Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
- Bura bax, sənin də dilinə söz qəhətdir? Nə Qaraxan, nə Suriya? Adamlar hüznlü görünsələr də, Qasım buna o qədər əhəmiyyət vermədi. Onu gic gülmək tutdu, uğunub getdi. Bir azdan özünə gəlib üzünü Xanlara tutdu. Dedi: – Suriya-filan eşitməmisən ki? Guya bilmirsən ki, orda müharibə gedir? Axı hesabla sən bunu hamıdan yaxşı bilməlisən. Camaat bu iki adamın tənəli, atmacalı dialo- qundan bir şey anlamadı, onların sifətinə baxa- baxa qaldı. Bu vaxt beşmərtəbəli binalardan birinin qarşısında səs-küy qopdu. Sarabəyimin hönkürtüsü, ah-naləsi ərşə qalxmışdı. Gah naməlum bir ünvanı qarğıyır, söyür, gah da saçını yolur, dizinə-başına döyüb fəryad qoparırdı. Xan- lar isə arvadı görcək suçlu adamlar kimi, yavaş- yavaş məhəlləni tərk etdi. Bəzi adamlar işin nə yerdə olduğunu təxminən anlamağa başlasalar da, elələri varıydı ki, hələ də bir şey kəsdirə bilmirdi. Və bu üzdən də “Xəbərçi Qasım”ın Suriya məsələsinə şübhə eləyirdi. Qərəz, Qaraxanın məlum xarakterinə görə onun Suriyaya qədər gedib çıxmasına, əlinə silah alıb adam öldürməsinə hələ də inanmırdılar. 33 SİRLİ ƏMƏLİYYAT Amma elə adamlar da varıydı ki, eyni məhəllədə böyüsələr də Qaraxanın ölümü heç veclərinə də deyildi. Hətta bir az xəlvətə çəkilib, “lap belə cəhənnəmə öldürüblər, əcəb eləyiblər, onun Suriyada nə ölümü vardı axı”, - deyə dodaq büzürdülər. Günahı necə deyərlər, bir qarnı ac, bir qarnı tox, yetimçiliklə böyüyən Qaraxanda yox, zəmanədə görənlər isə bütövlükdə cəmiyyəti qı- nayırdılar. Bir azca keçmişdi ki, Sarabəyimin səsi xırppadan kəsildi. Əvəzində tappıltı səsi gəldi. Ətrafda kim varıydısa hamısı binanın qabağına qaçdı. Qəflətən qadının ürəyi dayanmış, tappıltı ilə yerə sərilmişdi. Adamlar Sarabəyimi birtəhər ayıldıb mənzilinə apardılar. Amma qadın sakitləşmək bilmir, gah bayılır, gah da ayılırdı. Hər dəfə ayı- landa da oturub-durub hələ də çoxlarına bəlli ol- mayan ünvana allı-yaşıllı qarğış yağdırırdı. - Allah mal kimi balamı ora göndərənin əzizilərin qırsın, baiskarın evini başına uçursun, balasın öldürsün, axı, mənim oğlumun orda nə işi vardı, gedib il yarım öz ordumuzda qulluq elədi, bir dəfə də olsun şikayət gəlmədi, - deyib fəryad qoparırdı. Güc-bəla ilə, yetimçiliklə böyütdüyü oğlunu boya-başa çatdırana qədər neçə-neçə namərdin 34 NƏRİMAN MAHMUD tənəsinə dözən Sarabəyim üçün fərqi yoxuydu, ya zəlzələdən, ya vəlvələdən, onsuz da balası ölmüşdü. Amma onu yandıran, torpaqlarımızın işğal altında olduğu halda, oğlunun yad ölkədə vu- ruşaraq ölməsi idi. Qışqırıb-çığırmaqdan, hönkür- məkdən səsi də batmışdı qadının. Oturub durub elə hey deyinir, kiminsə qarasına danışırdı: – Balam Qarabağda şəhid olsaydı, bu qədər yanıb göynəməzdim. Mənim balamı iş adıyla al- dadıb aparıblar. Belə müsəlmançılıq qədri biləndirlərsə, Suriyaya adam göndərincə, 20 ildir işğal altında qalan Qarabağa göndərsinlər. Beş-altı ölkəni ayaqlayıb övladlarımızı Suriyaya apara bilirlərsə, deməli, Qarabağa da apara bilərdilər. Neçənci dəfədir ki, belə hadisələr baş verir. Vallah burda düşmən barmağı var, ay camaat. – Ay xala, Qaraxanı Suriyaya kim göndər- mişdi ki? – deyə kimsə ikibaşlı sual verdi? – Necə yəni kim göndərib, məgər uşaq özbaşına gedib? – Sarabəyim də acıqlı-acıqlı cavab verdi. – Camaatın uşağı tut yarpağı kimi qırılıb töküləndən sonra əl-ayağa düşüblər, bunun qabağın vaxtında ala bilmirdilər? – dedi. Və yenə özündən gedib döşəməyə sərildi, onsuz da ağla- maqdan batan səsi bu dəfə birdəfəlik kəsildi. 35 SİRLİ ƏMƏLİYYAT Bayırdakı dedi-qodu isə kəsilmək bilmirdi. Nədənsə gözdən uzaq bir yerə sığınıb qadının fəryadını xəlvəti dinləyən Xanlar yenə də adamların arasında peyda olmuşdu. Sarabəyimə çəkilən oğul dağı onun tükünü də tərpətmirdi. Hələ üstəlik, deyirdi ki, anası Qaraxan kimi oğulla fəxr etməlidir. Xəbərçi Qasım isə sağ əlinin şəhadət barmağını öz gicgahına dirəyib, sonra da həmin əlini açaraq ovcunun içərisinə püflədi ki, bu da Xanların ağlının yoxluğuna işarə idi. Amma Qasımın jestini göydə tutan Xanlar özünü haqlı sayırdı. Sırtıq yerinə salıb dilləndi: – Müsəlman qardaşlarımıza köməyə gedib, də. Cihada qalxıb. Burda nə var ki, axı? İndi Qaraxan şəhid sayılır. Elə bil Xəbərçi Qasıma od vurdular. Tüstüsü təpəsindən çıxdı sanki. Bayaqdan ar-abırına qısılıb demək istəmədiklərini indi dilə gətirməyə məcbur oldu: – Ay səni öləsən elə, bu camaatı üz-üzə qoyub bir-birinə vurduran, qırdıran, ana-bacıları nahaq yerdən gözüyaşlı qoyan sizin kimilərdir. Ölən də müsəlman, öldürən də. Bunun harası ci- haddır, harası şəhidlikdir, ay tünbətünün oğlu? Düşmənçilikdən başqa nə var ki, burda? Camaatın 36 NƏRİMAN MAHMUD zülümlə böyütdüyü, bar-bəhrəsin görmədiyi uşaqlarını aparıb qırdırır, sonra da adını şəhid qoyursunuz? Belə vətənsevərsinizsə, gedib Qarabağda vuruşun, də. Vicdansızlar, əclaflar. Hökumətin yerinə olsam, səni və sənin kimilərin hamısını dama basdırardım... Qasımın gözü qızmışdı, dişinin dibindən gələni yağdırırdı. Hamı da onun arasıkəsilməz hücumuna, iradlarına haqq qazandırır, getdikcə qəzəblənir, gözləri ilə Xanları axtarır, didib dağıt- maq istəyirdi. Amma Xanlar bayaqkı kimi yenə də yavaş-yavaş aradan çıxmışdı. Fevral 2014 37 SİRLİ ƏMƏLİYYAT Yüklə 372,12 Kb. Dostları ilə paylaş:
|