Kimya məktəbdə
61
Termokimya sahəsində həyata keçirdiyimühüm tədqiqat işlərinə görə 1920 –ci
ildə alim Nobel mükafatına layiq görülmüşdür.
İngilis radiokimyaçısı, İstbornda (1877- 1956) anadan olmuş, Soddi Frederik
1898- ci ildə Oksford Universitetini bitirmişdir. 1919- 1936- cı illərdə Oksford
Universitetində professor vəzifəsində çalışmışdır. Radioaktiv maddələrin kimyası
və izotopların təbiəti və yaranması problemlərinin öyrənilməsi ilə əlaqədar həyata
keçirdiyi mühüm tədqiqatlarına görə 1921- ci ildə alim Nobel mükafatı almışdır.
Aston Frensis Uilyam (1877- 1945) Xorbornda (Bermingem yaxınlığında)
anadan olmuş, İngilis fiziki və kimyaçısı, 1903- 1908- ci illərdə Bermingem
Universitetində ingilis fiziki C. Poyntingin yanında fəaliyyət göstərmişdir. 1945-
ci ildə Nəzəri və Tətbiqi Kimya Üzrə Beynəlxalq İttifaqın atom kütlələri
komissiyasının sədri vəzifəsində işləmişdir. Radioaktiv olmayan elementlərin
çoxlu sayda izotoplarını kəşf etdiyinə və tam ədədlər qaydasını yaratdığına görə
1922- ci ildə alim Nobel mükafatına layiq görülmüşdür.
Vyanada (1865- 1929) anadan olmuş, avstriya fiziki- kimyaçısı Ziqmondi
Rixard Adolf 1887- ildə Vyana Ali Texniki Məktəbini, 1889- cu ildə isə Münhen
Universitetini bitirmişdir. 1903- 1907- ci illərdə Gettingen Universitetində üzvi və
kalloid kimya üzrə professor vəzifəsində çalışmışdır. 1908- 1929- cu illərdə
Gettingen Universiteti nəzdindəki qeyri- üzvi kimya institutunun direktoru
olmuşdur. 1925- ci ildə R. Ziqmondiyə kalloid məhlulların heterogen təbiətini
müəyyən etdiyinə və müasir kalloid kimyada mühüm əhəmiyyət kəsb edən
orijinal metodlar işləyib hazırladığına görə Nobel mükafatı verilmişdir.
İsveç fiziki- kimyaçısı, Balboda (Evleborq dairəsi) (1884- 1971) anadan
olmuş, Svedberq Teodor 1907- ci ildə Ujal Universitetini bitirmişdir. 1921- ci ildə
professor elmi adı almışdır. Dispers sistemlər sahəsində mühüm tədqiqatlarına
görə, S.Teodor 1926- cı ildə Nobel mükafatına layiq görülmüşdür.
Pforxtsxeymdə (Baden torpağı) (1877- 1957) anadan olmuş, alman üzvi-
kimyaçısı və biokimyaçısı, Viland Henrix Otto 1896- cı ildə Münhen, 1897- ci
ildə Berlin Universitetində, 1898- ci ildə Ştutqartdakı Ali Texniki Məktəbində
təhsil almışdır. 1909- cu ildə professor adını almışdır. Çoxlu sayda öd turşylarının
sintezi və öyrənilməsi, habelə onların quruluşunun müəyyən edilməsi sahəsində
kompleks tədqiqat işləri həyata keçirdiyinə görə 1927- ci ildə alim Nobel
mükafatına layiq görülmüşdür.
Mançesterdə (1865- 1940) anadan olmuş, ingilis biokimyaçısı, Qarden Artur
1885- ci ildə Mançester Universitetini bitirmişdir.1888- ci ildə fəlsəfə doktoru
alimlik dərəcəsi almışdır. 1912- ci ildən London Universitetinin professoru
olmuşdur. İngilis fiziki U. Beyslə 1906- cı ildə “Bioloji- kimya”jurnalını təsis
etmişdir. Q. Eyler- Xelpinlə birlikdə 1929- cu ildə şəkərlərin fermentasiyasıvə
bununla əlaqədar enzimlərin öyrənilməsi sahəsində həyata keçirdikləri mühüm
1(49)2015
62
tədqiqatlara görə alimə Nobel mükafatı verilmişdir.
