Nigar Hüseynova

 
ANADOLUDA TӘSӘVVÜF ӘDӘBİYYATININ İLKİN  
MӘRHӘLӘSİ: 
 MÖVLANA, YUNİS ӘMRӘ 
 
Türklәr  İslam  dinini  qәbul  etdikdәn  sonra  Quranı  başa  düşә  bilmәk  üçün  Ərәb  dilini 
mükәmmәl  öyrәnmәk  mәcburiyyәtindә  qalıblar.  Mavәraunnәhr  vә  Xorasan  saraylarında  hakim 
olan  Fars  dili  vә  әdәbiyyatı  da  Türk  ziyalılarına  öz  tәsirini  bağışlayıb.  Bu  tәsir  XIII-cü  әsrin 
sonlarından tutmuş 19-cu әsrin ikinci hissәsinә kimi davam edib (Mermer, 2014:15-17).  
Bu  әdәbiyat,  vәzn  vә  nәzm  biçimlәrindәn  tutmuş  şeirin  hәr  cürә  motiv  vә  ilhamından 
tutmuş  mövzularına  kimi  bütün  gәlәnәklәrini  әhatә  edәrәk  müәyyәn  bir  әsas  daxilindә  vә 
hökmdarların himayәsi altında yaranıb. Saray şairlәrinin hökmdarlar üçün bәlaqәtli mәdhiyyәlәr 
düzdüklәri qәsidәlәr, idәal qәbul edilәn gözәl qadın vә qızların vәsfi, vüslata çatmayan bir eşqin 
izdirabları  ilә  duyğularını  dördlüklәrin  qәlibinә  sığışdıran  rübailәr,  eşq  macәralarının  dilә 
gәtirildiyi mәsnәvilәr bu әdәbiyyatın әhatә dairәsindә idi (Mermer, 2014:34).