385
hansı rayonda, hansı istiqamət üçün perpektiv olması göstərilir.
Üzüm sortlarının təsvir və təyin olunmasının
ümumi sxemi və metodikası
Mədəni üzümün morfoloji əlamətləri böyük müxtəlifliyə malikdir. Çoxlu
miqdarda üzüm sortlarını öyrənərkən hər bir morfoloji əlamətin əsasında aralıq,
yaxud keçid əlamətlər vardır.
Mədəni üzümün polimorfizmi, onun botaniki öyrənilməsini və təsvirini
çətinləşdirir. Əgər öyrəniləsi üzüm sortu azdırsa, onda onları əsas fərqləndirici
əlamətlərlə təsvir etmək olar. Ona görədə hər bir ampeloqraf qəbul edilməmiş
metodika və qeyri-müəyyən terminologiya tətbiq etməklə ampeloqrafiya işini
korlaya bilər.
Üzüm sortlarının təsvir olunması metodikasının təkmilləşdirilməsi işində
fransız ampeloqrafı Ravazın işlərinin böyük əhəmiyyəti vardır. Ravaz sortların
təsviri metodikasında növ və cinslərə aid əlamətləri kənara atmışdır. Bu əlamətlər
sortların təsvirində dolaşıqlıq yaradırdı. O, sort əlamətlərini iki qrupa bölmüşdür:
1) ekoloji şəraitin təsvirindən az dəyişən ―keyfiyyət‖ əlamətləri; 2) becərilmə
şəraitinin təsirindən tez dəyişən ―miqdar‖ əlamətləri.
Əlamətlərin daha obyektiv qiymətləndirilməsi üçün Ravaz yarpaq ayasının
ölçülməsi, yuxarı və aşağı kəsiklərin dərinliyi, dişciklərin hündürlüyü və s.
əlamətlərin ölçü göstəricilərinin işlənib hazırlaması.
Botaniki təsvirin proqramı bir neçə yüz il ərzində tədricən genişlənmiş və
tənəyin yeni morfoloji əlamətlərini işləyib hazırlamışdır.
Üzüm sortları aşağıdakı proqram üzrə təsvir olunmalıdır:
YaĢıl zoğ
1) Yaşıl yarpaqların rəngi və tüklülük dərəcəsi;
2) Yaşıl zoğun rəngi;
Birillik zoğ
1)
Yetişmiş zoğun rəngi;
2)
Bığcıqların
xüsusiyyəti;
Yarpaq
1)
Ayanın ümumi cizgiləri;
2)
Yarpaq səthinin xarakteri və lövhənin qatlanması;
3)
Yuxarı və aşağı kəsiklər;
4)
Saplaq oyuğu;
5)
Dişciklər (pəncələrin ucunda və kənarlarında)
6)
Yarpağın
tüklülük dərəcəsi;
7)
Saplaq və damarların rəngi;
8)
Yarpaqların payız rəngi;
386
Çiçək
1)
Çiçəyin tipləri;
2)
Erkəkciklərin miqdarı və erkəkcik saplağının yerləşmə xarakteri;
3)
Yumurtalıqların forması, sütuncuq və ağızcıq;
Salxım və gilə
1)
Salxımın ölçüsü;
2)
Salxım saplağının xüsusiyyətləri, darağın budaqlanması və gilə saplağı;
3)
Gilənin iriliyi, forması
və rəngi;
4)
Qabıq və lətin xüsusiyyətləri mum təbəqəsinin sıxlığı və şirənin rəngi;
5)
Gilənin
dad və ətri;
6)
Gilədə toxumun orta miqdarı;
Toxum
1)
Toxumun iriliyi;
2)
Toxumun morfoloji əlamətləri;
Sortun təyin olunmasında istifadə
olunan əlamətlər.
Yabanı üzüm uzun müddət mədəni halda becərildikdən sonra onun ilkin
əlamətləri dəyişmişdir. Sonralar onlar arasında aparılan çarpaz tozlamalar və
fasiləsiz seçmələr tənəkdə dəyişkənliklərin sərhəddini genişləndirmişdir.
Məsələn: yabanı üzümlərin hamısının giləsinə xas olan qara rənglilik (tünd göy)
uzun müddət mədəni halda becərilib seçmə apararkən müxtəlif rəngliliyi əmələ
gəlmişdir. Belə ki, vaxt keçdikcə ekoloji amillərin, torpaq şəraitinin və
becərmənin təsiri altında üzüm bitkisinin orqanlarında, məhsulun keyfiyyət və
kəmiyyətində müxtəliflik yaranmışdır.
