262
3.
Çoxillik qollar da daxil olmaqla çətiri təşkil edən orqanların hamısı məhv
olduğu təqdirdə ştambdan yuxarıdakı orqanlar kəsilib atılır. Ümid ştambdan çıxan
haramı zoğlardan istifadəyə qalır. Burada da kol adi kəsmədə 3 ilə, sürətli forma
verildikdə 2-ci ilində tam bara düşə bilər.
4.
Yerüstü hissə tamamilə məhv olduqda yeraltı ştambdan çıxan haramı
zoğlar hesabına kol bərpa edilir.
5.
Bütöv kol kök sistemi ilə birlikdə məhv olubsa onda kol çıxarılır və məhv
edilir.
Kolun yaz şaxtaları ilə zədələnməsinin dərəcəsi və xarakteri müxtəlif olur. Bu
müxtəliflik şaxtanın vaxtından, təsir müddətindən, sortdan və üzümlüyün
yerləşdiyi ərazinin relyefindən asılıdır. Bu baxımdan hər bir sahədə ayrıca
müayinə aparıldıqdan sonra kollar budanmalıdır. Yaz şaxtalarından zədələnmələri
3 əsas qrupa bölmək olar.
1.Güclü və uzunmüddətli yaz şaxtaları ilə tənəyin yaşıl zoğlarının və
əvəzedici tumurcuqların əsasındakı döşənək qatı ilə birlikdə məhv olması. Bu cür
zədələnmədə yeni yaşıl zoğlar yalnız ştamb və çoxillik qollardakı yatmış
tumurcuqlardan inkişaf edə bilər. Bu halda keçən ilki zoğlar çox qısa (1 tumurcuq
) kəsilir ki, bucaq və yatmış tumurcuqlarının oyanması üçün şərait yaradılsın. Bu
zoğların hesabına tənəyin forması bərpa edilir və gələcəyin məhsulu təmin edilir.
2.Yaşıl zoğlar tamamilə yaxud bütün çiçək qrupları məhv olur, zoğun aşağı 2-
3 yarpağı salamat qalır, qalanları zədələnir. Bu halda əvəzedici tumurcuqlardan
məhsul vermə qabiliyyəti olan sortlardan az miqdarda məhsul almaq olur.
Əvəzedici tumurcuqları məhsuldar olmayan sortlarda bu cür budama lüzumsuz
hesab edilir. Bic zoğların məhsul vermə qabiliyyəti olan yaşıl zoğların ucu erkən
qoparılır, bic zoğların böyüməsi sürətləndirilir və onlar məhsul verir.
3.Yaşıl zoğların yalnız ucu zədələnir, çiçək qrupları zədələnmir, yaxud çiçək
qrupları və yarpaqlar az zədələnir. Bu halda xüsusi budama aparılması.
Dolu da təbii fəlakətlərdən hesab edilir və onun təsirindən üzüm bitkisi
müxtəlif dərəcədə zədə ala bilir.
Dolu kənd təsərrüfatına böyük miqdarda ziyan vura bilir. Hər il bu və ya digər
ərazidə üzümlüyə daha böyük ziyan verir. Bir neçə dəqiqə ərzində düşən dolu ən
pis halda üzüm bitkisinin yerüstü hissəsini tamamilə məhv edə bilər.
Prof. V.İ.Kantariyanın yazdığına görə Gürcüstanın Kaxetiya rayonunda
dolusuz il olmur. Bizim Respublikada da hər il bu və ya digər ərazidə müxtəlif
müddətli və müxtəlif ölçülü dolu düşür. Şamaxı, İsmayıllı, Ağsu, Zaqatala,
Balakən, Qax və Göygöl rayonlarında hər il dolu düşür. Tarixən Respublikamızın
müxtəlif rayonlarında dolu təbii fəlakətə çevrilmiş yaşayış binalarına, sosial
obyektlərə, əkinlərə və üzüm plantasiyalarına böyük ziyan vurmuşdur.
