373
Ədəbiyyatımızın vəziyyəti
ürəyimizi ağrıdır
Ərəb ədəbiyyatının müasir vəziyyəti heç də ürəkaçan de-
yildir. Ərəb inqilablarının canlandırdığı mədəni oyanış ka-
ğız üzərində qaldı, minbərlərdən o yana keçmədi. Barudinin,
Şövqinin, Hafiz və başqalarının zamanında gül açmış ərəb
şeri yenidən soldu. Sərbəst şer (nəsr formasında şer) adlan-
dırılan tör-töküntü meydana gəldi!
Əqqadın (1889-1964), Taha Hüseynin (1889-1973), Zəki
Mübarəkin (1892-1952), Əhməd Əminin (1886-1954) və
Əhməd Həsən Zəyyatın (1885-1968) ədəbiyyatı susdu, əvə-
zində, ədəbi dillə ləhcələrin qarışığından ibarət məqalələr
yazıldı, başqa dillərdən bayağı və qüsurlu tərcümələr edil-
di...
Bazar danışığı və “qara camaat” dialektləri hər yeri bü-
rüdü; mədəni qəsbkarlığın izləri hər yerdə özünü göstərdi.
Aşağı səviyyəli üslub teatr dilinə hakim kəsildi, gənc nəsli
təsiri altına saldı. Ərəb kimliyi öz səciyyəvi tərəflərini belə
bir əcaib qarmaqarışıqlığın fonunda itirməyə başladı...
Bu, forma və üslub baxımdan belədir. Ədəbiyyatımızın
ənənəvi mövzusuna gəlincə, vəziyyət ürküdücüdür; heç bir
ədəbi bacarığı olmayan, ülvi dəyər və qayələrdən uzaq qələm
sahibləri keyləşdirilmiş kütlələri öz arxasınca uçuruma apa-
374
rırlar. Bu qələm sahibləri islam və təlimlərindən çox uzaqdır-
lar...
Mədəni müstəmləkəçilik öz işini uğurla görüb: ümməti
viran qoyub, Allaha və islama, o cümlədən bütün səmavi
dinlərə nifrət edən insanların üzünə qapılar açıb. Bu in-
sanlar namazı lağa qoyur, ehtiras və şəhvəti alqışlayır, xalqı
labüd ölümə doğru aparırlar...
Ağıllı insanlar ümmətimizin sürükləndiyi taleyin məş`um-
luğunu hiss edirlər. Özü də elə bir dövrdə ki, İsrail Əqsa
məscidinin qalıqları üzərində Süleyman məbədini inşa et-
mək, səlibçilər də əsrlər boyu islamın bərqərar olduğu arealı
kiçiltmək istəyirlər. Məqsədləri zəifləmiş, heydən düşüb süst
qalmış bu torpaqlarda istədikləri kimi atılıb-düşməkdir.
Ədəbi savaş silahlı savaşdan daha təhlükəlidir. İslamın ha-
miləri hal-hazırda ölüm-qalım savaşının içərisindədirlər...
Onu da qeyd edim ki, ərəb ədəbiyyatı Osmanlıların za-
manında öz təravətini itirdi və az qaldı ki, bütövlükdə iflic
olsun. XX əsrin əvvəllərində özünə gələn, şanlı məqsədlərə
xidmət edən ədəbiyyatımızın yolunu mədəni müstəmləkə-
çilik kəsərək, inkişafına əngəl törətdi. İslamın xeyrinə sevinib
acısına ağlayan, Ədirnənin süqutuna ağılar deyən, yıxılan xi-
lafət üçün göz yaşı axıdan, Liviyanın Ömər Muxtarı üçün
hıçqıran şairdən sonra bütün bunları rədd edən ədəbiyyat
yarandı... Heyvani instinktləri oyadan, gənc nəsli əyləncə və
ehtiras məkanlarına sürükləyən ədəbiyyat!
