L I G J Nr.7975, datë 26.7.1995
PER BARNAT NARKOTIKE DHE LENDET PSIKOTROPE
Në mbështetje të nenit 16 të ligjit nr.7491, datë 29.4.1991
"Për dispozitat kryesore kushtetuese", me propozim të Këshillit të
Ministrave,
LIGJ
Nr.9271, date 9.9.2004
PER DISA SHTESA DHE NDRYSHIME NE LIGJIN NR.7975, DATE 26.7.1995 "PER BARNAT NARKOTIKE DHE LENDET PSIKOTROPE"
Ne tekstin e ligjit fjalët "Ministria e Shëndetësisë dhe e Mbrojtjes se Mjedisit" bëhen "Ministria e Shëndetësisë".
L I G J Nr. 9559, datë 8.6.2006
PËR NJË SHTESË NË LIGJIN NR.7975, DATË 26.7.1995 "PËR BARNAT NARKOTIKE DHE LËNDËT PSIKOTROPE"
LIGJ Nr. 46/2013
PËR DISA NDRYSHIME DHE SHTESA NË LIGJIN NR. 7975, DATË 26.7.1995 "PËR BARNAT NARKOTIKE DHE LËNDËT PSIKOTROPE", TË NDRYSHUAR
KUVENDI POPULLOR
I REPUBLIKES SE SHQIPERISE
V E N D O S I :
KREU I
DISPOZITA TE PERGJITHSHME
Neni 1
Ky ligj ka për qëllim të përcaktojë rregullat e prodhimit,
fabrikimit, importimit, eksportimit, tregtimit, përdorimit,
kontrollit dhe ruajtjes së barnave narkotike dhe lëndëve
psikotrope.
Neni 2
Në kuptim të këtij ligji, barna narkotike dhe lëndë psikotrope
me prejardhje natyrore ose sintetike janë një grup i vecantë
lëndësh, përdorimi abuziv i të cilave dëmton shëndetin dhe krijon
varësi të përdoruesit nga këto lëndë.
KREU II
KLASIFIKIMI I BARNAVE NARKOTIKE
DHE LENDEVE PSIKOTROPE
Neni 3
Lëndët dhe përgatesat e përfshira në këtë ligj janë
klasifikuar në 3 tabela, I, II dhe III sipas masave të kontrollit
që ushtrohen për këto lëndë.
Neni 4
Të gjitha bimët dhe lëndët e klasifikuara si barna narkotike
ose si lëndë psikotrope nga konventat ndërkombëtare ose akte të
tjera në zbatim të këtyre konventave; përgatesat e tyre, si dhe
gjithë bimët dhe lëndët e tjera të rrezikshme për shëndetin publik,
për shkak të efekteve të dëmshme që rezultojnë nga keqpërdorimi i
tyre, janë përfshirë në tri tabela. Klasifikimi i tyre është bërë
në bazë të shkallës së rrezikshmërisë për shëndetin që mund të
sjellë keqpërdorimi i tyre dhe faktit nëse ato kanë ose jo përdorim
mjekësor.
Tabela I: bimë dhe lëndë me rrezikshmëri të lartë që nuk
përdoren në mjekësi. Tabela II: bimë dhe lëndë me
rrezikshmëri të lartë që përdoren në mjekësi.
Tabela III: bimë dhe lëndë të rrezikshme që përdoren në
mjekësi.
Tabelat II dhe III janë ndarë në dy grupe A dhe B sipas masave
të kontrollit që zbatohen për to.
Neni 5
Bimët janë shënuar me emrin e tyre shqip dhe latinisht,
ndërsa lëndët janë shënuar me emrin ndërkombëtar në gjuhën shqipe
ose në mungesë të tij, me emrin shkencor.
