əməkdaşlıq haqqında, iki ölkənin dövlət sərhədində buraxılış
məntəqələri haqqında, geodeziya, kartoqrafiya, Rusiya televiziya
sahələrində əməkdaşlıq haqqında, Xəzər dənizi barədə birgə bəyanat
imzalandı. Sənədlər ölkələrimiz arasındakı mövcud olan soyuq
münasibətlər buzunu əridirdi, əlaqələrə yeni keyfiyyət halı verirdi.
Qarşılıqlı səfərlər mövqelərə aydınlıq gətirirdi, münasibətlərdəki
anlaşılmazlıqları aradan qaldırırdı. Faşizm üzərində qələbənin 50
illiyi münasibətilə Moskvada keçirilən təntənələrdə Azərbaycan
Prezidentinin iştirak etməsi, səfər zamanı dünyanın bir sıra dövlət və
hökumət başçıları, o cümlədən Rusiya rəhbərləri ilə görüşləri
münasibətlərdə inamsızlığı
sındırmağa başladı,
əlaqələrin
canlanmasına təkan verdi.
Lakin Azərbaycan-Rusiya münasibətlərinin inkişafında bir
sıra çətinliklər də vardır. Həmin çətinliklər qətiyyən Azərbaycan
tərəfindən törədilmir. Onların kökü və səbəbləri keçmiş sovet
məkanında şimal qonşumuzun müəyyən dairələrinin istəkləri, yeni
müstəmləkəçilik instinkləri; tarixin təkərini geri döndərmək, bu
məkanda baş verən obyektiv prosesləri qəbul etməmək istəyi,
müstəqil dövlətlərin inkişafına bu və ya başqa vasitələrlə mane
olmaq cəhdləri ilə bağlıdır. Dövlətlərarası münasibətlərdə mövcud
olan çətinlikləri bir neçə qrupa bölmək olar:
İqtisadi cəhətdən törədilən çətinliklər: Rusiya MDB iştirakçısı
olan dövlətlərlə, o cümlədən Azərbaycana "təbii" həyati mənafeyi
zonası kimi baxır. Rusiya Federasiyasının prezidenti B. Yeltsinin
1995-ci il 14 sentyabr tarixli fərmanı ilə təsdiq edilmiş "MDB
iştirakçısı olan dövlətlərlə Rusiyanın strateji xətti" sənədində
göstərilir ki, "MDB ərazisində iqtisadi, müdafiə, təhlükəsizlik,
rusiyalıların hüquqlarının qorunması sahələrində bizim (yə"ni,
Rusiyanın – M.Q.) başlıca həyati mənafelərimiz cəmlənmişdir.
Onların təmin edilməsi ölkənin milli təhlükəsizliyinin əsasıdır." Bəzi
dairələr Azərbaycanın Avropaya çıxmasının qarşısını almaqda
Rusiyaya bufer zona kimi baxırlar; eyni zamanda Rusiya ətrafında
rəqibləri ilə özü arasında bufer dövlətlər yaratmağa çalışır;
ölkəmizin iqtisadi cəhətdən qüdrətli olmasını qısqanırlar və onu
özlərindən asılı etmək istəyirlər; Moskva keçmiş Sovet İttifaqının
neft rayonları üzərində öz nəzarətini itirmək istəmir, Xəzər dənizi
nefti ilə əlaqədar Qərb dövlətlərilə birgə yaradılmış beynəlxalq neft
konsorsiumunun planlarının reallaşmasına mane olmağa çalışır;
42
Azərbaycanda Qərb dövlətlərinin möhkəmlənməsinə, cənub-qərb
sərhədlərində yeni regional lider kimi - Balkanları, Qara dənizi,
Qafqazı, Yaxın Şərqi birləşdirən və Qara dənizdən dünya okeanında
yeganə çıxışa nəzarət edən, Qərb ölkələrinin müttəfiqi olan
Türkiyənin meydana gəlməsinə təhlükə kimi baxır; isti dənizləri
itirmək istəmir; yeni neft kəmərləri layihələrinin reallaşdırılmasına
təkcə Qafqazı və Orta Asiyanı itirmək kimi deyil, bütövlükdə
regiondan vurulub çıxarılmaq kimi qiymət verir; ölkəmizin iqtisadi
inkişafını, onun beynəlxalq iqtisadi əlaqələrini Moskvanın iqtisadi
maraqlarına zərbə kimi qiymətləndirir; Azərbaycana yenidən
xammal bazası kimi baxır; dünya bazarlarına çıxa bilməyən Rusiya
mallarını keçmiş sovet məkanına sırımağa, burada istehsalın
inkişafına mane olmağa, özünü yeganə nümunəvi dövlət kimi
göstərməyə səy göstərir; gələcəkdə Rusiya rublundan ümumi
istifadəyə nail olmağa çalışır; iqtisadi qanunvericiliyin müstəqil
inkişafına imkan verməmək üçün MDB iştirakçısı olan dövlətlərin
Parlamentlərarası Məclisi vasitəsilə model aktlar hazırlamaq, milli
iqtisadi sistemləri yaxınlaşdırmaq və gələcəkdə onları iqtisadi
cəhətdən birləşdirmək, milli dövlətlərin fövqündə duran orqanlar
yaratmaq istəyir.
