350
Üzüm bitkisi yüksək konsentrasiyalı duzlara həssas bitkilər sırasına daxildir.
Sitrus bitkilərinə və yarpağını tökən bir çox meyvə bitkilərinə nisbətən duzlara
davamlıdır. Müxtəlif duzlar kompleksi hər hansı bir birləşməyə, məs: bor və
yaxud duz turşularına nisbətən daha zərərli olur. Bundan başqa tərkibində çoxlu
natrium və kalium olan su tərkibində kalsium və maqnezium olan suya nisbətən
duzları çox çökdürür. Bu halda torpaq çox bərkiyir və bunun nəticəsində
gələcəkdə torpağın becərilməsi və suvarılması çətinləşir, bitkinin böyüməsi üçün
şərait pisləşir.
Qurumuş torpağın səthində çökmüş duzlar ―ağ qələvi‖adlanan ağ örtük əmələ
gətirir.çökmüş karbonat turşusu kalsium və maqnezium çatışmadıqda ―qara
qələvi‖ adlanır.
Respublikamızın ərazisindən axan əksər dağ çaylarının suyu kimyəvi tərkib
etibarilə üzümlüyün suvarılması üçün olduqca əlverişlidir. Ancaq Ermənistanın
Gorus və Qafan ərazisindən axan xırda çayların suyu bir çox zərərli maddələrlə
(xüsusilə molibden) zəngin olduğundan uzun müddət üzümlüklərin
suvarılmasında istifadə edilə bilməz.
Bir çox rayonlarda suvarmada artezian və subartezian sularından istifadə
edilir. Bu suların bir qismi duzlarla zəngindir və uzun müddət istifadə edildikdə
torpaqda şoranlaşma əmələ gətirir. Suvarmada işlədilən artezian və subartezian
suları vaxtaşırı yoxlanmalıdır.
Suvarılan üzümlüyün özünəməxsus xüsusiyyətləri vardır. Su, istilik və qida
rejimini yaxşılaşdıraraq bitkinin böyüməsini, inkişafını və məhsuldarlığını
yaxşılaşdırır. Bu baxımdan suvarılan üzümlüklərdə elə becərmə sistemi tətbiq
edilməlidir ki, suvarılan şəraitin yaratdığı böyük imkanlardan səmərəli istifadə
edilə bilsin.
Yuxarıda qeyd edildi ki, suvarma suyunun tərkibində natrium və kaliumun
miqdarı çox olduqda və həmin sularla uzun müddət suvarma aparıldıqda torpağın
əkin qatında bərkimə getdiyindən 3-4 ildən bir həmin qatda 50-55sm dərinliyində
yumşaltma aparılmalıdır. Belə torpaqlarda mineral kübrələrin balansı
gözlənilməlidir.
Suvarmada torpaq relyefinin, mailliyinin və
su keçirilməsinin nəzərə alınması
Üzümlüklərin keyfiyyətli suvarılması suvarılan sahənin relyefinin, torpaq və
başqa xüsusiyyətlərinin nə dərəcədə nəzərə alınması ilə əlaqədardır. Bu
xüsusiyyətlərdən bəziləri aşağıda səciyyələndirilir.
Maillik aşağıdakı kimi qəbul edilir:
Az- 0,002 və az; orta- 0,002-dən 0,005 -ə qədər; çox- 0,005-dən 0,015-ə
qədər; ən çox- 0,015-dən 0,3-ə qədər.
351
Mailliyi 0,03-dən çox olan sahələrdə səthi suvarma çətin olur.
Suvarılan üzümlüyün relyefi ola bilər:
Yaxşı- sahənin səthi bir istiqamətli mailidir; tək-tək təpəlik və çökəkliklər
vardır; hündürlüyü və dərinliyi 5 sm; kafi- suvarılan sahənin səthi azca dalğalıdır,
mailliklər dəyişkəndir, lakin tərsinə və qarşı-qarşıya istiqamətli deyildir; tərsinə
və qarşı-qarşıya olan mailliklər vardır, təpə və çökəkliklər 20 sm-dən çoxdur.