Neni 6
Përzierjet e ngurta ose tretësirat që përmbajnë një ose më
shumë lëndë që kontrollohen nga ky ligj, si dhe lëndët psikotrope
të dozuara, i nënshtrohen të njëjtit kontroll si dhe lëndët
përbërëse të tyre. Përgatesat që përmbajnë dy ose më shumë lëndë,
të cilat u nënshtrohen regjimeve të ndryshme kontrolli, do të
trajtohen sipas regjimit të lëndës më të kontrolluar.
Neni 7
Tabelat janë përpiluar sipas Konventës Unike për Barnat
Narkotikë të vitit 1961 dhe Konventës për Lëndët Psikotrope të
vitit 1971.
Neni 8
Përgatesat, që përmbajnë një nga lëndët e tabelave II ose III,
por që paraqet rrezik abuzimi të papërfillshëm, dhe kur lënda nuk
mund të përftohet me metoda të thjeshta në sasi që krijojnë rrezik
abuzimi, mund të përjashtohen nga disa masa kontrolli të
parashikuara në këtë ligj me urdhër të ministrit të Shëndetësisë
dhe Mbrojtjes së Mjedisit. Në këtë urdhër përcaktohen qartë masat
e kontrollit nga të cilat përjashtohen këto përgatesa.
KREU III
NDALIMI I KULTIVIMIT TE BIMEVE QE PERMBAJNE
LENDE NARKOTIKE
Neni 9
Në Republikën e Shqipërisë ndalohet kultivimi i hashashit
(Papaver somniferum) për prodhimin e opiumit dhe të kashtës;
ndalohet kultivimi i bimës së kokës (Erythroxylon coca) për
prodhimin e alkaloideve e të lëndëvee aromatike, si dhe kultivimi
i bimës së kërpit indian (Cannabis sativa var. indica) për
prodhimin e kanabisit dhe rrëshirës së kanabisit apo për qëllime
industriale për prodhimin e fibrave dhe të farërave.
Neni 9 ndryshohet si me poshtë:
"Neni 9
Ne Republikën e Shqipërisë ndalohen kultivimi i hashashit (Papaver somniferum) për prodhimin e opiumit dhe te kashtës, kultivimi i bimës se kokës (Erythroxylon coca) për prodhimin e alkaloidëve e re lendeve aromatike, si dhe kultivimi i te gjitha llojeve dhe varieteteve te bimëve te gjinisë cannabis për prodhimin e kanabisit, te rrëshirës dhe vajit.
Lejohet kultivimi i kërpit (Cannabis sativa L) për qëllime industriale për prodhimin e fibrave
dhe te farërave verem për varietetet qe përmbajnë jo me shume se 0,1 për qind tetrahidrokanabinol.
Importimi i farërave për varietetet, qe përmbajnë nivelin e përcaktuar ne këtë nen, behet me
leje te Ministrit te Bujqësisë dhe Ushqimit.
Masat e kontrollit dhe re monitorimit te subjekteve, qe merren me këtë veprimtari, përcaktohen me udhëzim re përbashkët te Ministrit te Bujqësisë dhe Ushqimit dhe te Ministrit te Rendit Publik.
Për qëllime te këtij ligji, termi "cannabis", i përmendur ne paragrafin e pare, nënkupton majat e lulëzuara dhe te frutifikuara te bimëve te gjinisë cannabis, duke përjashtuar farërat dhe gjethet kur këto nuk janë te shoqëruara me majat, prej te cilave nuk është hequr rrëshira, pavarësisht nga emri qe ato mund re kenë. " .
Neni 10
Pronari ose përdoruesi i tokës bujqësore e jobujqësore, si dhe
të punësuarit pranë tyre, janë të detyruar të shkatërrojnë bimët e
përmendura në nenin 9, kur ato rriten në mënyrë spontane në tokën
e papunuar ose kanë qënë kultivuar në mënyrë të paligjshme nga
paraardhësit e tyre.
shtohet neni 10/1 me këtë përmbajtje:
"Neni 10/1
1. Kryetari i njësisë së qeverisjes vendore, specialistët e Policisë së Rendit dhe të Policisë Kriminale në zonë, brenda juridiksionit të tyre administrativ, në bashkëpunim edhe me strukturën përkatëse të luftës kundër drogës në drejtorinë e policisë të qarkut, organizojnë punën për parandalimin e kultivimit të bimëve narkotike, zbulimin e sipërfaqeve të kultivuara dhe identifikimin e personave përgjegjës.
