Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
Bir dəfə qonşu kəndə hay düşdü ki, bəs, Səfqulu kişinin üç-dörd həftəyə doğacağı inəyi yoxa çıxıb. Səfqulu da ta axtarmadığı yer, soraq eləmədiyi adam qalmamışdı. Axırda hər yerdən əlini üzüb gəlib oturmuşdu evdə. Elə hey fikir- ləşirdi. Şübhələndiyi bir kimsə də yoxuydu ki, ucundan tutub izinə düşsün, aparıb versin polisə. Odur ki, alnına yazılanlarla barışıb, ta inəyin adın da tutmadı. Amma nə qədər çalışırdı ki, hər şeyi yadından çıxarsın, bacarmırdı. Axşamçağı qonşu- ların mal-heyvanı örüşdən qayıdanda və özünün inəyini də naxırın içərisində görməyəndə ürəyinin başına od düşürdü. Bu minvalla inəyin itməyinin üstündən bir həftə keçdi. Həftənin tamamında kəndə yenidən xəbər yayıldı ki, bəs, Səfqulunun itən inəyini görən olub. O da xəbərin izinə düşüb gəldi Səməndər kişinin yaşadığı kəndə. Ərazi icra nü- mayəndəsinin qəbulunda oldu. Balamirzə müəl- limlə nə danışdısa, bir həftənin qırışığı açılmış halda qayıdıb öz kəndinə getdi. Və səs-səmirsiz işin gerisini gözlədi. Üstündən iki gün də ötmüşdü ki, Səməndəri polisə çağırdılar. Və iş böyüdü, barəsində həbs qətimkan tədbiri seçildi. Səməndər kişi and-aman elədi ki, xəbərim də yoxdur. Axırda 17 SİRLİ ƏMƏLİYYAT Qarakişi adında bir şahid də çağırdılar. O da gəlib aləmi qarışdırdı. Mal kimi Səməndərin üzünə durdu ki, bəs, dağdakı biçənəyimdə ot biçərkən bu kişinin, həmin qaşqa inəyi naxırdan ayırdığını, qabağına qatıb öz kəndlərinə tərəf apardığını öz gözlərimlə görmüşəm. Düzdü, Səməndər kişi tam əmin idi ki, bu oyunu da Balamirzə qurub. Qarakişi də beş-on manatın çatısını salıb boğazına, onun çaldığı havaya oynayır. Amma sübutu-filanı yoxuydu deyə, səsini çıxarmadı. Balamirzəni də, Qarakişini də Allaha tapşırdı. – Allah özü sizin cəzanızı versin, - dedi. Bir neçə gündən sonra Səfqulunun yaşadığı kəndə təzədən xəbər yayıldı ki, bəs, onun inəyini qonşu kəndin ərazi icra nümayəndəsinin qapısından çıxan görüblər. Balamirzənin həyət qapısı açıq qalıb, ya necə olubsa, artıq hər iki kənddə nam-nişanı bəlli olan inək də eləməyib tənbəllik, həyətdən bayıra çıxıb. Elə bu vaxtı təsadüfən Balamirzənin qapısı ağzından keçən bir nəfər də inəyi görüb, dərhal Səfqulunun yaşadığı kəndə xəbər çatdırıb. Səfqulu da qaranəfəs özünü yetirib Səməndərin kəndinə. Və kəndin kənarında qərib-qərib otayan inəyini də qabağına qataraq evə yollanıb. Səhərisi gün iş gedib çıxıb polisə, ordan 18 NƏRİMAN MAHMUD da rayon prokurorluğuna. Beləliklə, Balamirzənin fırıldağının üstü açılmış, onunla bahəm böhtançı Qarakişi də istin- taqa cəlb olunmuşdu. Amma Balamirzədən fərqli olaraq, Qarakişi polisə öz xoduna gəlib çıx- mamışdı, qolundan tutub gətirmişdilər. Onun tərtəmiz Səməndər kişini Səfqulunun inəyi ilə bir yerdə “görən” gözlərinin ikisi də tutulmuş, gün işığına birdəfəlik həsrət qalmışdı. Yanvar 2014 19 SİRLİ ƏMƏLİYYAT Bir gecənin sirri Anası onu xeyli uzaqdan görüb bərk narahat oldu. – Mən bu qızı elə indicə məktəbə yola salmışdım axı, nə tez qayıtdı!? – deyə təəc- cübləndi. Gözlərinin onu aldatmadığına əmin olsa da, xeyli baxdı. Pəncərənin önündən çəkilib yaşadığı mənzilin eyvanına çıxdı. Gələn uşaq get- dikcə yaxınlaşır, sifəti bayaqkından daha aydın görünürdüı. – Odur, Lamiyədir! – Qadın həyəcan içərisində öz-özünə dilləndi. Qızının sifətinin pərişan ifadəsi, ən çox da başına bağladığı hicabın bir qədər dağınıqlığı, məktəbdə hansısa xoşagəlməz hadisənin baş verdiyi barədə ananın şübhələrini artırdı. Təhsil müəssisələrində baş örtüyünə süni qadağalar qoyulduğunu eşitdiyi və qızının da hicab bağlamaqda qəti qərarlı olduğunu bildiyi üçün dərin fikirlərə qərq oldu. “Mən Lamiyəni yaxşı tanıyıram, inadından əl çəkən deyil, məktəb direktoru da ki tərsin biridir, əgər belə davam edəcəksə, qızın təhsilində problemlər yaranacaq”, - deyə ananın narahatlığı getdikcə artdı, ürəyi şiddətlə döyündü. Amma narahatlığı uzun çəkmədi. Nəzərləri qızına tərəf yönəlsə də, deyəsən, fikri başqa yerdə idi... 20 NƏRİMAN MAHMUD Xəyal Zərnişan xanımı bir neçə ay əvvələ aparmışdı. O vaxt Lamiyə hələ dördüncü sinfin son rübünü başa vurmaq üzrə idi. Uşaq “iki ayağını bir başmağa dirəyib” deyirdi ki, mütləq hicab geyinməlidir. O da bir tərəfdən qızının qərarına sevinsə də, digər tərəfdən “balam, sən hələ balacasan, cəmi on yaşın var, bir az səbr elə, böyüyəndə geyinərsən, inşallah, bir də axı, mək- təbə hicab geyinməyə icazə vermirlər”, - demişdi. Ancaq nə illah eləmişdisə, qız razı olmamış, “mən eşitmişəm ki, hicab qanunla qadağan olunmayıb, rəfiqəmin dayısı qızı başqa məktəbdə oxuyur, dərsə baş örtüyü ilə gedir, amma orda direktor heç kəsi hicaba görə dərsdən qovmur”, - deyə anasını sakitləşdirmişdi. Zərnişan xanım da daha qızına heç nə deməyib, sevincindən yüngülvari gülüm- səmişdi. Ana qəflətən xəyaldan ayılıb yola baxdı. Artıq Lamiyə görünmürdü. Bu vaxt mənzilin qapısı bərk, həm də aramsız döyüldü. Zərnişan xanım cəld qapıya tərəf yüyürdü. Gözlükdən baxıb qızını görüncə, qapını açdı. Lamiyə dolux- sunmuş halda içəriyə daxil oldu. - Nə olub, qızım, olmaya yenə də... Lamiyə anasının sözünü kəsərək: - Nə olacaq ki? Direktor yenə dərsə bu- 21 SİRLİ ƏMƏLİYYAT Yüklə 372,12 Kb. Dostları ilə paylaş:
|