312
Üzümçülükdə herbisidlərin tətbiqi üzrə xarici ölkələrdə aparılan tədqiqat
işləri nəticəsində müəyyən olunmuşdur ki, onlar normal dozada üç il dalbadal
tətbiq edildikdə torpağı alaq otlarından təmizləyir. Lakin simazinlə aparılan
çoxillik təcrübələrdə aşkar olunmuşdur ki, kollarda xroniki zədələnmə gedir və
bunun da nəticəsində xırda yarpaqlılıq əmələ gəlir, yarpaqlar xloroza tutulur,
salxımlar xırda olur və məhsul azalır.
Üzümlüklərdə ən çox monuron və diuron herbisidlərindən istifadə olunur. Bu
herbisidlər birillik alaq otlarını məhv edir. Onların ən yaxşı tətbiq olunma vaxtı
aprelin əvvəlləridir. Herbisidlər həmin vaxtdan tez tətbiq edildikdə alaq otlarının
yalnız 10-30%-i məhv edir.
Birillik ikiləpəli alaq otlarına qarşı mübarizədə moniron və diuron
herbisidlərindən üç kq tətbiq etmək daha faydalıdır. Herbisidlər birillik ikiləpəli
alaq otlarından ən çox aptek şahtərəsini, quşəppəyini, tatar sirkənini, qaragilə və
qara pencəri məhv edir.
Herbisidlərin göstərilən norması cərgənin 40-50 sm eninə çilənməlidir.
Üzümlüklərin alaq otlarına qarşı simazin və atrazin herbisidlərinin tətbiq edilməsi
də yaxşı nəticə verir. Bu herbisidlərin sulu suspenziyası aprelin əvvəllərində
çilənir. Simazin və atrazin herbisidlərinin tətbiq edilməsi də yaxşı nəticə verir. Bu
herbisidlərin sulu suspenziyası aprelin əvvəllərində çilənir. Simazin herbisidindən
isə hər hektara 6 kq çiləndikdə alaq otlarının 80-90%-i məhv olur. Göstərilən
normal herbisidlər üzüm məhsuluna məmfi təsir etmir.
Bir çox respublikalarda, eləcə də xarici ölkələrdə bu sahədə aparılan
təcrübələr göstərmişdir ki, dalopon yanvar ayında şum aparıldıqdan sonra hər
hektara 20-30 kq çiləndikdə hələb kalış və barmaqvari çayır 49-58 % məhv olur.
Bununla belə, dalapon üzüm məhsuluna məhfi təsir edir.
Dalapon vegetasiya suvarmasından sonra hər hektara 7,5 kq hesabı ilə
cərgənin 40-50 sm eninə bir dəfə çiləndikdə hələb kalışı, barmaqvarı çayır,
sürünən ayrıq, göyümtül qıllıca və taxıllar fəsiləsinə aid olan başqa alaq otlarının
növləri 55-78%, iki dəfə çiləndikdə isə 88-94 %məhv olur.
Herbisidlərin səmərəli təsiri onların istifadə texnikasından, istifadə olunduğu
dövrdə və sonralar temperatur şəraitindən asılıdır.Havanın temperayuru 8-10
0
C
olduqda bəzi preparatların təsiri zəifləyir, odur ki, alaqlar gec və tədricən tələf
olur.
Çiləmədən sonra yağış yağarsa herbisidin təsiri azalır. Belə ki, məhlul bitkiyə
daxil olmamış yağış herbisidi yarpağın üzərindən yuyur.
Herbisidlər xüsusi qablarda satışa buraxılır və sertifikatında preparatın neçə
faiz təsiredici maddəyə malik olduğu göstərilir.
