F.Galьton asos solgan bo`lib, u individual farqlarni statistik
analiz qilish uchun bir
qancha usullar va asboblar yaratgan. Differentsial psixologiya terminini nemis
psixologi V.Shtern o`zining «Individual farqlar psixologiyasi» asarida ishlatgan.
Differentsial psixologiyaning asosiy metodlaridan biri - testdir. Avval ikdividual
testlar, keyinchalik esa guruhiy testlar qo`llanila boshlangan, ular asosan aqliy
rivojlanishdagi farqlarni o`rganishga karatilgan bo`lib, muayyan vaqt o`tgandan
so`ng proektiv testlar ishlab chiqilgan. Mazkur testlar qiziqishdagi, intilishdagi,
hissiyotdagi tafovutlarni tekshirishga qaratilgandir.
Psixologiya inson qobiliyatlari genetik, biologik omillarga asoslangan, degan
g`oya mavjud bo`lib, ta’kidlanishicha, ular go`yoki nasldan naslga o`tadi.
Hozirgi zamon differentsial psixologiya diagnostika, prognostika metodlari
yordami bilan shaxslarning qobiliyati bo`yicha tanlashda ilmiy printsip va
qonuniyatlarga asoslanadi.
Psixofiziologiya - odamlarning individual psixologik va
psixofiziologik
farqlarini tadqiq qiluvchi, psixikaning genetikasini o`rganuvchi psixologiya
sohasi. Psixofiziologiyaning ikkita asosiy tadqiqot yondashuvi mavjud: a)
mustaqil amaliy tadqiqotlarda olingan fiziologik va psixologik natijalarni o`zaro
solishtirish, qiyoslash; b) biron bir faoliyatda fiziologik funktsiyalar o`zgarishini
o`rganish.
Ijtimoiy psixologiya - odamlarning ijtimoiy guruxlarga birlashishini, bu
guruhiy tavsifni, shaxsning guruhiy faoliyati va xulk-atvorini, ijtimoiy
psixologik qonuniyatlar, holatlar, hodisalar, ijtimoiy ustanovka kabilarni
tadqiqot qiluvchi psixologiya sohasi. Qadimgi
zamondan ijtimoiy psixologik
voqelik falsafiy nuqtai nazardan o`rganilib kelingan, lekin shaxs, guruh, jamoa
munosabatlari qamrab olinmagan. Ijtimoiy psixologiya faniga asos bo`lib
psixologiya, sotsiologiya, antropologiya, etnografiya, krimonologiya, falsafa kabi
fanlar xizmat qilib kelgan. Ijtimoiy psixologiya fan sifatida muloqot,
muomala qonuniyatlari, shaxslararo munosabat, individual va guruxiy o`zaro
ta’sir, guruhlarning
ichki va tashqi tuzilishi, ularning turlari, tasnifi, ommaviy
xolatlarni tekshiradi.
Ijtimoiy psixologiya bir necha sohalarni o`z ichiga qamrab oladi: din
psixologiyasi, oila psixologiyasi, muomala psixologiyasi, kichik gurux
psixologiyasi, katta guruh psixologiyasi, modalar psixologiyasi, insonni inson
tomonidan idrok qilish psixologiyasi, etnopsixologiya va boshqalar.
Din psixologiyasi - psixologik va ijtimoiy psixologik omillarning diniy ong bilan
shartlanganligini, dinning insonga ta’sirini o`rganuvchi psixologiya sohasi. Din
psixologiyasi XIX asrning oxiri XX asrning boshlarida vujudga kelgan bo`lib,
insonni ibodat qilishdagi, diniy an’analarni, rasm-rusumlarni bajarishdagi hissiyot
hoxishlarini o`rganishni o`z oldiga maqsad qilib qo`yadi. Diniy
psixologiyani o`rganish quyidagi yo`nalishlarda amalga oshirilmokda:
a) umumiy nazariya: diniy ong, uning tuzilishi, diniy hissiyot, dinning shaxs
shakllanishidagi ahamiyati;
b) din psixologiyasi differentsialini: ijtimoiy muhit va tarixiy davrdan
shakllangan ong
va xissiyot tadqiqoti;
v) diniy guruh psixologiyasi;
19
g)diniy rasm-rusumlar psixilogiyasi;
d) xurfikrlilik ta’limi psixologiyasi kabidir.
Siyosiy psixologiya - jamiyatning siyosiy hayotidagi psixologik
xususiyatlar, holatlar, qonuniyatlar, ta’sirchanlik va ta’sir o`tkazish jarayonlari kabi
jabhalarni tekshiruvchi psixologiya sohasi.
Oila psixologiyasi - oilaning psixologiyasini o`rganuvchi fanlararo tadqiqot
qilishga yo`nalgan psixologiya soha. Oila psixologiyasi oilaning psixologik
muammolarini o`rganadi, u oilaga ta’sir qiluvchi omillarni, oiladagi rollar
taqsimlanishi, er-xotin munosabati, shaxslararo munosabat, yosh xususiyatlari,
jinsiy tafovutlarga asoslanib muloqotga kirishish kabilarni o`rganadi. Oila
psixologiyasi tomonidan to`plangan materiallar oila musgahkamligini saqlash
uchun
maslahatlar berishda, har bir sotsiologik va psixologik dasturlar tuzishda
qo`llaniladi. Shuningdek, oila tiplari, tuzilishi, ierarxiyasi, ularga ta’sir qiluvchi
ob’ektiv va sub’ektiv omillar ham mazkur sohaning tadqiqot predmetiga kiradi.
Boshqaruv psixologiyasi - jamiyatda faoliyat ko`rsatayotgan shaxslar, guruhlar
va jamoalar o`rtasidagi ishlab chiqarish bilan bog`liq bo`lgan nazorat, baholash,
munosabat qonuniyatlarini, rahbar
faoliyati va xarakteri, qobiliyati
xususiyatlarini tadqik qiladigan ijtimoiy psixologiyaning sohasi.
Parapsixologiya - hozirgi zamon fanining chegarasidan tashqaridagi,
tushuntirish qiyin bo`lgan psixik hodisalarni o`rganadi. Ekstrosensorika - o`ta
sezuvchanlik, telepatiya-fikrni masofaga uzatish, kelajakka bashorat qilish va
hokazo. Parapsixologiyaga qiziqish qadimdan mavjud bo`lib, unga nisbatan ixlos to
hozirgi kungacha kamaygani yo`q, goho uni psixotronika deb ham atashadi.
Xiromatiya-qo`l kaftiga qarab fol ochish inson kelajagi va uning taqdiri haqida
oldindan bashorat qilishdan iborat noilmiy soha.
Mavzu yuzasidan savollar
1.
Psixologiya fanining kelib chiqish tarixi
2.
«Rux» tushunchasi va mohiyati
3.
Hozirgi zamon psixologiyasining asosiy tarmoqlari
4.
Psixik
holatlar va xususiyatlar
Tayanch iboralar
Psixik jaraenlar, psixik holatlar, psixik xususiyatlar, kuzatish, suxbat, anketa,
sotsiometriya, test va psixologiya sohalari.
20