22 iyul 2017-ci il
3
OĞUZ YURDU
142 il bundan əvvəl Azərbaycan söz, fikir
və mədəniyyət tarixinə çox mühüm, maraqlı,
gələcəyə yaşıl işıq tutan bir səhifə yazıldı.
Bu səhifə söz, milli düşüncə və mədəniyyə-
timizdə bir hadisə oldu.
XIX əsrin ikinci yarısında çar Rusiyasında
cərəyan edən ictimai-siyasi, iqtisadi və
mədəni proseslərin milli ucqarlara, o cüm-
lədən, Azərbaycana təsiri altında milli mət-
buatımız təşəkkül tapmağa başladı. Dövr
çox ağır, çətin bir dövr idi. Belə ki, cəmiy-
yətdə feodal münasibətləri kapitalist müna-
sibətləri ilə əvəz olunurdu. Bu isə bir çox
proseslərə təsir edirdi. Milli intibah, dirçəliş
prosesi gedirdi. Milli burjuaziya
formalaşmağa başlamışdı. Elə
bu milli burjuaziyanın və
görkəmli şəxsiyyətlərin səyi
ilə maarif inkişaf etməyə
başladı. Bu insanlar cəmiy-
yət həyatında, inkişafında mət-
buatın rolunu yüksək dəyərləndirirdilər və
yaxşı bilirdilər ki, mətbuat xalqın inkişafında
əvəzolunmazdır. Belə şəxsiyyətlərdən biri
olan maarifçi ziyalı Həsən bəy Zərdabi özü
də xalqın maariflənməsində “qəzet çıxar-
maqdan savayı bir qeyri-əlac yoxdur" yazır-
dı. Çar idarələrindəki süründürməçilik, hərc-
mərclik çox çətinliklə Azərbaycan dilində
mətbəə və hürufat təşkil edən Həsən bəy
Zərdabinin qəzet nəşr etmək arzusunu
uzun müddət reallaşdırmağa imkan ver-
mədi. 1873-cü ilin aprel ayında maliyyə və-
saiti əldə etdikdən sonra H.B. Zərdabi Ba-
kının qubernatoruna ərizə ilə müraciət edə-
rək qəzet nəşrinə icazə istədi. Qəzetin
nəşrinə 1875-ci ildə icazə verildi və iyul
ayının 22-də "Əkinçi"nin ilk sayı işıq üzü
gördü və beləliklə Azərbaycanda milli mət-
buatın əsası qoyuldu. Qəzetin adının “Əkin-
çi” qoyulması ilə Həsən bəy Zərdabi o vaxt-
kı senzuranın diqqətini yayındırmağa, qəze-
tin əsas ideya istiqamətindən uzaqlaşdır-
mağa nail olmağa çalışmışdır.
Maarifləndirmə, müasirləşmə, ideya saf-
lığı, ümummilli məqsədlərin təbliği, bəşəri
dəyərlərlə milli ənənələrin üzvi vəhdəti, ədə-
bi dilin danışıq dilinə yaxınlaşdırılması, hadi-
sələrin obyektiv işıqlandırılması "Əkinçi"
qəzeti tərəfindən bəyan edilmiş başlıca prin-
siplər idi. Bu prinsiplər həm də Azərbay-
canda milli demokratik mətbuatın gələcək
inkişafı üçün təməl daşları rolunu oynadı.
Qəzet ilk saylarında 4 şöbədən-Daxiliy-
yə, Əkin və ziraət xəbərləri, Elm xəbərləri,
Tazə xəbərlərdən ibarət idi. 6-cı saydan
etibarən qəzetdə məktublar şöbəsi də fəa-
liyyət göstərirdi. "Əkinçi" Bakıda çap olunsa
da, tezliklə ümumrusiya müsəlmanlarının
qəzetinə çevrildi. Onu Dağıstanda və
Volqaboyunda, Mərkəzi Asiya, Sibirdə və
digər yerlərdə oxuyurdular. "Əkinçi"nin so-
rağı Londona da gedib çıxmışdı.