1948-ci ildə Ağdam şəhərinə və onunla bitişik Seyidli kəndinə düşən dolu
263
200 qram ağırlığında olmuş, bu ərazidə hər şeyə dağıdıcı təsir göstərmişdir. 30-
40 yaşında gilas, tut, qoz, alma, armud və başqa ağacların iri gövdələrini
qırmışdır. Həmin meyvə ağacları və üzümlüklər bir neçə il dalbadal öz normal
vəziyyətlərinə qayıtmamışlar. O illərdə doludan ziyan çəkmiş üzümlüklərin
sürətli üsulla bərpası texnologiyası üzümçülərə məlum deyildi. Belə üzümlüklər
çox gec bərpa olunurdu. O vaxtlar bizim Respublikada doluya qarşı mübarizə
üsullarından da isifadə olunmurdu. 1960-cı illərdən etibarən bir neçə sırf
üzümçülük rayonunda dolu buludunu dağıdan qurğulardan istifadə olunmağa
başlandı. Hazırda Respublikamısda doluya qarşı heç bir qurğudan istifadə
olunmur.
Son vaxtlar Gürcüstanda doluya qarşı mübarizə məqsədi ilə üzüm cərgəsinin
üstünə çətir çəkilir ( Kvlividze ―Vinoqradarstvo po novomu‖ 2004 ). Üzümlükdə
şpaler qurulmasına çəkilən xərcdən başqa çətir çəkilməsinə ( zontik ) də əlavə
vəsait xərclənir. Kitabın yazdığına görə həmin təsərrüfatda hər il dolu üzümlüyə
ziyan vurur.
Dolunun üzüm bitkisinə təsiri vegetasiya dövrünün hansı fazasında
düşməsindən də asılıdır. Dolu vurduqdan sonra üzümçünün əsas işi
aşağıdakılardan ibarətdir:
1)
Doludan zədələnmiş üzümlükdə budama aparılıb –aparılmamasının
müəyyən
edilməsi;
2)
Böyümə və məhsulun ikinci dəfə nizamlanması yolu ilə budama
üsullarının dəqiqləşdirilməsi;
Bu məsələlər dolunun düşmə vaxtı və intensivliyi nəzərə alınmaqla həll
edilməlidir.
Mayın 15-də aparılan kəsmə (təqribən çiçəkləməyə 15 gün qalmış) zamanı
yarpaq qoltuğundakı tumurcuqda gələcək çiçək qrupu hələ formalaşmamış olur.
Bu vaxt güclü kəsmə aparılmalıdır ki, istənilən gələcək zoğların əmələ gəlməsi
sürətlənsin. Söz yox ki, bu zoğlar barsız olacaqdır.
Doludan sonra kəsmə nə qədər gec aparılsa kolun gücü bir o qədər zəif
olacaq.
Qış şaxtalarında olduğu kimi dolunun da zədəsi 4 qrupa bölünür.
Birinci qrup zədələnmədə yarpaqlarda xırda deşiklər, çiçək və yaxud
salxımda cüzi zədələr olur. Bu qrup zədələnmədə xüsusi kəsmə aparılmır. Ancaq
zoğlar böyüdükcə və yarpaqlar artdıqca adi hallarla müqayisədə yaşıl əməliyyat
vaxtı yarpağı bir qədər artıq saxlamaq lazımdır.
İkinci qrup zədələnmədə çoxlu və iri deşiklər, çiçək qrupu və yaxud salxımın
çox hissəsi zədələnmiş olur və yaşıl zoğlarda iri yaralar olur. Bir çox hallarda
çiçək qrupu və yaxud salxım saplağı iri zədələr aldığından sonrakı gün onlar
soluxur. Bu qrup zədələnmədə 2-3 gözcük saxlanmaqla yaşıl zoğlar kəsilir. Əgər