Lənətə gəlmiş mədəni müstəmləkəçilik öz işini görərkən
Əzhərin yatmağı və ya başqa məsələlərlə məşğul olmağı in-
sanı dəhşətə gətirir... Çünki mədəni müstəmləkəçilik ideal
375
dəyərlərə, islama, təlimlərinə, ərəb dilinə, ərəb nəsri və poe-
ziyasına savaş elan edib. Əzhər bunu da görür, bir tikə
çörək üçün hər şeyini fəda edən xalq kütlələrinin vəziyyəti-
ni də görür, amma bir şey etmir...
Əlli ildir ki, Latın və Anqlo-sakson ədəbiyyatı arasında
gedən savaşın şahidi olmuşam. Eyni savaş Əqqadla Taha
Hüseyn arasında da baş vermişdi. Amma nədənsə heç kəs
ədəbiyyatımızın, hətta Cahiliyyət dövrü ədəbiyyatımızın yük-
sək insanpərvər tərəflərindən danışmır. Nə üçün?
Allah rəhmət etsin, Əqqad (1889-1964) öz xalqına, dini-
nə və mədəni irsinə bağlı şəxsiyyət idi. Qənaətbəxş yara-
dıcılığı olan bu insan dünyəvilik, allahsızlıq və istibdad qar-
şısında başını dik tutmuş, səbat göstərmişdir...
Taha Hüseynə (1889-1973) gəlincə, qüsursuz nitq qabi-
liyyəti və yazı üslubuna sahib bu insan bir müddət ərəb dili
üçün böyük işlər görmüşdür. Amma sonra səlibçi Qərb
dalğası onu da öz ağuşuna almış və o öz şər ideyalarını
müxtəlif institutlarda təbliğ etmişdir. Nəhayət, ölüm gəlmiş
və Taha Hüseyn ağlını başına yığmışdır!
Bugün mən ədəbiyyat sahəsində Məhəmməd Rəşid Rza
(1865-1935), Məhəmməd Fərid Vəcdi (1878-1954) və Əb-
dülvəhhab Əzzam (1894-1959) kimilərini axtarıram, amma
tapa bilmirəm...
Gözüm siyasət meydanında Əbdürrəhman Kəvakibi (1849-
1902) və Əbdüləziz Caviş kimilərini gəzir, amma heç kəs
gözə dəymir...
376
Şer meydanında da Hafiz İbrahim (1872-1932), Carim,
Məhərrəm, Mutran Xəlil (1871-1949), Bədəvi əl-Cəbəl
(1900-1981) kimi oğullar axtarıram, amma hədər yerə!
Dünyəviliyə, nakişiliyə, zəiflik və zəlalətə xidmət edən xəstə
“qələm”lər vardır. Onların ərəb irsinə münasibəti İsgəndər
Dimas və ya Artur Konan Dobelin bu irsə münasibətindən
heç nəyi ilə fərqlənmir...
Ərəb dili dünyanın ən qədim dillərindəndir. Söz ehtiyatı
və məna çalarlığı baxımdan ən zəngin dil sayılan ərəb dili
ədəbiyyat sahəsində də misilsiz bədii ifadə və təsvir imkan-
larına sahibdir...
Qurani-Kərim ərəbcə nazil olduqdan sonra bu dil səma
və yer arasında əlaqə yaratdı; ilahi vəhyin ünsürlərini ehtiva
etdiyi üçün əbədilik qazandı. Əbədiyyət ərəb dilinə xasdır
və başqa dillərin nəsibinə yazılmayıb. Bəlkə də, bu və ya digər
dil texnoloji qurğuların adlandırılmasında, tibbi terminlərin
yaradılmasında daha çox istifadə olunub, amma o, Allahın
sözlərini və bəndələrinə tövsiyələrini ehtiva etmək şərəfinə
ərəb dili qədər nail olmayıb...
Düzdür, Quranın nazil edilməsindən sonra ərəb ədəbiy-
yatının çeşməsini axmaq şairlər, dəlisov ədiblər çirkləndir-
mək istədilər. Amma bu ədəbiyyat əxlaqsızlıq və əyrilik ədə-
biyyatı ola bilməz, bəşəriyyəti abırsızlıq və tənəzzülə sürük-
ləməz...
