Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
mağı da xoşlamırdı. Sonuncu dəfə Əliqulunun əməllərindən ziyan çəkəndə üzünə qarşı tək bircə kərə “Görüm, Allah sənin bəlanı versin”, - deyib ondan aralandı. Amma Əliqulunun maskası yırtılmışdı deyə, daha heç nəyi vecinə almırdı. Həmin gün axşam evdə hamını yuxuya verib, Mürsəlin mal-heyvanının axırına çıxmaq üçün dəhşətli plan hazırladı. Səhərə yaxın elə yenicə yuxuya getmişdi ki, vahiməli səs eşidib gözlərini açdı. Yarıçılpaq halda bayıra qaçdı. Qısa qapanma nəticəsində yaranan güclü alov qoyun-keçi sürüsünün və on beş baş inəyin saxlandığı tövləni ağzına almışdı. Fevral 2014 43 SİRLİ ƏMƏLİYYAT Əmirxanın inamı “Heç kimin haqqı heç kəsin boynunda qalmır”. Əmirxan hələ kiçik yaşlarından atasın- dan eşitdiyi bu kəlmələri tez-tez xatırlayar, tay- tuşlarının yanında təkrarlayardı. Balaca ikən mənasını tam anlamasa da, hardan eşitmişdisə, “haqq” sözünün mahiyyətini başa düşürdü. Və ona elə gəlirdi ki, bütövlükdə həmin kəlmələrin mənasının ağırlığı da məhz bu “haqq” kəlməsinin “çiyinlərindədir”. Bir də eşitmişdi ki, haqq olan Allahdır. Bildiyi də elə bu idi, vəs- salam. Yəqin uşaq fəhmi ilə anlamışdı ki, həmin beş-altı kəlmənin içərisində “haqq” sözü varsa, deməli, Allah kəlamıdır. Və onu harda gəldisə xatırlamağa da, təkrarlamağa da dəyərdi... Əmirxan böyüdükcə, həyat təcrübəsi art- dıqca ondan ötrü, “heç kimin haqqı heç kəsin boynunda qalmır” - kəlmələrinin mənası da böyüyür, eninə-uzununa kök atıb yaddaşının dərinliklərinə qədər uzanırdı. Amma təcrübə ilə yanaşı, atasının izahatları, olub-keçənlərdən misal gətirməsi də az rol oynamamışdı Əmirx- anın dünyagörüşündə. Qulaqları ilə ondan eşit- 44 NƏRİMAN MAHMUD diklərinin oxşarını gözləri ilə həyatda gördükcə, həmin o kəlmələrin İlahi hikməti sübutunu tapırdı. İkinci Cahan savaşında, daha dəqiqi, keçmiş sovet dövründə Böyük Vətən müharibəsi adlanan 1941- 45-in davasında iştirak edən atası Çaparxanın söylədikləri isə balaca Əmirxanı heyrətə gətirər, oturub saatlarla kişinin söhbətinə qulaq asardı. Çaparxan da söhbətin axırını, necə deyərlər, fır- ladıb elə yerə gətirirdi ki, oğlunun eşitmək istədiyi kəlmələrin yeri görünsün. Atasının müharibə veteranı olmasına görə idimi, ya nə idisə Əmirxan savaş filmlərinə bax- mağı çox xoşlayardı. Xoşa gəlməyən bir şey vardısa, o da Çaparxan kişinin yorunuq-ərinik vaxtında, filmin nümayişi zamanı oğlunun onu suala tutması idi. Amma Çaparxan yorğunluğunu büruzə verməz, oğlunun suallarını həvəslə cavab- landırardı. Oğlu da şirniklənib sualı sual dalınca yağdırardı. Əmirxana ən çox təsir edən isə sovet əsgərlərinin həlak olması və yaralanması səhnəsi idi. Ancaq döyüş yoldaşlarının, yaralıları öz kürəyindəcə uzaq məsafəyə daşıyıb faşistlərdən xilas etməsini görəndə