VI. Klub a’zolari
6.1. Klubga oliy ta’lim muassasining bakalavr va magistratura bosqichida o‘qiyotgan talabalarni a’zolikka qabul qilish maqsadga muvofiq.
6.2. Klub a’zolari ismi, familiyasi, o‘qiydigan sinfi aks ettirilgan ro‘yxatini yurgizish lozim.
6.3. Klub o‘yinlarida professor-o‘qituvchilar ham ishtirok etishlari ham mumkin. Bunda professor-o‘qituvchilar talabalar bilan bir jamoada o‘ynashlariga yo‘l qo‘yilmaydi. Professor-o‘qituvchilar natijalari reytingi olib borilmaydi.
Jamoalarni tashkil qilish tartibi
Klub a’zolari ichida jamolar tashkil qilish zarur. Har bir jamoada 7 ta ( 6 ta asosiy va 1 ta zahira) ishtirokchi bo‘lishi kerak. Jamoa turli fakultet, yo‘nalish talabalaridan tarkib topishi mumkin, ya’ni 1-bosqich talabasi 4-bosqich talabasi bilan bir jamoada o‘ynashi mumkin. Jamoa a’zolari ichidan 1 nafar sardor saylanadi.
Har bir jamoa ishtirokchilari bilan kelishgan holda jamoasiga nom tanlaydi. Bir klubda bir xil nomga ega jamoalar bo‘lishi mumkin emas.
Jamoa a’zolari faqat bir Oliy ta’lim muassasasi talabalaridan iborat bo‘lishi kerak.
“Zakovat” o‘yinini o‘tkazish tartibi
Haftaning har payshanba kuni o‘tkaziluvchi “Zakovat” o‘yinini o‘tkazish oldidan, koordinator tomonidan belgilangan vaqtda barcha jamoalar oliy ta’lim muassasasi tomonidan Klub uchun belgilangan xonada (faollar zali, sport zal, o‘quv xonasi va h.k.) yig‘ilgan bo‘lishlari kerak.
O‘yin boshlanishidan 15 daqiqa avval koordinator “Zakovat intellektual klubi” nodavlat notijorat tashkilotining tomonidan tashkil qilinuvchi telegram guruh orqali o‘yin uchun tayyorlangan savollar paketini yuklab olishi kerak.
To‘garak rahbari o‘yin boshlanishidan oldin barcha jamolarni ko‘zdan kechirib (ishtirokchilar soni, javoblar varaqasi mavjudligi, telefon yoki shunga o‘xshash yordamchi vositalar yo‘qligi), o‘yinni boshlashi mumkin.
Har bir o‘yin ikki turdan iborat. Bir o‘yinda 20 ta savol, har turda 10 tadan savol o‘ynaladi. Savollarga yozma javob beriladi. Savollarga javob varaqasi
3-ilovada ko‘rsatilgan.
Dostları ilə paylaş: | 
