Namangan davlat universiteti patopsixologiya va tibbiyot psixologiyasi


MAVZU: PSIXOGIGIYENA VA PSIXOPROFILAKTIKA



Yüklə 181,07 Kb.
səhifə7/8
tarix23.09.2017
ölçüsü181,07 Kb.
#1343
1   2   3   4   5   6   7   8

9. MAVZU: PSIXOGIGIYENA VA PSIXOPROFILAKTIKA



Reja:

  1. Psixogigiyena tibbiy psixologiyasining tarmog’i sifatida

  2. Psixogigienaning tarmoqlari

a) yosh psixogigiyenasi

b) mehnat va o'qish psixogigiyenasi

c) turmush psixogigiyenasi

d) oila va jismoniy hayot psixogigiyenasi




  1. Amaliy psixologning psixoprofilaktika sohasidagi vazifalari

  2. Tibbiyot hodimlarining psixoprofilaktik ishlari.


Asosiy tayanch tushunchalar
Psixogigiyena – odam ruhiy salomatligini saqlash va mustahkamlash
Psixoprofilaktika – ruhiy kasalliklar va buzilishlarning paydo bo'lishiga yordam beruvchi sabablarini o'rganish, ularni o'z vaqtida Aniqlash va barham toptirishdir
frame19 Psixoprofilaktika inson hayotida qanday rol o'ynaydi?

Psixogigiyena – odam ruhiy salomatligini saqlash va mustaxkamlash haqidagi fandir.

Kishi salomatligiga ijtimoiy foydali faoliyat va mehnatning ta'sirini o'rganish psixogigiyenaning asosiy vazifalaridan biridir. Mehnat faoliyati to'g'ri tashkil etilganda odamning butun qobiliyati to'laligicha yuzaga chiqadi, mehnat sog'liq va baxt garovi bo'lib qoladi. Mehnat rejimi noto'g'ri tashkil qilinganda, ortiqcha charchash nerv tizimining holdan toyishi, turli hil noqulay sharoitlar ta'siri ostida organizm chidamining pasayishi ro'y berishi mumkin. Mehnat va dam olashnini bir meyorda Olib borish esa muhim psixogigiyena ahamiyat kasb etadi.

Bugungi kunda faoliyat ko'rsatayotgan Amaliy psixologlarning vazifalari asosan 5 ta yo'nalish bilan belgilanadi, jumladan: psixologik xizmat ko'rsatish faoliyatini maktabni xozirga zamon psixologiya Fani yutuqlari bilan ilmiy-uslubiyot bo'yicha ta'minlashga, insonning shaxsiy va intellektual (aqliy) jixatdan rivojlanishini diagnostika qilishga, ta'lim va tarbiyadagi psixologik nuqsonlarni aniqlashga, eng muhim mavjud kamchilik va buzilishlarning oldini olish (psixoprofiaktika)ga yo'naltirilgan bo'lishi lozim.

Psixoprofilaktikaning asosiy vazifalari bo'lib: 1. har bir yosh bosqichida insonning shaxs sifatida shakllanishi aqlan barkamollikni ta'minlashning oqiloni shart-sharoitlarini yaratish. 2. shaxs kamoloti va intellektual taraqqiyoti bo'sag'asida vujudga kelishi mumkin bo'lgan psixologik buzili shva nuqsonlarning o'z vaqtida oldini olish hisoblanadi.

Psixogigiyena psixoprofilaktika bilan ya'ni nerv – psixik kasalliklarini oldini olish bilan mustahkam bog'langandir.


Psixoprofilaktikaning asosiy maqsadi quyidagilar

a) kasallik qo'zg'atadigan sabablarning organizmga ta'sirini kamaytirish va yo'qotish

b) kasallik rivojlanishiga yo'l qo'yilmaslik uchun unga erta tashxis qo'yish va samarali davolash

B) to'la-to'kis davolash va kasallik qaytalanishi va uning surunkali turlarga o'tib ketishining oldini olishga qaratilgan choralar ko'rish.

Psixoprofilaktika va psixogigiyena uzoq davrlardan buyon mavjud bo'lib, ularning negizlari eski tibbiy adabiyotlarda bayon etilgan.

