Ön söz 5 GiriĢ

Reper (istinad) layların ayrılması.

Tutaq ki, strukturun müxtəlif sahələrində bir neçə quyu qazılmış və kəsilişləri geoloji-geofiziki üsullar ilə tədqiq olunmuşdur. Onları müəyyən istiqamətdə (məsələn, şimaldan cənuba, şərqdən qərbə və s.) yerləşdirərək kəsilişlərinə nəzər yetirək. Onlarda laylaşmanın müxtəlifliyi fonunda qalınlığı və geoloji quruluşu sabit qalan (və ya az dəyişən) laylara da rast gəlinir. Belə laylara reper laylar deyilir.
Reper laylar özündən yuxarıda və aşağıda yatan çöküntü komplekslərindən kəskin fərqləndiyindən onların ayrılma xəttinə reper sərhədi deyilir.
Reper laylar paylanma xüsusiyyətlərinə görə üç kateqoriyaya bölünür:
– sərt reper laylar. Belə laylara yatağın bütün sahəsində rast gəlinir. Onların litoloji tərkibi sabitdir, qalınlıqları isə dəyişmir (və ya az dəyişir). Belə laylar əsasən gillərdən təşkil olunur;

• 
  qeyri sabit reper laylar. Strukturda qazılmış bütün quyuların kəsilişində qeyd edilən, lakin litoloji-fasial göstəriciləri sahəvi dəyişmələrə məruz qalan laylar bu tip reperlərə aiddir;
  
• 
  sahəvi reper laylar. Bu tip reperlər strukturun yalnız bəzi sahələrində qazılmış quyuların kəsilişində qeyd olunur və əsasən az qalınlığa malik təbəqələrdən təşkil olunur.
  

2. 
   İstinad kəsilişin tərtibi
   

Bu proses yatağın geoloji quruluşunun ümumi göstəricilərini özündə cəmləşdirir və aşağıdakı ardıcıllıqla aparılır: sahədə qazılmış bütün quyularda kəskin və qeyri sabit reperlərin sərhədləri (alt və üst), qalınlıqları və litoloji quruluşu geoloji-geofiziki sütunda (sahə böyük olduqda – sütunlarda) yerləşdirilir. Bundan sonra onlardan üstdə və altda yatan laylar və horizontların mövqeyi ardıcıl olaraq müəyyənləşdirilir və sütunda yerləşdirilir. Beləliklə, yatağın müfəssəl kəsilişi tərtib olunur və laylara geoxronologiyaya müvafiq adlar (indekslər) verilir. Məsələn, bizim üçün maraq doğuran Cənubu Xəzər çökəkliyi yataqlarında alt pliosen yaşlı çöküntü kompleksinin kəsilişində (stratiqrafik dərinliklər artdıqca) suraxanı, sabunçu, balaxanı, fasilə lay dəstələri, qırməki üstü gilli və qumlu, qırməki, qırməki altı və qala lay dəstələri ayrılır (şək.II.8). Onu da qeyd etmək lazımdır ki, hövzənin müxtəlif qalxımlarında özünəməxsus istinad kəsilişləri tərtib olunmuş və müxtəlif cür indeksləşdirilmişdir.

Məhsuldar Qat	Üst şöbə	Suraxanı lay dəstəsi
		Sabunçu lay dəstəsi
		Balaxanı lay dəstəsi
		Fasilə lay dəstəsi
	Alt şöbə	Qırməki üstü gilli lay dəstəsi (QÜG)
		Qırməki üstü qumlu lay dəstəsi (QÜQ)
		Qırməki lay dəstəsi (QD)
		Qırməki altı lay dəstəsi (QAD)
		Qala lay dəstəsi (QaD)

Şəkil II.8. Cənubi Xəzər hövzəsində məhsuldar qat çöküntülərinin stratiqrafik bölgü sxemi

3. 
   Quyu kəsilişlərinin ardıcıl müqayisəsi (korrelyasiyası)
   

Strukturda qazılmış hər hansı bir yeni quyunun kəsilişini geoloji- geofiziki cəhətdən təhlil etmək üçün əvvəlcə onun kəsilişində reper laylar aşkar edilir. Sonra onlardan altda və üstdə yatan stratiqrafik komplekslər təyin edilir və indeksləşdirilir (bu əməliyyat əsasən kompleks quyu geofiziki məlumatların tədqiqi ilə həyata keçirilir). Daha sonra yeni quyunun kəsilişi istinad kəsilişlə və digər quyu kəsilişləri ilə müqayisə edilir və yatağa xas olan ümumi və spesifik geofiziki göstəricilər aşkar edilir və ətraflı öyrənilir. Məhsuldar qatların qalınlığı, kollektor xassələri, neftlə-qazla doyma dərəcələri haqqında məlumatlar da müqayisəli təhlil ilə ətraflı öyrənilir.

4. 
   Quyu kəsilişlərinin sahəvi korrelyasiyası
   

Yuxarıda qeyd edildiyi kimi strukturun bütün sahəsində çox vaxt laylaşma müxtəlif xarakterli olur. Belə hallarda strukturun daxili quruluşunu ətraflı öyrənmək üçün onun müxtəlif zonalarında quyu kəsilişləri ayrılıqda korrelyasiya edilməlidir. Bu zaman qalxımın sahəsində gedən fasial dəyişmələr, onların paylanma arealları və səciyyələri (lay və laycıqların növbələşməsi və kəsilişdə pazlaşması və s.) ətraflı öyrənilməlidir. Alınan nəticələr müvafiq xəritə və profillərdə öz əksini tapmalıdır.
Strukturun bütün zonaları üçün aparılan sahəvi korrelyasiya əməliyyatlarının nəticələri sonradan bir-biri ilə müqayisə edilir və son nəticədə həmin yatağın daxili quruluşunun öyrənilməsini təmin edir.
Geoloji profilin tərtibi üsulu
Geoloji profillər yatağın daxili quruluşu haqqında qiymətli məlumatlar verir. Onlar yatağın müxtəlif hissələrindəki kəsilişlərdə laylaşmanın xarakterini (qalınlıqlarını, litofasial xüsusiyyətlərini və s.) əks etdirir. Bu məlumatlara istinadən struktur xəritələr qurulur, müxtəlif təyinatlı quyuların qazılması üçün layihələr tərtib edilir və s. Geoloji profillər strukturun uzununa və eninə istiqamətləndirilir və strukturun geoloji-tektonik səciyyəsindən asılı olaraq quyuların yerləşdirilmə sxemi əsaslandırılır.
Geoloji profillərin miqyası geoloji xəritənin miqyasına uyğun seçilməlidir.
Profillərin tərtibi aşağıdakı ardıcıllıqla həyata keçirilir:

• 
  quyuların qazıldığı strukturun geoloji quruluşu haqqında ilkin tədqiqatlar aparılır;
  
• 
  dəniz səviyyəsi (Baltik dənizinin səviyyəsinə müvafiq) müəyyən edilir və hər bir quyuda onun yeri qeyd edilir;
  
• 
  qazılmış hər bir quyunun gövdəsinə paralel ikinci şaquli xətt çəkilir və onlarda stratiqrafik-litoloji məlumatlar qeyd olunur (regionda qəbul edilmiş şərti işarələrlə);
  
• 
  geoloji izləmə üsulu ilə eyni adlı layların korrelyasiyası aparılır.
  

2.