gözlərinə xas bir kədər canlandı.
– Mənim üçün «Karnaval» çalın, – o dedi. – Biz indicə görərik.
Cip çalmağa başladı. O, başını tərpədir, barmaqlarını dişlərinə vurur və gözlərini ağardırdı,
bu isə
o deməkdi: «Yox, bunu başqa cür çalmaq lazımdır!» Sonra o, ah çəkdi. Cip qurtarandan sonra Ciplə
yanaşı oturdu, əlindən yapışıb barmaqlarına tamaşa edərək dedi:
– Hə, hə! Bu skripaçını müşaiyyət eləyərək, hər şeyi korlayıbsınız! Trop sympatique! ( Çox
yaxşıdır! (Frans.) Onurğa sütununu, onurğa sütününu, bax, nəyi düzəltmək lazımdır! Hər gün dörd saat
olmaqla, altı həftə və işləriniz yenidən qaydaya düşər.
– Müsyo Armo, mənim uşağım var.
– Nə? Bu faciədir! – Cavabında Cip başını yırğaladı. – Siz onu sevirsiniz? Uşaq!!! O ciyildəyir?
– Çox az.
– Mon Dieu! Hə, siz hələ də gözəlsiniz. Bu çox şey vəd edir. Əgər uşağınız varsa. Siz neyləyə
bilərsiniz? Ondan azacıq da olsa azad olmaq olmazmı? Burada istedad təhlükədədir. Skripkaçı… indi
də uşaq! C'est beaucoup! C'est trop! (Aman Allah! Bu həddən artıqdır! Bu olduqca çoxdur! (Frans.).
Cip gülümsədi. Ciddi görkəmi arxasında şəfqətli ürəyi olan müsyo Armo isə onun əlini
sığallayırdı.
– Siz böyüyübsünüz, mənim balaca dostum! – ciddi tərzdə dedi. – Həyəcanlanmayın, hələ hər şey
itirilməyib. Ancaq uşaq!... Yaxşı! Cəsarətli olun! Biz hələ döyüşəcəyik!
Dodaqlarınıni necə titrədiyini o görməsin deyə Cip üzünü kənara çevirdi.
Burada hər şeyə, köhnə
kitablara və notlara, hətta ev sahibinin özünə də hopmuş yunan tənbəksinin qoxusu, köhnə qəhvəyi
pərdələr, pişiklərin cığırlar açdığı, qurumuş cırtdan ağacları olan balaca baxımsız bağ, gözləri
qəddarcasına dolanan müsyo Armo özü, bütün hər şey ona hər həftə şən, cəh-cəh vuraraq, bura gəldiyi
o xoşbəxt, eyni zamanda da müsyo Armonun razı qalaraq, onunla açıqca fəxr
elədiyi o mühüm günləri
xatırladırdı. O həm özünü, həm də onu xoşbəxt edirdi, axı o, təzədən çox gözəl çalacaqdı!
Yenidən müsyo Armonun səsi uğuldadı, qaba mehribanlıqla danışırdı:
– Yaxşı, yaxşı! Yeganə sağaldılması mümkün olmayan şey qocalıqdır. Siz yaxşı eləyib gəlibsiniz,
mənim balam. Əgər sizdə hər şey qaydasınca getmirsə, siz tezliklə təsəlli taparsınız. Musiqi!...
Musiqidə siz hər şeyi unudarsınız. Nəhayət, mənim balaca dostum, bizim arzularımızı heç kim bizdən
ala bilməz, nə ər, nə arvad, heç kim bunu eləyə bilməz. Bizim küçədə də bayram olacaq!
Sədaqətlə incəsənətə xidmət eləyən insanlardan hansısa bir məlahət yağır. Cip həmin gün
Armonun evindən musiqiyə olan qızğın həvəsinin varlığını bürümüş halda getdi. Əgər o, öz həyatını
onu korlayan şeylə müalicə eləməyə başlasaydı, bu ədalətli olardı, axı hamoepatiya da buna əsaslanıb.
İndi o, hər azad saatını musiqiyə verirdi. Müsyo Armonun yanına
həftədə iki dəfə gedirdi, ancaq bu
artıq xərc onu qorxudurdu, onların maddi vəziyyətləri getdikcə çətinləşirdi. Evdə inadla məşğul olur və
elə inadla da kompazisiyalar üzərində işləyirdi. Bütün yazı və yayı dərslərə getdi, bu vaxt ərzində bir
neçə mahnı yazdı, ancaq hələ çox şey onda qaralama halında idi. Müsyo Armo mərhəmətli idi, görünür,
başa düşürdü ki, ciddi tənqid ondakı həvəsi şaxta çiçəkləri öldürən kimi öldürə bilər. Bununla belə,
onun əsərlərində nə isə bir təzəlik və bənzərsizlik vardı.
– Bunlar haqqında əriniz nə fikirləşir? – bir dəfə o soruşdu.
– Mən bunları ona göstərmirəm.