İşçi məhlulu iş yerində çiləndiyi gün hazırlanmalıdır. Məhlulun metal
qablarda hazırlanması məsləhətdir. Əvvəlcə məhlul hazırlanacaq qabın həcmi
313
müəyyən edilir və o su ilə doldurulur. Sonra müvafiq çəkidə herbisid tökülərək
tam həll olunana qədər qarışdırılır. Bəzi herbisidlərin təsirini artırmaq üçün
məhlula onun həcmini 0,1-i qədər O..-7 və O..-10 isladıcısı əlavə edilir. Məhlul
hazırlanan qabda həll olunmamış çöküntü qala bilər. Ona görə də məhlulu
çiləyicinin çəminə dəmir torlu ələkdən və ya ikiqat tənxifdən süzüb doldurmaq
lazımdır.
Herbisidlərin bir qismi alaq otlarının cücərtiləri çıxana qədər əvvəlcədən
hazırlanmış torpağa çilənir. Belə istifadə üçün gezatop, arezin, afalon, karaqard,
prefiks, kazeron və kupkaz kimi təmiz torpaq herbisidlər götürülür.Bunlar mart
ayında istifadə edilir.
Alaq otlarının cücərtiləri çıxmazdan öncə bu preparatlar çiçəkləndikdə onlar
cücərtilər mərhələsində məhv olur. Bundan sonra torpağın səthində heç bir alaq
otu olmur, nəticədə torpağın səthi tezliklə quruyur və strukturu pozulur.
Herbisidlərin bir qismi də alaq otlarının cücərtiləri çıxdıqdan sonra, yəni onlar
15-20 sm hündürlüyə çatdıqda çilənir. Cücərtilər çıxdıqdan sonra torpağın
səthində bitki örtüyü əmələ gəlir və bu örtük torpağın yetişməsini təmin edir.
Herbisidlərdən sonra məhv olmuş bitki örtüyü də torpağın yetişməsini təmin edir.
Alaqların yerüstü hissəsi öldükdə onların kökü də məhv olur və ölmüş köklərin
yerində məsafələr qaır (məsamələr) Bu məsamələrin yeri hava ilə dolur və
bitkinin xloroza tutulma ehtimalı azalır. Bundan başqa, əvvəlcə canlı, sonra isə
ölmüş ot kütləsi torpağın yuyulmasının qarşısını alır.
Əgər bitki arası məsafə, yəni kolların altında becərmə aparılmasa, yalnız
herbisidlərdən istifadə edilsə (cücərtidən sonra), bir vaxtdan sonra kolların altında
–cərgədə bitki arası məsafədə mulça qatı əmələ gəlir ki, bu qat eroziyanı dəf edir,
çürüntü əmələ gətirir və yeni toxumların cücərməsinin qarşısını alır.
Üzümlüyün hər yerındə herbisidlərin tətbiqi məsələsi də meydana çıxa bilər.
Əksər hallarda cərgənin arasında eni 30-40 sm lan bir zolaqda preparat çilənir.
Ancaq çətin iş görülən yerlərdə (dik yamaclarda, ferraslarda) herbisidi zolaq
şəklində işlətmək olmur. Bu halda herbisidi bütün üzümlüyə vermək lazım gəlir.
Cücərtidən qabaq verilən və uzunmüddətli təsir gücünə malik sidik cövhəri
mənşəli herbisidlərə aşağıdakılar aiddir: afazon (linuron), arezin (monolinuron)
və eptanur ( buturon), eləcə də triazin mənşəli hezatop (simazın).
Dənəvər preparatlardan prefiks və kupkar (xlortiamid) və kazeronun
(dixlobenil) tətbiqində istilik və rütubətin rolu böyükdür. Bunların təsiri
buxarlanmaya əsaslanır. Quraq və yüksək temperaturda buxarlanmanın intensiv
getdiyindən həm preparat tezliklə qurtarır, həm də tənəyin özü zədələnir. Ona
görə də bu preparatları erkən yazda (fevral-mart aylarında ) işlətmək lazımdır.
Preparatları payızda və yaxud qışın başlanğıcında da tətbiq etmək olar. Bu
preparatlardan hektara 60 kq verdikdə ancaq kökləri dərinə getməyən alaq otlarını