228
1.
üzüm bitkisinin təsərrüfat nişanələrinin yaxşılaşdırılması məqsədilə
polyarlığın bioloji xüsusiyyətlərinin nizamlanması;
2.
tənəyin ümumi gücünün, vegetativ və generativ orqanların inkişafının və
onların arasında asılılığın idarə olunması;
3.
vegetativ orqanların fəzada yerləşdirilməsi.
Üzüm bitkisinin polyarlığı mühitin xarici və daxili amillərinin qeyri-bərabər
təsiri ilə xarakterizə olunur. Bütün bitkilər, xüsusilə ali bitkilər bu və ya digər
dərəcədə bu təzahürlə xarakterizə olunur. Üzüm bitkisinin becərilmə
sistemlərinin qurulmasında polyarlıq xüsusiyyətinin qiymətləndiriməsi xüsusi
əhəmiyyət kəsb edir.
Polyarlığın bioloji əsasları və onunla bağlı bəzi təcrübi fəndlər hələ lazımınca
öyrənilməmişdir. Ancaq bir çox alimlərin bu sahədə apardıqları tədqiqat işlərinin
də üzümçülükdə tətbiqi səviyyəsi aşağıdır.
Bu sahədə elmi-tədqiqat müəssisələrinin polyarlıq üzrə metodiki məsələlərinə
yenidən baxılması məqsədəuyğun olardı. Bu məsələdə dolaşıqlığın əsas səbəbi
odur ki, elm və təcrübə ilə məşğul olanlar tənəyin kəsilməsində mövcud
tədqiqatları ümumiləşdirmir və tənqidi nəticələr çıxarılmır. Bu sahədəki
qanunauyğunluqlar tək-tək faktlar və ayrıca təcrübənin nəticəsinə əsaslanmalıdır.
Həqiqətən elə hallar olur ki, təcrübənin müsbət riyazi məlumatları məsələnin
mahiyyətinə uyğun gəlir. mövcd materiallar təcrübəli və yüksək ixtisaslı
mütəxəssislər tərəfindən təhlil və tövsiyə edildikdə nəticələr daha real olur.
Üzüm bitkisinin bioloji xüsusiyyətlərinin öyrənilməsi sözü gedən məsələlər
üçün əsas hesab edilir. Tənəyin orqanlarının cərrahiyyə əməliyyatında
polyarlıqdan istifadə qaydalarının böyük əhəmiyyəti vardır. Hazırda üzümlükdə
köhnə becərmə üsullarının dəyişdiyi bir vaxtda bu məsələ xüsusi əhəmiyyət kəsb
edir.
Bir çox alim fizioloq və üzümçülər tərəfindən polyarlığın bioloji əsasları və
yüksək məhsul alınması məqsədi ilə onun praktiki üsulları işlənib hazırlanmışdır.
Polyarlığın mahiyyətinin açılması üzrə bir vaxtlar ―SSRİ şərabçılığı və
üzümçülüyü‖ jurnalında geniş müzakirə açılmışdı. Polyarlıq məsələləri üzrə prof.
P.T.Bolqarevin, prof. M.A.Tupikovun, L.İ.Makarov- Kojuxovun, T.B.Bəşirovun,
V.İ.Kantariyanın və başqalarının sanballı məqalələri dərc olunmuşdur.
Alimlər polyarlıq təzahürünü təhlil edərkən müəyyən etmişlər ki, uzununa,
eninə, çəp, radial və spiral polyarlıqlar mövcuddur. Üzümçülük təcrübəsində
mövcud çoxsaylı misallarla polyarlığın reallığına dair misallar gətirmək
mümkündür. əvvəlcə üzüm bitkisinin uzununa və eninə polyarlığına nəzər
yetirək.