2. Kryetari i njësisë bazë të qeverisjes vendore, specialistët e Policisë së Rendit dhe të Policisë Kriminale në zonë, për çdo rast të vërejtjes apo marrjes dijeni për kultivimin e bimëve narkotike në zonën që mbulojnë, janë të detyruar të raportojnë menjëherë me shkrim në strukturën përkatëse të luftës kundër drogës në drejtorinë e policisë të qarkut.
3. Kur personat e mësipërm veprojnë në kundërshtim me pikën 2 të këtij neni, sipas rastit, janë subjekte të veprave penale të parashikuara nga nenet 248, 300 dhe 301 të Kodit Penal.".
KREU IV
NDALIMI I VEPRIMTARIVE QE LIDHEN ME LENDET DHE
PERGATESAT E TABELES I
Neni 11
Ndalohet prodhimi, fabrikimi, tregtimi dhe shpërndarja me
shumicë dhe pakicë, transportimi, mbajtja, furnizimi, dhënia me
para ose falas, blerja, përdorimi, importimi , eksportimi, kalimi
tranzit i bimëve, lëndëve dhë përgatesave të përfshira në tabelën
I në territorin e Republikës së Shqipërisë.
KREU V
RREGULLIMI I VEPRIMTARIVE QE LIDHEN ME BIMET, LENDET
DHE PERGATESAT E TABELAVE II DHE III
Neni 12
Lëndët e përfshira në tabelat II dhe III dhe përgatesat e tyre
i nënshtrohen dispozitave të zbatueshme për të gjitha lëndët dhe
përgatesat e destinuara për përdorim mjekësor e veterinar, siç
përcaktohet në ligjin "Për barnat", në masën që këto të fundit janë
në pajtim me këtë ligj.
Neni 13
Prodhimi, fabrikimi, shitja me shumicë dhe më pakicë, tregtimi
ndërkombëtar, përdorimi i bimëve, lëndëve dhe përgatesave te
tabelave II dhe III u lejohet vetëm personave që janë të pajisur me
licencë të posaçme për këto veprimtari. Për objektet dhe ndërtesat
ku do të kryhen veprimtaritë e mësipërme kërkohet leje e posaçme.
Neni 13 ndryshohet si me poshtë:
"Neni13
Prodhimi, fabrikimi, tregtimi ndërkombëtar, shitja me shumice dhe pakice, përdorimi i bimëve, lendeve dhe përgatesave te përcaktuara ne tabelën II, u lejohet vetëm personave te pajisur me licence te posa me për këto veprimtari.
Licenca nevojitet edhe për prodhimin, fabrikimin dhe tregtimin ndërkombëtar te bimëve,
lendeve dhe përgatesave te përcaktuara ne tabelën III.
Për objektet dhe ndërtesat ku do te kryhen veprimtaritë e mësipërme kërkohet leje e
posaçme.".
A. Licenca për kryerje veprimtarie.
Neni 14
Licenca për kryerjen e veprimtarive të parashikuara në nenin
13 miratohet nga ministri i Shëndetësisë dhe Mbrojtjes së Mjedisit
me propozim të Komisionit të Licencave Farmaceutike.
Licenca jepet ose refuzohet brenda 30 ditësh nga paraqitja e kërkesës.
Neni 14 ndryshohet si me poshtë:
"Neni 14
Licenca për kryerjen e veprimtarive te parashikuara ne nenin 13, miratohet nga Komisioni Ndërministror i përbëre nga Ministria e Shëndetësisë, Ministria e Rendit Publik dhe Ministria e Bujqësisë dhe Ushqimit. Komisioni Ndërministror përcakton kriteret për pajisjen me licence.".
