24
lərinin, davranış stereotipinin), habelə qrup normalarının, kütləvi durumla-
rının və bütünlükdə ictimai şüurun arzu olunan istiqamətdə dəyişdirilmə-
si üçün müxtəlif təsir forma, metod və vasitələrinin məcmusudur (22).
İnformasiya müharibəsinin mahiyyətinin açıqlanmasına yönəlmiş yu-
xarıdakı fikirlər hər şeydən əvvəl bir daha cəmiyyət həyatında, insan
şüurunun formalaşmasında informasiyanın rolunu nümayiş etdirir. Ona
görə də informasiya müharibəsini elə informasiya məkanı və informasiya-
nın kəsərliliyinin artırılması uğrunda mübarizə kimi də qiymətləndirmək
mümkündür. İnformasiya müharibəsi yalnız müsbət çalarları, mövcud
həqiqətin açıqlanması kimi özünü ifadə etmir. Bu müharibə, eyni zaman-
da, saxta meyarlar əsasında formalaşdırılan informasiya məkanının qorun-
ması, bu məkanın genişləndirilməsi uğrunda aparıla bilər. Saxtalaşdırılmış
və əsassız faktlara dayaqlanan informasiya məkanının yaradılması da
informasiya müharibəsinin istiqamətlərindən biridir.
Maraq və mənafeləri toqquşan tərəflər arasındakı müxtəlif xarakterli
qarşıdurma müxtəlif inkişaf mərhələlərindən keçdiyi kimi, informasiya
qarşıdurmasının informasiya müharibəsinə keçməsi də müxtəlif mərhələ-
lərdən keçə bilər. Mütəxəssislərin fikrincə, informasiya müharibəsinə
aparan qarşıdurma dörd inkişaf mərhələsindən keçə bilər.
Birinci mərhələ – tərəflərin dinc mövcudluğudur. Bu mərhələdə
tərəflər arasında informasiya-psixoloji konflikt meydana gəlsə də, bu
konflikt lokal xarakter daşıyır və tərəflərin milli maraqlarına və siyasi
münasibətlərinə ziyan verəcək təsirə malik olmur. Tərəflər iradə nümayiş
etdirəcəkləri təqdirdə bu lokal informasiya konfliktinin səbəblərini müəy-
yənləşdirmək və aradan qaldırmaq mümkündür.
Ġkinci mərhələ – tərəflərin maraqlarının toqquĢması mərhələsi-
dir. Bu mərhələdə özünü göstərən ziddiyyət üçün qarşılıqlı münasibətlə-
rin daha da gərginləşməsi, konfliktin güclənməsi və onun miqyasının
genişlənməsi xarakterikdir. İnformasiya sferasında özünü göstərən belə
qarşıdurma tərəflərin birgə məqsədyönlü fəaliyyətini tələb edir. Əgər
birgə məqsədyönlü fəaliyyət göstərilməsə, tərəflər arasındakı qarşıdurma
daha da genişlənə və gərgin mərhələyə keçə bilər. Qarşıdurmanın bu
mərhələyə çatması tərəflərdən birinin maraqları və fəaliyyəti ilə baş verə
bilər. Əgər tərəflər qarşıdurmanın səbəblərinin aradan qaldırılması üçün
eyni mövqedən çıxış etməzlərsə, onda birtərəfli şəkildə göstərilən cəhd-
lərin faydası da olmayacaqdır.
QarĢıdurma mərhələsi və ya təhlükəli mərhələ. Bu mərhələdə artıq
dövlət və milli maraqlar təhlükə altına alına bilər. Əvvəlki mərhələdə ya-
25
ranmış qarşıdurmanın aradan qaldırılması üçün tərəflərin eyni səviyyə və
xarakterli iradə nümayiş etdirməməsi onun daha da kəskinləşməsinə yol
açar. Bu mərhələdə tərəflərin qarşılıqlı münasibəti o həddə çatır ki, onun
davam etdirilməsi tərəflərdən birinin və ya hər ikisinin dövlət maraqla-
rına ciddi zərbə vura bilər. Bu mərhələdən sovuşmaq üçün tərəflərin öz
iradələri ilə, ya da kənar qüvvələrin vasitəçiliyi ilə yaranmış qarşıdurma-
dan çıxmaq imkanları olur.
Ġnformasiya-psixoloji müharibə mərhələsi. Bu mərhələ qarşıdurma-
nın ifrat səviyyəsidir. İnformasiya-psixoloji müharibə mərhələsində ilkin lo-
kal konfliktlər qlobal miqyasa qədər genişlənir və bu mərhələ öz ağuşuna
yeni subyektləri və fəaliyyət sahələrini alır (23).
Bir daha qeyd edilməlidir ki, informasiya qarşıdurmasının son mərhə-
ləsi, yəni informasiya müharibəsi öz əhatə dairəsinin, dağıdıcı xarakteri-
nin genişlənməsi, cəlb olunan qüvvələrin çoxluğu, istifadə olunan vasitə-
lərin kütləviliyi və s. cəhətləri ilə xarakterizə olunur.