Sərbəst dəyiĢən əlamətlərin qiymətləndirilməsi üsulları
Sortların təyin edilməsində ampeloqrafik təsvirlərin dəqiqliyinin və onlardan
istifadənin olduqca böyük əhəmiyyəti vardır.Belə ki, üzüm sortlarında əksər
hallarda bəzi əlamətlər bu və ya digər göstəricinin miqdarca artması və azalması
ilə bir-birindən fərqlənir. Çox sort olan kolleksiyada bir-birinə tədricən keçən,
sərbəst dəyişən –sıçrayışsız əlamətlər çoxdur. Buna aid yarpağın kənar dişlərini
ğöstərmək olar. Bu cür xarakterli dəyişkənliklər digər əlamətlərdə də özünü
göstərir.Gilələrdə forma girdədən oval və barmaq şəklinə qədər dəyişir,
yarpaqların alt tərəfində tək-tək tükcükdən keçə kimi sıx tükcüyü olanlara qədər
rast gəlinir.
Sortların təyin edilməsində yuxarıda göstərilən əlamətlərin riyazi ifadə ilə
verilməsi daha dəqiq olardı, lakin bu çox vaxt aparır.
Tarla şəraitində sortların təyin olunmasında sahə üsulu hesab edilən gözəyarı
üsuldan geniş istifadə edilir.Bu üsulu yarpağın tüklülük əlaməti misalında izah
edək.Yarpagın alt tərəfində yüklülük dərəcəsi müxtəlifdir.Seyrək tüklü, orta
387
dərəcədə tüklü və sıx tüklü. Bunların arasında keçid formaları vardır. Seyrək
tüklü ilə orta dərəcədə tüklü arasında riyazi hesablama aparılsa, tükün miqdarına
görə onlarca keçid formaları yaranar.Gözəyarı üsulda isə bu hesaba alınmır.Bunu
başqa əlamətlərin də timsalında izah etmək olar.
Bütün deyilənlərdən aydın olur ki, sortların hər hansı ―ştampovkalı‖
əlamətləri yoxdur.Aqrotexnikadan və becərilmə şəraitindən asılı olaraq
əlamətlərin çox və az dərəcədə dəyişkənliyi müşahidə edilir.
Üzüm sortlarının botaniki təsviri yarpaq və salxımların fotoşəklinin çəkilməsi
ilə tamamlanır.
YaĢıl və birillik zoğun botaniki təsviri
Yazda tənəyin qışlayan gözcüyündığən zoğ çıxır.Onlar yeni böyüyən
vaxtı(10-20cm olarkən)ekoloji-coğrafi qruplara, eləcə də sortlara məxsus rəng
əmələ gəlir. Belə ki, proles orientalis neqr sortlarının yeni əmələ gəlmiş
yarpaqları çılpaq, çox zərif və açıq yaşıl, bəzən isə limonu sarı rəngli olur. Proles
Pontika neqr sortlarının yaşıl yarpaqları hörümçək toruna bənzər tüklüdür. Bu
qrupun ayrı-ayrı sortlarında tüklülük o dərəcədə qalındır ki, zoğun uc yarpaqları
ağ rəngə çalır.
Yaşıl zoğun təsvirinə böyümə nöqtəsindən başlamaq lazımdır. Böyümə
nöqtəsi yaşıl zoğun uc hissəsi adlanır. Yaşıl zoğun tüklülük dərəcəsinə görə
mədəni üzümlərin bütün sortları iki qrupa bölünür:
1.Böyümə nöqtəsinin tacı və cavan yarpaqları çılpaq və parlaq olanlar.
2.Böyümə nöqtəsi və yaşıl yarpaqları yapıxmış, ağ tükcüklərlə örtülürlər.
Belə tüklülük dərəcəsindən asılı olaraq yeni əmələ gəlmiş yaşıl zoğ küləçalan,
yaxud ağ rəngli olur. Ağ tüklülük Qara dəniz hövzəsi ətrafı ekoloji –coğrafi
qrupu üzümlərinə məxsusdur. Qərbi Avropa üzümlərində tüklülük zəifdir.
Yeni əmələ gəlmiş yaşıl zoğların uc hissəsində tük sıx,əsasına doğru seyrək
olur.Yarpağın üst hissəsi aşağı hissəsinə nisbətən az tüklüdür. Yaşıl zoğlarda uc
yarpaqların tüklülük dərəcəsinin aşağıya doğru dəyişməsi sorta məxsus vacib
əlamətlərdən biridir.
Yeni əmələ gəlmiş yaşıl zoğlar aşağdakı rənglərdə ola bilər. Zoğu tamamilə
çılpaq, zərif, parlaq, yarpaqları açıq yaşıl, yaxud limonu- sarı; eynitonlu boz-
yaşıl; ağ; qırmızı-sarı, narıncı rəngli, açıq-bürüncü, çaxırı-qırmızı.
Müxtəlif üzüm sortlarında yarpaqların müxtəlif rənglərlə qarışıq olan yaşıl
rəngini fərqləndirmək çətindir. Sarımtıl-yaşıl, yaxud limonu-sarı rənglər tez və
asanlıqla aşkar edilir.
Bir neçə qrup üçün müəyyən sortlar var ki, onlar da əsas yaşıl rəngə, qırmızı-
sarı, yaxud çaxırı-qırmızı rəng əlavə olunur. Ümumi tonda əlavə rəngin
kəsafətindən asılı olaraq yarpağın rəngi sarımtıl-narıncı, açıq-bürüncü, yaxud
tünd- bürüncü ola bilər.