22 iyul 2017-ci il
5
OĞUZ YURDU
Ermənistanın Azərbaycan Respub-
likasının dünya birliyi tərəfindən tanınan
ərazilərinin 20 faizini işğal etməsi
nəticəsində dinc insanlara qarşı törədilən
hərbi cinayətlər bu gün də davam edir.
Cəbhəboyu ərazilərdə yaşayan Azərbay-
can vətəndaşları mütəmadi olaraq müx-
təlif silahlardan atəşə tutulur, artileriya
hücumuna məruz qalır.
Biz Azərbaycanın multikulturalizm
sahəsində əldə etdiyi nailiyyətləri və
uğurlu təcrübəni dünyada yayan Azərbay-
canın gənc dostları olaraq iyulun 4-də Er-
mənistan silahlı qüvvələrinin Azərbay-
canın işğal olunmuş ərazilərindən Füzuli
rayonunun Alxanlı kəndinin dinc əhalisini
və yaşayış yerlərini qəsdən məhv etmək
məqsədilə mina və qumbaraatanlarla
atəşə tutaraq növbəti təxribat törətməsini
qətiyyətlə pisləyirik. Dünyanın müxtəlif
ölkələrində yaşayan həmyaşıdlarımızı,
dünyada sülh və əmin-amanlığı təbliğ
edən dostlarımızı, sülhpərvər insanları, o
cümlədən, BMT-ni, Avropa İttifaqını,
Avropa Şurasını, ATƏT-in Minsk qrupunu,
İslam Əməkdaşlıq Təşkilatını, mülki şəxs-
ləri, məsum körpələri, qadın və qocaları
hədəf seçən bu cinayətkarların tezliklə
cəzalandırılması istiqamətində səylərini
birləşdirməyə çağırırıq.
4 iyul tarixində baş verən və 2 yaşlı gü-
nahsız Zəhranın ölümünə səbəb olan er-
məni silahlı birləşmələrinin törətdiyi
dəhşətli cinayət faktı uşaq ölümlərinə göz
yummayan hər bir dünya insanını ayağa
qaldırmalıdır. Bu cinayət bir azərbaycanlı
körpə qıza qarşı deyil, bütün bəşəriyyətə,
sabahımız olan uşaqlara qarşı yönəlmiş
cinayətdir.
Biz-Azərbaycanın gənc dostları, öz
həmyaşıdlarımızı, beynəlxalq ictimaiyyəti
dinc insanların amansız qətlinə qarşı öz
qətiyyətli münasibətini bildirməyə, təcavüz
və təxribat hallarını kəskin qınamağa
çağırır, bu kimi halların qarşısının alın-
ması, ədalətli sülhün bərqərar olması
naminə öz səslərini ucaltmağa səsləyirik.
Azərbaycanın Gənc Dostları
Klubunun üzvləri
“Azərbaycanın Gənc Dostları”
“Azərbaycanın Gənc Dostları”
multikultural birliyinin
multikultural birliyinin
dünyadakı həmyaşıdlarına
dünyadakı həmyaşıdlarına
müraciəti
müraciəti
Bakı Beynəlxalq Multikulturalizm Mərkəzi yaradıldığı
üç ildən artıq müddət ərzində Prezident İlham Əliyevin
qarşıya hədəf kimi qoyduğu Azərbaycan multikulturaliz-
minin dünyada tanıdılması, beynəlxalq arenada təbliği
və təşviqi ilə bağlı əhəmiyyətli layihələr gerçəkləşdirir.
Mərkəzin önəmli layihələrindən biri də artıq ənənəyə
çevrilən, mütəmadi olaraq təşkil edilən beynəlxalq mul-
tikulturalizm qış və yay məktəbləridir.
24-30 iyul 2017-ci il tarixində Bakı Beynəlxalq Multi-
kulturalizm Mərkəzi, UNESCO, “Erasmus+”, “ALADDİN
layihəsi” və Azərbaycanın Gənc Dostları Klubunun
təşkilatçılığı ilə V Beynəlxalq multikulturalizm yay mək-
təbi fəaliyyətə başlayacaq.
