Preparatın tibbi istifadəsinə dair təlimat

---

                                                                                                        TƏSDİQ EDİLMİŞDİR  

                                                                                                        Azərbaycan Respublikası 

                                                                                                        Səhiyyə Nazirliyi 

                                                                                                        Farmakoloji və Farmakopeya 

                                                                                                        Ekspert Şurasının sədri 

 

                                                                                                        _____________  E.M.Ağayev 

                                                                                             

                                                                                                        “_18_”_Dekabr__ 2014-ci il 

 

 

                                  Dərman vasitəsinin istifadəsi üzrə təlimat (xəstələr üçün) 

 

 

Maqne B6 

®

 forte

 

örtüklü tabletlər

 

Maqne B6 forte. 

Dərman forması: nazik təbəqə ilə örtülmüş həblər. 

 

Tərkibi: 

Örtüklü tabletlər  

Təsiredici maddə: 

maqnezium sitrat – 618,43 mq, 100 mq maqneziuma (Mg

++

) uyğun gəlir, 

piridoksin hidroxlorid – 10 mq; 

Köməkçi maddələr: laktoza, makroqol-6000, maqnezium stearat, hipromelloza 6 mPa.s, titan 

dioksid (E 171), talk. 

 

Təsviri 

Ağ rəngli təbəqə ilə örtülmüş, oval, iki tərəfi qabarıq həblər. Bölündükdə iki qat ayırd edilir: ağ 

rəngli örtük təbəqəsi və ağ rəngli həb kütləsi.  

 

Farmakoterapevtik qrup 

Maqnezium preparatı.  

 

ATX kodu: A11JB 

 

Farmakoloji xüsusiyyətləri 

Farmakodinamika 

Maqnezium hüceyrələrin normal fəaliyyəti üçün lazım olan həyati vacib elementdir, maddələr 

mübadiləsinə aid olan bir sıra reaksiyalarda iştirak edir.  

O, xüsusilə sinir impulslarının ötürülməsinin tənzimlənməsində və əzələ yığılmasında iştirak 

edir. Orqanizmdə olan maqneziumun 1/3 hissəsi sümük toxumasında toplanır. Orqanizm 

maqneziumu qida ilə alır. Orqanizmdə maqnezium çatışmazlığı həm qidalanma rejiminin 

pozulması zamanı (pəhriz), həm də maqneziuma olan ehtiyacın artması zamanı meydana çıxa 

bilər.  

Piridoksin (B6) bir sıra metabolik proseslərdə iştirak edir, maqneziumun mədə-bağırsaq 

traktından sorulmasını və onun hüceyrələrə daxil olmasını yaxşılaşdırır. 

Qan zərdabında maqnezium səviyyəsi: 

-

 

12 - 17 mq/l arasında (1 - 1,4 mEkv/l və ya 0,5 - 0,7 mmol/l): mülayim maqnezium 

çatışmazlığını göstərir.  

-

 

12 mq/l-dən az (1 mEkv/l və ya 0,5 mmol/l): ağır maqnezium çatışmazlığını göstərir. 

 

---

Farmakokinetika 

Maqnezium duzlarının mədə-bağırsaq traktından sorulması qismən passiv mexanizmlə baş verir, 

bu halda duzun həll olma dərəcəsi vacib rol oynayır. Bu absorbsiyanın səviyyəsi 50%-i keçmir. 

Orqanizmdən çıxarılması əsasən böyrəklər vasitəsilə baş verir.  

 

İstifadəsinə göstərişlər 

İzolə olunmuş və ya digər çatışmazlıqlarla birlikdə müəyyən edilmiş maqnezium çatışmazlığı: 

əlamətləri tez qıcıqlanmaq, yüngül yuxu pozğunluqları, mədə-bağırsaq spazmları, 

ürəkdöyünmənin tezləşməsi, tez yorulma, əzələ ağrıları və spazmları, əzələlərdə iynəbatma 

hissiyyatı ola bilər.  

Bir ay müalicədən sonra bu simptomlar azalmırsa, müalicənin davam etdirilməsi məqsədəuyğun 

deyil.  

 

Əks göstərişlər 

-

 

Preparatın hər hansı komponentinə qarşı artmış həssaslıq. 

-

 

Ağır böyrək çatışmazlığı (kreatinin klirensi 30 ml/dəqiqədən az olarsa). 

-

 

Fenilketonuriya. 

-

 

6 yaşdan kiçik uşaqlar (effektivlik və təhlükəsizlik təyin edilməyib). 

-

 

İrsi qalaktozemiya, qlükoza və qalaktozanın zəif sorulması sindromu və ya laktaza 

çatışmazlığı (preparatın tərkibində laktozanın olması ilə əlaqədar olaraq). 

-

 

Eyni zamanda levodopanın istifadəsi (“Digər dərman vasitələri ilə qarşılıqlı təsir” 

bölməsinə bax). 

Ehtiyatla: orta dərəcəli çatışmazlığı (hipermaqnezemiyanın baş vermə təhlükəsi). 

 

Hamiləlik və südvermə dövrü 

Hamiləlik 

Hamiləlik dövründə preparat yalnız həkimin tövsiyəsi ilə istifadə edilir.  

 

Südvermə dövrü 

Maqneziumun ana südünə keçməsini nəzərə alaraq preparatın istifadəsinə ehtiyac olduqda 

südvermənin dayandırılması məsləhət görülür.  

 

İstifadə qaydası və dozası 

Həbləri bütöv şəkildə bir stəkan su ilə qəbul etməli. 

Yaşlılar: gündə 3-4 həb, qəbul sayı bir neçə dəfəyə bölünməklə, qida qəbulu zamanı.  

