıllmasma səbəb olmaqdadır.
Respublikamızın iqtisadi qüdrətinin güclənməsi, Bakı-Ceyhan
kəmərinin tam gücündə işə düşməsi, yeni iri layihələrin həyata
keçməsi nəticəsində regionların inkişafı, xüsusilə ölkə ərazisində
məhsuldar qüvvələrin inkişafı və düzgün yerləşdirilməsini təmin
edəcəkdir.
Kapital qoyuluşundan səmərəli istifadə olunması, onun daha
çox fayda verməsi vəsaitin sahə, ərazi, texnoloji və təkrar istehsal
quruluşlarının vəziyyəti və təkmilləşdirilməsindən çox asılıdır.
Kapital qoyuluşunun
saha quruluşu dedikdə - vəsaitin makro
və mikro iqtisadi sahələr arasında bölgüsü və onun ümumi yekunda
xüsusi çəkisi-payı nəzərdə tutulur. Bu halda elə etmək lazımdır ki,
kapital qoyuluşunun əsas hissəsi aparıcı sahələrin inkişafına
istifadə olunsun ki, buna əsasən də digər sahələrin inkişafını təmin
etmək mümkün olsun.
95
Kapital qoyuluşunun
ərazi quruluşu dedikdə - vəsaitin
iqtisadi rayonlar üzrə bölgüsü və bunun ümumi yekunda xüsusi
çəkisi-payı başa düşülür. Məlum olduğu kimi Azərbaycanda daha
geniş və sürətli inkişaf Abşeron iqtisadi rayonunun payına düşür.
Bu
sovet dövründən başlayaraq, bu gün də davam etməkdədir.
Sovet dövründə aparılan siyasət, ölkə miqyasında ümumi
problemlər baxımından Azərbaycandan xammal bazası kimi
istifadə etməyə (neft, pambıq, üzüm-şərab, tərəvəz və s.)
yönəldilmişdir. Mərkəzləşdirilmiş qaydada ayrılan kapital
qoyuluşunun təxminən 80%-ə qədəri, elə həmin mərkəzdən
Bakı-Sumqayıt şəhərlərindəki neft-qaz, kimya müəssisələrinin
inkişafına nəzərdə tutulurdu. Elə bu səbəbdən də sənaye
məhsulunun 80%-ə qədəri, dövlət mənzil tikintisinin 85-90%-i, işçi
qüvvəsinin 65-70%-i və buna müvafiq sosial-sfera obyektlərinin
çoxu Abşeronda cəmlənmişdir.
Müstəqilliyimizdən keçən 15 il ərzində də bu vəziyyəti
düzəltmək mümkün olmamışdır. Bunun obyektiv səbəbləri vardır.
İlk növbədə Ermənistanın işğalçı siyasəti nəticəsində 1 milyonadək
Azərbaycanlı öz doğma yurd-yuvasından qaçqın düşərək əsasən
Abşeronda məskunlaşması, əcnəbi şirkətlərin Azərbaycanda əsasən
neft-qaz sənayesinə investisiya qoymaq arzusu, digər rayonlarda
imkanlı sahibkarların kifayət qədər olmaması və s. göstərmək olar.
Kapital qoyuluşımun
texnoloji quruluşu dedikdə vəsaitin
tərkibində tikinti-quraşdırma işlərinin, avadanlığın və sair xərclərin
xüsusi çəkisi-payı başa düşülür ki, bu da vəsaitin yeni tikintiyə və
mövcud obyektlərdə yenidənqurma və genişləndirmə işlərinə
xərclənmə nisbətini müəyyən edir. Qabaqcıl ölkələrin nümunəsi
göstərir ki, kapital qoyuluşunun səmərəliliyini yüksəltmək üçün
onu mövcud obyektlərin yenidən qurulmasına istifadə etmək daha
faydalıdır. Belə ki, bu halda yeni istifadəyə verilən əsas fondların
tərkibində aktiv fondların xüsusi çəkisi daha yüksək olur ki, bu da
istehsalın imkanlarını daha da artırır. Bu məsələlər daha çox kapital
qoyuluşunun təkrar istehsal quruluşunun təkmilləşdirilməsində
özünü əyani göstərir.
96