Beynəlxalq multikulturalizm qış və yay məktəbləri layi-
həsi BBMM-in “Azərbaycan multikulturalizmi fənninin
xaricdə və ölkə universitetlərində tədrisi” layihəsinin
məntiqi davamıdır. Tədris layihəsi çərçivəsində hazırda
dünyanın 15, Azərbaycanın 38 nüfuzlu ali təhsil
ocağında Azərbaycan multikulturalizmini öyrənən
tələbələr üçün təşkil olunan qış və yay məktəblərinin
məqsədi həmin gənclərin nəzəri şəkildə öyrəndiklərini
multikultural və tolerant dəyərlərin qorunub yaşandığı
ölkəmizdə öz gözləri ilə görüb şahid olmasına şərait
yaratmaqdır.
V Beynəlxalq multikulturalizm yay məktəbində Azər-
baycan, Almaniya, İsveçrə, Estoniya, Litva, Bolqarıs-
tan, Türkiyə, Əfqanıstan, Avstraliya, ABŞ, Rusiya,
Ukrayna, Norveç, Benin, Tunis, Misir, İsrail, Polşa,
Böyük Britaniya, Fransa, Liviya, Braziliya, Çin kimi
ölkələrin aparıcı universitetlərindən 60-dan artıq
tələbənin iştirak edəcəyi gözlənilir.
V Beynəlxalq multikulturalizm yay məktəbinin
fəaliyyəti Bakı şəhəri ilə yanaşı, Şəki, İsmayıllı, Qəbələ
və Qax rayonlarını əhatə edəcək.
Yay məktəbi ərzində iştirakçıların Azərbaycanda
yaşayan müxtəlif dini və etnik icmaların rəhbərləri,
görkəmli dövlət və din xadimləri ilə görüşləri plan-
laşdırılıb.
Yay məktəbinin iştirakçılarına azərbaycanlı alim-
lərlə yanaşı xarici mütəxəssislər Azərbaycandakı mul-
tikultural durum, tolerant əhval-ruhiyyə, etnik-dini
müxtəliflik,
ölkəmizdə
müxtəlif
xalqların
nü-
mayəndələrinin, fərqli konfessiyaların dinc yanaşı yaşa-
ması haqqında mühazirələr təqdim ediləcək, tələbələrin
Şəhidlər Xiyabanı və Fəxri Xiyabana, Qobustana və
Atəşgaha, İçərişəhərə, Nic, Lahıc qəsəbələrinə,
Şəkidəki Xan Sarayı kompleksinə, Qəbələdə Tufandağ
yay-qış turizm istirahət kompleksinə səfərləri də
nəzərdə tutulub.
Artıq dəyərli ənənəyə çevrilən multikulturalizm yay və
qış məktəblərinin nəticəsi olaraq xaricdə Azərbaycanın
Gənc Dostlarının və onların yaxın çevrəsinin tim-
salında ölkəmizin haqq işini dəstəkləyən intellektual
gənclərdən ibarət ünsiyyət platforması və güclü lobbisi
formalaşıb. İntensiv şəkildə davam edən bu proses
sübut edir ki, Prezident İlham Əliyevin Azərbaycanın
dünyada tanıdılması istiqamətində müəyyənləşdirdiyi
hədəflər uğurla reallaşmaqdadır.
Bakı Beynəlxalq Multikulturalizm Mərkəzinin
mətbuat xidməti
Beynəlxalq multikulturalizm yay
Beynəlxalq multikulturalizm yay
məktəbi başlayacaq
məktəbi başlayacaq
Bu gün bəşəriyyəti düşündürən, onu rahatsız edən
problemlər içərisində ən mürəkkəbi və faciəvi
nəticələrə gətirib çıxaranı narkomaniyadır. Bəşəriy-
yətin bu dəhşətli bəlasına qarşı ayrı-ayrı dövlət struk-
turları, hüquq mühafizə orqanları, qeyri-hökumət təşkilatları, kütləvi
informasiya vasitələri, təhsil və səhiyyə sistemi birgə mübarizə
aparmaqla onun qismən də olsa yayılmasının və kütləvi hal al-
masının qarşısını almaq üçün əzmkarlıq və səy göstərirlər.