Sog'lom psixikani tarbiyalash psixogigiyena va psixoprofilaktika fanlarining muhim vazifasi hisoblanadi.


frame20 Psixogigiyena barcha sohalarga taluqlilimi?
Psixogigiyenaning quyidagi tarmoqlari mavjud: 1. yoshga oid psixogigiyenasi. 2. mehnat va ta'lim psixogigiyenasi. 3. turmush psixogigiyenasi. 4. oila va jinsiy hayot psixogigiyenasi.
Yosh psixogigiyenasi.
Odamning ruhiy salomatligini saqlash va mustahkamlash vazifalari uning yoshi ulg'ayib borgan sari o'zgarib boradi. Shu jixatdan olganda bolalik davri, pubertat davr va involyusiya (rivojlanishning aksi, so'lish) davrini hammadan mas'uliyatli deb bilmoq lozim.

Mana shu paytlarda odam psixikasida, shuningdek, nerv tizimining ayrim bo'limlari va butun organizmda katta o'zgarishlar ro'y beradi (shaxs va xarakterning shakllanishi, qarish jarayonlari)

Ilk go'daklik davrida bolani qat'iy kun tartibi bilan boqish psixogigiyenik jixatdan kata ahamiyatga egadir.

Oiladagi sog'lom muhit ota bilan ona o'rtasidagi o'zaro munosabatlar farzandlar tarbiyasida muhim rol o'ynaydi.

Tarbiyaning buzilishi va kamchiligi – yomon ta'sir qoldiradigan psixogigiyenik omildir. Har bir davrning o'ziga hos psixogigiyenik talablariga amal qilish sog'lom turmush tarzigi ta'minlaydi. Jumladan kun tartibi, to'g'ri ovqatlanish jismoniy tarbiya bilan shug'ullanish va boshqalar.
frame21 Nima uchun odam mexnat qiladi?

Mehnat va o'qish psixogigiyenasi.

Psixogigiyena nuqtai nazaridan mehnat odamga foydali va zarurdir.kishining mehnatga emosional jixatdan qanday munosabatda bo'lishi juda muhim omil hisoblanadi.

Mehnat shaxsni shakllantirish vositasi, ijod, ilxom va turli-tuman xissiy kechinmalarning manbai bo'lib xizmat qiladi. Mehnat psixologiyasining mehnat faoliyatining barcha turlariga ta'luqli bo'lgan bir necha umumiy vazifalari va muammolari mavjud.

Agar kishining kasbi uning qizishlari va tayyorgarligiga mos kelsa, u holda mehnat quvonch, zavq, ruhiy sog'lomlik manbaiga aylanadi.

Mehnat psixogigiyenasining muhim bo'limlaridan biri aqliy mehnat gigiyenasidir. Aqliy mehnat noto'g'ri tashkil etiladigan bo'lsa, salomatlikka putur yetkazadigan omil bo'lib qolishi mumkin.

Aqliy mehnat miya tinib turgan paytda (kunning birinchi yarmida) ayniqsa samarali va foydali bo'ladi. Bunday mehnat tanafussiz 3-4 soatdan uzoq cho'zilmasligi kerak.

Aqliy mehnat bilan shug'ullanayotgan odamning tez-tez chalg'ib turishi, shovqin-suron, telefon qo'ng'iroqlari va boshqalar ishga halal beradi.

Aqliy mehnatni harakat, jismoniy tarbiya, jismoniy mehnat, sayr qilish bilan birga navbatlab olib borish kerak. Chekish aqliy mehnatga halal beradi, asab tizimini stimullaydigan qo'zg'otuvchi moddalar (fenamin, kofein, kofe, achchiq choy) ham tavsiya etilmaydi.
frame22 Odamlar bir-birlariga qanday munosabatda bo’lishi kerak?
Turmush psixogigiyenasi

Bu psixogigiyenaning asosiy vazifasi turmushda kishilarning o'zaro munosabatlari, kechinmalari, har hil kelishmovchiliklar oqibatlarini o'rganish, oldini olishdan iborat.

Kishilar orasidagi kelishiovchiliklar negizida quyidagi kasallik va illatlar yotadi: nevrotik xastaliklar, psixopatiyalar va ruhiy kasalliklar, iqtisodiy yetishmovchiliklar, ichkilikbozlik, giyohvandlik, taksikomaniyalar va x.k. turmush psixogigiyenasi ushbu zararli omillarga qarshi psixogigiyenik chora-tadbirlar ishlab chiqishi kerak.

Bugungi kunda kishilar hayotida televideniya, Internet va radioning ta'sirini o'rganish psixogigiyenada dolzarb muammo bo'lib qolmoqda. O'zaro normal insoniy munosabatlarning psixoprofilaktik ahamiyati benihoya katta. Ruhiy shikastlarni bartaraf etadigan hamma omillar ruhiy sog'lomlikni saqlash va psixik kasalliklarning olidini olishga imkon beradi.