Qurani-Kərim müsəlman nəsillər üçün qayələri müəyyən-
ləşdirmiş və qorumuşdur.
377
Bəziləri irad tuturlar ki, ərəb şerində mədhiyyələr çoxluq
təşkil edir. Amma biz Əbu Təmmamın aşağıdakı beytini
oxuduqda tənqidin də nə olduğunu başa düşürük:
Əgər şerlərdə bu məziyyətlər olmasaydı,
Lovğa zalımlar yaxşı nədir bilməzdilər.
Seyfəddövlənin bizanslılarla döyüşlərdə göstərdiyi şücaət
haqda Mütənəbbi deyirdi:
Dayandın və ölüm dayananlara bir şey etmir,
Sanki sən yatmış ölümün göz qapağının üstündəsən.
Sən öz rəqibini məğlub edən hökmdar deyilsən,
Əksinə, İslam şirkə (küfrə) qalib gəlmişdir.
Professor Əhməd Musa Salim ərəb dili, ədəbiyyatı, əbədi-
liyi, hökmranlığının həmişəyaşarlığı, əsaslarının möhkəmlən-
dirilməsinin zəruriliyi haqda yazır:
“Quranın nazil edilməsi ərəb dilinin əbədiliyinə zəmanət
verdi. Nəticədə, bu dilin missiyasını müəyyənləşdirəcək, sə-
ciyyəvi xüsusiyyətlərini göstərəcək hadisələr baş verdi. Belə
ki:
1. Bütün ərəblər ərəb ədəbi dilini öyrənməyə hədsiz
maraq göstərdilər. Çünki bu dil vəhyin, səmavi əqidənin dili-
dir;
2. Quran ədəbi dilinin işləndiyi sahələr çoxaldıqca in-
sanlar ləhcələrdə çox az danışmağa başladılar;
378
3. Əsrlər keçsə də, nəsillər bir-birini əvəz etsə də, ərəb
ədəbi dili öz gücünü itirmədi; əksinə, Qurani-Kərimin sayə-
sində onun işlənmə intensivliyi çoxaldı; Quranın həmişəya-
şarlığı ərəb ədəbi dilini ümmətin əbədi dilinə çevirdi;
4. Ərəb ədəbi dilinin işlənmə arealı genişləndi, dünyadakı
bütün müsəlmanların dilinə çevrildi. Onlar Quranı ərəbcə
oxudular, ərəb hərfləri ilə oxudular. Quranın yazılış üslubunu
öz ana dillərində də olsa mənimsədilər. Bir sözlə, Quran
beynəlxalq müstəvidə ərəb dilinin köməyinə çatdı. Həmçinin,
bu, dünyanın müxtəlif müsəlman xalqları vasitəsilə islama
və ərəb dilinə bəxş edilmiş ilahi nemət sayılmalıdır;
5. Ən mühümü budur ki, Quranın linqvistik ecazkarlığı
ərəb dilinin elmi və mədəni sahələrdəki təsviri imkanlarını
göstərir. Yəni, bu dil elmi və mədəni anlayışları ifadə edəcək
(adlandıracaq) söz ehtiyatına, təsvir imkanlarına sahibdir.
Madam ki, ərəb dili Allahın kəlamını (Quranın məzmunu-
nu) forma və məna baxımından mükəmməl formada ehtiva
edə bilmişdir, onda bəşəri inkişafın bütün sahələrini izah
edib açıqlama imkanlarına nə üçün də sahib olmasın?!”
Biz köhnə kin-küdurətin dilimiz əleyhinə qurduğu sui-
qəsdlərə görə ümidimizi itirmirik. Hesab edirik ki, bu zül-
mət gecə öz yerini tezliklə nurlu sabaha verəcəkdir.
Quranı göndərən də, qorumağına söz verən də Allahdır!
Elə isə onun nazil edildiyi dil əbədi və həmişəyaşar qalacaq-
dır.