“Narkomaniya” yunan sözü olub, narko bihuşluq, maniya isə
asılılıq deməkdir. Narkomaniya cəmiyyətin meydana gəldiyi, onun
ayrı-ayrı siniflərə, sosial təbəqə və qruplara bölündüyü qədim za-
manlardan yaranmışdır. Hələ qədim dövrlərdə tiryəkdən bəzi xəs-
təliklərin müalicəsində istifadə olunmuşdur. Qədim misirlilər tir-
yəkdən həvəsləndirici, eləcə də, sakitləşdirici vasitələrin hazırlan-
masında istifadə etmişlər. Avropa və Asiya qitələrində məskun-
laşmış xalqların mifologiyasında yağlı xaşxaş insanların ağrı və
əzablarının qənimi kimi qavranılmış, xaşxaş qozasından alınan
şirə (tiryək) isə həmişə tibbi məqsədlər üçün istifadə edilmişdir.
Tiryəkli preparatlar orta əsrlərdə təbabətdə geniş yayılmış, ondan
hazırlanan dərmanlardan ruhi xəstələri sakitləşdirmək, əzabları
azaltmaq, spazm və sarsıntıları, pozulmuş əsəb-sinir sistemini
bərpa etmək kimi müalicə işlərində istifadə olunmuşdur. Artıq get-
dikcə narkotik maddələrin hazırlanmasında, əkilib-becərilməsində
xeyli təcrübə qazanmış insanlar müasir texnologiyalardan istifadə
etməklə yeni uyuşdurucu maddələr istehsal edirdilər. XIX əsrin or-
talarında narkomaniya tarixinin yeni bir dəhşətli mərhələsi nar-
kotik maddələrin müasir üsulla-venadaxilinə yeridilməsi ilə başlan-
mışdır. Beləliklə, leksikona “narkotik”, “narkotik vasitələr” terminlə-
ri daxil olmuşdur. Narkotik-mərkəzi sinir sisteminə spesifik təsir
göstərən və tez bir zamanda asılılıq yaradan maddədir. O, toksik
maddə olduğundan insanın bütün orqanizminə, ürək-damar siste-
mindən tutmuş sinir sisteminə qədər mənfi təsir göstərərək, onun
xarakterini dəyişir, xəstə özünü idarə edə bilmir. Bu da son nəticə-
də aqressivliyə, cinayətkarlığa və ölüm hallarına gətirib çıxarır.
Uzun illərin araşdırmaları göstərir ki, narkomanlıq insanı fiziki və
ruhi cəhətdən şikəst edir, onun ömrünü qısaldır. Erkən yaşından
narkotik qəbul etməyə başlayan insanın orta ömrü 35-40 il olur.
Narkoman narkotik maddələr qəbul edərkən, ən azı 10-15 nəfəri
də narkomanlığa cəlb edə bilər. Beynəlxalq Səhiyyə Təşkilatının
məlumatına görə hal-hazırda planetimizdə 220 milyondan çox
narkoman yaşamaqdadır. Bu da 7 milyardlıq Yer kürəsi əhalisinin
3 faizi deməkdir.
