Fazo va vaqtning xususiyatlari. Fazo va vaqt borliq miqdoriy va sifatiy jixatlarni ifodalashiga qarab, metrik va topologik xususiyatlarga ega. Fazo va vaqtning metrik xususiyatlari borliqning miqdoriy munosabatlarini aks ettirib, ulchanadigan, ko`zga tashlanadigan va nisbiy tabiatli xususiyatlaridir. Ularga qulam, bir jinslilik, izotroplik (anizotroplik) kabi xususiyatlar kiradi.
Fazo va vaqtning topologik xususiyatlari esa, borliqning tub sifatiy jixatlarini ifodalaydi. Bunday xususiyatlarga o`zuksizlik, bog`langanlik, ulchamlilik, kompaktlik, tartiblanganlik singari xususiyatlar kiradi. Vaqtning topologik xususiyatlariga orqaga kaytmaslik, bir ulchamlilik kabi xususiyatlar qo`shiladi.
Fazo (vaqt) ning metrik o`zgarishlari borliq strukturasini jiddiy o`zgartira olmaydi, topologik o`zgarishlar esa borliqning sifatiy o`zgarishiga sababchi bo`ladi. Masalan, bir bog`langan sistemaning ko`p bog`langan sistemaga o`tishi fazo topologiyasini tubdan o`zgartiradi, ya’ni fazoning ikki nuqtasini tutashtiruvchi turlicha yo`llar paydo bo`ladi. Bunday fazoda katta idishning ichiga kichik idishni sig`dirish mumkin bo`ladi. Ulcham darajasi ko`p bo`lgan sistema ulchov darajasi kam bo`lgan sistemaga nisbatan ko`rinmas va murakkab bo`ladi. Shuningdek, fazo va vaqtning metrik xususiyatlarini kuchli o`zgarishi topologik xususiyatlarining o`zgarishiga olib kelishi mumkin. Masalan, fazoning egrilik darajasi kuchli o`zgarsa, bir bog`langan fazo ko`p bog`langan fazoga aylanishi mumkin.
Savollar :
1.Ontologiya deb nimaga aytiladi?
2. Inson borliqi deganda nimani tushunasiz?
3. Borliq nima?
4. Borliqning atributlari qaysilar?
5. Borliqning atributlari ichida uning asosiy mavjudlik usulini ifoda etuvchi xususiyati nima xisoblanadi?
6. O`zgarishlarning shunday bir shakli borki, uni falsafada nima deb ataydi?
7. Rivojlanish jarayoni necha turha bo’linadi
Dostları ilə paylaş: |