6 yaşdan yuxarı uşaqlar (20 kq-a yaxın çəkiyə malik): 

10-30 mq/kq/sutka (0,4-1,2 mmol/kq/sutka), yəni 6 yaşdan yuxarı (çəkisi 20 kq-a yaxın) 

uşaqlara, sutkada 2-4 həb, qəbul sayı bir neçə dəfəyə bölünməklə, qida qəbulu zamanı. 

Adətən, müalicənin müddəti bir ay təşkil edir.  

 

Əlavə təsirləri 

Dəri reaksiyaları da daxil olmaqla, allergik reaksiyalar; mədə-bağırsaq traktı tərəfindən: ishal, 

qarında ağrı, qəbizlik, ürəkbulanma, qusma, köp. 

 

Həddən artıq yüksək dozada qəbulu 

Böyrəklərin normal fəaliyyəti zamanı maqneziumun yüksək dozada qəbulu adətən hər hansı 

toksik reaksiyanın meydana çıxmasına gətirib çıxarmır. Lakin böyrək çatışmazlığı olduqda 

maqneziumla zəhərlənmə mümkündür.  

Həddən artıq yüksək dozada qəbulun simptomlarının dərəcəsi qanda maqneziumun 

səviyyəsindən asılıdır: arterial təzyiqin düşməsi; ürəkbulanma, qusma; mərkəzi sinir sisteminin 

tormozlanması, reflekslərin zəifləməsi; elektrokardioqramda dəyişikliklər (ürək ritminin 

---

zəifləməsi və / və ya pozulması); tənəffüsün zəifləməsi, koma, ürəyin dayanması və tənəffüsün 

iflici; anuriya.  

Müalicəsi: rehidratasiya, sürətləndirilmiş diurez. Böyrək çatışmazlığı zamanı hemodializ və 

peritoneal dializin aparılması vacibdir.  

 

Digər dərman vasitələri ilə qarşılıqlı təsir 

Yol verilməyən kombinasiyalar 

Levodopa ilə: levodopanın aktivliyi (əgər preparatın qəbulu periferik dopa-dekarboksilaza 

inhibitorlarının qəbulu ilə müşayiət edilmirsə) piridoksin tərəfindən zəiflədilir. Levodopa ilə 

birlikdə periferik dopa-dekarboksilaza inhibitorları qəbul edilmirsə, piridoksin qəbulundan 

çəkinmək lazımdır.  

 

Tövsiyə edilməyən kombinasiyalar 

Tərkibində fosfatlar və ya kalsium duzları olan preparatlarla eyni zamanda qəbulu  

maqneziumun mədə-bağırsaq traktından sorulmasını əhəmiyyətli dərəcədə azalda bilər.  

Fosfat və kalsium duzları ilə birlikdə: bu məhsullar maqneziumun bağırsaqdan sorulmasını 

zəiflədirlər.  

 

Nəzərə alınmalı olan kombinasiyalar 

Tetrasiklinlərin daxilə təyini zamanı tetrasiklin və maqnezium qəbulu arasındakı müddət üç 

saatdan az olmamalıdır. Çünki maqnezium tetrasiklinlərin mədə-bağırsaq traktından sorulmasını 

azaldır. 

 

Xüsusi göstərişlər 

Həblər yalnız yaşlılar və 6 yaşdan böyük uşaqlar üçün nəzərdə tutulmuşdur.  

Orta dərəcəli böyrək çatışmazlığı zamanı hipermaqnezemiyanın yaranma riskinə görə preparatı 

ehtiyatla qəbul etmək lazımdır.  

Kalsium və maqnezium çatışmazlığı eyni zamanda olduqda əlavə kalsium qəbulundan əvvəl 

maqnezium çatışmazlığını aradan qaldırmaq lazımdır.  

Uzun müddət (bir neçə ay və ya bəzi hallarda bir neçə il) ərzində yüksək dozalarda piridoksin 

qəbulu zamanı sensor neyropatiya inkişaf edə bilər ki, bu da keyimə, vestibulyar pozğunluqlar, 

ətrafların distal hissələrinin tremoru və tədricən inkişaf edən sensor ataksiya (hərəkətlərin 

koordinasiyasının pozğunluğu) kimi simptomlarla özünü göstərir. Bu pozğunluqlar adətən geriyə 

dönən olur və B vitamininin yüksək dozada qəbulu dayandırıldıqdan sonra keçib gedir. 

 

Avtomobil və digər mexanizmləri idarə etmək qabiliyyətinə təsiri 

Xüsusi tövsiyələr yoxdur. 

 

Buraxılış forması 

Nazik təbəqə ilə örtülmüş həblər. 

PVX-PE-PVDX/alüminium folqadan hazırlanmış blisterdə 15 həb.  

Preparatın istifadə təlimatı ilə birlikdə 2 və ya 4 blister karton qutuya yerləşdirilir. 

 

Saxlanma şəraiti 

30ºС-dən yuxarı olmayan temperaturda və uşaqların əli çatmayan yerdə saxlamaq lazımdır.  

 

Yararlılıq müddəti 

2 ildir. 

Qablaşdırmada göstərilən yararlılıq müddəti bitdikdən sonra preparatdan istifadə etmək olmaz. 

 

Aptekdən buraxılma şərti 

Reseptsiz. 

---

 

Qeydiyyat vəsiqəsinin sahibi 

SANOFİ-AVENTİS FRANS, 

1-13, Romen Rollan bulvarı 75014 Paris, Fransa. 

 

İstehsalçı 

Sanofi Vintrop İndustriya.  

56, Rut de Şuazi o Bak 60205 Kompyen, Fransa.