BMT-nin 1987-ci il Konvensiyasına daxil olan ölkələrin “Narkotik
vasitələrin və psixotrop maddələrin qanunsuz dövriyyəsinə qarşı
mübarizə haqqında” Bəyannaməsinə əsasən 26 iyun “Narkoma-
niya və narkotiklərin qeyri-qanuni dövriyyəsinə qarşı Ümumdünya
mübarizə günü” kimi qeyd olunur. Ayrı-ayrı dövlətlər ildən-ilə nar-
kotiklərin qanunsuz dövriyyəsi ilə səmərəli mübarizə üsullarını və
narkomanlığın müalicə metodlarını təkmilləşdirmək və bu sahədə
yeni mübarizə üsullarını kəşf etmək istiqamətində səylərini artırır-
lar. Fərdi şəkildə və ya beynəlxalq əməkdaşlıq çərçivəsində bu
problemə qarşı birgə mübarizə aparılmasına baxmayaraq, dünya
üzrə narkomaniyaya düçar olanların sayı ildən-ilə artmaqdadır
Respublikamızın iqlim şəraiti bölgələrdə narkotik tərkibli bitkilə-
rin həm əkilib becərilməsinə, həm də belə bitkilərin yabanı halda
bitməsinə şərait yaratmışdır. Məsələn, xaşxaşın Qafqazda ya-
yılmış 24 növündən 20-si Azərbaycanda bitir. Həmin 20 növdən
19-u həm də yabanı halda yetişir. Azərbaycanın geosiyasi möv-
qeyi narkotiklərin qeyri-qanuni olaraq Avropaya daşınması üçün
də əlverişlidir. Azərbaycan Respublikası müstəqillik əldə etdikdən
və digər ölkələrlə iqtisadi əməkdaşlığı genişləndirdikdən sonra,
kriminal strukturlar üçün narkotik vasitələrin yayılması, çirkli pul-
ların təmizə çıxarılması üçün əlverişli şərait yaranmışdı. Beynəl-
xalq narkosindikatlar Azərbaycan ərazisinin əlverişli vəziyyətindən
istifadə edərək onu narkotik vasitələrin Müstəqil Dövlətlər Birliyi öl-
kələrinə və Avropaya aparılmasında tranzit əraziyə çevirməyə
cəhd etmişdilər. Həmçinin, Ermənistan-Azərbaycan, Dağlıq Qara-
bağ münaqişəsi bütün sahələrdə olduğu kimi narkotiklərin ölkə
ərazisində qanunsuz dövriyyəsinə də öz mənfi təsirini göstərmiş-
dir. Ermənistan silahlı qüvvələri tərəfindən Azərbaycan Respubli-
kasının 20 faiz ərazisinin işğalı, Azərbaycanın İranla olan dövlət
sərhəddinin 132 kilometrinə Ermənistan silahlı qüvvələri tərəfin-
dən nəzarət edilməsi nəticəsində həmin sahədən Avropa və Qara
dəniz hövzəsi ölkələrinə, həmçinin, digər dövlətlərə narkotik mad-
dələrin güclü axını həyata keçirilir. Dağlıq Qarabağ ərazisi narkotik
tranziti, narkotiklərin becərilməsi, satılması, transmilli cinayət üçün
nəzarətsiz zona kimi istifadə olunur. Ermənistan tərəfindən işğal
olunmuş Azərbaycan ərazisinin narkoişbazlar üçün cəlbedici ol-
ması ölkəmizdə bu istiqamətdə ciddi mübarizə aparılmasını tələb
edir ki, bu da hər bir şəxsin öz sahəsində narkomaniya və narko-
biznesə qarşı vicdanla mübarizə aparması nəticəsində mümkün-
dür.
Azərbaycan Respublikası müstəqillik əldə etdikdən sonra bir sı-
ra problemlər kimi narkomaniya probleminə qarşı mübarizə tədbir-
lərinin görülməsinin vacibliyi ön plana çıxmış, bir sözlə, bu prob-
lemlərə münasibətdə yeni mərhələ başlamışdır.
Cəmiyyətimizi ciddi təhlükə qarşısında qoyan narkomaniya kimi
dəhşətli sosial bəlaya qarşı mübarizə dünyanın bütün mütərəqqi
qüvvələrinin qarşısında duran ən vacib məsələlərdən biri olduğu
kimi dövlətimizin də əsas prioritet məsələlərindən biridir. Bu məq-
sədlə də dövlətimizin ardıcıl və qətiyyətli siyasəti müəyyənləşdiril-
miş, mükəmməl qanunvericilik bazası yaradılmışdır.
Azərbaycan Respublikasında narkomaniya və narkobizneslə
mübarizənin əsası, tarixdə ilk dəfə olaraq, ümummilli lider Heydər
Əliyevin rəhbərliyi ilə qəbul edilmiş "Narkotik vasitələrin, psixotrop
maddələrin və prekursorların qanunsuz dövriyyəsi ilə mübarizə
haqqında" 18 iyun 1999-cu il tarixli Qanunu ilə qoyulmuşdur.