Shahar sharoitlarida ishlab chiqarish, tarnspopt, radio, televizor va Musiqa asboblaridan chiqadigan shovqin odamga patogen ta'sir qiladi. Unga qarshi kurash jiddiy psixogigiyenik tadbirlardan biri hisoblanadi.
frame23 Jinsiy tarbiya qay tarzda berilishi kerak?
Oila va jinsiy hayot psixogigiyenasi
Oilaning mustahkamligi sevgi, muhabbat, do'stlik oiladagi katta yoshdagi kishilarning bir-biriga o'zaro hurmati, kichiklarga nisbatan shavqatliligi, oiladagi manfaatlarning umumiyligi, ularning o'zaro munosabatlarda zarur paytlarda kechirimli bo'lishlari baxtiyor oila vujudga kelishiga yordam beradi.

Oiladagi mavjud an'analar, urf-odatlar rasm-rusmlar va marosimlarning ijobiy ta'sirida yigit qizlar asta-sekin kamol topib boradilar.

Yoshlarni turmush qurishga muvaffaqiyatli tayyorlashni ko'zlab ish tutish uchun o'spirin yigit va qizlarning jinsiy tarbiyasini to'g'ri yo'lga qo'yish, oilaviy turmushning quvonchlari va tashvishlariga doir muayyan darajada ma'lumot berish ularga bardoshli va matonatli bo'lish hamda qiyinchiliklarni mardonavor yengish yo'llarini tushuntirish maqsadga muvofiqdir.

Oila – ijtimoiy zarurat.

Ma'lumki tabiatdagi butun mavjudod yirik organizmlar borki barchasining juftlikda yashashi hayotiy qonuniyatlardir. Shunday ekan, insoniyat tabiat sarvari sifatida kishi-shaxs tariqasida shakllanib chiqishiga qadar ham shunday tabiiy zaruratga ehtiyoj sezgan.

Nikoxdan o'tishga qadar shaxslar o'zlarti tanlagan kishining irsiyatini bilishlari lozim. Afsuski, shunday kasalliklar borki, ular nasldan-naslga o'tadi. qarindosh Urug'dan qiz olish yoki qiz berish odati qat'iy qoralanish va undan butunlay voz kechish kerak. Chunki ayrim ota onalar shunday nikoxlarga rozilik berib, natijada nogiron va kasalmand farzand dunyoga kelishiga sababchi bo'ladilar. Psixogigiyenaninng eng muhim vazifalaridan biri har tomonlama to'la to'kis jinsiy hayotni qaror toptirishga yordam berishdan iboratdir. Bu sohadagi buzilishlar ko'pincha ancha-muncha ruhiy jaroxatlar va asab buzilishlarga olib keladi.

Noto'g'ri olib borilgan jinsiy hayot ko'pincha kishini og'ir iztirobga solib u ko'pgina kelishmovchiliklarning sababchisi hisoblanadi. Ayniqsa jinsiy hayotdagi chekinishlar va bu hayotning estetik jixatlarini bilmaslik zamirida erkakda va ayolda jinsiy sovuqlik kabi buzilishlar kuzatiladi. Ayrim shaxslarda jinsiy moyillik ustunlik qilishi natijasida u jinsiy hayotga ko'proq e'tibor beradi.bunday holat shaxsda potologik rivojlanish belgisi borligini ko'rsatadi.

Jinsiy hayot faqat turmush qurgandan keyin boshlanishi kerak. Jinsiy ortiqchaliklar va seksual buzuqliklar nerv sistemasini holdan toydiradigan omil hisoblanadi.



Mavzu yuzasidan nazorat savollari


  1. Psixogigiyena va psxoprofilaktika nima?

  2. Psixogigiyenaning vazifalari?

  3. Psixogigiyenaning asosiy turlarini aytib berinng?

  4. Amaliy psixologning psixoprofilaktik ishlari nimalardan iborat?

  5. Tibbiyot psixoprofilaktikasi deganda nimani tushunasiz?



Tavsiya etiladigan adabiyotlar.

  1. Barkamol avlod O'zbekiston taraqqiyotining poydevoriT. - 1997 yil.

  2. Barkamol avlod orzusi T. 2000

  3. Psixologiya Slovar 1990

  4. Umumiy va tibbiy psixologiya T - 2003

  5. Tibbiyot psixologiyasi etikasi va deoitologiyasi asoslari T. 1997


Mavzu yuzasidan test savollari

1. Psixogigiyena mustaqil fan bo'lib qachon ajrab chiqqan?

A) 15 asrda

*B) 19-asrning 2-yarmida

C) 16-asrning 1-yarmida

D) 19-asrda

E) 17-asrning 2-yarimda
2. «Havo va suv orqali tarqalib kasallikka sabab bo'ladigan qandaydir jonivorlar bor», degan fikr kimga tegishli?

