424
bu qayda üzrə cədvəl üzrə cədvəl tərtib edir, ancaq birinci qrafada sahənin adı və
nömrəsi əvəzinə təsərrüfatın adı göstərilir.
Kütləvi seleksiya kolların müsbət və mənfi əlamətlərinə görə aparılır. Bu işi
asanlaşdırmaq üçün ilk növbədə morfoloji əlamətlərini tez büruzə verən tənəkləri
nişanlanmalıdır. Sonrakı ildə bu məsələ ilə daha dəqiq məşğul olunur.
İri giləlilik istiqamətində geniş miqyasda iş aparmaq olar. Bu eyni zamanda
yüksək məhsuldarlıq əlamətidir. Yaxşı göstəricilərə malik kollar 2-3 il
müddətində eyni etiket və nişanla qeyd olunur. Kütləvi seleksiya üzrə işlər
yekunlaşdıqda mənfi və müsbət əlamətli tənəklər sortlar üzrə yekunlaşdırılır və
akt tərtib edilir. Bu və ya digər qiymətli təsərrüfat əlamətinin irsi dəyişkənliyi
sübut edildikdən sonra ən yaxşə tənək və zoğların seçilməsində fərdi Klon
seleksiyası aparılır. Fərdi seleksiya aşağıdakı istiqamətlərdə aparıla bilər: yüksək
və sabit məhsuldarlıq, yüksək şəkərlilik, iri giləlilik, fillokseraya , şaxtaya və
xəstəliklərə davamlılıq, tez və gec yetişkənlik və s.
Fərdi seleksiya nəticəsində seçilmiş bitkilər nömrələnir və azı 10 çubuq
götürüb klonların ilkin sınağı sahəsində əkilməlidir. Onlar 3 il normal məhsul
verdiyi vaxt ilkin sortöyrənmənin metodikası üzrə öyrənildikdən sonra elit
klonlar ayrılıb konkurs sınağına göndərilir. Bu sınaq zamanı daha qiymətli
klonlar ayrılır ki, bunlar super-elit adlanır. Onlar sürətlə çoxaldılıb dövlət və
istehsalat sort sınağına verilir.
Kütləvi və Klon seleksiya üzümlüklərin aprobasiyasından başlanır.
―Aprobasiya‖ sözü latınca bəyənmək, qəbul etmək deməkdir. Aprobasiya ilə
üzümlüklərdə aqrotexnikanın vəziyyəti və sort tərkibi müəyyən edilir, məqsəd isə
sağlam və təmiz sortlu əkin materialı əldə etməkdən ibarətdir.
426
SÜFRƏ ÜZÜMÇÜLÜYÜ
Keçən əsrin axırlarında və XXI əsrin ilk illərində dünyada süfrə üzümü
istehsalına görə Çin birinci yerdə olmuşdur ( 19,5 mln.sentner), sonra Türkiyə (
14.3 mln. sentner), ABŞ (7,9 mln.sentnet), İtaliya (7,2 mln. sentner), Braziliya
(3,5 mln. sentner), Almaniya ( 3,0 mln. sentner), İspaniya (2,8 mln. sentner),
Mərakeş (2,7 mln. sentner) və Fransa (2,3 mln. sentner) gəlir.
Beynəlxalq təyinetmələrə görə təzə halda yeyilməsi nəzərdə tutulan və bu
məqsədlə xüsusi becərilmiş üzümdür. Salxım və gilənin xarici görkəminə, eləcə
də gilənin dad keyfiyyətinə görə süfrə üzümünə xüsusi tələbat vardır. Bu barədə
ən çox işlənən bir xalq deyimi vardır «üzümü əvvəlcə gözlə yeyirlər».
Istehsalın həcminə və tələbatına görə aşağıdakı göstəriciləri əsas götürmək
lazımdır:
-salxım və gilələr iri ölçülü olmaqla yanaşı gözəl görkəmə malik olmalıdır;
-quruluşu etibarilə salxımlar orta sıxlıqda olmaqla qabqarıldıqda qutuda
sərbəst yerləşdirilməlidir;
-gilələrin ləti ətli və bərk olmalıdır, şirəli də ola bilər, ancaq sulu olmamalıdır;
-uzaq məsafəyə göndərilməsi nəzərdə tutulan üzümlərin əsas göstəricisi
nəqliyyata( daşınmağa) davamlılıq və gilənin saplağa birləşməsi möhkəm
olmalıdır;
-qışa saxlanması nəzərdə tutulan üzümün yüksək saxlanma qabiliyyəti olmalı
və soyuducuda yaxşı qalmalıdır.
Bütün bu tələblərlə yanaşı gilənin yüksək dad keyfiyyəti də olmalıdır.
Bilavasitə koldan dərməklə üzümün istifadə müddətinin uzadılması məqsədilə
üzümlükdə ən tez yetişəndən ən gec yetişənə qədər üzüm sortları yerləşdirmək
lazımdır (―şirin konveyer‖in tələblərinə uyğun olaraq).