Narkomaniyaya qarşı mübarizə sahəsində ölkə başçısı İlham
Əliyevin 2013-cü il 24 iyul tarixli Sərəncamı ilə təsdiq edilmiş "Nar-
kotik vasitələrin, psixotrop maddələrin və onların prekursorlarının
qanunsuz dövriyyəsinə və narkomanlığa qarşı mübarizəyə dair
2013-2018-ci illər üçün Dövlət Proqramı" böyük əhəmiyyət kəsb
edir.
Yeni Dövlət Proqramının məqsədi ölkədə narkotik vasitələrin,
psixotrop maddələrin, onların prekursorlarının qanunsuz dövriy-
yəsinə, narkomanlığa qarşı mübarizənin gücləndirilməsi, antinar-
kotik təbliğat, narkomanlığa düçar olmuş şəxslərin müalicə edil-
məklə sağlam həyata qaytarılması, müalicə-bərpa sahəsindəki
fəaliyyətin müasir dövrün tələblərinə uyğunlaşdırılması, bu sahə-
də qanunvericiliyin təkmilləşdirilməsi, cəza tədbirlərinin səmərəlili-
yinin öyrənilməsi üçün elmi və praktik araşdırmaların aparılması,
beynəlxalq əməkdaşlığın inkişaf etdirilməsindən və digər geniş
miqyaslı məsələlərdən ibarətdir.
Oğuz Rayon İcra Hakimiyyəti hüquq-mühafizə, səhiyyə, təhsil
orqanları və digər əlaqədar təşkilatlarla əlbir fəaliyyət göstərərək,
Dövlət Proqramında qarşıya qoyulan vəzifələrin uğurla həyata
keçirilməsi, habelə sərxoşluq və alkoqolizmə qarşı mübarizə işinin
daha da gücləndirilməsi üçün səylərini əsirgəmir.
2017-ci ilin müvafiq dövrü ərzində rayon polis şöbəsinin əmək-
daşları tərəfindən Cinayət Məcəlləsinin qanunsuz olaraq narkotik
vasitələri və psixotrop maddələri saxlama maddəsi üzrə 1 cinayət
və 1 inzibati hüquqpozma faktı aşkar edilmiş və cinayət faktı
əsasında 493 qram qurudulmuş marixuana aşkar edilərək
dövriyyədən çıxarılmışdır. Eyni zamanda, rayonun Calud kəndi
ərazisində 7700 kq yabanı halda bitmiş yaş çətənə
kolu aşkar edilərək məhv edilmiş və faktla bağlı iki
nəfər inzibati məsuliyyətə cəlb edilmişdir.
Oğuz rayonunun coğrafi şəraitinə uyğun olaraq
rayon ərazisində narkotik tərkibli bitkilərin yabanı halda bitməsi
hallarına tez-tez rast gəlmək olur. Rayon polis şöbəsinin əmək-
daşları tərəfindən aidiyyəti qurum əməkdaşları ilə birgə mütəmadi
olaraq belə ərazilərə, xüsusən də meşə ərazilərinə baxışlar keçiri-
lir.
Narkotik asılılığı olan şəxslərin müəyyən edilərək səhiyyə mü-
əssisələrində qeydiyyata alınıb müalicə olunması baxımından bu
prosessdə səhiyyə şöbəsinin də rolu kifayət qədər əhəmiyyətli-
dir. Hazırda Oğuz RMX-nın Narkoloji kabinetində 48 nəfər xəstə
qeydiyyatdadır ki, bunlardan 12 xəstə narkomaniya, 1 xəstə taksi-
komaniya, 35 xəstə isə alkoqolizm xəstəliyinə düçar olmuş şəxs-
lərdir. Sevindirici haldır ki, son 3 ildə narkomaniya xətəliyinə düçar
olma faktı aşkarlanmamış və qeydiyyatda olan xəsətələr arasında
yetkinlik yaşına çatmayan şəxslər yoxdur. Narkomaniyaya qarşı
mübarizə işinin təşkili ilə bağlı məsələ ildə bir dəfədən az olmaya-
raq RMX-nın tibbi şurasında müzakirəyə çıxarılır.