sevinərdi... Əmirxan artıq böyümüş, Rusiyada hərbi xid- məti başa vurub Azərbaycana, öz doğma kəndinə 45 SİRLİ ƏMƏLİYYAT qayıtmış, yenicə işə düzəlmişdi. Amma xobbisin dəyişməmişdi, yenə də müharibə filmlərinə azarkeşlik edirdi. Bir dəfə faşizm üzərində qələbənin ildönümü ərəfəsində həmin savaşa həsr olunmuş filmə atası ilə birgə baxarkən gözlədiyi kadrlar diqqətini çəkdi. Filmdə sovet əsgər- lərindən birinin, ayağından yaralanmış döyüş yoldaşını çiyninə götürüb, üç kilometrə yaxın məsafə qət etdiyi, hərbi səhra hospitalına çat- dırdığı nümayiş olunurdu. Bu kadr Çaparxan kişini xeyli kövrəltdi. Xəyal qanadında sürətlə müharibə illərinə, döyüş meydanına qayıtdı. Özünü saxlaya bilmədi, gözlərindən axan yaş yanağını islatdı. Atasının belə bərk kövrəlməsi Əmirxanın diqqətindən yayınmadı. – Nə olub ki, atacan?! – deyə həyəcanla soruşdu. – Heç nə, bala, narahat olma, - Çaparxan cavab verdi. – Döyüş vaxtı yaralanan əsgər yoldaşlarımdan birini mən də çiynimə götürüb xeyli yol getmişəm, - dedi. Əmirxan təəccübləndi: – Doğrudan? Bəs, indiyə qədər bunu mənə niyə deməmisən? – Söhbət eləmişəm, mənim balam, o vaxt sən hələ balaca idin, yəqin unutmusan, - Çaparxan 46 NƏRİMAN MAHMUD kişi cavab verdi. Və milliyyətcə moldovan olan döyüş yoldaşını yaralı halda 7 kilometr məsafəyə qədər necə apardığını gənc oğluna danışdı. Çaparxan danışdıqca Əmirxan onu ilk dəfə görürmüş kimi, təkrar-təkrar başdan ayağa süzür, sanki atasına həsəd aparırdı... Aradan bir neçə il keçmişdi. Qış fəsli idi. İş yerindən Moldovanın paytaxtı Kişinyova ezam edilmiş Əmirxan bu yerlərin soyuğuna dözməyib bərk xəstələnmişdi. Halı getdikcə pisləşirdi. Bir- likdə işlədiyi yaşlı bir moldovan qadın ona yaxın- laşaraq, “gəl mənimlə gedək, səni evdə müalicə edərəm”, - dedi. Əmirxan qadının təklifini qəbul etdi. Xəstəliyinə görə bir neçə gün işə çıxmadı. Ev sahibəsinin Vasya adlı nəvəsi, azərbaycanlı qonaq darıxmasın deyə, Böyük Vətən müharibəsinin işti- rakçısı olan babasının foto-albomunu baxmaq üçün ona uzadaraq: – Baxın, əmican, yəqin sizin üçün də çox maraqlı olar, - dedi. Əmirxan albomu uşağın əlindən alıb acgö- zlüklə vərəqlədi. Döyüşçünün albomunda atası Çaparxanın şəklini görəndə sanki donub qaldı. Gözlərinə inanmırmış kimi təəccüblə: - Bu kimin şəklidir? – deyə soruşdu. 47 SİRLİ ƏMƏLİYYAT – Oğlum, bu bir azərbaycanlı balasının şək- lidir, adı da Çaparxandır, - qoca döyüşçü cavab verdi. – Həmin adam məni yaralı vəziyyətdə 7 km məsafəyə qədər çiynində apararaq, alman əsgər- lərinin əlinə keçməyə imkan verməyib, - dedi. Əmirxan fikrə getdi. Xəyal onu bir neçə il əvvələ qaytardı. Vaxtilə atasından eşitdiyi “heç kimin haqqı heç kəsin boynunda qalmır”, - sözləri qulaqlarında cingildədi. Fevral 2014 48 NƏRİMAN MAHMUD Yüklə 372,12 Kb. Dostları ilə paylaş:
|