Hə, heç vaxt ona heç nə göstərmirdi, sadəcə, qorxurdu, onu qıcıqlandıran
şeyləri nə cür lağa
qoyduğunu bilirdi, hətta cüzi bir istehza belə onun özünə olan, onsuz da sısqa bitkiyə oxşayan inamını
qırardı. Öz müəllimindən başqa əsərlərini göstərdiyi yeganə adam nə qədər qəribə də olsa, Rosek idi.
Bir dəfə onun hansısa bir əsərinin üzünü köçürən Rosek heyrətləndi. Onun təriflədiyi bu balaca
şıltaqlıq, istilik, görünür, həqiqi idi, ona minnətdar olan Cip özünün başqa əsərlərini, bir dəfə isə onun
üçün bəstələdiyi mahnını çaldı. Bu gündən də başlayaraq, ona qarşı qəlbində hansısa dostluq hissi
bəsləməyə başladı və hətta bu solğun, qapalı, müəmmalı adama bir az da rəhm eləyirdi.
Cip onu gah
qonaq otağında, gah da bağda müşahidə eləyir və görürdü ki, arzusunun gerçəkləşəcəyinə olan inamını
hələ də itirməyib. Doğrudu, Rosek heç vaxt öz hisslərini ona zorla qəbul elətdirmək istəmirdi, ancaq
buna baxmayaraq, Cip bilirdi ki, azacıq əsas verərsə, hər şey yenidən başlayacaq. Onun sifətinin ifadəsi
və dözümünün tükənməzliyi Cipə toxunurdu. Ona belə pərəstiş eləyən insana sonsuz nifrət eləyə
bilməzdi. Cip onunla Forsenin borclarıyla bağlı da məsləhətləşirdi. Əgər Rosekə olan böyük məbləğdə
borcu nəzərə alınmazsa, artıq onun bir neçə yüz funt borcu yığılmışdı. O, belə borca necə düşə bilərdi?
Onun qazandığı pullar nec olurdu? Bu yay onun qonorarı yüksək idi. Hamısınımı Dafna Uinqə
xərcləyirdi, ya başqa qadınlara?
Forseni
diqqətlə müşahidə eləyərək, qəti əmin oldu ki, onda nə isə dəyişikliklər olub. Bir sözlə,
yayı qırılınca elə hey açarını fırladığın saat kimi onda nəsə qırılmışdı. Ancaq o, əvvəllər olduğundan
daha inadla işləyirdi. Cip uzaqdan onun uzun-uzadı çaldığı hansısa hissəni eşidirdi, sanki, nə qədər
çalsa da, hey narazı qalırdı. Onun ifasında əvvəlki alov və genişlik yox idi, çalğısı daha quru olmağa
başlamışdı və onda hansısa ruh düşkünlüyü hiss olunurdu. Cip onun gizlicə içdiyini bilirdi, buna
əmindi. Ancaq nəyə görə? Onunla arası dəydiyinə görəmi? Ya qıza görə? Ya sadəcə, bu,
ona öz sərxoş
əcdadlarından keçmişdi?
Cip özünə belə suallar verməməyə çalışırdı. Bu, onu özüylə mənasız mübahisələrə, onu sevmədiyi
haqda yeni etiraflara, bu qız haqdakı məqsədsiz mühakimələrə, bir sözlə, hər şeyin məqsədsiz inkarına
kimi aparıb çıxarardı. Yox, bütün bunlar çarəsizlik idi!
Forsen yüngülcə qıcıqlanırdı və görünür, musiqi dərsləri onu hirsləndirirdi, dərslər haqqında nifrət
dolu bir dözümsüzlüklə danışırdı. Cip bilirdi ki, Forsen bunların adicə həvəs olduğunu başa düşür. Onu
həm də Cipin çox vaxtını uşağa həsr eləməsi də hirsləndirirdi. Qızcığaza
qəribə münasibət bəsləyirdi,
Bettini təşvişə salaraq, uşaq otağına girir, uşaqla on dəqiqəyə kimi əylənir, sonra da onu öz çarpayısına
qoyub çıxırdı. Bəzən Cip uşaq otağında olanda da, o, bura baş çəkir, uşağa sakitcə baxır, onu götürüb
aparırdı.
Onu sevməməsi fikri, ən çox da, xilas eləyə bilməməsi bir yana, özünü dərdin altına verdiyini dərk
eləməsi Cipə həmişə əzab verirdi. Təbiətin acı istehzasına bax, şöhrət düşkünlüyünə görə onu
necə də
cəzalandırırdı! Cip onun tələblərinə güzəştə gedirdi, ancaq bu güzəşt ona misli görünməmiş gərginlik
bahasına başa gəlir, hər gün də Forsendən uzaqlaşırdı. Xasiyyəti beləydi, özündə nəsə sınana kimi
passiv halda dözməyə qadirdi, amma sınandan sonra hər şeyə son verirdi!
Yaz və yay Cip üçün, sanki, hardasa toz pərdəsi arxasında, qorxunc dərəcədə uzaqda olan,