İnformasiya və telekommunikasiya texnologiyalarının son dərəcə sü-
rətlə inkişafı, qlobal kompüterləşmə, informasiya qarşıdurması və müha-
ribəsinin aparılmasını da yeni bir səviyyəyə qaldırmaqdadır. Hazırda in-
formasiyanın qloballaşan dünyada təsiretmə imkanları o dərəcədə artmış-
dır ki, gələcəkdə onun müxtəlif konfliktlərin idarə edilməsinin əsas vasitə-
lərindən birinə çevriləcəyi güman edilir. Ona görə mütəxəssislər hətta
ikinci nəsil informasiya müharibəsinin həyata vəsiqə ala biləcəyindən da-
nışırlar. Bildirilir ki, ikinci nəsil informasiya müharibələri ayrı-ayrı şəxs-
lərin, qrupların düşüncəsinə təsir etmək əvəzinə, bütöv bir ictimai dünya-
görüşünün formalaşmasına və bununla da böyük bir toplumun məqsəd-
yönlü şəkildə istiqamətləndirilməsinə gətirib çıxaracaqdır. Mütəxəssislə-
rin fikrincə, ikinci nəsil informasiya müharibələrinin işə salınması ilə
aşağıdakı nəticələri əldə etmək mümkün olacaqdır:
– mənəviyyatsızlıq və kasadlıq atmosferi, düşmənin mədəni irsinə
mənfi münasibət formalaşdırılması;
– siyasi gərginlik və xaos yaradılması məqsədi ilə ölkə əhalisinin, so-
sial qrupların siyasi baxışlarını və ictimai şüurunu manipulyasiya etmək;
– konfliktlərin yaradılması, etimadsızlıq və şübhənin qızışdırılması,
siyasi mübarizənin kəskinləşdirilməsi, müxalifətə qarşı təqiblərin və
hətta vətəndaş müharibəsinin oyadılması məqsədi ilə siyasi partiyalar,
hərəkatlar və birliklər arasındakı siyasi münasibətlərin qarışdırılması;
26
– idarəetmə və hakimiyyət orqanlarının informasiya təminatı səviyyə-
sini aşağı salmaq, qeyri-düzgün idarəetmə qərarlarının qəbuluna zəmin
yaratmaq;
– dövlət orqanlarının fəaliyyəti haqqında əhaliyə dezinformasiya ver-
mək, bu orqanların nüfuzunu zədələmək, idarəetmə orqanlarını hörmət-
dən salmaq;
– ictimai, siyasi, milli və dini toqquşmaları qızışdırmaq;
– tətilləri, kütləvi iğtişaşları və digər kütləvi etirazları qızışdırmaq;
– idarəetmə orqanlarının mühüm qərarlar qəbul etməsini çətinləşdirmək;
– dövlətin beynəlxalq nüfuzunu, onun digər ölkələrlə əməkdaşlığını
gözdən salmaq;
– siyasi, iqtisadi, müdafiə və digər sahələrdə dövlətin həyati vacib
maraqlarına zərbə vurmaq (24).
Qeyd etmək lazımdır ki, XX əsrin sonu və XXI əsrin əvvəllərində
dünya səhnəsində özünə yer alan etnik münaqişələr də informasiya mü-
haribəsinin ikinci nəslinin imkanları ilə əhatə olunmuşdur. Ona görə də
bu münaqişələr ətrafında cərəyan edən informasiya müharibələri kütləvi-
liyi, qloballığı və kəskinliyi ilə fərqlənir.
3. Ġnformasiya-psixoloji müharibənin konsepsiyası
Etnik münaqişənin informasiya-psixoloji müharibəsinin xarakteri, gər-
ginliyi, əhatə dairəsi, cəlb etdiyi qüvvə və vəsaitlərin təsirliliyi onun kon-
sepsiyası ilə daha çox əlaqəlidir. Çünki məhz konsepsiya vasitəsi ilə tə-
rəflərin etnik münaqişənin informasiya-psixoloji müharibəsinin mahiy-
yətinə olan baxışlarını aydınlaşdırmaq və bu istiqamətdə həyata keçirilən
siyasətinin istiqamətlərini müəyyənləşdirmək mümkündür.
Konseptual baxışların müəyyənləşdirilməsi və formalaşdırılması cə-
miyyət daxilində baş verən ictimai hadisələrin mahiyyətini başa düşməyə
və ya həmin hadisələrin inkişaf etdirilməsinə məqsədyönlü şəkildə təsir
etməyə imkan verir.
Konsepsiya – müəyyən problemin və ya hadisənin mahiyyətini başa
düşməyə istiqamətlənmiş baxışlar sistemidir. Və ya konsepsiya bu və ya
digər fəaliyyət çərçivəsində qarşıya qoyulmuş vəzifələrin həlli yollarını
və inkişaf istiqamətlərini müəyyənləşdirən prinsiplər məcmusudur (25).
Bu anlayışın başqa bir şərhi də ondan ibarətdir ki, konsepsiya hər
hansı bir hadisənin qiymətləndirilməsi üçün müəyyən yanaşma üsuludur,
Dostları ilə paylaş: |