346
Sızdırma ilə suvarma düzən relyef tələb edir, burada maillik 0,002-0,008
0
olmalıdır. Ancaq ən yaxşı maillik 0,003-0,004
0
-dir. Maillik 0,002- dən az
olduqda cu çətinliklə irəliyə axır, 0,008-dən çox olduqda isə torpaq yuyula bilər.
Suvarma şırımları PRVN-2,5, PRVN-19, PRVN-53 aqreqatları ilə açılır. Şırımın
su onun dərinliyinin 2/3 qədər buraxılır. Suyun hərəkət sürəti 02-1 l/san
olmalıdır. Isti yerlərdə hər suvarmadan sonra şırımlar azca quruyan kimi həmin
aqreqatlarla da doldurulmalıdır. Belə olduqda suyun torpaqda qalma və
suvarmalar arası müddət çoxalır.
Suvarmaya sərf olunan su suölçənlə ölçülməlidir. Torpağın bərabər miqdarda
nəmlənməsi üçün su şırımlarla dəyişən sürətlə (0,8-0,2 l/san) axmalıdır. Əvvəlcə
su 0,8 l/san, sonra isə bu miqdar 0,2 l/san- yə endirilir. Su şırımın axırına çatdıqda
azaldılır. Şırımların uzunluğu nə qədər çox olarsa suçu şırıma bir o qədər çox su
buraxa bilər. Bu suvarma üsulu respublikamızın bir çox düzən rayonlarında və
təsərrüfatlarda tətbiq edilir.
Ağır gilli və gillicəli torpaqlarda cərgə aralarında şırım açılır. Bunun adi
şırımdan fərqi ondadır ki, şırım açan aqreqatlarda kəsici orqanlar elə düzəldilir ki,
şırımın dibində 3-5 mm enində yarıq açılır. Şırımın yarıqla birlikdə dərinliyi 35-
40 sm olur. Bunların arasındakı məsafə adi şırımlarda olduğundan çoxdur (0,8-
1,2m).
Suvarma şırımlarına su müvəqqəti suvarma arxlarından verilir. Mailliyi az və
orta olan yerlərdə ( 0,0005-0,0006) müvəqqəti suvarma arxları 500-1500m
uzunluğunda və mailliyin istiqamətində çəkilir.
Mailliyi çox olan yerlərdə (0,004-0,002
0
)müvəqqəti suvarma arxları əsas
mailliyin eninə, başqa sözlə desək, əsas mailliyə perpendikulyar olaraq düzəldilir.
Bu halda müvəqqəti suvarma arxları qurşağın eni qədər (500-600m) götürülür.
Şırımlara su boru, yaxud sifonla paylanır. Su buxarlanmazdan əvvəl bunlar
şırıma qoyulur. Su boruları və sifonları sahəyə traktora qoşulan arabacıqla
daşınır.
Çox mailli, daşlı və şiferli torpaqlarda su boruları, yaxud sifonlar torpağın altı
ilə aparılır, suyun torpağa verilməsi üçün onlarda deşiklər olur (cənubi Krımın
―Qurzuf‖ təsərrüfatı və ―Maqarac‖ institutunun eksperimental bazası).
Bəzi yerlərdə üzümlüklər süni yağış yağdırmaqla suvarılır. Bu suvarmanın
mexanikləşdirilmiş üsuludur. Təzyiq altında havaya vurulan su damcılara
bölünüb suvarılacaq sahəyə tökülür. Bu üsulda aparılan suvarmanın üstünlüyü
ondadır ki, burada su qənaətlə işlənir, suvarmanın mexanikləşdirilməsi və
avtomatlaşdırılması imkanı çoxalır, torpaq səthi bərabər miqdarda su alır. Bu
üsulun bir nöqsanı ondan ibarətdir ki, üst təbəqədə torpağın quruluşu pozulur və
hər suvarmadan sonra mildiu xəstəliyinə qarşı mübarizə aparılması lazım gəlir.