"Əkinçi" xalqın şüuruna təsir etmək, onu
avamlıq və xurafat buxovlarından azad
etmək, kütlədə milli mənlik şüurunu inkişaf
etdirmək məsələlərinə çox önəm verirdi.
Bildiyimiz kimi H.B. Zərdabi Rusiyada təh-
sil almışdı və o, həmin dövrdə Rusiyadakı
ab-havanı Azərbaycanda görmək istəyirdi.
O dövrdə demokratik fikirli ziyalılarla ün-
siyyət quran və dövrün mütərəqqi ideyalarını
mənimsəyən Zərdabi xalqın tərəqqisini,
insan hüquqlarının təmin olunmasını başlıca
məqsəd kimi götürürdü. Çətin bir dövrdə
nəşr olunmasına baxmayaraq "Əkinçi" azad
söz probleminin mövcudluğunu ortaya qo-
yurdu. Qəzetin səhifələrində dərc olunan
yazıların bir qismi dini fanatizm və mövhu-
mata qarşı idi. “Əkinçi”nin yazarları islamda
mövhumatı və dini fanatizmi qəbul etmir, dini
ayinləri həyata keçirərkən Quranda nəzərdə
tutulan qaydalardan kənara çıxmaları zərərli
hal hesab edirdilər. Yeniliyi alqışlayan “Əkin-
çi”lər onu təbliğ edirdilər. Qonşu ölkələrdə
və dünyada baş verən mütərəqqi ideyalar
barədə ətraflı məlumat verərək xalqın
məlumatlanmasına, mədəni intibaha qədəm
qoymasına böyük kömək edirdi. Həsən bəy
Zərdabi "Əkinçi"nin səhifələrində kənd
təsərrüfatına aid xeyli sayda materiallar dərc
edirdi. Demək olar ki, qəzetin bütün nöm-
rələrində əkinçilik və maldarlıqla bağlı ma-
teriallar "Elm xəbərləri", "Əkin və ziraət
xəbərləri" rubrikası altında işıq üzü görürdü.
Bu materialların əksəriyyətini Zərdabinin
özü sadə, rəvan xalq dilində qələmə alırdı.
Torpağın məhsuldarlığının artırılması, gübrə
növləri, heyvan saxlanılması, yeni əkinçilik
alətləri əsas mövzular idi.
“Əkinçi”nin əsas mövzularından biri də
dilimizin saflığının qorunması məsələləri ilə
bağlı idi. Bütün təzyiqlərə baxmayaraq Zər-
dabi bu mövzuya sevə-sevə və cəsarətlə
toxunurdu. Onun bir məqsədi var idi: Mət-
buatdan istifadə etməklə milli şüuru oyat-
maq, xalqın özünü dərk etməsinə nail ol-
maq. Sözsüz ki, o vaxtkı çar hakimiyyəti
ucqar bir yerdə belə açıq mübarizə aparıl-
masını qəbul edə bilmirdi, qəzetə və onun
naşirlərinə təzyiq edilirdi. Lakin bütün bun-
lara baxmayaraq Zərdabi və silahdaşları
qəzeti çıxarırdılar. Heç də təsadüfi deyil ki,
Bakıya gələn bir fransız müxbiri H.B. Zər-
dabinin təkbaşına qəzet çap etdiyini öyrənib
onun ziyarətinə getmiş və demişdir: "Siz
həqiqi qəhrəmansınız. Bizdə belə bir kasıb
qəzetdə işləməyə razı olan bir nəfər də tapıl-
mazdı. Sizin enerjinizə heyranam. Görünür,
öz xalqınızı ürəkdən sevirsiniz".
Qəzetin 1875-ci ildə cəmi 12, 1876-cı ildə
24, 1877-ci ildə isə 20 sayı işıq üzü gördü.
Yəni Azərbaycan dilində ilk mətbu orqanımı-
zın cəmi 56 sayı çıxdı. 1877-ci ildə çıxan 20-
ci sayından sonra qəzet bağlanıldı.
