230
Qeyd edildiyi kimi yuxarı
hisslərdəki zoğlar güclü, aşağıdakılar zəif böyüyür.
Polyarlığa qarşı mübarizədə qısa kəsmə kolun vegetativ gücünü azaldır, belə
ki, kol iri çətir və skelet toplaya bilmir. Qısa kəsmə ən geniş yayılmış qədim və
sadə üsuldur. Qısa kəsmədə kolun gövdəsinin tezliklə yuxarıya qalxması
məhdudlaşdırılır. Qısa kəsmədə L.M.Kolesnikin yazdığına görə 1-2 göz,
İ.V.Kantariyaya görə 2-3 göz saxlanır. Yadda saxlamaq lazımdır ki, bəzi
formalarda qısa kəsmə məhsul alınması məqsədilə aparılır. Deməli, bu məsələdə
V.M.Kolesnikin fikri ilə razılaşmaq olmaz. Ancaq respublikamız şəraitində ikinci
kəsmə növü də optimal hesab edilə bilməz. Bizim şəraitdə qısa kəsmədə 3-4 göz
saxlanması daha əlverişlidir.
Bu üsulun sadəliyi və kiçik yara vurulması polyarlıqla mübarizədə müsbət
cəhətdir, lakin böyük qüsuru odur ki, kolun vegetasiya gücü azaldığından
məhsuldarlıq xeyli aşağı düşür. Əlverişli torpaq-iqlim şəraitində güclü böyüyən
sortlarda daha tez nəzərə çarpır. Bundan başqa qısa budamada xeyli gözcüklər
kəsilib atıldığından kolda lazımi miqdarda yük saxlamaq olmur.
Sıx əkinlərdə (qida sahəsi az olan əkinlərdə) qısa kəsmə müsbət nəticə verir,
yəni, belə üzümlükdə koldan çox məhsul tələb olunmur.
Göstərilən müsbət nəticələrinə baxmayaraq polyarlığı məhdudlaşdıran bu üsul
geniş yayılmışdır. Çünki, bu üsul kəsmənin əsas məqsədini, yüksək məhsul
alınmasını təmin edə bilmir.
Bir çox güclü böyüyən üzüm sortlarında zoğların bazisindən (əsasından) aralı
yerləşən tumurcuqları daha barlı olur. Qısa kəsmə ilə zoğ həmin hissədən
məhrum olur.
Primitiv də olsa polyarlığa qarşı ən yaxşı vasitə hesab edilən qısa kəsmə güclü
böyüyən əksər üzüm sortları üçün öz əhəmiyyətini itirmişdir. Qısa kəsmə zəif
sortlar və əvəzedici çilik üçün əlverişli sayılır.
Qarışıq kəsmədə hər bir bar barmağının alt hissəsində bir qısa hissə-
əvəzedici çilik saxlanır. Bu çilik bar barmağının polyarlığını məhdudlaşdırır. Bu
Gyo prinsipi də adlanır. əvəzedici çilik qısa kəsildiyi üçün onun gözcüklərində
güclü zoğlar əmələ gəlir ki, onlar da hər il bar manqası yaratmaq üçün istifadə
edilir. Bundan başqa əvəzedici çilik qolun çox uzanmasını məhdudlaşdırır. Bar
barmağı üfüqi əyilərək məftilə bağlanır, ondan əmələ gələn zoğların təqribən bir
bərabərdə olması təmin edilir. Məhsul alındıqdan sonra vegetasiya müddətinin
sonunda bar barmağı (keçən ilki) üzərindəki birillik zoğlarla birlikdə kəsilib atılır.
Bu üsulun qüsurlu cəhəti odur ki, hər il çoxlu miqdarda zoğlar kəsilib atılır, yəni
məhsul vermiş hissə keçən ilki əvəzedici çiliyin üstündəki qısa iki illik hissə ilə
birlikdə kəsilib atılır. Ancaq 1982-ci ildə çap olunan ―Üzümçülük‖ kitabında bu
yaş 3 illik göstərilir. Bu prinsiplə aparılan kəsmə kolda iri yaraların əmələ
gəlməsinə səbəb olur.
