430
2005-ci ildə Fransadan gətirdiyimiz Prima sortu Gəncə və Gəncə ətrafında
iyun ayının axırlarında yetişir. Bu baxımdan bilavasitə koldan dərməklə «şirin
konveyer» in vaxtını uzatmaq olur. Xırda təsərrüfatlarda və xırda üzümlüklərdə
«şirin konveyer» in tam tələbatını ödəmək olmur.
Süfrə üzümçülüyü üzrə ixtisaslaşdırılmış iri təsərrüfatlarda bir problemin həlli
mümkündür. «Şirin konveyer» in təşkili üçün əvvəlcə orada əkiləcək sortların
siyahısı tutulur. Üzümlük salınanda siyahı əsasında sortlar yerləşdirilir.
Üzümlükdə sortların qruplar üzrə yerləşdirilməsi vacib hesab edilə bilməz.
Yetişmə müddətinə görə sortlar ardıcıllıqla düzülə bilər və yaxud kənardan
diqqəti cəlb etməsin deyə ultra-tez yetişənlər üzümlüyün ortalarında da
yerləşdirilə bilər. Üzümlükdə 8 yetişmə müddətinə aid sortların hamısından
götürülə bilər. Ultra-tez yetişəndən çox gec yetişənə qədər qrupların hamısından
sort əldə edildikdən sonra «şirin konveyer» in məqsədini daşıyan üzümlüyün
salınmasına başlamaq olar.
Ultra-tez yetişəndən (Ağ Xəlili, Çiləyi, Madlen Anjevin, Jemcuq sabo, Prima)
hazırda respublikamızda Ağ Xəlili, Prima vardır. Ağ Xəlili həyətyanı
üzümlüklərdə ta qədimdən becərilir və heç vaxt bu sortdan üzümlük olmayıb.
Prima respublikanın 3-5 təsərrüfatında hərəsində 5-10 hektar üzümlük vardır.
Primanın geniş yayılması üçün bu yaxşı başlanğıcdır. Heç vaxt iyun ayında
respublikamızın özündə istehsal olunan üzüm bazara ıxarılmamışdır.
Respublikamızda ən gec yetişən yerli üzüm sortlarından Hazarı və Kal üzüm
olub. Hazırda onların harada mövcudluğu məlum deyildir. Hər iki sort Ağdam
rayonu və onun ətrafında intişar tapmışdır. Vaxtı ilə Ağdamda dekabr ayında qarı
silkələyib Kal üzümü yığardılar.
Xəzəri sortunun çiçəkləri funksional dişi tiplidir. Onun Kal üzümlə birlikdə
əkilməsi məsləhətdir. Yaxşı olar ki, onla cərgəaşırı yerləşdirilsin. Məhsul yığımı
vaxtı sortların yetişməsi ardıcıllığına əməl olunmalıdır. İlk sortun yetişməsi ilə
axırıncı sortun yetişməsi (həm də yığılması) arasında respublikamız şəraitində 5-
5,5 ay vaxt keçir. Deməli, bilavasitə koldan dərməklə bazara məhsul çıxarılması
qeyd etdiyimiz qədər vaxt keçir. Ən gec yetişən sortu respublikamız şəraitində
dekabrın ortalarına qədər kolda saxlamaq mümkündür. Yuxarıda qeyd etdik ki,
Kal üzüm Ağdamda yanvar ayına qədər saxlana bilir. Bilavasitə koldan
dərilmənin müddətini 6 aya çatdırmaq mümkündür.
Saxlayıcılarda-xüsusilə soyuducu saxlayıcılarda üzümü may ayına qədər
saxlamaq olur. Keyfiyyətli süfrə üzümü sortları nə qədər diqqət tələb edirsə,
saxlamaq ondan da çox diqqət tələb edir. Respublikamızda təzə üzümün
saxlanmasında xalqın müəyyən təcrübəsi olmuşdur. Xalq təzə üzümü Novruz
bayramına qədər saxlamışdır. Ancaq son 30-40 il ərzində iri həcmli saxlayıcılarda
keyfiyyətsiz üzüm saxlanmışdır. Bu keyfiyyətsizliyin əsasını saxlayıcıya
431
keyfiyyətsiz üzüm qoyulması və saxlanma rejiminə riayət olunmaması təşkil
etmişdir.
