Namangan muhandislik-texnologiya instituti
Yüklə 1,32 Mb. Pdf görüntüsü
|
| Jami: 56 soat
Talabalarning mustaqil talimini tashkil etish tizimli tarzda, ya’ni uzluksiz va uzviy ravishda amalga oshiriladi. Talaba olgan nazariy bilimini mustahkamlash, shu bilan birga navbatdagi yangi mavzuni puxta o‘zlashtirishi uchun mustaqil ravishda tayyorgarlik ko‘rishi kerak. KIRISH O‘zbekiston Respublikasi Prezidentining 2017 yil 7fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida” gi Farmonning ijtimoiy yo‘nalishida amalga oshiriladigan muhim tadbirlari qatorida oliy ta'lim muassasalari uchun pedagoglarning yangi avlodni shakllantirish, ma'naviy ahloqiy jihatdan yetuk, mustaqil dunyoqarashga ega, ijodiy fikrlovchi, boy milliy meros, shuningdek, umuminsoniy va milliy qadriyatlarga sadoqatli barkamol shaxsni tarbiyalab voyaga yetkazish vazifalari ham belgilab o‘tilgan. Biologiyaning bilimlari ko‘pincha tasviriy ahamiyatga ega. Biologiyaning qishloq xo‘jalik sohasida yangi sermahsul hayvon zotlarini, serhosil, turli xil kasalliklarga chidamli istiqbolli o‘simlik navlarini yetishtirishdagi ahamiyati beqiyosdir. Aziz talaba, Sizning e'tiboringizga havola yetilayotgan bu o‘quv qo‘llanma Qishloq va suv xo‘jaligi, Qishloq, o‘rmon va baliq xo‘jaligi, Agronomiya, Agrokimyo va agrotuproqshunoslik, O‘simliklarni himoya qilish, Qishloq xo‘jalik mahsulotlarini saqlash va dastlabki ishlash texnologiyasi ta'lim yo‘nalishlari uchun tuzilgan namunaviy dastur asosida yozilgan bo‘lib, o‘quv qo‘llanmada Biologiya faning vazifasi, o‘rganadigan sohalari va uslublari, evolyusion ta'limot, yerda hayotning paydo bo‘lishi va rivojlanishi, hujayra biologiyasi, modda va energiya almashinuvi, organizmlarning ko‘payishi va individual rivojlanishi, sitologik va biokimyoviy asoslari, Irsiyatning sitologik va molekulyar asoslari, gametogenez va urug‘lanish, irsiyat qonunlari, allelmas genlarning o‘zaro ta'siri, uzoq shakllarni duragaylash, xromosoma nazariyasi, belgilarning birikkan holda naslga o‘tishi, o‘zgaruvchanlik qonuniyatlari, poliplodiya va gaploidiya, geterozis va sitoplazmatik irsiyat, populyasiya genetikasi kabi ma'lumotlarni o‘z ichiga olgan. Talabalarning o‘zlarini qiziqtirgan muammolari bo‘yicha ko‘proq ma'lumotlarga ega bo‘lishlarini osonlashtirish maqsadida har bir ma'ro‘zaning oxirida mazkur mavzuga oid asosiy va qo‘shimcha adabiyotlar ham berilgan. Bundan tashqari har bir ma'ruzadan keyin shu ma'ruzadagi mavzuni talabalar qay darajada o‘zlashtirganliklarini sinab ko‘rish uchun muhokama savollari ham keltirilgan. Mazkur o‘quv qo‘llanmadan foydalangan har bir yigit-qizga olgan bilimlari mustaqil respublikamiz oldidagi biologiya fani bilan bog‘liq bo‘lgan muammolarni yechishda yordam berishiga ishonchimiz komil. Mazkur o‘quv qo‘llanmaning mazmuni to‘g‘risida bildirilgan fikr va mulohazalar kelajakda uni yanada takomillashtirishga yordam beradi deb o‘ylaymiz. Yüklə 1,32 Mb. Dostları ilə paylaş:
|