MÜHƏNDİS QRAFİKASI KAFEDRASI:
80
illik şərəfli yolun tarixi
51
Məlahət xanım, Faiq müəllim nəvələri Qasımla birlikdə
Faiq müəllim qayğıkeş bir ailə başçısıdır. Yaşının maraqlı bir dövründə
olmasına baxmayaraq Faiq müəllim kafedranın aktiv əməkdaşlarındandır. Daim
hərəkətdə və axtarışdadır.
Mən qayğıkeş babaya, sevimli ataya və etibarlı ailə başçısına səmimi və xoş
arzular diləyirəm.
İbrahim Həbibov
52
«DAİM MÜBARİZƏDƏ OLMAQ» DEVİZİ İLƏ YAŞAYAN İNSAN
Süleymanov Süleyman Salman oğlu
Belə bir el məsəli vardır: «Hər bir şey öz
ölçüsündə gözəldir». Hətta ifrat dərəcədə prinsipiallıq
və düzgünlük həqiqəti ifadə etdikdə yaxşılıqla
nəticələnmir. Süleyman müəllim bu baxımdan işində,
çıxışlarında və deyərdim, həyata baxış məsələlərində
ifratçılığın zirvəsində dayanan bir insan idi.
Onun xarakterində bu xüsusiyyət özünün də inkişafına mane olurdu. Mən
Süleyman müəllimlə bərabər uzun müddət «Mühəndis qrafikası» kafedrasında dərs
aparmışam. Çox vaxt eyni qrupda o mühazirə, mən isə məşğələ dərsləri keçirirdik.
Tələbələr ilk gündən Süleyman müəllimin kim və necə müəllim oluğunu
bildiklərindən dərslərdə tam ciddiyyətlə məşğul olurdular. Onlar bilirdilər ki, bu
müəllim tərəfindən heç bir kompromis olmayacaq və onun dərsini yalnız oxuyub,
öyrənib qiymət almaq olar. Tələbələr onun adını öz aralarında «SS» çağırardılar.
Bu Süleymanov Süleyman Salman oğlunun ciddiliyi, adında və soyadındakı
hərflərlə bağlı idi.
Süleymanov Süleyman Salman oğlu 1936-cı ilin may ayının 12-də Şəmkir
rayonunun Təzəkənd kəndində qulluqçu ailəsində anadan olmuşdur.
Atası — Süleymanov Salman Süleyman oğlu (1895-ci il təvəllüdlü) Oktyabr
inqilabına qədər Şəmkir rayonunda fəhlə işləmiş, inqilabdan sonra isə orada
M.Əzizbəyov adına sovxozda şöbə müdiri olmuşdur.
Anası — Süleymanova Fatma Mürsəl qızı 1907-ci ildə anadan olmuşdur,
evdar qadın idi.
1945-ci ildə Şəmkirdə orta məktəbə getmiş, 1955-ci ildə məktəbi bitirmişdir.
1957-ci ildə M.Əzizbəyov adına Neft və Kimya institutuna daxil olmuş, 1963-cü
ildə mühəndis-mexanik ixtisası üzrə oranı bitirmişdir. 1964-1966-cı illərdə
MÜHƏNDİS QRAFİKASI KAFEDRASI:
80
illik şərəfli yolun tarixi
53
M.Əzizbəyov adına Neft və Kimya institutunun aspiranturasında təhsil almışdır.
1969-cu ildə namizədlik dissertasiyası müdafiə etmişdir.
1958-1967-ci illərdə müxtəlif müəssisələrdə çalışmışdır. 1967-1970-ci
illərdə Neftmaşınqayırma elmi-tədqiqat layihə institutunda və «Neftkimya
avtomat» EİB-də birinci dərəcəli mühəndis-konstruktor vəzifəsində çalışmışdır.
1970-1988-ci illərdə Azərbaycan Neft və Kimya institutunun «Mühəndis
qrafikası» kafedrasında əvvəlcə assistent, daha sonra isə baş müəllim və dosent
işləmişdir. İşlədiyi müddətdə 25 dərslik, dərs vəsaiti və elmi məqalə çap
etdirmişdir. 3 dəfə ixtisasartırma kurslarında olmuşdur:
1976-cı ildə - Moskvada Qubkin adına Neft - kimya və Qaz sənayesi
institutunda;
1981-ci ildə - Kiyev Politexnik institutunda;
1986-cı ildə — Leninqrad Politexnik institutunda.