Ümumiyyətlə süfrə üzümü istiqamətli becərilməlidir. Saxlamaq məqsədi ilə
becərilən üzüm qabaqcadan planlaşdırılmalıdır.
Süfrə üzümünün yığılması və daşınması. Daşınma və saxlanma vaxtı üzümün
davamlılığının artırılmasında yığım vaxtının və texnikasının böyük əhəmiyyəti
vardır. Dumanlı havada və şeh düşən vaxtı süfrə üzümünü yığmaq olmaz. Yaş
yığılan üzümün saxlanma qabiliyyəti çox pis olur. Çox isti havada da saxlamaq
məqsədi ilə süfrə üzümü yığılmamalıdır. Belə şərairdə gilənin qabığından su çox
buxarlanır.
Gilənin suyu çox buxarlandırmaması üçün yığılmış üzüm ( yığıldığı qablarda)
çeşidləmə məntəqəsinə aparılana qədər üzümlükdə kolun kölgəsində
saxlanmalıdır. Yığım zamanı ağ giləli üzümlərlə rəngli giləlilər bir qaba
yığılmamalı və qablaşdırılmamalıdır.
Salxımlar qayçı ilə kəsilməlidir və əl giləyə toxunmamalıdır. Əl giləyə
toxunduqda üzərindəki mum təbəqəsi silinir. Bu halda həm gilənin görkəmi
dəyişir, həm də zərərli mikroorqanizmlərdən qorunma ehtimalı azalır. Salxımın
kəsilməsi və onun qutuya qoyulması zamanı kəskin hərəkətə yol vermək olmaz.
Bəzi sortlarda (məs, İtaliya muskatı, Rişbaba, Katta-Kurqan) salxım saplağı və
darağı o qədər kövrək olur ki, salxım əldə ikən qəflətən onun vəziyyəti
dəyişdikdə müəyyən hissəsindən qırıla bilir. Salxım koldan ayrılarkən vəziyyəti
dəyişmədən və giləyə toxunmamaq şərtilə qutuya qoyulmalıdır.
Texniki sortlarda olduğu kimi süfrə üzümlərində də gilənin yetişməsi
müxtəlif üsullarla müəyyən edilir:
1)kimyəvi üsulda gilədə şəkərin maksimum həddə çatması, sərbəst turşunun
olmaması, qlükoza və fruktozanın nisbətinin bərabərləşməsi təyin edilir.
2)sitokimyəvi üsulla gilə saplağında nişastanın olub-olmaması yoxlanılır. Bu
məqsədlə saplağın giləyə birləşən yerində- fırçada nişastanın olmasını yoxlamaq
üçün ora 2-3 faizli yod məhsulu tökülür. əgər həmin hissə tünd-göy rəng alırsa,
deməli yetişmə hələ davam edir, boz rəng yetişmənin dayandığını göztərir.
3)orqanoleptiki üsulda salxım və gilənin xarici görüşü, rəngi, yumşalması,
dad və ətri qiymətləndirilir. Əvvəlki vəziyyətlə müqayisədə gilə yumşalmış olur.
Gilədə şəkər və turşuluq ahəngdar olur.
Suvarılan rayonlarda yığıma 2-3, bəzi hallarda 4 həftə qalmış üzümlüyün
suvarılması dayandırılmalıdır. Suvarmadan sonra gilədə suyun miqdarı artır,
daşınma və saxlanma qabiliyyəti azalır. Yığım vaxtı yağış yağarsa, yığım
dayandırılmalı və 2-3 gün sonra yığım davam etdirilməlidir. Yerli bazarda
realizəsi nəzərdə tutulan süfrə üzümləri yeyilmə yetişkənliyinə çatdıqda yığılır.
Bir qayda olaraq növbər üzüm bazarda baha qiymətə satılır. Bəzən tələsikliyə