Neft-qaz quyularinin tamamlanmasi əlavə material qazima vaxti dağ SÜxurlarinin dağidilmasi

Qoryucu kəmər qurluşunun seçilmə qaydası. Qazılan quyunu məlum olan parametrlərinə görə quyu ağzında və H, h, L, L₀ dərinliklərdə xarici və daxili izafi təzyiqlərin qiymətləri təyin olunur, nəticədə isə izafi təzyiqlər epürü qurulur. Kəmərin hesablanmasını aparmaq üçün görüləcək iş proseslərində yaranan ən böyük P_x.iz və P_d.iz əsas götürlür.

Qoruyucu kəmərin hesablanma ardıcıllığı aşağıdakı kimi aparılır.

1.Xarici və daxili izafi təzyiqlər epürü qurulur və boruların hesablanması quyuda aşağıdan yuxarıya aparılır.

2.Möhkəmlik ehtiyat əmsalı n₁ seçilir, xarici izafi təzyiq epüründə n₁·PxJ_Lhesabatı aparılandan sonra alınan qiymətə uyğun gələn boru 2-ci əlavədən seçilir. Bu elə seçilməlidir ki, P_kr ≥ n₁PxJ_L. Boruları ən az möhkəmlik qrupuna malik olan D markalı borudan başlayaraq seçmək lazımdır. Əgər D borusunun qrupu göstərilən şərti təmin etmirsə, onda daha yüksək möhkəmlik qrupu olan borunu seçmək lazımdır.

Kəmərin ℓ₁ bölməsi üçün seçilmiş borunun daxili izafi təzyiqə n₂-yə davam gətirdiyi yoxlanılır.

3. 1-ci seksiyanın yuxarı ucundakı xarici izafi təzyiq müəyyən edilərək 9.7-ci cədvəldən, 2-ci seksiya üçün elə boru seçilir ki, onun P_kr təzyiqi L₁ dərinlikdə təzyiqə bərabər olsun.

4. 2-ci seksiya üçün P’_kr təyin edilir ki, buraya uzunluğu ℓ₁ olan 1-ci seksiyanın çəkisi təsir edir.

Epürdə P’_krqiyməti müəyyən edilməklə 2-ci seksiyasının buraxılma dərinliyi L’₁ müəyyən edildikdən sonra 1-ci seksiyanın uzunluğu ℓ₁=L-L’₁ təyin olunur.

Bundan sonra cədvəl 9.11-dən 1-ci seksiyanın Q’ çəkisi təyin edilir.

5. İkinci seksiyanın uzunluğunu təyin etmək üçün 3-cü seksiya üçün seçiləcək borunun möhkəmlik qrupu 2-ci seksiyadakından zəif olan boru axtararaq 9.7-ci cədvəldən epürə uyğun P_kr olan boru seçilir, seçim edildikdən sonra epürdə olnun buraxılma dərinliyi L₂ təyin edilir. 2-ci seksiyanın uzunluğu ℓ₂=L₁-L₂ olduğundan əlavə 6-dan Q₂-nin çəkisi hesablanır.

6. 1-ci və 2-ci seksiyalarının (Q₁+Q₂) çəkisinin cəmi hesablandıqdan sonra 3-cü seksiya üçün P’_kr hesablanaraq təyun olunur. Təyin edilmiş P’_kr qiymətinə əsasən epürdən 3-cü seksiyanın buraxılma dərinliyi təyin olunur. Bundan sonra 2-ci seksiyanın uzunluğu müəyyən edilir ℓ’₂=L’₁+L’_2. Seksiyanın çəkisi Q₂ təyin edilir.

Bundan sonra 2-ci seksiyanın yuxarı borusu üçün n₂=P_T/P_d.iz. əmsalı tələbata uyğun alınırsa hesabat davam etdirilir.

7. 3-cü seksiyanın uzunluğunu tapmaq üçün, 4-cü seksiya üçün cədvəl 9.7-dən P_kr uyğun olan boru seçilir və epürdən L₃ seçilir.

8. 3-cü seksiyanın uzunluğunu tapmaq üçün 4-cü seksiya üçün P’_kr hesablanaraq müəyyən edildikdən sonra 4-cü seksiyanın buraxılma dərinliyi L’₄ təyin edildikdən sonra ℓ’₃=L’₂-L’₃ tapılır və Q₃ hesablanır.

9. Yuxarıdakı ardıcıllıqla quyu ağzına qədər bütün seksiyalar hesablanaraq seçilir. Seksiyaları seçəndən sonra boruların dartılmaya möhkəmliyi Q ≤ [P] yoxlanılır. [P] – borunun dartılmaya buraxıla bilən yükdür. Seçilmiş boru üçün [P]-ni cədvəl 9.3-dən istifadə etmək lazımdır.