Təbii (meşə) şəraitdə tənəyin yuxarı hissələrində böyümə və budaqlana
229
güclüdür. Tənəyin əsasından yuxarıdakı vegetativ orqanlarda güclü böyümə
müşahidə edilir. Üzüm çubuğunu nəmliyi 80% və temperaturu 25-30
0
C ola
mühitdə yerləşdirilsə bir müddətdən sonra görünəcək ki, çubuğun yuxarı hissəsi
zoğ, aşağı hissəsi kök verir. Yuxarıdakı tumurcuqlardan isə ən axırıncılar oyanıb
zoğ verir. Çox vax isə üstündəki tumurcuqlardan aşağıda yerləşənlər ya zəif olur,
ya da oyanmır. Tənəyin yeraltı hissəsi nəzərdən keçirilsə görünər ki, kök
sistemində aşağıda yerləşən köklər daha güclüdür. Üzüm bitkisinin polyarlığına
daha bariz nümunə digər cinslərə nisbətən onun zoğlarının günəş şüalarına doğru
cəhd göstərməsinin qeyri-adiliyidir. Bütün bitkilər günəş şüasına doğru cəhd
göstərir, ancaq üzüm bitkisində bu cəhd qeyri adidir, desək yanılmarıq. Buna
parlaq misal üzüm bitkisində bir vegetasiya dövründə zoğun 20 m-ə qədər
uzunluqda böyüməsidir. Digər meyvə və meşə bitkilərində bu hal müşahidə
olunmur.
Üzüm bitkisində enin polyarlıq gövdənin asimmetrik quruluşunda özünü
göstərir. Asimmetrik quruluş üzüm bitkisində dorziventrallıq adlanır.
Dorziventrallığa görə gövdənin eninə kəsiyində bir-birindən fərqli dörd tərəfin
olması müşahidə edilir. Gövdənin ümumi cizgisi yumurta şəkillidir, ancaq
tərəflər bir-birinə oxşamır. Tərəflər qarın, bel, düz səth və novdan adlanır.
Buhlardan qarın hissəsi (tərəfi) daha ətli-şirəlidir.
Eninə polyarlıq calaq işində də özünü göstərir, belə ki, calaq
komponentlərində kalyus ilk dəfə qarın tərəfdə müşafidə olunur.
Eninə polyarlığın ikinci təzahürü radial polyarlıqdır. Bu qida maddələrinin
hərəkətindəki dəyişikliklə və sorucu sistem hüceyrələrinin böyüməsi ilə
əlaqədardır. Eynilə sorucu sistemin çəpinə vəziyyəti çəpinə polyarlıq adlanır.
Yarpaqların zoğda yerləşmə qanunauyğunluğu spiral polyarlıq adlanır.
Üzüm bitkisinin polyarlığına qarşı aşağıdakı mübarizə üsulları mövcuddur:
qısa kəsmə, qarışıq kəsmə, orqanlara əzab verilməsi və bucaq tumurcuqlarının
oyadılması.
Polyarlığa qarşı mübarizə- məlumdur ki, üzüm bitkisinin polyarlıq
xüsusiyyəti güclüdür. Polyarlıq xüsusiyyətinə görə liana bənzər vəziyyətdə
yarpaq və zoğların çox qismi kolun uc hissələrində yerləşir. Kolun gücü artdıqca
onun polyarlıq xüsusiyyəti də çoxalır. Polyarlıq xüsusiyyəti artdıqca kolun aşağı
hissələrindəki salxımların sayı və ölçüləri azalır.
Polyarlıq xüsusiyyəti yabanı üzümün təbii şəraitdə normal böyüməsinə
təminat verir. Mədəni şəraitdə polyarlıq üzüm bitkisinə ziyan verir. Lianın
yerüstü kol formasına keçirilməsi polyarlıq xüssiyyəti ilə bağlıdır. Beləliklə,
polyarlıq üzüm bitikisində iki əlverişsiz bioloi şərait yaradır:
1.
kolun orqanlarının qeyri-adi cəhdlə yuxarılara qalxması;
2.
qollarda zoğların qeyri-bərabər inkişafı.