Şırımların yan tərəflərinin su sızdırması torpaqdan asılıdır, bu eyni zamanda
347
şırımlar arasında suyun hopmasıdır. Şırımlar arasında suyun hopması ən az
qumlu torpaqlarda müşahidə edilir. Kök sistemi yerləşən torpaq sahəsinin
islanması torpağın strukturundan asılıdır.
Bərk qatı olmayan eyni cinsli qumlu və qumsal torpaqlarda şırımları mümkün
qədər su ilə tez doldurmalı və tezliklə də suyu kəsmək lazımdır. Şırımla su yavaş
gedirsə və tezliklə də kəsilirsə, deməli şırımın yuxarı hissəsi aşağıya nisbətən
suyu çox almışdır. Deməli şırımın yuxarı hissəsində torpaq yuyulmuş, aşağı hissə
lazımi qədər su almamışdır.
Torpağın səthində duzların yığılıb qalmaması üçün şırımlar enli olmalıdır.
əgər maillik soxdursa onda qapalı şırımlar açılmalıdır, yəni uzununa olan şırımlar
eninə şırımlarla birləşdirilir. Eninə çəkilən şırımlar uzununa şırımlarla gedən
suyun sürətini azaldır. Bu cür təkmilləşdirilmiş su şəbəkəsi həmcins olmayan
yamaclar üçün əlverişli hesab edilir. Şırımları birləşdirici qollar əsas şırımda
suyun sürətini azaltdığı kimi torpağın da yüksək nəmliyini təmin edir.
Iri dənəvər torpaqda su o dərəcədə tez hopur ki, şırımın yan tərəfləri
lazımınca islanmır.
Hazırda süni yağış yağdıran bir sıra maşın, qurğu və aqreqatlar mövcuddur.
Bunlar T-74 və DT-75 traktorlarına aqreqatlaşdırılan DDH-70 və DDH-45
aparatlarıdır.DDA-100M yağış yağdıranı daha güclüdür. Hazırda yüksək
məhsuldar və daha çevik hesab edilən Kuban-1 yağış yağdıran maşını
üzümlüklərdə geniş miqyasda işlədilir.
Süni yağış yağdırma ilə suvarmada su məsarifi ağır gillicə və qara torpaqda 5-
10 mm/saat, orta gillicəli və qumsal torpaqlarda 15 mm/saat, qumlu-çinqıllı və
daşlı torpaqlarda 30-40 mm/saatdır. Su damcılarının iriliyi 1,5 mm-dən çox
olmamalıdır.
Üzümlüklərdə torpaqaltı suvarmadan da istifadə olunur. Bu üsulda su birbaşa
torpağın kök sistemi yerləşən qatına verilir. Torpağın üst qatı torpaq kapillyarları
ilə qalxan su ilə islanır. Bu üsulda az su məsarifi ilə məhsuldarlığı xeyli artırmaq
olur. Krasnodar diyarının ―Abram-dyurso‖ təsərrüfatında torpaqaltı suvarma
tətbiq etməklə Kaberne-sovinyon, Şardone və Pino-blan sırtlarında hər hektardan
əlavə olaraq 23-24 sentner məhsul alınmışdır.
Torpaqaltı suvarma ilə torpağı üzüm bitkisi üçün optimal nəmlik rejimində
saxlamaq olar. Bu prosesdə suvarma tamamilə mexanikləşdirilmişdir.
Suvarmaları tez-tez və az su norması ilə (200-300 m
3
) aparmaq olar. Torpaqaltı
suvarmada alaq otları xeyli azalır və yaxud heç olmur. Damcılarla suvarma hər
tənəyi fərdi olaraq su ilə təmin edir. Bu üsul ilə torpağın səthi nahamar olan
sahələr və yamaclarda olan üzümlüklər suvarılır. Damcı ilə suvarmaya çəkilən
xərclər yeraltı suvarma şəbəkəsi qurmadan 3-4 dəfə ucuz başa gəlir. Damcılarla
suvarma cərgə boyu tənəyin yaxınlığından çəkilən xüsusi polietilen borularla