Qəzetin yazarları-Mirzə Fətəli Axundov,
Seyid Əzim Şirvani, Nəcəf bəy Vəzirov,
Əsgər ağa Gorani, Ələkbər Heydəri, İsa Sul-
tan Şahtaxtlı və başqaları “Əkinçi”nin ma-
raqlı və oxunaqlı çıxmasında böyük əmək
sərf etmiş və “Əkinçi”dən sonrakı fikir tari-
xində mühüm rol oynamışlar.
“Əkinçi”nin başladığı yol uğurlu oldu. XX
əsrin əvvəllərində “Əkinçi”ənənələrini da-
vam etdirən çoxlu sayda qəzet və jurnal
nəşr olundu. Bu mətbu orqanlar mütərəqqi
ideyaların carçısına çevrildilər.
Əsrin əvvəllərində Azərbaycanda çıxan
dövri mətbuat orqanları sözsüz ki, milli oya-
nış, milli özünüdərk proseslərinin aparıcı va-
sitələrindən biri idi. Azərbaycanın 1918-ci il
mayın 28-də öz müstəqilliyini qazanma-
sında milli mətbuatın da mühüm rolu olmuş-
dur. Azərbaycan Xalq Cümhuriyyətinin qu-
rucularının fəaliyyətlərində mətbuatın misil-
siz xidmətləri vardır.
Sovet hakimiyyəti illərində də Azərbaycan
mətbuatı müəyyən inkişaf yolu keçmişdir.
Hakim ideologiyanı təbliğ etmək əsas məq-
sədi olan çoxlu qəzet və jurnallar çıxmış,
güclü maddi-texniki baza yaradılmış, böyük
jurnalistlər ordusu yetişmiş, mətbuatın inki-
şafı sahəsində mühüm işlər görülmüşdür.
Ötən əsrin 80-ci illərinin sonlarına yaxın
başlayan milli-azadlıq hərəkatının formalaş-
masında mətbuat mühüm rol oynadı. Azər-
baycan öz müstəqilliyini bərpa etdikdən
sonra mətbuatın inkişafında da dönüş
yarandı, siyasi plüralizm və söz azadlığını
təmin etmək üçün mühüm tədbirlər həyata
keçirildi.
"Azərbaycan Respublikasının dövlət müs-
təqilliyi haqqında Konstitusiya Aktı"nda və-
təndaşların söz, fikir, mətbuat azadlıqları
təsbit edildi. Həmin illərdə demokratik ruhlu
qəzet və jurnalların sayı artdı. 1993-cü ilin
iyunundan sonra respublikada ictimai-siyasi
sabitliyin bərqərar olması, vətəndaşların
təhlükəsizliyinin və qanunçuluğun tədricən
gücləndirilməsi, sosial-iqtisadi problemlərin
həlli istiqamətində ciddi addımların atılması
KİV-lərin fəaliyyəti, söz və mətbuat azadlı-
ğının müdafiəsi sahəsində də əsaslı irəlilə-
yişlərin əldə olunmasına şərait yaratdı.
1995-ci ildə qəbul olunan Azərbaycan
Konstitusiyasında ölkə vətəndaşlarının təh-
lükəsiz yaşamaq, söz, fikir, vicdan azadlığı
təsbit edildi. Konstitusiyanın 50-ci maddəsi-
nə əsasən hər kəsin informasiya əldə etmək
hüququ təmin edildi.
1996-cı il noyabrın 15-də "Dövlət sirri haq-
qında" Azərbaycan Respublikasının Qa-
nunu qəbul edildi. Ulu öndər Heydər Əli-
yevin 1998-ci il 18 iyun tarixli sərəncamı ilə
təsdiq edilən "İnsan hüquqlarının müdafiəsi-
nə dair Dövlət Proqramı" isə vətəndaşların
Konstitusiyada əksini tapmış söz, mətbuat,
fikir azadlıqlarının təminatına əlverişli imkan-
lar açdı. 1998-ci il avqustun 6-da "Azərbay-
can Respublikasında söz, fikir və mətbuat
azadlığının təmin edilməsi sahəsində əlavə
tədbirlər haqqında" fərman imzalandı. Bu
fərmanla informasiya vasitələri üzərində
senzuranı həyata keçirən "Qlavlit"
ləğv olundu. Daha sonra hərbi
senzura, bütün informasiya
yayımı üzərində nəzarət ləğv
olundu. Mətbuatın üzərindən
senzuranın ləğvi Azərbaycan-
da KİV-in inkişafına ciddi təkan
vermiş oldu.