A) Gippokrat

B) Suqrot

C) Beruniy

D) Farobiy

*E) Abu Ali Ibn Sino


3. Psixogigiyenaning asosiy tarmoqlari qaysi qatorda to'g'ri ko'rsatilgan?

A) mehnat psixogigiyenasi, tibbiyot psixogigiyenasi, salomatlik psixogigiyenasi

B) oziq-ovqat gigiyenasi, kiyinish gigiyenasi, ahloq-odob gigiyenasi

C) yosh psixogigiyenasi, oila psixogigiyenasi, tibbiyot psixogigiyenasi

*D) yosh psixogigiyenasi, mehgat va o'qish psixogigiyenasi, turmush psixogigiyenasi, oila va jinsiy hayot psixogigiyenasi

E) turmush psixogigiyenasi, mehnat psixogigiyenasi, oziq- ovqat psixogigiyenasi



10. MAVZU: TIBBIYOT DEONTOLOGIYASI VA PSXOLOGIYA
Reja:

  1. Tibbiyot deontologiyasi haqida tushuncha

  2. Tibbiyot etikasi va uni rivojlantirish

  3. Bemor va tibbiyot hodimi o'rtasidagi munosabat


Mavzu yuzasidan asosiy tushunchalar
Tibbiyot deontologiyasi – tibbiy hodimlarning kasbiy xulq-atvori haqidagi fan
Etika – grekcha «yetxos» so'zidan olingan bo'lib, u urf-odat, ahloq degan ma'noni bildiradi
Vrachlik siri – bemor kasalligi bilan bog'liq ma'lumotlarni vrach tomonidan sir tutilishi.
Tibbiyot deontologiyasi (grekcha deontos-zarur lozim bo'lgan narsa va logos-ta'limot) tibbiyot hodimlarining kasbiy hulq-atvori haqidagi fandir.

«Deontologiya» kishining professonal hulq-atvori haqidagi fanni ifodalash uchun 21-asrning boshlarida ingliz faylasufi Iyerimiya Bentam tomonidan taomilga kiritilgan edi. «Deontologiya» tushunchasi teng ma'noda professional faoliyatning har qanday sohasiga – tibbiyot, muxandislik, yuridik, agronomik va x.k. soxalariga ham taaluqlidir.

Osiyo davlatlarida XV-XVI asrlardayoq tarkib topgan. Mustaqil O'zbekistonimizda deontologiyaning shakllanishiga buyuk allomalarimiz Xorazmiy, Farg’oniy, Ismoil al-Buxoriy, At-Termiziy,Abu Nasr Forobiy, Ibn Sino, Beruniy va boshqa buyuk olimlarimiz o'zlarining yaratgan nodir asarlari bilan katta ta'sir ko'rsatishdilar. Ayniqsa Ibn Sino tibbiyot sohasidagi o'lmas asarlari bilan O'rta Osiyoda tibbiyotning yuksalishiga o'zining bebaho hissasini qo'shgan. Tibbiyot deontologiyasining asosiy vazifalari quyidagilardan iborat

- tibbiyot hodimlari hulq atvorlarining davolash samaradorligini imkoni boricha oshirishga qaratilgan tamoyillarini o'rganish

- tibbiy xizmatdagi noqulay omillarga hamshira va vrach faoliyatidagi ziddiyatlarga, patologik ko'rinishlarga barham berish.

- tibbiyot hodimlari bilan bemorlar o’rtasida o'rnatiladigan o'zaro munosabatlar tizimini o'rganish.

- zamonaviy tibbiyot va bemor talabiga javob bermaydigan tibbiyot xizmatining zararli omillarini tugatish.
frame24 Gippokrat qasami xaqida nimalarni bilasiz?
Tibbiyot etikasi umumiy etikaning bir qismi hisoblanadi. Tibbiyot etikasi qadimgi Gresiyada katta taraqqiyotga erishdi va Gippokrat qasamida yaqqol namoyon bo'ldi.

Gippokrat qasami tibbiyot etikasining rivojlanishiga katta ta'sir ko'rsatdi. Keyinchalik tibbiyot o'quv yurtlarini bitirib chiquvchi talabalar «Fakultet va'dasi»ga imzo chekkanlar, unga Gippokratning ahloqIy nasixatlari asos qilib olingan.