Çox pis- sahənin səthi kəskin dalğalıdır; təpəlik və çökəkliklər tez nəzərə
çarpır, mailliklər kəskin dəyişkəndir.
Torpağın su keçirmə qabiliyyəti suvarma şırımlarının uzunluğunun və
dərinliyinin, eləsə də şırımlara buraxılan suyun miqdarının müəyyən edilməsində
böyük əhəmiyyətə malikdir.
Su keçirməsinə görə torpaqları üç qrupa bölmək olar:
Yaxşı su keçirən torpaqlar- su buraxılandan birinci saatda torpağın 15 sm
dərinliyi suyu hopdurur, bu şərtlə ki, torpağın səthində 5 sm qalınlığında su olsun.
Orta dərəcədə su keçirən torpaqlar- suvarma zamanı bir saatda 5-15 sm
torpaq təbəqəsinə su hopur;
Zəif su keçirən torpaqlar- su buraxılandan bir saatda 5 sm-dən az təbəqə su
hopdurur.
Uzunluğu 100 m olan suvarma şırımlarına buraxılan suyun miqdarı (l/san)
Cədvəl
torpaqlar
Şırımların mailliyi
az- 0,002
və az
Orta-0,002-
0,005
Çox-005-
0,015
Ağır
Suyu tədricən
hopduran
1.0-0.7
0.7-0.4
0.5-0.2
Orta
Suyu orta sürətlə
hopduran
2.0-1.0
1.0-0.7
0.7-0.4
Yüngül
Suyu tez hopduran
3.0-2.0
2.0-1.0
1.5-0.7
Torpağın su keçirmə qrupları onun mexaniki xüsusiyyəti ilə də müəyən edilir.
Belə ki, yüngül və çınqıllı torpaqların su keçirmə qabiliyyəti yaxşıdır.
Suvarma norması üzrə sahəyə buraxılan suyun hamısının axma müddətini
bilmək lazımdır. Bu belə bir misalla izah edilə bilər. Tutaq ki, hər hektara
suvarma norması 800m
3
-dir. Torpaq mexaniki tərkib etibarilə orta gillicəlidir və
su keçirməsi ortadır, şırımın uzunluğu 100m, şırımarası məsafə 0,8 m, şırımların
mailliyi 0,005, mikrorelyefi yaxşıdır.
352
Bu rəqəmləri **saylı cədvəl üzrə müəyyən etmək olar ki, hər şırıma buraxılan
suyun miqdarı 7 l/san-dir. Bu şırım 80m
3
sahəni suvarır. Hər hektara 800 m
2
su
norması götürüldükdə hər 1m
2
sahəyə 80 l su verilməlidir ( 800000: 100000= 80
l) bu hesabla hər suvarma şırımına 6400 l su buraxılmalıdır. Şırıma buraxılan
suyun axma müddəti belə tapılır:
6400:0,7=9150 san., yaxud 2saat 33 dəqiqə. Deməli, hər 100m-lik şırımla
2,33 dəq. Su axıdılmalıdır.
Suçu suvarmanı belə apardıqda suvarma kanalına 10-15 l/san-dən artıq su
vermək düzgün deyil. Hər şırımdan 10 saatda 360-540 m
3
su buraxılır. Belə
norma ilə ancaq 0,5 ha sahə suvarıla bilər. Bu isə suvarmanın məhsuldarlığının
aşağı səviyyədə olmasını göstərir. Ona görə də mütərəqqi suvarma üsullarından
istifadə edilməlidir.
Hal-hazırda bir çox elmi-tədqiqat müəssisələri, istehsalat qabaqcılları
tərəfindən suvarma işində əl əməyini yüngülləşdirən qurğulardan istifadə edilir.