2000-ci ildə Mətbuat və İnformasiya Nazir-
liyi ləğv edildi və beləliklə dövlət mətbuat
üzərində nəzarət funksiyasından da imtina
etmiş oldu. Həmçinin mətbu orqan yarat-
maq istəyənlərin işi asanlaşdırıldı. "Kütləvi
informasiya vasitələri haqqında" Azərbay-
can Respublikası Qanununa dəyişikliklər və
əlavələr edildi. Müstəqil Azərbaycan cəmiy-
yətin inkişafında mətbuatın rolunu yüksək
qiymətləndirirdi. Mətbuatın inkişafına dövlət
öz yardımını və köməyini göstərirdi. Belə ki,
qəzetlərin "Azərbaycan" nəşriyyatına olan
borcları 2005-ci ilədək donduruldu. Qəzetlə-
rin maddi-texniki bazasının yüksəldilməsi is-
tiqamətində tədbirlər müəyyənləşdirildi.
Sonrakı illərdə də ümummilli liderimizin
qoyduğu ənənə davam etdi. Prezident İlham
Əliyev söz və mətbuat azadlığını daim diq-
qət mərkəzində saxlayır. Dövlət başçısı res-
publikada mətbu nəşrlərin sərbəst fəaliyyəti-
nə, jurnalistlərin öz iradələrini azad şəkildə
ifadə etməsinə hər cür imkan yaradıb. Azər-
baycan milli mətbuatının yubileyləri dövlət
səviyyəsində qeyd edilir. Hər il çoxsaylı jur-
nalistlər fəxri adlara, mükafatlara layiq görü-
lür, ayrı-ayrı mətbuat orqanlarına dövlət tə-
rəfindən maliyyə yardımları edilir. Azərbay-
can Prezidenti İlham Əliyevin 2008-ci il 31
iyul tarixli "Azərbaycan Respublikasında
kütləvi informasiya vasitələrinin inkişafına
dövlət dəstəyi Konsepsiyasının təsdiq
edilməsi haqqında" sərəncamı ölkəmizdə
mətbuata göstərilən dövlət qayğısını bir
daha təsdiqlədi.
2009-cu il aprelin 3-də Azərbaycan Res-
publikasının Prezidenti İlham Əliyev "Azər-
baycan Respublikasının Prezidenti yanında
Kütləvi İnformasiya Vasitələrinin İnkişafına
Dövlət Dəstəyi Fondunun yaradılması haq-
qında" fərman imzaladı.
Mətbuat Şurası üçün yeni inzibati bina ti-
kilmiş, jurnalistlər üçün dövlət hesabına
mənzillər tikilib istifadəyə verilmiş və bu iş
davam etdirilir.
Mətbuata göstərilən dövlət qayğısı Azər-
baycan mətbuatının inkişafında böyük rol
oynayır və Azərbaycan mediası müasir
dövrün tələblərinə uyğun inkişaf edir.
Azərbaycan dövlət müstəqilliyini əldə et-
dikdən sonra 22 iyul ölkəmizdə Milli Mətbuat
Günü kimi qeyd edilir.
Sevindirici haldır ki, doğma “Oğuz yurdu”
da bu mətbu orqanlar ilə bir sırada addım-
layır.
2 2 İ Y U L M İ L L İ M Ə T B U A T G Ü N Ü D Ü R
2 2 İ Y U L M İ L L İ M Ə T B U A T G Ü N Ü D Ü R
“Əkinçi”dən başlayaraq böyük
“Əkinçi”dən başlayaraq böyük
inkişaf yolu keçən mətbuatımız
inkişaf yolu keçən mətbuatımız
Oğuz Rayon Mərkəzi Kitabxanasında Azərbaycan milli mətbu-
atının yaranmasının 142 illiyi ilə bağlı tədbir keçirilmişdir.
