Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
Sərəngül elə həmin axşam hay-küy salıb qohum-əqrəbaya xəbər verdi. Əməliyyat üçün həkimin istədiyi məbləği birtəhər tapıb topladı. Razılığa əsasən Mirzəbala elə ertəsi gün əməliyyat olunacaqdı. Sərəngül həmin gecəni rahat yata bilmədi. Amma Mirzəbalanın vecinə də deyildi. Sanki onun əvəzinə başqa birisinin böyrəyini doğrayacaqdılar. Gecəni tam ağrı-acısız keçirsə də, səhər açılan kimi arvadı ilə birgə həkimin qəbuluna yollandı. Lazımi analizlərdən sonra əməliyyat masasına qaldırıldı. Arif həkimin dediyinə görə, təqribən bir saata yaxın çəkən əməliyyat uğurlu alınmışdı. Sanki heç nə olmamış kimi Mirzəbala da özünü çox yaxşı hiss edirdi. Amma nədənsə bir balaca əndişələnmiş, elə bil nəsə ondan ötrü müəmmalı qalmışdı. Cəmi iki gündən sonra evə buraxılarkən vaxtilə orta məktəbdə bir sinifdə oxuyan və Ariflə eyni xəstəxanada kardioloq işləyən Əsirxan həkimlə qarşılaşması sirli əməliyyatın üstünü açdı. Böyrəyində ciddi problemi olmayan Mirzəbalanın yalnız dərisi doğranmışdı. Yalançı böyrək əməliyyatına görə iki min manata yaxın pul xərcləyən Sərəngül həmin gecəni yata bilmədi, səhəri diri gözlü açdı. Səhər tezdən 69 SİRLİ ƏMƏLİYYAT qalxıb xəstəxanaya yollandı. Amma həkimi yerində tapa bilmədi. Arif həkim iki gün əvvəlki əməliyyatdan çıxıb şəxsi avtomobili ilə evə gedərkən qəzaya uğramış, başqa xəstəxanaya çat- dırılaraq sol ayağı dizdən, sağ qolu isə dirsəkdən yuxarı amputasiya olunmuşdu. Mart 2014 70 NƏRİMAN MAHMUD Atakişinin münafiqliyi Hamının imanlı adam kimi tanıdığı, uzun il- lərdir rəhbərlik etdiyi iri dövlət müəssisəsində xeyirxah əməllərinə, alicənablığına görə adi süpürgəçidən, fəhlədən tutmuş müavinə qədər hər kəsin hörmətini qazanan Hacı Qəzənfər ciddi xəstəliyi ilə əlaqədar əcnəbi ölkələrdən birinə müalicəyə getmişdi. Onun məsləhəti ilə cəmi bir neçə aydır ki, işə götürülən, yaxınlarda isə müavin vəzifəsinə qədər yüksələn, bir az utancaq, bir az da təvazökar adam təsiri başışlayan, çoxlarının “müəllim” deyə çağırdığı Atakişi adlı birisi müvəqqəti olaraq müəssisəyə rəhbər təyin edilmişdi. Hacı Qəzənfərin qəfil xəstəliyi işçilərin əlini bir müddət işdən soyutsa da, sonralar yavaş-yavaş buna öyrəşdilər. Və müəssisədə əvvəlki iş ahəngi bərpa olundu. Burda yeni rəhbərin davranışı, işçilərə münasibəti, özündən əvvəlki direktor kimi hər kəsin əməyini qiymətləndirməsi də az rol oy- namamışdı. Müəssisənin gəlirlərində də geriləmə 71 SİRLİ ƏMƏLİYYAT müşahidə olunmurdu. Bir sözlə, Atakişinin işləri pis getmirdi. Qısa zamanda həm özünə inam yaratmış, həm də müəssisənin əvvəlki nüfuzunu bərpa edə bilmişdi. Amma işçilərin ona olan inamı cəmi üç-dörd ay çəkdi. Atakişi müəllim əsl sifə- tinin görünməyən tərəfini uzun müddət gizlədə bilmədi... Hacı Qəzənfərin dövründə böyük şöhrət tap- mış, nəinki öz işçilərinin, hətta başqalarının da rəğbətini qazanmış, çətin anlarda insanların ümid yeri kimi baxdığı müəssisə Atakişinin