Neni 15
Personat juridikë shtetërorë të caktuar posaçërisht nga
ministri i Shëndetësisë dhe Mbrojtjes së Mjedisit për të kryer
veprimtaritë e përfshira në nenin 13 nuk kërkohet të pajisen me
licencë.
Neni 15 shfuqizohet.
I. Kushtet e dhënies së licencës.
Neni 16
Licenca mund të jepet vetëm në qoftë se përdorimi i lëndëve
dhe përgatesave të tyre kufizohet për qëllime mjekësore dhe
shkencore.
Përdorimi i lëndëve të tabelave II dhe III në industri për
qëllime të tjera mund të autorizohet vetëm në rastet kur kërkuesi
tregon me prova se është në gjendje t'i sigurojë këto lëndë nga
vjedhja, keqpërdorimi dhe ndryshimi i destinacionit, si dhe të
sigurojë se produktet e fabrikuara nuk do të kenë efekte të
dëmshme, nuk do të keqperdoren dhe se lëndët nën kontroll që janë
në përbërjen e tyre nuk mund të ripërftohen lehtësisht.
Dispozitat e këtij ligji, përveç atyre që lidhen me
fabrikimin, nuk do të zbatohen për produktet që plotësojnë kushtet
e përcaktura në paragrafin e dytë të ketij neni.
Neni 17
Të drejtën për t'u pajisur me licencë për ushtrim veprimtarie
e kanë vetëm farmacistët ose personat juridikë nën drejtimin ose
administrimin e të cilëve bën pjesë edhe një farmacist. Kur
ndërmarrja ka më shumë se një degë, drejtimi teknik i secilës prej
tyre duhet të kryhet të paktën nga një ndihmës farmacist. Në të
gjitha rastet farmacisti është personalisht përgjegjës për zbatimin
e dispozitave të këtij ligji dhe kushteve të parashikuara në
licencë.
Neni 18
Dhënia e licencës kushtëzohet nga kualifikimi profesional i
kërkuesit dhe plotësimi i kushteve të tjera të parashikuara në
rregulloren përkatëse.
II. Kërkesa për licencë.
1.Të dhënat që jepen në çdo kërkesë.
Neni 19
a) Në kërkesën për licencë që paraqitet nga një person fizik
shënohet emri dhe adresa e tij, si dhe shoqërohet me një vërtetim
të shoqatës së farmacistëve ku është anëtarësuar.
b) Në kërkesën për licencë që paraqitet nga një person juridik
shënohet emri (emërtimi) i personit juridik, emri dhe adresa e
drejtuesit të tij, si dhe emri dhe adresa e personit përgjegjës për
zbatimin e kushtevë të licencës shoqëruar me vërtetimin e shoqatës
së farmacistëve ku bën pjesë.
Në të gjitha rastet në kërkesë shënohen emrat dhe adresat e të
gjithë personave që do të marrin pjesë në kryerjen e veprimtarive,
si dhe lloji i proceseve per të cilat kërkohet licenca.
2. Të dhëna plotësuese që duhet të jepen në çdo kërkesë sipas
llojit
të veprimtarisë që kërkohet të kryhet.
Neni 20
a) Kur kërkesa është formuluar për fabrikim, në të duhet të
shënohen emërtimi dhe sasia e lëndëve të para që do të përdoren për
fabrikim, lëndët dhe përgatesat që do të fabrikohen, procedurat e
fabrikimit që do të përdoren, sasitë e lëndëve dhe përgatesave që
parashikohen të fabrikohen së bashku me përbërjen dhe destinacionin
e tyre.
b) Kur kërkesa është formuluar për përdorim të lëndëve në
industri për qëllime të tjera jo mjekësore e shkencore,
specifikohen procedurat e denatyrimit ose të tjera që do të
përdoren për të siguruar që produktet e fabrikuara nuk mund të
keqpërdoren ose të japin efekte të dëmshme, si dhe që lënda nën
kontroll nuk mund të përftohet lehtësisht.
c) Kur kërkesa është formuluar për shitje me shumicë, në të
shënohet emri i lëndëve dhe përgatesave që do të shite n.
