________Milli Kitabxana________
23
qorumaq istəyirsə, bu prosesə qoşulmalı, onun labüdlüyünü
dərk etməlidir(16, s.7).
Dünya xalqlarının hər birində kökünə, soyuna, ilkin maddi-
mənəvi dəyərlərinə qayıdış meyli son zamanlar bir qədər də
güclənməkdədir. Xalq ruhunun, milli mənəviyyatın bütün ifadə
çalarlarını və özəlliklərini qoruyub saxlayan milli-mənəvi
dəyərlər bu qayıdışa rəvac verən sönməz idrak, solmaz
təfəkkür, orijinal dünyaduyumudur. Məhz bu səbəblərdən də
mənəvi dəyərləri də ğzündə ehtiva edən mədəniyyət məfhumu
ilə bağlı tədqiqatlar və müzakirələr bu gün də səngimək bilmir,
yəqin ki, hələ neçə-neçə onilliklər də bitib-tükənməyəcəkdir.
XX əsrin ikinci yarısından başlayaraq mədəniyyət siyasəti
Qərb ölkələrinin fəaliyyətində tədricən mühüm yer tutmağa
başlayır. Sonralar isə Avropa Şurası mədəniyyət siyasətinə
demokratik inkişaf siyasəti kimi ciddi diqqət yetirir. 1986-cı
ildə
Avropa Şurası Avropa ölkələrində
geniş yayılmış
“Mədəniyyət siyasətinin qısa proqramı”na başlanğıc verdi. Bu
proqran Mədəniyyət Nazirlikləri tərəfindən milli hesabatların
hazırlanmasını nəzərdə tutur. Sonra bu hesabatlar Avropa
Şurasının ekspertləri tərəfindən qiymətləndirilərək müvafiq
tövsiyyələr hazırlanır. Bu tövsiyyələr məhsuldar fəaliyyət
proqramının işlənməsi məqsədi ilə Strasburqda və ayrı-ayrı
ölkələrdə müzakirə edilir. 1997-ci ildə Avropa Şurasının
mədəniyyət siyasəti şöbəsinin fəaliyyətini yaxşılaşdırmağa
xidmət edən “Mədəniyyət siyasətinin sistemləşdirilməsi və
istehsalı ittifaqı” yarandı. İttifaq mədəniyyət siyasəti üzrə
materialların yığılması, sistemləşdirilməsi və istehsalı, onların
çoxaldılaraq müxtəlif ölkələrin dövlət və qeyri-hökumət
strukturları arasında yayılması ilə məşğul olur. O, müxtəlif
ölkələrdə mədəniyyət siyasəti sahəsində işləyənlər üçün təmas
şəbəkəsi müəyyənləşdirir. Avropada mədəniyyətin inkişafı və
mədəniyyət siyasəti üzrə
diskusiyaların keçirilməsi və
informasiya mübadiləsi məqsədi ilə 1998-ci ildə 40-dan çox
mədəniyyət şəbəkəsi və təşkilatını özündə birləşdirən Forum
________Milli Kitabxana________
24
yaradılmışdır. O, müxtəlif mədəniyyətlər arasında qarşılıqlı
anlaşma körpüləri, dostluq və sülhün qurulmasında, dünya
ölkələrində demokratik mədəniyyətin inkişaf etdirilməsində
mühüm rol oynayır.
(58, s. 68)
Mədəniyyət siyasəti mədəniyyətin inkişafında böyük rol
oynayır, çünki mədəniyyət siyasi amillərdən, dövlətin mədəni
________Milli Kitabxana________
25
inkişafına təkan verən və ya tormozlayan siyasi sistemindən
asılıdır (18, s.28-29). Ona görə də mədəniyyət siyasətinin
mahiyyətini açmaq üçün ilk növbədə kulturoloji fikirdə
“mədəniyyət” məfhumuna olan münasibətə aydınlıq gətirmək
lazımdır.
Dünya elmi fikrində
mövcud olan bəzi təriflərdə
“mədəniyyət” məfhumu əsasən belə izah edilir ki, bu fenomen
varlığın və şüurun bütün sahələrində bəşəriyyətin predmet-
ləşdirmə (sərvətlər, normalar, işarə sistemləri yaradılması və s.)
