Hujayraning to'g’ri bo'linishi yoki amitoz mitozdan oldin ta'riflangan. Bu
bo'linish mitozga nisbatan kam uchraydi. Amitoz yadrosi interfaza holatida bo'lgan
hujayraning bo'linishi. Amitoz ikkita hujayraning hosil bo'lishiga olib kelishi kerak,
lekin ko'p hollarda u bir nechta yadroli hujayralar hosil bo'lishiga olib keladi.
Deyarli barcha eukariotlarda uchraydi. Odatda amitotik bo'linish yadrocha
shakli va soni o'zgarishidan boshlanadi. Ular fragmentatsiyaga uchraydi yoki uzayib
ko'payadi-shunda gantellalar shakliga kiradi.
Yadrochalar bo'linishidan keyin yadro bo'linadi. Yadro to'g’ri bo'linishining
bir qancha usullari bor.
1.Tortmaning hosil bo'lishi. Bunda yadro ham gantel shaklida cho'zilib tort-
maning uzilishi natijasida ikkita yadro hosil bo’ladi.
2.Yadro yuzasida chiziq paydo bo'lib, u kattalashib yadroni ikkiga bo'ladi.
3. Fragmentatsiya (bo'laklanish). Yadro yuzasida ichkariga qaragan bo'rtma
hosil bo'lib u yadro ichiga botib kirib uni turli kattalikdagi fragmentlarga ajratadi.
Amitoz bo'linish hayotini tugatayotgan, o'layotgan, degeneratsiyaga uchragan
hujayralarga xos. O'simliklarda yuqori takkomillashgan, vaqtinchalik to'qimalarda:
tugunaklar, endosperm, perispermlarga xos.
Amitoz bo'linish turli patologik jarayonlarda uchraydi ( shamollash, shish).
87 Amitoz natijasida hosil bo'lgan yadrolarda genetik material notekis taqsim-
langan bo'ladi. Shuning uchun bunday hujayralar amitozdan keyin mitoz yo'li bilan
ko'paymaydi.
