TOFİQ HACIYEV
10
Monitorinq şöbəsi. Azərbaycan dilinin
dövlət dili kimi inkişafı və dilin təmizliyinin
qorunması, eləcə də ədəbi dil normalarının pozul-
masının qarşısının alınması üçün təkliflər hazır-
lanması, reklamlarda, ictimai-iaşə obyektlərində,
yazılı və elektron kütləvi informasiya vasitələ-
rində Azərbaycan dilinin fonetik və qrammatik
normalarına riayət olunmasının təmin edilməsi,
Azərbaycan dilinin normalarına əməl edilməsi sə-
viyyəsinin müəyyənləşdirmək məqsədilə monito-
rinqlərin keçirilməsi, nəticələrin analitik təhlili və
buna uyğun olaraq treninqlər keçirilməsi məsə-
lələrinin həlli ilə məşğul olacaqdır. Şöbənin ilk
müdiri prof. Həbib Zərbəliyev olmuşdur. Hazırda
şöbəyə prof. Qulu Məhərrəmli başçılıq edir.
İnstitutun struktur dəyişikliyi sırasında
Azərbaycan dilinin tarixi və dialektologiyası
şöbələri birləşdirilmiş, yeni şöbənin nəzdində
dialektoloji atlas bölməsi yaradılmışdır. Lü-
ğətçilik şöbəsi də daha geniş profilli tətbiqi
dilçilik adı ilə fəaliyyət göstərir.
Dilçilik İnstitutunun tədqiqatları içərisin-
də, təbii ki, müasir Azərbaycan ədəbi dilinin
elmi-nəzəri baxımdan öyrənilməsi ön planda-
dır. Bu sırada «Azərbaycan dilinə aid tədqiq-
lər» toplusu (1947-ci il) xüsusi yer tutur. Məhz
bu toplu ilə Azərbaycan dilçiliyi dərslik məlu-
matları çərçivəsindən çıxıb akademik elmi
araşdırma yoluna düşür. Bu topluda M.Şirəli-
yev, Ə.Dəmirçizadə, M.Hüseynzadə, C.Əfən-
diyev, R.Rüstəmov və başqa görkəmli Azər-
baycan dilçiləri ilə yanaşı, istedadlı rus türko-
loqu N.K.Dmitriyevin «Azərbaycan dilində
ismin ümumi qrammatik kateqoriyaları» adlı
dəyərli tədqiqatı da çap olunmuşdur.
«Azərbaycan dilinin dialektoloji lüğə-
ti»nin iki cildi həm də Türkiyədə nəşr edil-
mişdir. Dilçilik İnstitutu Dialektologiya şöbə-
sinin çap etdirdiyi çox dəyərli «Azərbaycan
dilinin dialektoloji atlası» türk dillərində yega-
nə atlas nümunəsidir.
Dilçilik İnstitutunda Azərbaycan dili ta-
rixinin istedadlı nümayəndələri çalışmışlar və
bu gün də orta və gənc nəsildən olan tədqiqat-
çılar bu işi uğurla davam etdirirlər. M.Cahan-
girov, R.Məhərrəmova, M.Rəhimov, V.Aslanov,
Ə.Sadıqov, A.Əlizadə, S.Mehdiyeva, V.Adilov
və başqalarının tarixi qrammatika və ədəbi dil
tarixi ilə bağlı tədqiqatları həm Azərbaycan
dilçiliyi, həm də ümumtürkoloji baxımdan
əhəmiyyətlidir. S.Mehdiyevanın müəllifliyi və
redaktorluğu ilə nəşr olunmuş dörd cilddə
«Azərbaycan ədəbi dil tarixi» və çap olunmaq
ərəfəsində olan «Azərbaycan dilinin tarixi lü-
ğəti» öz dəyəri ilə seçilən elmi yaradıcılıq
işlərindəndir.
1950-ci illərin sonlarında fəaliyyətə
başlayan «Türk dillərinin dialektologiya məsə-
lələri adlı» iki ildən bir keçirilən vaxtaşırı
ümumittifaq konfransının ilk iki yığıncağı
məhz Bakıda keçirildi. 1966-cı ildə Birinci
Türkoloji qurultayın 40 illiyi münasibətilə
dünyanın görkəmli türkoloqlarının yığışdığı
elmi məclis möhtəşəm bir qurultay səviyyəsin-
də keçirildi və bu qurultayın hər dəfə bir türk
respublikasında olmaqla dörd ildən bir keçiril-
məsi qərar alındı. 1969-cu ildə ümumittifaq və
beynəlmiləl hüquqlu mötəbər «Sovetskaya tür-
koloqiya» jurnalı akad. M.Şirəliyevin baş re-
daktorluğu ilə Azərbaycana həvalə olundu. İn-
di həmin jurnal «Türkologiya» adı ilə yenə Ba-
kıda Nəsimi adına Dilçilik İnstitutunda öz nəş-
rini davam etdirir.