Məşhur riyaziyyatçı L. Eylerin nəslindən olan isveç biokimyaçısı, Eyler-
Xelpin Hans Karl (1873- 1964) Ausburqda (Almaniya) doğulmuşdur. 1895- ci
ildə Berlin Universitetini bitirmişdir. 1898- ci ildən Stokholm Universitetində
(1906- cı ildən professor), 1938- 1948- ci illərdə üzvi kimya institutunda direktor
olmuşdur. Şəkərlərin fermentasiyası və bununla əlaqədar enzimlərin öyrənilməsi
sahəsində həyata keçirdikləri mühüm tədqiqatlara görə 1929- cu ildə A. Qardenlə
birlikdə alim Nobel mükafatına layiq görülmüşdür.
1881- 1945- ci illərdə yaşamış, alman üzvi kimyaçısı və biokimyaçısı Fişer
Hans Eygen Xexsdə doğulmuşdur. 1904- cü ildə Marburq Universitetini
bitirmişdir. 1910- 1916- cı illərdə Münhendə işləmişdir. 1916- ci ildə professor
elmi adını almışdır. Alimə 1930- cu ildə Nobel mükafatı verilmişdir. Alim bu
mükafata qanın və bitkilərin rəngləyici maddələrinin quruluşunun öyrənilməsi
işlərinə görə layiq görülmüşdür.
Alman- kimyaçı- texnoloqu Boş Karl (1874- 1940) Kölndə doğulmuşdur.
1894- 1896- cı illərdə Berlindəki Ali Texniki məktəbdə və Leypsid
Universitetində təhsil almışdır. 1898- ci ildə fəlsəfə doktoru alimlik dərəcəsi
almışdır. 1931- ci ildə F. Berqiusla birlikdə Nobel mükafatına layiq görülmüşdür.
Bu mükafat onlara yüksək təzyiq metodlarını kimya texnologiyasında
müvəffəqiyyətlə tətbiq etdiklərinə görə verilmişdir.
Qoldşmidendə (Breslau yaxınlığında) anadan olmuş (1884- 1949) alman
kimyaçı- texnoloqu Berqius Fridrix Breslau və Leypsiq Universitetlərində
oxumuşdur. 1907- ci ildə fəlsəfə doktoru alimlik dərəcəsi almışdır. 1931- ci ildə
K. Boşla birlikdə Nobel mükafatına layiq görülmüşdür. Yüksək təzyiq metodlarını
kimya texnologiyasında tətbiq etdiklərinə görə onlara bu mükafat verilmişdir.
Amerika fiziki və fiziki- kimyaçısı, Lenqmyur İrvinq (1881- 1957), Nyu-
Yorkda doğulmuşdur. 1903- cü ildə Nyu- Yorkdakı Kolumbiya Universitetinin
Dağ Məktəbini və Gettingen Universitetini bitirmişdir. 1906- cı ildə fəlsəfə
doktoru alimlik dərəcəsi almışdır. Səth hadisələrinin kəşfi və tətbiqi sahəsində
həyata keçirdiyi mühüm elmi işlərə görə 1932- ci ildə alim Nobel mükafatı
almışdır.
Uolkertonda (İndiana ştatı) doğulmuş (1893- 1981), amerika fiziki-
kimyaçısı, Yuri Harold Kleyton 1917- ci ildə Montans Universitetini bitirmişdir.
1929- cu ildən Nyu- Yorkdakı Kolumbiya Universitetində fəaliyyət göstərmiş,
1934- cü ildə professor elmi adı almışdır. Elə həmin ildə yəni, 1934- cü ildə Nobel
mükafatına layiq görülmüşdür.
Fransız fiziki, radiokimyaçısı və ictimai xadim, Jolio- Küri Frederik (1900-
1958) Parisdə doğulmuşdur. 1923- cü ildə Paris Sənaye Fizikası və Kimyası
məktəbini bitirmişdir. 1934- cü ildə süni radioaktivlik hadisəsini kəşf etmişdir.
1956- cı ildən Orsdakı Radium və Nüvə Fizikası laboratoriyasının rəhbəri