Təbii ki, bütün bunlar dünya təcrübəsində artıq təsdiq
olunmuş normal iqtisadi əlaqələrə və dövlətlərarası münasibətlərə
mane olur.
Siyasi cəhətdən törədilən çətinliklər: şimal qonşumuzun
müəyyən dairələri MDB iştirakçısı olan dövlətlərə, o cümlədən
Azərbaycana siyasi, təhlükəsizlik və milli təhlükəsizlik baxımından
başlıca həyati mənafe zonası kimi baxdıqlarından, burada "xüsusi
səlahiyyətlər" istəyirlər, onların müstəqil beynəlxalq siyasi
əlaqələrini, xüsusən xarici siyasətdə dünyanın taleyində əsaslı rol
oynayan Qərb ölkələrinə meyli, həm ikitərəfli, həm də çoxtərəfli
əlaqələrini öz nüfuzlarına zərbə kimi qiymətləndirirlər və əsəbiliklə
qarşılayırlar; Azərbaycanın, o cümlədən Qafqaz dövlətlərinin və
xalqlarının tam müstəqil olmalarına Rusiya sərhədlərinin Don və
Volqaya qədər daralması kimi baxırlar və bunu gələcəkdə Rusiya
üçün fəlakətli hesab edirlər; Azərbaycanın MDB-dən çıxmaq
istəyini (əgər varsa) islam hegemonluğunun maneəsiz olaraq Orta
Asiya və Qazaxıstana yayılması təhlükəsi kimi qiymətləndirərək
belə hesab edirlər ki, belə vəziyyət Rusiyanın islam dini hakim olan
43
mərkəzi rayonlarına təsir göstərər və ölkəni parçalaya bilər;
Rusiyanın Azərbaycanda fəal siyasət aparmasını irəli sürürlər və
göstərirlər ki, Rusiya dövlətinin yaxın gələcəkdə və perspektivdə
bütövlüyü, sabitliyi bundan asılıdır; Azərbaycanı və Gürcüstanı kiçik
etnik qruplar üçün federativ əsasda bölüşdürmək naminə ciddi iş
aparırlar və buna regioda sülhü qorumaqda vasitə kimi baxırlar,
əslində isə məqsəd parçalanmaqla regionda rəqabət aparan dövlətləri
buradan vurub çıxarmaq və mövqelərini möhkəmləndirməkdir.
Moskva siyasi baxımından bu regiona "böyük qardaşa" ehtiyacı olan
əyalət kimi baxır, onlarda yenidən öz nüfuz dairəsini təsdiq etməyə
və Qərb dövlətlərinin hərəkətlərini məhdudlaşdırmağa çalışır
(Azərbaycanın şimal dəmir yolunun işləməməsi həm də Qərb
dövlətlərini siyasi baxımdan bu regiona buraxmamaq məqsədi
daşıyır); XIX əsrin 20-ci illərində ABŞ-da meydana çıxan Monro
doktrinasına bənzər ("Amerika amerikalılar üçündür") "MDB
Moskva üçündür" şüarı müxtəlif qrupların çağırışlarında açıq-aşkar
eşidilir. SSRİ-nin dağılması faktı ilə razılaşmaq istəmir, göstərir ki,
müstəqil dövlətlər özləri sərbəst yaşaya bilməzlər, onlar özləri üçün
Rusiyanı nümunə götürməlidirlər; Azərbaycanın müxtəlif beynəlxalq
proqlamlarda iştirakına qısqanclıqla yanaşır; müstəqil dövlətlərin
beynəlxalq institutlarda, o cümlədən ATƏT-də iştirakını minimuma
endirməyə çalışır, MDB ölkələri ərazisindəki münaqişələrdə
sülhməramlı qüvvələrin tərkibində başqa dövlətlərin iştirakına
Rusiyaya ziyanlı qüvvələrin güclənməsi kimi baxır və ona yol
vermək istəmir; yeni müstəqil dövlətləri Varşava müqaviləsi tipində
elə bir təşkilata yığmaq istəyir ki, onlar əlaltı, özü isə hökmran
olsun; postsovet məkanında məqsədyönlü törətdiyi münaqişələrdən,
o cümlədən Dağlıq Qarabağdan öz mənafeləri üçün istifadə edir, bu
da yeni imperiya instinkti və "parçala hökm sür" siyasətindən başqa
bir şey deyildir; əslində bu münaqişənin kökü daxildən deyil,
Ermənistan və Rusiyadan gəlir; öz qonşuluğunda dünyaya birbaşa
çıxa bilən müstəqil, güclü rejimlərin mövcudluğunu istəmir və
onların daxilindəki müxtəlif siyasi qüvvələrə, seperatçılara və
terrorizmə yardım göstərir və ya başqa siyasi təzyiqlər edir; siyasi
məqsədlərinə çatmaqdan ötrü MDB iştirakçısı olan ölkələrdə
yaşayan rusların hüquqlarının guya pozulmasından təzyiq vasitəsi
kimi, hətta silah tətbiq etməklə istifadə edir; MDB ölkələrində
Rusiyanın mənafelərini qorumaqda ruslara siyasi, iqtisadi və b.
44
Dostları ilə paylaş: |