Süfrə üzümlərində toxumun olmaması və yaxud az olması, eləcə də muskat
ətrinin olması arzu olunan keyfiyyət əlamətləridir. Süfrə üzümü yerində istifadə,
üzüm istehsal olunmayan yerlərə aparmaq və qışda saxlayıcılarda saxlamaq üçün
nəzərdə tutulur.
Uzun müddət əhalinin təzə üzümlə təmin edilməsi üçün aşağıdakılar həyata
keçirilməlidir:
1.birbaşa koldan dərməklə üzümün istifadə müddətinin uzadılması məqsədilə
süfrə üzümlərinin müxtəlif ekoloji şəraitdə yerləşdirilməsi;
2.qış vaxtı soyuducularda saxlanan üzümün miqdarının artırılması;
3.üzümün örtülü qruntda becərilməsinin genişləndirilməsi. Bu üsul təzə
üzümlə köhnə üzüm arasındakı boşluğu doldurur.
Bu məsələlərin etibarlı və keyfiyyətli həlli yalnız süfrə üzümü istehsal edən
ixtisaslaşmış təsərrüfatların yaradılması ilə həyata keçirilə bilər.
427
Texniki sortlarla müqayisədə süfrə üzümləri daha yüksək dad keyfiyyətinə
malikdir. Bu səbəbdən də onlar xüsusi qrupa ayrılır. Ancaq, bu heç də demək
deyildir ki, texniki sortlar təzə halda istifadə olunmur. Azərbaycanın Bayanşirə
sortu, Avropanın Hamburq muskatı və Gürcüstanın Rkasiteli sortu texniki hesab
edildiklərinə baxmayaraq təzə halda çox ləzzətlə yeyilir. Bu baxımdan dünya
üzümçülüyündə süfrə üzümlərinin daha çox istehsalı priolitetlik təşkil edir. Təzə
üzüm ən çox ərəb ğlkələrində istifadə edilir. Suriya və İordaniyada ildə adam
başına 40 kq, Bolqarıstan, Kipr, Yunanıstan, Türkiyə və bir sıra yaxın Şərq və
Orta Asiya respublikalarında adam başına düşən üzüm 15-30 kq arasındadır.
İsraildə bu rəqəm 10-15 kq, İtaliya, İspaniya, Portuqaliya, Argentina Serbiya,
Rumıniya Almaniya, Fransada 5-10 kq-dır. Respublikamızda 2 milyon tondan
çox üzüm istehsal olunan illərdə yalnız 300000 ton Rusiyanın iri sənaye
mərkəzlərinə göndərilirdi. Bu illərdə respublikamızda adam başına istehsal
olunan süfrə üzümü 50-60 kq təşkil edirdi.
Bəzi ölkələrdə təzə üzümə olan tələbat qurudulmuş üzüm hesabına ödənir.
Belə ölkələrə İspaniya, Yunanıstan, Türkiyə, İngiltərə, ABŞ daxildir.
Süfrə üzümünə olan tələblər Salxım və gilə iri olmaqla yanaşı onlar xoşa
gələn olmalıdır. Öz quruluşuna görə salxımlar orta sıxlıqda olmalıdır ki,
qablaşdırılan qablarda gilələr sərbəst yerləşə bilsinlər. Konsistensiyasına görə
gilənin ləti ətli və bərk olmalıdır.
Uzaq məsafəyə göndərilməsi nəzərdə tutulan süfrə üzümləri daşınmaya
davamlı və gilələr gilə saplağına möhkəm birləşmiş olmalıdır. Məhsulu saxlamaq
üçün nəzərdə tutulan üzümlərin yaxşı saxlanma qabiliyyəti olmalıdır. Bütün bu
göstəricilər gilənin yüksək dad keyfiyyəti ilə müşaiyət olunmalıdır. Bilavasitə
koldan dərməklə bazara təzə üzümün çıxarılması işinin təşkili üçün ultra-tez
yetişəndən ən gec yetişənə qədər sortlar seçilməlidir. Yaxşı olar ki, süfrə
üzümündə toxum olmasın və muskat ətrinə malik olsun.
Süfrə üzümlərinin bir neçə istifadə istiqaməti vardır - istehsal olunduğu yerdə
istifadə olunması, üzüm becərilməyən regionlara aparmaq üçün, qışda
saxlayıcılarda saxlamaq üçün.
Uzun müddət əhalini təzə üzümlə təmin etmək üçün aşağıdakı məsələləri həll
etmək lazımdır:
1.Aşağıda göstərilənlərlə koldan üzüm dərilməsi müddətini auzattmaq
mümkündür.
1. süfrə üzüm sortlarını müxtəlif torpaq-iqlim şəraitində yerləşdirməli (bu
coğrafi təbii konveyer adlanır);
2. bir təsərrüfatda müxtəlif vaxtlarda yetişən sortların yerləşdirilməsi;
3. qış saxlayıcılarında saxlanan üzümün miqdarının artırılması;
4. örtülü qruntda üzümlüklərin sahəsinin genişləndirilməsi, bu tədbirlə köhnə
Dostları ilə paylaş: |