Bu gün Azərbaycan Milli Elmlər Akade-
miyasında elmin inkişafı üçün münbit şərait
var. Əlbəttə, sovetlər dövründə dünya elmində
əmələ gələn yeniləşmələrə Azərbaycan da qo-
şulurdu və ölkəmizdə müxtəlif elm sahələrində
inkişaf görünürdü. Ancaq bu, dünya elminə
qoşulma və dünya elmindən faydalanma Mos-
kva vasitəsilə həyata keçirilirdi. Və bizdə elm
ancaq Moskvanın müəyyən etdiyi, barmağını
tutduğu səviyyəyə qədər qalxa bilərdi. Bu gün
müstəqillik şəraitində Azərbaycan elmi, necə
deyərlər, elmli ölkələrin hər biri ilə birbaşa ün-
siyyətdədir. Akademiyada innovasiya (yeniləş-
mə) qurumu yaradılıb. Rəyasət Heyətində dis-
DİLÇİLİYİMİZ VƏ DİLÇİLİK İNSTİTUTUMUZ
11
sertasiya mövzularına xüsusi diqqət yetirilir.
Akademiyanın tədqiqatları dünyanın yüksək
tədqiqatları kontekstinə uyğunlaşdırılır. Yeni
elm sahələri ilə bağlı gənc alimlər hazırlamaq
üçün dünyanın müxtəlif elm ocaqlarına dokto-
rantlar, fəlsəfə doktorları göndərmədə akad.
Akif Əlizadə bütün institutlara istənilən səviy-
yədə maliyyə köməyi göstərir. Bu imkandan
Nəsimi adına Dilçilik İnstitutu da bəhrələnir.
Akademiyada elmin inkişafı üçün yara-
dılmış şərait Nəsimi adına Dilçilik İnstitutunda
xüsusi hiss olunur. Ona görə xüsusi deyirəm
ki, respublika prezidenti cənab İlham Əliyevin
Azərbaycan dilinin qloballaşma şəraitində isti-
fadəsi və inkişafı haqqında sərəncamı akade-
miyadakı bu əlverişli mühitdə daha rahatlıqla
həyata keçirilir. Akad. R.Mehdiyevin dilimizin
inkişafı və təmizliyi ilə bağlı məqalə və çıxış-
ları da bizim işlərimizə öz istiqamətverici təsi-
rini göstərir. Prezidentin sərəncamı ilə dil
proqramının hazırlanmasında sözün geniş mə-
nasında bütöv respublika ictimaiyyəti iştirak
etsə də, ağırlıq mərkəzi Nəsimi adına Dilçilik
İnstitutu sayılırdı. Və bu gün də həmin dil
proqramının həyata keçirilməsində əsas məsu-
liyyət Dilçilik İnstitutunun üzərinə düşür. İndi
İnstitut Naxçıvan şivələrinin dialektoloji atlasını
hazırlamışdır. Qarabağın dialektoloji atlası üzə-
rində iş başlanmışdır. Növbəti beş ildə Dərbənd-
dəki, Gürcüstandakı azərbaycanlıların şivələri və
Güney Azərbaycan şivələri əsasında üç cilddə
dialektoloji atlas üçün proqram-layihə hazırlanıb
Rəyasət Heyətinə təqdim edilmişdir.
İnstitutda yaradılmış kompüter dilçiliyi,
qədim dillər və mədəniyyətlər, monitorinq şö-
bələrinin yeni məzmunlu fəaliyyəti ilə yanaşı,
dilçilərimiz klassiklərimizin dilinə aid lüğətlər,
orfoqrafiya, orfoepiya lüğətləri, dilin müxtəlif
nəzəri məsələləri üzərində işlərini davam et-
dirirlər. Bu gün müstəqillik dövründə, dövlətin
dövlət dili haqqında hər cür qayğı göstərdiyi
bir zamanda ana dilimizin öyrənilməsi, zən-
ginləşdirilməsi, təmizliyinin qorunub saxlan-
ması üçün dilçilərimiz, Dilçilik İnstitutumuz
lazım olan işləri vicdanla, səmimiyyətlə yerinə
yetirəcəklər, millətin qarşısında başlarını uca
tutacaqlar. Bunun üçün bizə şərait yaradılıb,
biz buna borcluyuq.
TOFİQ HACIYEV
_______
Dostları ilə paylaş: |