tamahının, haramxorluğunun ucbatından nüfuzunu sürətlə itirirdi. Müəssisənin ayrı-ayrı sexlərində böhranlı vəziyyət yaranmış, onlardan bir çoxu fəaliyyətini dayandırmaq təhlükəsi ilə üzləşmişdi. Vaxtilə yüksək gəlir gətirən müəssisənin birdən-birə müəmmalı çöküşü, maddi sıxıntılar içərisində yaşayan işçiləri təəccübləndirmiş, bir çoxunu şüb- həyə salmışdı. Hamı problemin süni surətdə yaradıldığını düşünürdü. Amma Atakişinin zahiri görünüşü, yığıncaqlarda, böyük və kiçik məclis- lərdə insanları tez-tez mənəviyyata, əxlaqa, halal- lığa, nəcibliyə, səxavətə səsləməsi hərdən onun köməyinə də gəlirdi. Əksəriyyət başqa cür fikirləşsə də, onun 72 NƏRİMAN MAHMUD yalanlarına inanan, ya da nədənsə özünü qəsdən belə göstərən bir-iki nəfər tapmaq olurdu. Və Atakişidən, onun yalanından, münafiqliyindən söz düşəndə həmin o bir-iki nəfər özünü irəli verib qahmar çıxır, ona haqq qazandırırdı. İş yoldaşlarının, xəlvətə düşəndə nəyə görəsə “Hacı Şakir” deyə çağırdığı Teyyub adlı birisi tez-tez Atakişidən sitatlar gətirir, camaatı sakitləşdirməyə çalışırdı. Teyyubun ən çox işlətdiyi isə “şükür” sözü idi. Belə mübahisələrin birində yenə də həmin o sevimli kəlməsini təkrarladı: – A balam, Atakişi müəllim düz deyir, də, indi nə olsun ki, əmək haqlarınız aşağı düşüb, yarıya qədər azalıb, şükür eləmək lazımdı. Teyyubun bu sözü çoxlarının narazılığına səbəb olsa da, səslərini içəri saldılar. Amma hər kəsin “Zakon Eldar” adlandırdığı bir nəfərin başına elə bil qaynar su tökdülər. Əsəblərini cilovlamağı bacarsa da, ironiya ilə, həm də hündür səslə cavab verdi: – Ay sənə qurban olum, Teyyub, düz deyirsən, Allaha şükür etmək bizim borcumuzdur. Şükür etməyib neyləyəcəyik ki? Amma sən məni başa sal görüm, bu böhranlı vəziyyət ki, deyirsiz, Atakişinin özünə təsir eləyibmi? 73 SİRLİ ƏMƏLİYYAT – Hə, hə, bəs necə, hamıdan çox onun əmək haqqı aşağı düşüb, - deyə Teyyub təmkinlə cavab verdi. – Ola bilməz. Bunu kim dedi? – Necə yəni kim dedi? O günləri elə Atakişi müəllimin özü dedi ki. Bu dəfə həddən artıq məlumatlı olan, təzə xəbərləri hələ radio və televiziyadan əvvəl çat- dıran “simsiz telefon” ləqəbli Arzumanın beyni qızdı. Elə bil “cin atına” mindi, hirslənib özündən çıxdı: – Bədbəxt oğlu bədbəxt, nə danışdığını bilirsən? Özü nə deməlidir ki? Məgər hiss eləmirsən ki, “vəziyyətin gərginləşdiyi” bu bir neçə ayda Atakişinin həyatı necə çiçəkləyib? Gör- mürsən ki, Atakişi öz dolanışığının bahar fəslini yaşayır? Biz yağışdan sonrakı göbələklər kimi artan maddi problemlər məngənəsində sıxılıb arıqladıqca, kibrit çöpünə döndükcə, Atakişi də gündən-günə şişir, pırsıyıb tökülür. Elə bil zalım oğlunu hava nasosu ilə doldururlar. Bizim övlad- larımız çox şeyə tamarzıdır, dillərinə ayda bir dəfə ət dəyir, pal-paltarları da ki, nimdaşdır. Özləri də bir dəridir, bir sümük. Amma onun uşaqlarına bax, gör necə də gümrahdılar. Geyim-kecimləri də ki, 74 NƏRİMAN MAHMUD Yüklə 372,12 Kb. Dostları ilə paylaş:
|