“Oğuz yurdu” qəzetinin redaktoru Nazim Hüseynli tədbiri aça-
raq Azərbaycan milli mətbuatının yaranmasının 142 illiyi ilə əla-
qədar rayon qəzeti redaksiyasının kollektivini, qəzetin oxucula-
rını, rayon ictimaiyyətini təbrik etmişdir. Azərbaycan milli mətbuatı-
nın 142 illiyi ilə əlaqədar məruzə tədbir iştirakçılarına təqdim olun-
muşdur.
Məruzədə 1875-ci il iyulun 22-də Azərbaycanın böyük ziyalısı
və vətənpərvər oğlu Həsən bəy Zərdabi tərəfindən ana dilimizdə
nəşr olunmağa başlayan "Əkinçi" qəzetinin keçdiyi yoldan, ölkə-
mizin, xalqımızın tərəqqisində milli mətbuatın rolundan, “Oğuz
yurdu “ qəzetinin fəaliyyətindən, eləcə də, ölkəmizdə kütləvi infor-
masiya vasitələrinin inkişafı üçün həyata keçirilən tədbirlərdən ət-
raflı bəhs olunmuşdur.
Qeyd edilmişdir ki, 1991-ci ildən-qəzetlərin maliyyələşdirilmə-
si büdcədən çıxarıldıqdan sonra ilk dəfədir ki, 2017-ci ilin yanvar
ayından qəzetin səhifələrinin sayı 4-dən 8-ə çatdırılmışdır. Qəzet
Bakı şəhərində daha yaxşı tərtibatla çap olunmağa başlamışdır.
İlin əvvəllərindən başlayaraq qəzetin hər bir sayının elektron vari-
antı MKS-nin saytında yerləşdirilir, “oghuz.cls.az” saytına daxil
olaraq “kitablar” bölbəsində “Oğuz yurdu qəzeti” linkinə daxil ol-
maqla qəzetimizin nömrələri ilə tanış ola bilərsiniz.
Şəki Regional Mədəniyyət və Turizm İdarəsinin baş məslə-
hətçisi Ulduz Baxışova, rayon qəzetinin keçmiş əməkdaşları, bio-
logiya üzrə fəlsəfə doktoru Qəzənfər Əliyev, şair-tədqiqatçı Yusif
Rzayev, Oğuz bələdiyyəsi sədrinin müavini Arif Əliyev, rayon
gənclər və idman idarəsi rəisinin müavini Şaiq Rüstəmov, Oğuz
Rayon Mərkəzi Kitabxanasının kitabxanaçısı-informasiya texnolo-
giyaları üzrə mütəxəssis Almaz Cəfərova, informasiya-resurs şö-
bəsinin müdiri Mehparə Bəkirova, oxuculara xidmət şöbəsinin
müdiri Nəzakət Manafova çıxış edərək redaksiya kollektivini, qə-
zetin oxucularını mətbuat günü ilə əlaqədar təbrik etmiş, redaksi-
ya kollektivinə uğurlar arzulamışlar.
Rayon icra hakimiyyətinin nümayəndəsi Sərdar Nəbiyev rayon
qəzeti redaksiyasınının kollektivini, rayon ictimaiyyətini milli mət-
buatımızın yaranmasının 142 illiyi münasibəti ilə rayon rəhbərliyi
adından təbrik etmiş, kollektivə uğurlar arzulamışdır. “Oğuz yurdu”
qəzetinin redaktoru N. Hüseynli tədbir iştirakçılarına və çıxış edən-
lərə redaksiya kollektivi adından razılığını bildirmiş, söylənilən tək-
liflərin nəzərə alınacağını bildirmiş, qəzetin fəaliyyətini daha da
canlandırmaq üçün görüləcək işlərdən danışmışdır.
AZƏRBAYCAN MİLLİ MƏTBUATININ 142 İLLİYİ İLƏ ƏLAQƏDAR TƏDBİR
AZƏRBAYCAN MİLLİ MƏTBUATININ 142 İLLİYİ İLƏ ƏLAQƏDAR TƏDBİR