Pərviz Nuri
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
66
dan yuxarı deyilmiş sözlərdi. O hardan bilərdi ki, Culinin
həqiqətən bir qarışqanı belə öldürməyi ürəyi gəlmirdi.
Bunu ancaq onu yaxından tanıyan anası, qardaşı bir də
ki, yaxın rəfiqələri bilirdi. Mətin tox olsa da, ev yeməyinin
dadına baxa-baxa fikirləşirdi. Hər şeyi deməyin onsuz da
artıq əhəmiyyəti yoxdur. Desə ancaq əlavə narahatçılıq və
nigaranlıq yaranacaq. Nə yaxşı ki, hər şey yaxşı qurtarıb.
Ancaq nə desin ki, inandırıcı olsun. Bəs necə yalan desin?
– Emma xanım, bilirsiz Culi mənim işlədiyim yerə gəl-
mişdi. Sizə deməyib hə?
Culi bu sözləri gözləmirdi. Birdən-birə Mətinin niyə fik-
rini dəyişdiyini başa düşmədi. Ancaq rəngi həmən dəyişdi.
Gözlərini Mətinə zilləsə də Mətin onu görmürmüş kimi, sö-
zünə davam etməkdəydi.
– Hə görürsüz sizə deməyib. Yəqin mənim əlimdən
gələn qədəri, ona yaxşı qulluq etdiyimin əvəzini qaytarır,
elə deyil, ledi?
– Culi başını yelləməklə təsdiq etsə də hirslənmişdi.
Öz-özünə düşünürdü ki, əlinə girəvə düşüb əvəzini çıxır.
Emma isə:
– Heç mənə demirsən, qızım.
– Nə deyim ki, dərsdən sonra ayaqüstü bir şeylər
yemək üçün kafeyə girdik, onda gördüm ki, bizim Mətin
cənabları orda işləyir. Sağ olsun. Yaxşı qulluğuna görə indi
düşündüm ki, əvəzini belə çıxım. Ancaq bu qəbahət sayı-
lırsa bir daha eləmərəm.
– Yox qızım, niyə qəbahət sayılır ki? Özü də qonağa
qarşı. Onu da sənə deyim ki, bizlərdə bu elə bir əhəmiyyət
daşımır, ancaq onlarda qanlı düşməni belə olsa qapısına
gəlibsə onun xətrinə dəyməz, güldən ağır söz deməz, qul-
luğunda durarlar. Qapıdan çölə isə yenə düşmənçiliklərini
davam etdirərlər. Sadəcə sənin xoşlamadığın insana qulluq
etməyin məni şaşırtdı. Sən pis heç nə etməmisən, əksinə.
Ayın o biri üzü
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
67
Deyilənlər Emmaya inandırıcı göründüyündən razılaşdı,
Mətinə qarşı olan hisslərinə bir az da aydınlıq gətirdi.
Yeməkdən sonra bir az ordan – burdan söhbət etdilər.
Mətin artıq gec olduğunu deyərək getmək üçün izn istədi.
Emma onu yola salmaq üçün əynini geyinəndə Mətin təkid
etsə də, razılaşmadı. Qapının çıxışında o qədər yaxın oldular
ki, qadının xoş ətri Mətinin ciyərlərinə qədər işlədi. Xoş ətir
onu bihuş etsə də tez özünü ələ alıb, Culinin uzatdığı kitabı
götürdü. Dayanacaqda soyuq olduğunu dilə gətirən Emma
Mətinin qoluna girdi. Ona sığınıb əlini tutdu. Həmin anda Mə-
tinin bədənindən sanki bir anlıq cərəyan keçdi. O, incə qadın
əlinin istisini ovcünda hiss etdikdə, özündən asılı olmadan
bədəninə üşütmə gəldi. Ayın işığında qadının üzünü aydın
görməsə də, istəklərini açıq-aydın anlayırdı.
– Mətin, inan ki, artıq özümü ələ ala bilmirəm. Etiraf
edirəm ki, səndən xoşum gəlir. Buna görə məni qınama,
deyən Emmanın səsi titrəyirdi.