ç) Kur kërkesa është formuluar për eksport dhe/ose import, në
të shënohet natyra e veprimtarive të parashikuara, vendet me të
cilat do të kryhen, si dhe emri i lëndëve dhe përgatesave objekt i
këtyre veprimtarive.
3. Përmbajtja dhe rëndësia e licencës.
Neni 21
Në licencë, përveç të dhënave të nenit 19, përcaktohet edhe
aati i vlefshmërisë së saj. Në të tregohen lëndët dhe përgatesat
që lidhen me veprimtarinë e autorizuar, sasitë e tyre, lloji i
kontabilitetit që do të mbahet, si dhe gjithë kushtet e detyrimet
e tjera që duhet të përmbushë mbajtësi i licencës.
Neni 22
Licenca është vetjake dhe e patjetërsueshme.
Licenca mbulon të gjitha proceset që lidhen drejtpërdrejt me
veprimtarinë e autorizuar.
Neni 23
Çdo ndryshim i objektit, i emrit të personit juridik, i
natyrës së veprimtarisë të tij, çdo ndryshim i bimëve, lëndëve dhe
përgatesave të tabelave II dhe III që përfshihen në veprimtaritë e
autorizuara, çdo ndryshim i proceduarave të fabrikimit, i natyrës
ose përbërjes së lëndëve dhe përgatesave të fabrikuara bëhet vetëm
me autorizim të ministrit të Shëndetësisë dhe Mbrojtjes së
Mjedisit. Ky autorizim jepet ose refuzohet brenda 30 ditëve nga
paraqitja e kërkesës.
Neni 24
Urdhri i ministrit të Shëndetësisë dhe Mbrojtjes së Mjedisit
për të ndaluar një ose më shumë procese që lidhen me bimët, lëndët
ose përgatesat e tabelave II dhe III, e bën të pavlefshme licencën
e mëparëshme lidhur me këto procese.
Neni 25
Ndërmarrjet private të autorizuara dhe ndërmarrjet shtetërore
të caktuara posaçërisht, kryejnë në territorin e Republikës së
Shqipërisë blerjen, transferimin ose shpërndarjen e bimëve, lëndëve
ose përgatesave të tabelave II dhe III vetëm me personat fizikë ose
juridikë të autorizuar.
Neni 26
Ndërmarrja private e autorizuar mund t'i transferohet vetëm
një personi fizik ose juridik të pajisur me licencë për të njëjtat
veprimtari që kryhen me të njëjtat bimë, lëndë dhe përgatesa.
Në rast të vdekjes ose të pushimit të veprimtarisë së
mbajtësit të licencës, Ministri i Shëndetësisë dhe Mbrojtjes së
Mjedisit mund të autorizojë, brenda 30 ditësh, vazhdimësinë e
veprimtarisë nën përgjegjësinë e një zëvendësuesi që plotëson
kushtet dhe që merr përsipër detyrimet e parashikuara në këtë ligj
dhe në licencë.
4. Pezullimi dhe anullimi i licencës
Neni 27
Licenca anullohet në rast se konstatohen shkelje të
dispozitave të këtij ligji, parregullsi në ushtrimin e veprimtarisë
së autorizuar, sidomos shkelje të detyrimeve të parashikuara në
licencë, pakujdesi të personelit përgjegjës ose në rast se kërkesa
për licencë përmban deklarime të pasakta.
Në rastet kur shkeljet e konstatuara nuk janë të rënda,
ministri i Shëndetësisë dhe Mbrojtjes së Mjedisit mund të pezullojë
licencën për një periudhë jo më të gjatë se 6 muaj.
