Ayın o biri üzü
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
23
caqdılar. Bəzən bir insanın hökmü bəs edir ki, hər hansı
böyük işin təməli qoyulsun. Ancaq onun inkşafı da, tənə-
züllü də həmin şəxsin ətrafından, eləcə də cəmiyyətdən
asılı olur. Sonralar onun cıxaracağı nəticələrdən birinin
səbəbi indi fərqinə vardığı təbiət səhnəsi olacaqdı. Doğma
yurdunu xatırladı. Uşaqlığı rayon mərkəzində keçmişdi,
amma arada bir atasının onları gəzməyə apardığı dağla-
rı, meşələri, talaları yarıb keçən çay vadiləri gözləri önünə
gəldi? Kövrəldi. Əvvəllər təbiətə bu qədər qiymət vermə-
mişdi. Başa düşmədi ki, özününkü saydığı niyə daha üstün
gəldi. Yəqin ki, atası, bacısı ilə bir də... Yox-yox, onu-üçün-
cünü xatırlamaq belə istəmədi. Ailəsi ilə keçirdiyi anların
dəyərini unuda bilmirdi.
Otağa qədər səssiz-səmirsiz gəlmişdilər. Əslinə bax-
san Kelli tez qaynayıb-qarışan, tez bir zamanda münasibət
qurmağı bacaran biri idi. Ancaq otaq yoldaşının pərişan
halı ona da rayət etmişdi. Onsuz da hər ikisi bütün insan-
lara xas olan qəriblik hissinin, daha doğrusu ayrı mühitə
düşmüş insanın keçirdiyi anlaşılmayan duyğuların təsiri
altındaydılar. Hər bir insanda bir müddət belə olur. Düş-
düyü yeni mühitə, ətrafa az da olsa bələd olana qədər bu
qeyri – müəyyən ovqatı yaşayır, sonra hər şey yavaş-yavaş
əvvəlki axarına qayıdır...
Kelly ona başa saldı ki, dərslər iki-üç günə başlayacaq,
ona görə istəsə qəsəbəni onunla gəzməyə çıxa bilər. Əslin-
də yorğundu, gəzməyə həvəsi də yox idi. Ancaq təklifin ilk
dəfə olduğunu düşünüb, ayağa qalxdı.
Kampı tərk edib, ətrafa baxa-baxa, yaşayış evləri çox
sıx olmayan qəsəbə küçələrini bir-birinin ardınca arxada
qoydular. Hər yan bir başqa tablo idi onlar üçün. Artıq iki
saatdan çox idi küçələri gəzib dolaşır, maraq doğuran ti-
kililərin və mağaza vestibüllərinin önündə dayanırdılar.
Qəsəbənin dəmiryol stansiyasına, eləcə də mərkəzi avto-
Pərviz Nuri
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
24
bus dayanacağına ötəri də olsa baş çəkdilər. Yaxşıca yorul-
muşdular. Onsuz da hər tərəfi bu gün gəzib görə bilməyə-
cəklərini anladıqlarından ətrafdakı park skamyalarından
birində oturdular. Yorğunluğa baxmayaraq hər ikisi bu
gəzintidən qədərincə razı qalmışdılar. Qəsəbədəki sə-
liqə-səhman, təmizlik və düzən hər ikisini valeh etmişdi.
Kelli burda onu gözləməsini işarə edib, özü yaxınlıqdakı
köşkə yaxınlaşdı. Əlində iki plasmas şüşə su ilə qayıdan
Kelli göz qaş ilə ondan bir az geridə qalan qızları işarət ver-
di. O, isə bir şey başa düşmürmüş kimi key baxışlarla qızla-
rı süzsə də, mimikasında heç bir dəyişiklik hiss olunmadı.
Axı nə olsun ki, adi qızlardı, onlara niyə diqqət etməliydi
ki? Yanlarından keçən qızlar onun key baxışlarına rəğmən
gülərək onlara əl yellədilər. Kelli tərəddüd etmədən, ona
göz vurub qolundan dartıb qızlara tərəf çəkdi. Onun gəl-
mək istəmədiyini görüb o da tərəddüd və maraqla qızlara
boylandı. Tək getsin yoxsa tanışlıqdan vaz keçsin. Qızlar
sanki qəsdən belə israrla onları tanışlığa dəvət edirdilər.