Mətin özünü o yerə qoymadı, sanki heç nə baş vermir.
Titrəmədən zorla yaxa qurtarıb özünü ələ almağa çalışırdı.
Hava elə də soyuq deyildi axı. Lənət şeytana, bəs onda ona
nə olmuşdu? Niyə titrədirdi? Nəhayət ki, özünü ələ aldı,
ancaq nə deyəcəyini bilmirdi.
Yaxınlaşan avtobus onu bu vəziyyətdən çıxartdı. Sağol-
laşdılar. Siz həqiqətən çox gözəl insansınız – onun ayrılarkən
dediyi bu sözlərin nə məna verdiyini düşünən Emma mə-
yus olmuşdu. Ona qarşı laqeyid olmadığını gərək heç bildir-
məyəydi. İndi onun haqqında nə düşünür görəsən?
Mətin isə həqiqətən də yol boyu onun haqqında düşü-
nürdü. Çox gözəl olmasa da yetərincə cazibadar qadındır.
Ancaq aralarında yaş fərqi böyük idi. Özü az qala Emma-
nın oğlu ilə yaşıddır. Bir də ki, o nə zamandır özünə ver-
diyi sözü unutmamışdı. İndi də unutsa, özü öz gözündən
düşmüş olardı. Düşündü ki, nə yaxşı ki, son anda o bir
Pərviz Nuri
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
68
cümləni dedi. Emmanın qəlbinə dəyəcək başqa söz demə-
di. O, həqiqətən onun gözündə qayğıkeş və yaxşı insan idi.
Başqa heç bir şey.
* * *
Çətin də olsa birinci imtahan sesiyasını orta qiymət-
lərlə başa vura bildi. Əmin idi ki, gələn sesiyaya qiymətlə-
rini daha da yaxşılaşdıracaq. Ona mane olan dil problemi
demək olar ki, aradan qalxırdı. İşləməyinin ağır olması,
dili öyrənməyini kompensasiya edirdi. Həm də ki, ehtiyac-
larını ödəyə bilməsi onu rahatlaşdırırdı. Dövlətin verdiyi
təqaüdü elə də çox deyildi. Lazım olan kitabları almaq,
əyin-başına fikir vermək, bir sözlə, həyatın gətirdiyi gün-
dəlik qayğıları qarşılamaq zorluq yaradırdı.
Emmagildən qayıdan günün səhəri ev ünvanına mək-
tub gəlmişdi. Bildirirdilər ki, institun yataqxanasında
aparılan təmir işləri başa çatdığından onun yataqxanaya
yerləşməsi məcburidir. Elə vaxt itirmədən sonrakı günü o
yataqxanaya köçmüşdü. Artıq otaq yoldaşları ilə də yaxın-
laşmışdılar. Bir sözlə, hər şey axarına düşmüşdü.
O gündən sonra bir müddət Meyqer görünmədi. Əs-
lində Culinin ona qarşı hisslərinin ciddiliyini öyrənmək
istəyirdi. Gözə görünməməklə onun darıxacağını, onu
axtaracağını güman etsə də Culi onu heç axtarmırdı. Ək-
sinə özünün darıxdığını, sanki nəyinin isə çatmadığını hiss
edirdi. İşlətdiyi taktika özünün əksinə işləyirdi. İçindəki
qəzəb kasası yavaş –yavaş dolurdu. Üç ay dözdü. Culinin
belə asanlıqla onu unutması, onu axtarmaması ona bərk
yer eləmişdi. Əvvəl gözəlliyinə görə ələ keçirtməyə çalışdı-
ğı qızı deyəsən həqiqətən sevməyə başlamışdı. İndi o, özü-
nü məhəbbətindən küsmüş aşiq rolunda görürdü. Ancaq
özünə qarşı belə biganəliyi həqiqətən gözləmirdi. Günorta
vaxtı olmasına baxmayaraq dostları ilə birlikdə içdiyi bir
Dostları ilə paylaş: |