Licenca mund tþi refuzohet ose/dhe t'i anullohet çdo personi
që ka qënë i dënuar për trafik ose përdorim të paligjshëm të
lëndëve dhe përgatesave objekt i këtij ligji. Licenca pezullohet
deri në marrjen e vendimit të formës së prerë në rastet kur
mbajtësi i licencës është në proces hetimi ose gjykimi për një nga
këto shkelje.
Neni 28
Vendimi për refuzimin, pezullimin ose anullimin e licencës
merret pasi pala e interesuar thirret për të dhënë shpjegime.
Vendimi për refuzimin, pezullimin ose anullimin e licencës
duhet të jetë i motivuar dhe t'i njoftohet palës së interesuar.
Vendimi i komunikohet organeve kompetente për të kontrolluar
zbatimin e tij. Këto organe kanë listat e personave fizikë e
juridikë të pajisur me licencë.
Neni 29
Vendimi i anullimit ose pezullimit të licencës merret
pavarësisht nga sanksionet administrative e penale që mund të
zbatohen.
Neni 30
Në rast se ndërmarrja e pushon veprimtarinë ose licenca
anullohet apo i kalon afati, ministrit të Shëndetësisë dhe
Mbrojtjes së Mjedisit i dorëzohen dokumentacioni i porosive dhe
regjistrat. Në zbatim të vendimeve gjyqësore, Ministria e
Shëndetësisë dhe Mbrojtjes së Mjedisit merr masat e nevojshme për
sigurimin e materialeve që gjënden në to.
B. Leja për përdorimin e objekteve dhe ndërtesave.
Neni 31
Leja për të përdorur të gjithën ose një pjesë të objekteve dhe
ndërtesave që disponon një person juridik privat i autorizuar ose
një ndërmarrje shtetërore e përcaktuar posaçërisht për prodhimin,
fabrikimin, shitjen me shumicë, tregtinë ndërkombëtare dhe
përdorimin e bimëve, lëndëve dhe përgatesave të tabelave II dhe III
jepet nga ministri i Brendshëm.
Leja jepet ose refuzohet brenda 90 ditësh nga paraqitja e
kërkesës.
Neni 32
Leja jepet vetëm për objekte dhe ndërtesa të përdorura nga
persona fizikë e juridikë të pajisur me licencë siç përcaktohet në
nenin 14, ose nga ndërmarrje shtetëore të caktuara posaçërisht për
të kryer veprimtari me bimët, lëndët dhe përgatesat e tabelave II
dhe III.
Neni 33
Në kërkesën për leje, saktësohet vendndodhja e çdo objekti e
ndërtese që do të përdoret tërësisht apo pjesërisht, si dhe e
drejta për shfrytëzimin e tyre. Kërkesa shoqërohet edhe me
përshkrimin dhe planimetrinë e hollësishme të objektit apo
ndërtesës.
Në kërkesë paraqiten masat e sigurimit që do të ndërmerren për
të realizuar kontrollin dhe për të parandaluar vjedhjen dhe
grabitjen e bimëve, lëndëve, përgatesave dhe produkteve të
fabrikuara.
Në kërkesë shënohet emri dhe adresa e personit fizik a juridik
që është ngarkuar posaçërisht me zbatimin e masave të sigurimt të
parashikuara.
Neni 34
Lëshimi i lejes bëhet pasi verifikohet plotësimi i kushteve
dhe masave të sigurimit të përcaktuara për objektet dhe ndërtesat
në udhëzimin e përbashkët të ministrit të Shëndetësisë dhe Mbrojtje
së Mjedisit dhe ministrit të Brendshëm.
Neni 35
Çdo objekt dhe çdo ndërtesë duhet të pajisen me leje të
veçantë. Megjithatë, i njëjti dokument mund të lejojë përdorimin e
disa objekteve dhe ndërtesave.