Rəbbimizdən rica edirik ki, bizlərin taleyinə vəhyin dilini
qoruyub, Quranın bütün təlimlərini dirçəltmək yazsın! Kafir-
lər istəməsə də, Allah öz nurunu tamamlayacaqdır!
379
MÜNDƏRİCAT
Tərcüməçinin ön sözü . . . . . . . . . . . . . . . . . . . . . . . . . . . . . . . . . . . 3
Ön söz . . . . . . . . . . . . . . . . . . . . . . . . . . . . . . . . . . . . . . . . . . . . . . . . 21
Birinci fəsil
Biliyin islamlaşdırılması və ya islama əsaslanan
bilik sistemi . . . . . . . . . . . . . . . . . . . . . . . . . . . . . . . . . . . . . . . . . . . 39
Bəşəri biliklərin mənbəyi . . . . . . . . . . . . . . . . . . . . . . . . . . . . . . . . . . . . . . . . . . . . . 46
Müsəlman dünyasının qəribəlikləri . . . . . . . . . . . . . . . . . . . . . . . . . . . . . . . . . . . . 56
İkinci fəsil
Ali vəhyin əhatəliliyi (genişliyi) . . . . . . . . . . . . . . . . . . . . . . . . . 63
İslamda yenilənmə olmalıdır: amma necə? . . . . . . . . . . . . . . . . . . . . . . . . . . . . . 68
Başqalarını öyrənmədik, əğyardan bixəbər qaldıq . . . . . . . . . . . . . . . . . . . . . . . 74
Üçüncü fəsil
Ali həqiqətləri gizləyən “qabıq”lar. . . . . . . . . . . . . . . . . . . . . . . 82
Din və bilik . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 88
Dəvətçilərin islama çağırışa təsiri . . . . . . . . . . . . . . . . . . . . . . . . . . . . . . . . . . . . . . 94
Sağlam düşüncənin qarşısını kəsənlər . . . . . . . . . . . . . . . . . . . . . . . . . . . . . . . . . 100
Kəlam elmi haqda bəzi qeydlər . . . . . . . . . . . . . . . . . . . . . . . . . . . . . . . . . . . . . . . 105
Dördüncü fəsil
Təsəvvürlərin redaktəsi və saxtakarlığın əngəllənməsi . . .113
Haqdan qaçmaq . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 124
“Nəfsə qul olmaq” problemi. . . . . . . . . . . . . . . . . . . . . . . . . . . . . . . . . . . . . . . . . . 130
İsgəndəriyyə kitabxanası və mədəni qəsbkarlıq . . . . . . . . . . . . . . . . . . . . . . . . 136
380
Allahın əzəmət şüası . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 142
Qurub-yaradanla vurub-dağıdan eyni deyildir . . . . . . . . . . . . . . . . . . . . . . . . . 154
Beşinci fəsil
Həqiqi tərbiyə haqqında . . . . . . . . . . . . . . . . . . . . . . . . . . . . . . .161
Dünyadan bixəbər qalanlar mədəniyyət qura bilməzlər. . . . . . . . . . . . . . . . . 168
Qiyamətədək çalışıb-vuruşmalıyıq. . . . . . . . . . . . . . . . . . . . . . . . . . . . . . . . . . . . 173
Fiqhi “ixtilaf ” asilik deyildir . . . . . . . . . . . . . . . . . . . . . . . . . . . . . . . . . . . . . . . . . . 178
Altıncı fəsil
Bir daha bidət haqqında . . . . . . . . . . . . . . . . . . . . . . . . . . . . . . .184
Yeddinci fəsil
Tarixi yenidən yazmaq. . . . . . . . . . . . . . . . . . . . . . . . . . . . . . . . .191
Hülaku tək deyildi! . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 197
Baş verənləri kimin ayağına yazaq?. . . . . . . . . . . . . . . . . . . . . . . . . . . . . . . . . . . . 206
Qüds sınağı . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 210
Qərb və İslam . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 215