Buguni kunga kelib tibbiyot etikasi tamoyillari yanada rivojlandi. Vrach siri degan narsa ustida (Aniqrog'i tibbiyot siri degan narsa ustida) alohida to'xtalib o'tish kerak. Bu tibbiyot hodimi etikasiga ta'luqli masaladir. Tibbiyot hodimlarining ishini hususiyatiga ko'ra, bemor o'zining eng chuqUr kechinmalarini ularga izhor etadi, o'zlarining oilaviy va boshqa ishlari to'g'risidagi ma'lumotlarni, hech kimga aytmaydigan gaplarini tibbiyot hodimi bilan o'rtoqlashadi.

Bemorlarning ishonib aytgan ma'lumotlarini esa hech kimga aytmaslik kerak.


frame25 Etik munosabatlar qanday bo’lishi kerak?
Tibbiyot hodimlari bemor bilan muomala qilishda etika normalariga amal qilishdan tashqarii, kasbiy sabr-to-at va o'z-o'zini tuta bilish yuksak tuyg'usiga ham ega bo'lishi kerak. Tibbiyot hodimi bilan bemor o'rtasidagi ishonch vaziyatini vujudga keltirish davolash siriga qat'iy rioya qilinishi shart hisoblanadi.

Tibbiyot hamshirasining ishi faqat katta jismoniy zo'riqishni bajarish bilan emas, balkiy katta xissiy zo'riqish bilan ham bog'liq bo'lib, bu narsa bemor kishilar bilan muomala qilish chog'ida ularning haddan tashqarii ta'sirchanligi, kasallik tufayli injiq bo'lib qolishi jizzakiligi natijasida vujudga keladi. Hamshira kasallar orasida hamma vaqt bo'ladi. Shuning uchun uning aniq xarakatlari va vrachning ko'rsatmalarini mahorat bilan bajarishi, uning bemorga ta'sirini samimiy munosabati unga psixoterapevtik ta'sir ko'rsatadi. Bu omillar ya'ni g'amho'rlik diqqat e'tibor hamshira bilan bemor o'rtasidagi aloqani asosi hisoblanadi. yoqimli va shirin so'z bilan murojaat qilishda samimiy tabassumda hamshiraning o'z bemorlariga g'amxo'rligi va diqqat e'tibori ifodalanadi.

Biroq hamshiraning diqqat e'tibori va samimiyligi intim xarakterda bo'lmasligi, bemorlar o'zlari bilan hamshira o'rtasidagi masofani suiste'mol qilishga yo'l qo'ymaslik kerak.

Tibbiyot hodimi, shu jumladan tibbiyot hamshirasi vrachlik sirini qattiq sir tutishi kerak. Vrachlik siri deganda quyidagilar tushiniladi:

1) bemor to'g'risidagi ma'lumotlar va bu ma'lumotlarni tibbiyot hodimi bemorning o'zidan yoki davolash jarayonida oladi va ular jamoatchik orasida ma'lum qilinmaydi;

2) bemor to'g'risidagi ma'lumotlar; (kasallikning noxush yakuni, bemorga psixologik ziyon yetkazuvchi diagnoz v ax. k.) tibbiyot hodimi bu ma'lumotlarni bemorga ma'lum qilmaydi.


Mavzu yuzasidan nazorat savollari.


  1. Tibbiyot deontologiyasining asosiy vazifalarini aytib Bering.

  2. tibbiyot etikasi nima va qanday taraqqiy etgan?

  3. tibbiyot hodimi va bemor o'rtasidagi munosabatlar to'g'risida so'zlang.



Test savollari

  1. Deontologiya termini qachon kim tomonidan fanga kiritilgan?

A) 18-asr boshlarida, Kant tomonidan

B) 18-asr 2-yarmida, Beruniy tomonidan

*C) 19-asr boshlarida, Bentam tomonidan

D) 20-asr boshlarida, Sechenov tomonidan

E) 19-asr ohirida Pavlov


  1. Tibbiyot Deontologiyasining nechta asosiy vazifalari bor?

A) 6

B) 5


C) 2

D) 3


*E) 4


  1. «Eng muhim ahloqIy boylik adolatdir», degan fikrni kim aytgan?

A) Al-Beruniy

B) Al-Farobiy

*C) Abu Ali Ibn Sino

D) Aflotun

E) Suqrot


Yüklə 181,07 Kb.

Dostları ilə paylaş:
1   2   3   4   5   6   7   8




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə