Oʻzbekiston yoshlari buzgʻunchi gʻoyalarga qarshi

Birinchi tashabbus yoshlarning musiqa, rassomlik, adabiyot, teatr va san'atning boshqa turlariga qiziqishlarini oshirishga, iste'dodini yuzaga chiqarishga xizmat qiladi. Ikkinchi tashabbus yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yoʻnaltirilgan. Uchinchi tashabbus aholi va yoshlar oʻrtasida kompyuter texnologiyalari va internetdan samarali foydalanishni tashkil etishga qaratilgan. Toʻrtinchi tashabbus yoshlar ma'naviyatini yuksaltirish, ular oʻrtasida kitobxonlikni keng targʻib qilish boʻyicha tizimli ishlarni tashkil etishga yoʻnaltirilgan. Beshinchi tashabbus xotin-qizlarni ish bilan ta'minlash masalalarini nazarda tutadi. Xususan, shunday amallar bizning oliygohda ham faol yoʻlga qoʻyilgan boʻlib, yoshlarning boʻsh vaqtini samarali oʻtkazishga moʻljallangan tadbirlar, beshta tashabbusning yuqori darajada amalga oshirilayotganligi buning yaqqol dalilidir.
Xulosa qilib atganda,  yoshlar ongida mafkuraviy immunitetni shakllantirish, ularni vatanga, ota-onaga, ona tilimizga muhabbat ruhida tarbiyalash, ularda vatanparvarlik ruhini uygʻotish, milliy hamda umuminsoniy qadriyatlarga hurmat ruhini kuchaytirishda va asosiy maqsadimiz boʻlmish Ozod va obod vatan, erkin va farovon hayot qurishimizda buzgʻunchi gʻoyalarga qarshi kurashish, yuqorida ta’kidlaganimizdek, bizlarga berilgan imkoniyatlardan toʻliq va unumli foydalanish va goʻzal kelajak qurish yoʻlida biz yoshlar eslab oʻtilgan salbiy illatlarga qarshi “Yoʻq” deya olishimiz hamda buyuk maqsadlarimiz sari olgʻa qadam bosishimiz kerak!