Azərbaycan Respublikası Prezidentinin 24 iyun 2013-cü il tarix-
li Sərəncamı ilə təsdiq edilmiş "Narkotik vasitələrin, psixotrop mad-
dələrin və onların prekursorlarının qanunsuz dövriyyəsi və narko-
manlığa qarşı mübarizəyə dair 2013-2018-ci illər üçün Dövlət
Proqramı" nın icrası ilə əlaqədar olaraq antinarkotik təbliğatı güc-
ləndirmək, habelə narkotiklərin qanunsuz dövriyyəsinin və narko-
manlığın yayılmasının maarifləndirmə yolu ilə qarşısının alınması,
narkomanlığa düçar olmuş şəxslərin müalicə edilməklə sağlam
həyata qaytarılması və ümumiyyətlə bu sahədə qanunçuluğun
tələblərinə əməl edilməsi istiqamətində Oğuz RİH başçısı yanında
fəaliyyət göstərən Narkomanlığa və Narkotik Vasitələrin Qanun-
suz Dövriyyəsinə Qarşı Mübarizə üzrə Komissiya rayonun polis,
səhiyyə, təhsil, gənclər və idman, mədəniyyət və turizm şöbələri,
icra nümayəndəlikləri ilə birgə bir sıra işlər görmüş və zəruri təd-
birlər həyata keçirmişdir. Komissiya tərəfindən Dövlət Proq-
ramında qarşıya qoyulan vəzifələrin yerinə yetirilməsi, eləcə də,
narkomaniya və sərxoşluğa qarşı mübarizəni daha da güc-
ləndirmək məqsədi ilə son illər ərzində aidiyyəti qurumlarla birgə
rayonun demək olar bütün ümumtəhsil məktəblərində, idarə və
təşkilatlarında "Narkomaniya-Ağ ölümdür", "Narkomaniya cinayətə
aparır", "Narkomanlıqla mübarizə aparmaq hamının borcudur",
"Gəncləri narkomanlığın bəlalarından qoruyaq" “Narkomaniya əs-
rimizin bəlasıdır”, “Sağlam həyat tərzi seç”, "Narkomanlığa və
QİÇS-ə qarşı mübarizə mənəviyyatın xilası deməkdir”, "Narko-
maniya cinayətə aparan yoldur" və sair bu kimi mövzularda söh-
bətlər aparılmış, elmi-nəzəri konfranslar və bu səpgidə müxtəlif
tədbirlər keçirilmişdir.
Məlumdur ki, insan narkoman, alkoqolik və yaxud cinayətkar ki-
mi dünyaya gəlmir. O, sonradan təlim-tərbiyə prossesində buraxı-
lan nöqsanlar nəticəsində həmin zərərli vərdişlərə meyl edir. Bu
qorxulu vərdişlərə meyl edən, eləcə də, asan qazanc əldə etmək
naminə narkotik vasitələrin alverinə qurşanan, başqalarının bəd-
bəxtliyi hesabına varlanmaq həvəsinə düşən hər bir şəxs bilməli-
dir ki, qeyd edilən qanunsuz və zərərli əməllərin acı nəticəsi gec-
tez onu da uçuruma yuvarlayacaqdır.
Narkomaniyaya qarşı mübarizə tədbirlərindən heç kim kənarda
qalmamalı, hər bir kəs fəal vətəndaş mövqeyində durmalıdır. Aqil-
lərimizin dediyi kimi, əgər insanlıq yaşamaq istəyirsə, narkomaniya
kimi bir bəlaya qalib gəlməlidir.Odur ki, narkomaniyaya qarşı
hamılıqla mübarizə aparmalıyıq.
Sənan Əliyev,
Oğuz RİH Hüquq şöbəsinin müdiri
Narkomaniya cinayətə aparan yoldur, ona
Narkomaniya cinayətə aparan yoldur, ona
qarşı hamılıqla mübarizə aparmalıyıq
qarşı hamılıqla mübarizə aparmalıyıq