PROQRAMLAŞDIRILMASI VƏ TƏHLÜKƏSIZLIYI (DATA/BIG MINING)
Bəşəriyyətin mövcudluğundan təhlükəsizlik problemləri insanları daim düşündürmüş. Big
data erasında isə təhlükəsizlik məsələlərinə maraq daha da artmış və siyasi, iqtisadi, sosial,
demoqrafik, hərbi, ekoloji və s. kimi aspektlərdə çox ciddi elmi-tədqiqat istiqamətinə çevrilmişdir.
Big data və informasiya təhlükəsizliyi məsələlərinə iki müxtəlif aspektdən baxmaq olar:
informasiya təhlükəsizliyində Big data analitikanın tətbiqi və Big data texnologiyalarında
informasiya təhlükəsizliyi problemləri.
Şəbəkə xidmətlərindən, veb əlavələrdən geniş istifadə müəssisə və təşkilatlarda şəbəkə və
kompüter təhdidlərinə qarşı təhlükəsizlik tədbirlərinin həyata keçirilməsini ön plana çəkmişdir. Belə
ki, son zamanlar kiber-terror, kibermüharibələr və s. kimi kiber-məqsədli hücumların (məsələn,
kiber-terror, kiber-müharibələr, APT- Advanced Persistent Threat və s.) sayı sürətlə artmaqdadır.
Korporativ kompüter şəbəkələrin təhlükəsizliyinə böyük təhdidlər yaradanbu hücumların
aşkarlanması üçün şəbəkə, host, təhlükəsizlik qurğuları və s. mənbələrdən çox böyük həcmdə
verilənlərin toplanması, verilənlərdə anomaliyaların aşkarlanması məsələsini aktuallaşdırır və
25
məsələnin həllində daha effektiv analiz metod və alqoritmlərinin yaradılmasını tələb edir. Çünki
kompüter şəbəkələrində təhlükəli trafiklərin erkən aşkarlanması, log faylların analizi şəbəkə
təhlükəsizliyinin təmin edilməsində əsas şərtdir. Verilənlərin analizində anomaliyaların
aşkarlanması isə əsas məsələlərdəndir. Anomaliyaların aşkarlanması qeyri-müntəzəm davranışlara
müdaxilə etmək imkanı verir. Hücumların qarşısının qabaqcadan alınması (0-cı gündən), yəni
əvvəllər rast gəlinməyən və bədniyyətli verilənlərin filtirlənməsi xüsusilə vacibdir.
Hesablama buludları, MapReduce, Hadoop və s kimi texnologiyalar geniş miqyaslı
verilənlərin emalında kifayət qədər hesablama gücünə malikdirlər. Bu texnologiyaların köməyi ilə
çoxsaylı şəbəkə verilənlərini inteqrasiya və analiz etmək mümkün olmuşdur. Nəticə etibarı ilə
böyük verilənlərin analizinə əsaslanan təhlükəsizlik analitikası texnologiyası meydana gəlmişdir.
Təqdim olunan proqramda da məqsəd Big data analitika əsasında kompüter şəbəkələrində
anomaliyaları daha düzgün, dəqiq analiz etməkdir.
Dostları ilə paylaş: |