Səkkizinci fəsil
Təfsirə dair kommentarilər . . . . . . . . . . . . . . . . . . . . . . . . . . . .220
Təfsirçilər: səhvlər və qəbahətlər. . . . . . . . . . . . . . . . . . . . . . . . . . . . . . . . . . . . . . 226
Ayələri əvvəlcə öz kontekstləri daxilində təfsir etmək lazımdır . . . . . . . . . . 232
“Talaq” surəsindən bir nümunə. . . . . . . . . . . . . . . . . . . . . . . . . . . . . . . . . . . . . . . 240
Fiqh sahəsində . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 245
İctihad məsələlərində qətiyyətlə “yox” deməyin . . . . . . . . . . . . . . . . . . . . . . . 252
Təqlidi qadağan etsələr də, özləri təqlidçidirlər! . . . . . . . . . . . . . . . . . . . . . . . . 258
Doqquzuncu fəsil
Sünnəyə dair kommentarilər . . . . . . . . . . . . . . . . . . . . . . . . . . .264
Qeyri-məqbul hədislər barədə. . . . . . . . . . . . . . . . . . . . . . . . . . . . . . . . . . . . . . . . 269
Camaat namazı haqda “ixtilaf ”lar. . . . . . . . . . . . . . . . . . . . . . . . . . . . . . . . . . . . . 275
Fiqh və hədis elmlərinin bir-birindən təcridi. . . . . . . . . . . . . . . . . . . . . . . . . . . 282
381
Hədisdə istinad və mətn (məzmun) anlayışları. . . . . . . . . . . . . . . . . . . . . . . . . 287
Hədisin istinadında uydurma əlamətləri . . . . . . . . . . . . . . . . . . . . . . . . . . . . . . 287
Hədisin məzmunda uydurma əlamətləri . . . . . . . . . . . . . . . . . . . . . . . . . . . . . . 288
Qadınlar və Sünnəyə xidmət . . . . . . . . . . . . . . . . . . . . . . . . . . . . . . . . . . . . . . . . . 294
“O bizə şəhadətnamə (
icazət) verib” . . . . . . . . . . . . . . . . . . . . . . . . . . . . . . . . . .299
Müsəlman qadını və sosial fəaliyyət təşəbbüsləri . . . . . . . . . . . . . . . . . . . . . . . 304
Əzhərdə təhsil və şəriətin mənbələri . . . . . . . . . . . . . . . . . . . . . . . . . . . . . . . . . . 311
“Ahad” hədislər yəqin bilik ifadə etmir . . . . . . . . . . . . . . . . . . . . . . . . . . . . . . . . 315
Səhih hədislərin mötəbərliyində qətilik dərəcəsi . . . . . . . . . . . . . . . . . . . . . . . 321
Buxari və Müslimin rəvayət etdikləri hədislərin səhihlik dərəcəsi . . . . . . . . 322
Kəlam və fi qhə dair bəzi mübahisəli məqamlar. . . . . . . . . . . . . . . . . . . . . . . . . 325
Bir fi tva. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 328
Qəbir əzabı haqda bir-neçə söz . . . . . . . . . . . . . . . . . . . . . . . . . . . . . . . . . . . . . . . 336
Onuncu fəsil
Ərəb dili və ədəbiyyatının gələcəyi . . . . . . . . . . . . . . . . . . . . .342
Ərəb dilinin tənəzzülü354
Həqiqi ədəbiyyat islama bağlı ədəbiyyatdır . . . . . . . . . . . . . . . . . . . . . . . . . . . . 366
Ədəbiyyatımızın vəziyyəti ürəyimizi ağrıdır . . . . . . . . . . . . . . . . . . . . . . . . . . . 373
QEYDLƏR:
QEYDLƏR:
“İdrak“ İctimai Birliyi
AZ1100, Bakı ş., Bakı Universiteti MTK,
M. Seyidov 3138, D korpusu, 1-ci mərtəbə
www.idrak.org.az
Bədii və texniki tərtibat:
Həsən Həsənov
Yığılmağa verilib: 28.06.2012. Çapa imzalanıb: 28.07.2012
Çap vərəqi: 24. Sifariş № 105 Тiraj: 1000 nüsxə
mətbəəsində çap olunub
Dostları ilə paylaş: |