Neni 36
Në leje përcaktohet afati i vlefshmërisë së saj. Në të
cilësohen çdo objekt dhe çdo ndërtesë, ose pjesë të tyre,
përdorimi i të cilave autorizohet.
Në leje precizohen masat e sigurimit që do të zbatohen në
çdo rast, si dhe personi fizik a juridik që përgjigjet për
zbatimin e tyre.
Neni 37
Krijimi i degëve, përdorimi i pjesëve të reja ose objekteve
dhe ndërtesave të reja, si dhe çdo ndryshim në masat e sigurimit të
specifikuara në leje, bëhet vetëm me autorizim paraprak të
ministrit të Brendshëm.
Vendimi per lejimin ose refuzimin jepet brenda 30 ditëve nga
paraqitja e kërkesës.
Neni 38
Leja mund të anullohet për gjithë objektet dhe ndërtesat, ose
për disa prej tyre në rastet e mosrespektimit të detyrimeve të
specifikuara në leje ose në rast se deklarimet e bëra në kërkesën
për leje janë të pasakta.
Në rastet kur shkeljet e konstatuara nuk janë të rënda,
Ministri i Brendshëm mund të pezullojë lejen për një periudhë jo më
të gjatë se 6 muaj.
Neni 39
Vendimi për refuzimin, pezullimin ose anullimin e lejes merret
pasi pala e interesuar thirret për të dhënë shpjegime.
Vendimi për refuzimin, pezullimin ose anullimin e lejes duhet
të jetë i motivuar dhe t'i njoftohet palës së interesuar. Vendimi
i komunikohet organeve kompetente për të kontrolluar zbatimin e
tij. Këto organe kanë listat e ndërtesave dhe objekteve private e
shtetërore të pajisur me leje.
Neni 40
Ndërpreja e vlefshmërisë së licencës, për arsye që lidhen me
kryerjen e veprimtarive të autorizuara për të cilat përdoren
objektet dhe ndërtesat, e bën të pavlefshme lejen e dhënë për këto
të fundit.
KREU VI
PRODHIMI, FABRIKIMI, SHITJA OSE SHPERNDARJA ME SHUMICE,
TREGTIA NDERKOMBETARE DHE PERDORIMI I LENDEVE DHE
PERGATESAVE TE TABELAVE II DHE III
A. Kufizimi i sasisë së lëndëve
Neni 41
Ministri i Shëndetësisë dhe Mbrojtjes së Mjedisit cakton çdo
vit sasitë maksimale të lëndëve dhe përgatesave të ndryshme që çdo
person juridik privat dhe shtetëror mund të mbajë, duke pasur
parasysh funksionimin normal të tyre dhe konjukturën e tregut. Këto
kufizime mund të ndryshohen gjatë vitit nëse shihet e nevojshme.
B. Kufizimi i fabrikimit
Neni 42
Ministri i Shendetësisë dhe Mbrojtjes së Mjedisit cakton çdo
vit sasitë maksimale të lëndëve dhe përgatesave të ndryshme që çdo
person juridik privat dhe shtetëror mund të fabrikojë duke pasur
parasysh konjukturën e tregut. Këto kufizime mund të ndryshohen
gjatë vitit nëse shihet e nevojshme.
C. Tregtia ndërkombëtare
Neni 43
Vetëm personat juridikë privatë të pajisur me licencë për
kryerje veprimtarie sipas nenit 14 dhe ndërmarrjet shtetërore të
caktuara posaçërisht, që përdorin objekte dhe ndërtesa të pajisura
me leje sipas nenit 31, mund të kryejnë tregtinë ndërkombëtare të
bimëve, lëndëve dhe përgatesave të tabelave II dhe III.
1. Eksporti dhe importi
Neni 44
Eksportimi dhe importimi i bimëve, lëndëve dhe përgatesave të
tabel ave II dhe III bëhet vetëm me autorizim të ministrit të
Dostları ilə paylaş: |