·
İnformasiya günün tələbinə uyğun, aktual olmalıdır;
·
İnformasiya “təzə” olmalıdır;
·
Press-reliz yalnız bir xəbəri (hadisəni) əks etdirməlidir,
həmçinin oxunaqlı və aydın dildə yazılmalıdır;
·
Press-relizin başlığı jurnalistləri informasiyanı oxumağa
cəlb edən hissə sayılaraq, maraqlı və eyni zamanda mümkün
dərəcədə qısa olmalıdır. Başlıq kontekstə uyğun olmalı və
məlumatın mahiyyətini oxuculara xəbər verməlidir;
·
Press-reliz reklam xarakteri daşımamalıdır.
Press-relizlərin növləri
Press-relizlərin aşağıdakı növləri var:
·
Press-reliz anons - bu cür press-relizdə baş verəcək hadisə
haqda informasiya verilir
·
Press-reliz xəbər (news-reliz) – bu cür press-reliz artıq
baş vermiş hadisə haqqında informasiya verir. Bu press-relizə
həmçinin tədbir və hadisə iştirakçılarının kiçik şərhləri və
mövqelərini də əlavə etmək olar.
·
İnformasiya press-relizi – bu cür press-reliz isə hələ başa
çatmamış, davamlı tədbir haqqında məlumatı özündə əks etdirir.
Bu press-relizdə yalnız tədbirin gedişatındakı kiçik yeniliklər
haqqında məlumat verilir.
Press-relizin həcmi iki səhifədən artıq olmamalı, oradakı
informasiya press-relizin göndəriləcəyi ünvanın tələblərinə
uyğun olmalıdır. Bir nüansı da xüsusi olaraq vurğulamaq
lazımdır ki, hədəf qruplarınızla kommunikasiyada savadlı PR
mətn sizin uğurunuzun təminatıdır.
ь
PReambula
ь
PRoblemlərin həlli
ь
PRoqmatik
ь
PRaktik
19
PR - da hər bir təşkilatı ictimai rəylər okeanında üzən yelkənli
gəmiyə bənzətmək olar. Külək hansı tərəfdən əsə bilər? Və ya
hansı tərəfə üzmək mümkündür? Münasibətlər varsa bu zaman
hansı tərəfə üzməyə fikir vermək lazımdır ki, aysberqə
toxunmayaq. İctimai rəy – ictimaiyyətin nəyəsə münasibətidir.
İctimai rəyi isə PR tədbirlər zamanı formalaşdırmaq olar. PR
tədbirlərin aşağıdakı formaları var:
·
informativ
·
mədəni
·
elmi
·
təhsil
·
bayram
·
xeyriyyəçilik
Bu formalara əsasən, PR tədbirlər aşağıdakı təsnifatlara
bölünür:
·
Brifinq - Dövlət və kommersiya təşkilatlarının rəsmi
şəxslərinin KİV nümayəndələri ilə görüşünü nəzərdə tutan PR
aksiyadır. Bu aksiyada yeniliklər barədə məlumat verilir,
müəyyən edilmiş məsələlər barədə təşkilatın fikirləri ifadə
olunur.
·
Press-konfrans – Jurnalistlərlə təşkilat, şirkət və
qurumların nümayəndələrinin görüşünün təşkili. Press-
konfransın məqsədi – birinci şəxslərin dilindən KİV nüma-
yəndələrinə müxtəlif aspektlərdən informasiya və şərhlərin
verilməsidir. Press-konfranslarda qarşılıqlı sual-cavab for-
masında KİV nümayəndələri əvvəlcədən müəyyənləşdirilmiş
mövzu və ya qurumun fəaliyyət sahəsinə dair digər aktual
məsələlər barədə dolğun informasiya ilə təmin edilir.
·
Press-tur – Region, layihə, təşkilata diqqəti cəlb etmək
üçün jurnalistlər üçün təşkil edilmiş ekskursiyadır.
PR tədbirlərin və promo-aksiyaların formaları
20
·
Təqdimat - Yeni təşkilatın, şirkətin, layihənin, əmtəənin
dəvət edilmiş maraqlı tərəflərin əhatəsində rəsmi olaraq təqdim
edilməsi. Adətən, təqdimatlar reklam-kommersiya məqsədləri ilə
keçirilir.
·
Sərgi – İqtisadiyyat, elm, texnika, mədəniyyət, incəsənət
və ictimai həyatın başqa sahələrində əldə edilən nailiyyətlərin
göstərilməsini nəzərdə tutan PR aksiyadır.
·
Konfrans – Əvvəlcədən müəyyənləşdirilmiş mövzu
əsasında təşkilatın, müxtəlif fəaliyyət sahəsi mütəxəssislərinin
iclası.
·
Şou-marketinq - Əmtəə və xidmətlərin tanıtımı üçün
reklam-şousu çərçivəsində xüsusi proqramların təşkilini nəzərdə
tutan PR aksiyasıdır. Bu aksiya zamanı PR- obyekt tanınmış
aktyor, idmançı və siyasətçilərin iştirakı ilə təşkil edilən konsert
və şou-proqramlar vasitəsi ilə populyarlaşdırılır.
·
Məhsulun kino və telefilmlərdə, kliplərdə yerləş-
dirilməsi – (product placement) Brendin cəmiyyətə inteqrasiyası
məqsədi ilə təşkil edilən PR aksiyadır. Məsələn: hər hansı bir
xidmət və məhsulun cəmiyyətə inteqrasiyasını həyata keçirməyə
zərurət yaranarsa, bu zaman həmin məhsuldan və ya xidmətdən
istifadəyə dair kadrlar film və ya məşhur müğənnilərin iştirakı ilə
klipə salınır. Lakin yadda saxlamalıyıq ki, həmin məhsul və
xidmətin özünü qabarıq şəkildə büruzə verməməsinə diqqət
yetirmək lazımdır; bir-iki kadrla kifayətlənmək olar.
·
Fiziki və hüquqi şəxslərə pul ödənişi,
əmlak təqdimetmə, xidmət göstərilməsi formasında köməklik
edilməsi. Bu zaman sponsorun məhsul və xidmətləri sponsorluq
xidməti göstərilən qurum tərəfindən təbliğ edilir.
·
“Qaynar xətt” - İctimaiyyətlə effektli, ikitərəfli inamlı
əlaqə vasitəsidir. Qaynar xəttin fəaliyyətə başlamasına dair qəzet
və televiziyalarda məlumat verilir. “Qaynar xətt” həm
informasiya almağa, həm də ictimai fikri öyrənməyə imkan
yaradır. “Qaynar xətt” 24 saat açıq olmalıdır. Bu zaman zənglər
qeydə alınarsa, hansı mövzuların daha aktual olduğunu
müəyyənləşdirmək olar.
21