Həyat yoldaşı — 1947-ci il təvəllüdlü Süleymanova Fəridə İsmayıl qızı.
Oğlu — 1968-ci il təvəllüdlü Süleymanov Elxan.
Oğlu — 1972-ci il təvəllüdlü Süleymanov Elşad.
1988-ci ildən «Neftmədən mexanikası, maşın və mexanizmlər» kafedrasında
işləmişdir.
Süleyman müəllimin ağır xasiyyəti hər gün onu başa düşməyənlərin və
sevməyənlərin sayını artırırdı. Bütün bunları nəzərə alaraq o, institutdan getməli
olur və Azərbaycan kənd təsərrüfatı nazirliyində işləməyə başlayır. O, institutdan
uzaqlaşsa da mənim yanıma tez-tez gələr və söhbətlər edərdi. Harada və nə
vəzifəsində işləməsindən asılı olmayaraq o, mübarizədə idi.
Süleyman müəllim 2009-cu ildə dünyasını dəyişmişdir.
İbrahim Həbibov
54
BÖYÜK İNTELLEKTUAL, TƏŞKİLATÇI, DİQQƏTCİL ATA
Rəhimov Oqtay Paşa oğlu
«Mühəndis qrafikası» kafedrasında çalışan
müəllimlər sırasında ən parlaq şəxsiyyətlərdən birisi
Oqtay müəllimdir. O, öz təşkilatçılıq bacarığı, elmi
axtarışlara olan tükənməz həvəsi, böyük iradəsi və səbri
ilə həmişə fərqlənirdi. Bunlarla yanaşı Oqtay müəllim
xeyirxah insan, qayğıkeş ata və mehriban dost kimi
xatirələrdə qalmışdır.
Rəhimov Oqtay Paşa oğlu 1935-ci il martın 23-də Lənkəran şəhərində
anadan olmuşdur. Oqtay müəllimin hər iki valideyni Lənkəranda anadan
olmuşdular. Onun atası - Rəhimov Paşa Həsən oğlu (1907) bu şəhərin tanınmış
simalarından biri olmuşdur. O, 1943-cü ildə Böyük Vətən müharibəsində həlak
olub. Həyat yoldaşını erkən itirən Qəmərxanım Muxtar qızı (1913-cü il təvəllüdlü)
övladlarını tək böyütmüşdür. O, 1991-ci ildə vəfat etmişdir.
Oqtay müəllim 1953-cü ildə Lənkəran şəhər 3 saylı orta məktəbi bitirəndən
sonra Azərbaycan Sənaye institutunun “Geoloji-kəşfiyyat” fakültəsinə daxil olub və
oranı 1958-ci ildə müvəffəqiyyətlə başa vurub. 1958-ci ildə institutun təyinatıyla
«Şirvanneft»ə işə qəbul olunur və burada böyük təcrübə toplayır. O, 1958-1961-ci
illərdə böyük mühəndis, 1961-1963-cü illərdə isə şöbə müdiri vəzifəsində işləyib.
Elmi axtarışlara olan marağı onu 1963-cü ildə doğma institutun
aspiranturasına gətirb çıxarır. 1967-ci ildə müvəffəqiyyətlə dissertasiya işini
müdafiə edən Oqtay müəllimə texnika elmlər namizədi adı verilmişdir. Həmin il
ona əmək fəaliyyətini institutda davam etdirmək təklif olunur və o problem
laboratoriyasında böyük elmi işçi vəzifəsində işləməyə başlayır.
Oqtay müəllim 1971-1981-ci illərdə M.Əzizbəyov adına Azərbaycan Neft və
Kimya institutunun «Mühəndis qrafikası» kafedrasının dosenti olmuşdur. O,
məzəli və xoş söhbətləri, intellektual səviyyəsi ilə kafedranın bütün müəllim
heyətinin hörmətini qazana bilmişdir. Həmişə onun əlində mütaliə üçün müxtəlif
Dostları ilə paylaş: |