Metinin etinasızlığı onu qəzəbləndirsə də heç nə demədi, o
da əl yelləməklə kifayətləndi. Metin demək olar ki, o tərəfə
heç baxmadı da.
Aygünün sevgisi onun son məhəbbəti olmuşdu. Fikir-
ləşmirdi ki, bir daha hansısa qız onu maraqlandıra bilər.
Aygünü qədər də heç zaman qızlar barəsində düşünmə-
mişdi və onu sevməsi də bir anın içində baş vermişdi. Hə-
yatında baş vermiş bütün dəyişikliklər gözlənilməz olduğu
kimi sevməsi də gözlənilməz olmuşdu. Aygünün rişxəndlə
“çoban” deməsi onu özündən çıxarsa da qıza qarşılığında
heç bir söz deyə bilməmiş, anidən sezmiş olduğu gözəlli-
yin qarşısında dili tutulmuşdu. Sən... sən deyə kəkələmiş,
başqa heç nə deyə bilməmişdi. O ana qədər qızlara qar-
şı heç bir fərqli hiss keçirməyən, bütün fikri-zikri ancaq
oxumaqda olan, bəzən qızların atmacalarının fərqinə belə
Ayın o biri üzü
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
25
varmayan, çox zaman özünə qapalı bu oğlan həmin anda
sanki bir anlıq gərginlik altına düşmüş, qəlbi ona yad hiss-
lərlə çırpınmağa başlamışdı. Sonrakı bir həftə necə təlaş
dolu anlar yaşadığını ancaq özü, bir də ki, tək sirdaşı Aslan
bilmişdi. Dəfələrlə dəyişmiş olduğu məktubu Aygünə necə
çatdırmaq barəsində çox düşünüb-daşınsa da buna nail ol-
madığından özünə yer tapa bilməmişdi. Artıq alışdığı inter-
nat məktəb ona lap dar gəlmişdi. Bu qız hardan peyda oldu,
onsuz da narahat həyatına birdən gəldi. Yenicə taleyi ilə
razılaşıb hüzur bulmaq istədiyi iç dünyasında yeni fırtına
qopdu. Hər şey bir-birinə qarışdı. Gözü məktəbdən çox da
uzaq olmayan ikimərtəbəli xüsusi evin küçə girişinə dikil-
mişdi. Buradan - internatın ikimərtəbəli yataqxanasından
həmin küçədəki evləri rahatlıqla görmək olurdu. Fikri-zikri
küçədə qalmışdı. Bu qız niyə gec gəldi, görəsən hara get-
di? kimi sualları verir, sonra da içində özü özünü qınayırdı.
Əşşi, sənə məruzə etməyəcək ki, hara gedir, niyə gedir?
Üçüncü günü səbri çatmadı. Onun küçə qapısına çıxı-
şını görən kimi, özünü ora yetirdi. Qapı gözətçisinə düka-
na gedib indi qayıdacağını deyərək hövlnak götürüldü. Qız
onun ayaq səslərinə dönüb baxanda bir tini artıq arxada
qoymuşdular. Yaxınlaşmağa cürəti çatmadı. Ürəyi sanki ye-
rindən çıxacaqdı. Nə desin? Desin ki, iki gündü gecəsi-gün-
düzü yoxdur, ancaq onun xəyalı ilə danışır?! Yox, birdən
kobud səslənər, onu acılayar, bəs onda necə? Bir az geridə
baxışları ilə onu müşayət etməkdən başqa çarəsi qalma-
mışdı. Dilini dişinə sıxıb, yaxınlaşmaq istəsə də, səsi çıxma-
dı. Şeytanın ünvanına lənət yağdıraraq yenə geriyə qaldı.
Aslanın ona öyrətdiyi sözlərdən heç birini xatırlamırdı. Qə-
ribə burası idi ki, fikrinin izah etməkdə çətinlik çəkməyən
bir kəs indi lal olmuş, bütün sözləri unutmuşdu. Qız onun
arxasınca gələn, gah yaxınlaşan, gah geriyə qalan oğlanın
o gün özünün söz atdığı gözlük vurmuş oğlan olduğunu
Dostları ilə paylaş: |