231
Bəzi yerlərdə kəsmə zamanı bilməyərəkdən əvəzedici çilik saxlanmır. Ancaq
apardığımız tədqiqatlarda üzüm bitkisinin cavan yaşlarında əvəzedici çiliksiz
kəsmə aparılmasının mümkünlüyü müəyyən edilmişdir.
Tənəyin orqanlarına əzab verilməsi- o deməkdir ki, çoxillik qollar və bar
barmaqları müxtəlif vəziyyətdə əyilib bağlanır. əyilmə nöqtəsindən sonra
saxlanan hissədə qida və suyun hərəkəti məhdudlaşır. Əgər bar barmağı əyilib
bağlanmasa, yəni o sərbəst buraxılsa, onda aşağı hissədəki gözcüklərin bir qismi
oyanmır. Beləliklə, zoğda çılpaqlaşma gedir, həm də təqribən oyanmayan
gözcüklərin sayı qədər salxım olmur.
Kola verilən forma və üzümlükdəki dayaq növündən asılı olaraq bar
barmaqları 90
0
-li bucaq altında, qövs, yarım qövs v həlqəvi şəkildə bağlana bilər.
Belə bağlamada əyilmə yerindən (dirsəkdən) aşağıdakı gözcüklərin oyanma
ehtimalı artır. Bu üsul diqqətlə yerinə yetirildikdə əksər hallarda əvəzedici çiliyə
ehtiyac qalmır. əvəzedici çiliyin özü də onda əmələ gələn zoğlar hansı funksiyanı
yerinə yetirirdisə dirsəkdən aşağıdakı zoğlar da həmin funksiyanı yerinə yetirir.
Bu baxımdan üzüm kolunu əvəzedici çiliksiz idarə etmək mümkündür. Sadə fəhlə
bu deyiləni lazımi səviyyədə edə bilməz. Əvəzedici çilik sanki üzümçüyə diktə
edir ki, məni belə kəs.
Polyarlığa qarşı mübarizənin dördüncü üsulu bucaq tumurcuqlarının
oyadılmasıdır. Bar barmaqları orta və uzun olan hallarda bucaq tumurcuqları
oyanmır. əvvəla onu qeyd etmək lazımdır ki, bucaq tumurcuğu inkişafca zəif və
az diferensasiya etmiş olur. Yalnız polyarlıq xüsusiyyətinə görə bucaq
tmurcuqları oyanmır. 1-2 gözcüyə kəsilən ilikdə bucaq tumurcuğu oyanır.
Real hyatda elə hallar olur ki, yaz şaxtaları, dolu və xəstəlik nəticəsində bar
barmağından çıxan yaşıl zoğların hamısı məhv olur. Kol bu vəziyyətdə
saxlandıqda cari ildə məhsul tamamilə məhv olmaqla yanaşı gələcək üçün onun
bərpası ehtimalı da azalır. Bu hadisə baş verməsin deyə bar barmağının bucaq
tumurcuğundan yuxarıdakı hissə bütövlkdə kəsilib atılır. Bu halda bucaq
tumurcuğu oyanır. Onu qeyd edək ki, bucaq tumurcuğu lazımınca diferensasiya
etmədiyindən onda məhsil ehtimalı tamamilə yoxdur. Bucaq tumurcuğundan
çıxan zoğ hesabına kolu gələcəkdə məhsul üçün hazırlamaq mümkündür.
Vegetativ və generativ orqanlar arasında asılılığın nizamlanması. Bunu
―üzüm bitkisinin böyüməsi və məhsul verməsi‖ kimi ifadə etmək olar. Üzüm
bitkisinin böyümə gücü və məhsul verməsi kolun çoxillik hissələrinin (ştamb və
qollar) ölçüsündən, eləcə də kəsildikdən sonra saxlanan birillik zoğların
miqdarından və onların uzunluğundan asılıdır. Kolun çoxillik hissələri birillik
hissələrin oxu- skeleti adlanır. Çoxillik hissələr su, mineral və üzvi maddələrin
ötürücüsü hesab edilir. Eləcə də bunarda maddələrin çevrilmələri və ehtiyat
halında toplanması baş verir.