224
rejiminin də əhəmiyyətli dərəcədə təsiri vardır.
Bütün bunlara istinadən demək olar ki, üzümçülükdə ştambın hündürlüyü
həmişə müzakirə obyekti olaraq qalacaqdır.
Başcıq- ştambın çoxillik qolları ayrılan hissəsi yoğunlaşdığından ―başcıq‖
adlanır. Az yaşlı kollarda və bəzi farmalarda (məs. birtərəfli formalarda) başcıq
bilinmir. Ən çox sərilən, çoxqollu yelpik və kasa formalarında başcıq nəzərə
çarpan olur. Başcığın xüsusi olaraq yerinə yetirdiyi funksiya olmadığından onu
ayrıca orqan kimi adlandırmamaq da olar.
Çoxillik qollar – tənəyə verilən formadan, kolun gücündən və becərmə
şəraitindən asılı olaraq qollar çox və az, güclü və zəif ola bilər. Çoxillik qolları
bəzən səhvən daimi qollar adlandırırlar. Yadda saxlamaq lazımdır ki, tənəyin özü
daimi deyildir. Çoxillik qollar çiyin də adlanır. Çoxillik qolun əyilmiş hissəsi
çiyin adlanır, ancaq səhv olaraq bunu da ayrıca orqan kimi adlandırırlar.
Qısa qollar - üzümçülük üzrə mövcud kitablarda nədənsə tənəyin bir orqanına
ad vermək unudulub. Bu buynuzcuq oturan hissədir. Bu hissə əvvəlcə çox qısa
(5-10 sm) olur, illər ötdükcə həmin hissə uzanır. Bu orqan çoxillik qolda
oturduğundan və bar manqasını üzərində saxladığından qısa qol adlanır.
Buynuzcuq əmələ gəldiyi birinci ilində çoxillik qol üstündə oturur, illər
keçdikcə buynuzcuq irəliləyir və özündən sonra üç illik hissə qoyur. Bu hissə
vaxt keçdikcə dörd illik, beş illik, altı illik hissə üzərində oturur və ayrıca qol
kimi formalaşır və qısa qol adlandırılır. Bu orqan üfüqi formalarda daha tez
nəzərə çarpır.
Buynuzcuq - bar barmağı ilə əvəzedici çilik bir cüt buynuza oxşayır, ancaq
onlardan biri qısa, digəri isə uzundur. Buynuzcuq hər dəfə iki illik hissə hesabına
yaradılır. Bar manqasının sayı qədər kolda buynuzcuq olur. Təsərrüfatda bəzən
elə olur ki, kol naşı adam tərəfindən budanır və əvəzedici çiliyin yeri dəyişik
düşür.
Bar manqası -bar barmağı ilə əvəzedici çilik bar manqasını təşkil edir.
Verilən formadan asılı olmayaraq kolların hamısı bar manqası prinsipi ilə kəsilir.
Adi qayda üzrə bar manqasında bar barmağı bir ədəd olur, iki bar barmağı
olduqda bu gücləndirilmiş bar manqası adlanır. Tənəyin gücündən və
formasından asılı olaraq bar manqasının miqdarı 1-10 arasında ola bilər. Bar
manqası birillik zoğlar hesabına əmələ gətirilir. Bəzi formalarda, xüsusilə asılan
formalarda, çardaq və alleyalarda bar manqası yaradılmır.
Bar manqası - keçən ilki əvəzedici çilikdə yerləşən birillik zoğdan bar
barmağı saxlanır. Yuxarıda göstərildiyi kimi bir bar manqasında 2-3 bar barmağı
saxlanıla bilər. Üzümçülükdə bar barmağının uzunluğu xüsusi əhəmiyyət kəsb
edir. Onun uzunluğu gözcüklərin sayı ilə ifadə olunur. Bar barmağının uzunluğu
birinci növbədə sortun bioloji xüsusiyyəti ilə müəyyən edilir. Uzunluğuna görə
225
bar barmağı qısa, orta və uzun olur. Hər bir kolun gücünün də bar barmağının
uzunluğuna təsiri vardır. Bundan başqa becərmə sisteminin bar barmağının
uzunluğuna təsirini unutmaq olmaz. Məs.,bir qayda olaraq çardaq və alleyalarda
əsasən qısa kəsmə tətbiq edilir. Şərq ekoloji-coğrafi qrupa mənsub olan sortlarda
uzun kəsmə tətbiq edilir.
Əvəzedici çilik- əgər bar barmağının bir vəzifəsi vardırsa, əvəzedici çiliyin 4
vəzifəsi vardır: gələcək bar manqasını əvəz etmək, verilən formanı davam
etdirmək, gövdənin və yaxud ştambın çox uzanmasını məhdudlaşırmaq və
yaranın birtərəfli olmasını təmin etmək.
Kasa və başcıq formalarından başqa digər formaların hamısında əvəzedici
çilikdən istifadə edilir.
Əvəzedici çilikdən başqa mədəni üzüm kolunda cavanlaşdırıcı və bərpaedici
çiliklər də olur. Üzüm bitkisində müxtəlif adda zoğlar vardır: əsas zoğlar, əlavə
zoğlar, haramı zoğlar bic zoğları və sulu zoğlar. Bu zoğlar müxtəlif adda
olduqları kimi müxtəlif də mənşələrə malikdirlər. Əsas zoğlar qışlayan gözcüyün
əsas tumurcuğundan, əlavə zoğlar qışlayan gözcükdəki əvəzedici tumurcuqdan,
haramı zoğ yatmış tumurcuqdan, bic zoğu bic tumurcuğundan çıxır. Bu zoğların
hər biri öz növbəsində sulu zoğa çevrilə bilər.
Göstərilən zoğların biologiyasında bir-birindən fərqli cəhətlər vardır və kolun
həyatında onlardan müxtəlif məqsədlərlə istifadə olunur. Onların mənşəini,
biologiyasını və yerləşdiyi yeri bilmədən üzümçü üzüm bitkisini elmli idarə edə
bilməz.
11.1. Üzüm bitkisinin kəsilməsinin və formalaĢdırılmasının bioloji və
praktiki əsasları
Üzüm bitkisi lianabənzər bitkilərin bir nümayəndəsidir. O, orqanların
simmetrik inkişafını və yerləşməsini təmin edə bilmir. Təbii şəraitdə üzüm bitkisi
digər növ bitkilərlə birlikdə böyüyür və inkişaf edir. Budaqlarını bığcıqlar
vasitəsilə bərkidərək günəş şüasından daha səmərəli istifadə etmək üçün öz
orqanlarını daha münasib yerdə yerləşdirmək məqsədilə yuxarılara qalxmağa
cəhd göstərir. Yabanı halda gövdəsinin çılpaqlaşması nəticəsində bdaqlarının
daha yuxarılarda formalaşması, bar əmsalının azlığı, xırda salxımları, çox
toxumlu, xırda və az şirəli gilələri, az şəkərliliyi, turşuluğunun çoxluğu, aşağı
keyfiyyətliliyi və az məhsuldarlığı ilə səciyyələnir. Bu baxımdan yabanı üzümün
iqtisadi faydalılığını qiymətləndirmək olar. Ona görə də onun yabanı şəraitdəki
həyat tərzinin mürəkkəb sistemli tədbirlərlə dəyişdirilməsi lazım gəlir. bu
mürəkkəb sistemli tədbirlər cərrahiyyə əməliyyatıdır.