və predmetsizləşdirmə (mədəni irsin mənimsənilməsi) proses-
lərinin dialektik vəhdətindən ibarət, gerçəkliyin yenidən
dəyişdirilməsinə, bəşər tarixi zənginliyinin şəxsiyyətin daxili
zənginliyinə çevriləmsinə, insanın mahiyyət qüvvələrinin hər
vasitə ilə aşkara çıxarılmasına və inkişaf etdirilməsinə
yönəldilmiş sosial-mütərəqqi yaradıcı fəaliyyətidir. Məhdud
mənada əsasən maddi mədəniyyət (texnika istehsal təcrübəsi,
maddi sərvətlər), mənəvi mədəniyyət (elm, incəsənət və
ədəbiyyat, fəlsəfə, əxlaq, maarif və s.), həmçinin siyasi
mədəniyyət (cəmiyyətin, sinfin, qrupun, fərdin fəaliyyətinin
ictimai münasibətlərin dəyişdirilməsinin subyekti kimi şəxsiy-
yətin sosial inkişafının meyarını səciyyələndirən məqsədləri,
nəticələri) haqqında danışmaq qəbul olunmuşdur (39, s.276)
Uzun illərdir ki, təriflərin bəzilərində qeyd olunur ki, mədə-
niyyət
–
ictimai-iqtisadi formasiyaların bir-birini
əvəz
eməsindən asılı olaraq inkişaf edən tarixi hadisədir. Mənəvi
mədəniyyəti maddi əsasdan ayıran və onu “elita”nın (fr. elite –
ən yaxşı, seçilmiş) mənəvi məhsulu kimi izah edən idealist
mədəniyyət nəzəriyyələrinin əksinə materializm maddi nemət-
lərin istehsalı prosesini mənəvi mədəniyyətin inkişafının əsası
və mənbəyi kimi nəzərdən keçirir; belə çıxır ki, mədəniyyət
bilavasitə bütün xalqların fəaliyyətilə yaradılır. Qeyd etmək
lazımdır ki, maddi şəraitdən asılı olan mənəvi mədəniyyət
maddi əsas arxasınca avtomatik dəyişmir,
əksinə nisbi
________Milli Kitabxana________
26
müstəqilliyi ilə
(inkişafda varislik, müxtəlif xalqların
mədəniyyətlərinin bir-birinə təsiri və s.) səciyyələnir (39, s.24).
Ümumiyyətlə, mədəniyyətin mahiyyətinə müxtəlif mövqe-
lərdən yanaşan çoxsaylı təriflər mövcuddur. Bu terminoloji
problemlər içərisində maraqlı olan anlayışlar kifayət qədərdir.
Adətən, mədəniyyət dedikdə ictimai qrup, fərdi varlıq və
şüurun vəziyyəti, həmçinin həmin vəziyyətin dəyişilməsi
sahəsində fəaliyyət başa düşülür. Varlığın vəziyyəti, onun
dəyişilməsindəki fəaliyyət adətən maddi vəziyyət adlanır.
Varlıq haqqında təsəvvürlərin dəyişilməsinə aid fəaliyyəti və
həmin fəaliyyətin nəticələri çox vaxt mənəvi mədəniyyət
adlanır. Maddi və mənəvi mədəniyyət bir-birilə sıx surətdə
əlaqədardır. “Varlıq şüuru müəyyən edir” fikri qədər, “şüur
varlığı müəyyən edir” fikri də
fəlsəfi və
kulturoloji
diskussiyaların müzakirə obyektidir (138, s.151). Tanınmış
tədqiqatçı Y.M.Lotmanın: “şüurdakı hər hansı dəyişiklik maddi
mədəniyyətin dəyişilməsinə təsir edir” və ya əksinə “mədəniy-
yət təkcə binanı yaratmır, o həm də insanları yaradır” kimi
fikirləri çox alimlər tərəfindən qəbul edilməkdədir (127, s.29).
Qeyd etmək lazımdır ki, mənəvi mədəniyyəti mənəvi
istehsalla eyniləşdirmək olmaz. Mənəvi istehsal – ideyaların,
normaların, dəyərlərin məcmusudur. Mənəvi mədəniyyət daha
geniş anlayış olub, mənəvi istehsalı da özünə daxil edir.
Deməli, mədəniyyət maddi və mənəvi dəyərlərin məcmusudur.
Konkret olaraq mədəniyyətə, belə bir tərif vermək olar.
Mədəniyyət – cəmiyyətin bütün tarixi boyu əldə etdiyi maddi
və
mənəvi sərvətlərin məcmusudur, həmçinin onların
yaradılması qabiliyyəti və bəşəriyyətin tərəqqisi üçün onlardan
istifadə etmək və onları nəsildən-nəslə vermək bacarığıdır.
Mədəniyyət insanın sirli-sehirli dünyasıdır. Onun özünü dərk
etməsi və şəxsiyyətin mövcudluq üsuludur (99, s.428).
Əksər tədqiqatçıların rəyinə görə maddi və mənəvi
mədəniyyət arasındakı fərq nisbidir. Çünki onların hər ikisi
insanın
mahiyyət
qüvvələrinin
predmetləşdirilməsi
və
Dostları ilə paylaş: |