434
mənbələrinə görə qutunun içərisinə kağız sərilməlidir. Moldova mənbələrində isə
yuxarıda göstərildiyi kimi qutunun taxtasının içəri tərəfi sığallı olmalıdır və kağız
qoyulmur. Belə qutularda 7-10 kq məhsul yerləşir.
Qablaşdırma zamanı salxımın qutuya qoyulma vəziyyəti - N.Nedelçev və
M.Kondarevin (Bolqar) yazdığına görə salxım saplağı yuxarıda (üstdə) olmalıdır.
Moldova mənbələrində isə saplaq içəridə olmalıdır. Hər iki üsulun müsbət və
mənfi tərəfləri vardır. Saplaq yuxarıda olduqda qutudan üzüm götürmək
asanlaşır, ancaq görkəm bir qədər pisləşir. Saplaq içəridə olduqda görkəm
yaxşılaşır, salxımın götürülməsi çətinləşir. Salxım götürmək lazım gəldikdə
mütləq gilədən tutulmalıdır. Bu vəziyyətdə gilədəki mum qatı silinir.
Məhsul eksporta getdikdə müqavilə şərtlərinə görə qutunun yalnız yan
divarlarında kağız olmalıdır, ancaq qutunun üstü açıq olmalıdır ki, məhsul tez və
yaxşı görünsün. Moldova təcrübələrində isə qutuda məhsulun üstü kağızla
örtülməlidir.
Hər qutunun yuxarı sol küncünə standart ölçüdə yarlıq yapışdırılır. Yarlıqda
olan yazının hərflərinin uzunluğu 1 sm-dən çox olmamalıdır. Sağ tərəf yuxarı
küncdə isə qutudakı məhsulun çəkisi göstərilməlidir.
Son vaxtlar müasir qablaşdırma texnologiyalarına əsasən xüsusi maşınlar
vardır ki, (İtaliya, Fransa) onlar nazik kartondan 2 kq-lıq qutular hazırlayır və
məhsulu özü qablaşdırır (İtaliyada hətta 1 salxım ayrıca qablaşdırılır).
Süfrə üzümlərinin saxlanması - üzümün saxlanma müddətinə sortun saxlanma
qabiliyyətindən başqa onun becərildiyi mühit və ilin meteoroloji şəraitinin, eləcə
də aqrotexnikanın təsiri vardır. Müxtəlif zonaların kompleks şəraitindən bu
məqsəd üçün ən ümdəsi istilikdir. Istilik rejimi artdıqca üzümün saxlanma
müddətinə müsbət təsir göstərir. Dağlıq və dağətəyi yerlərdə tərkibində humusun
miqdarı 1,2-1,5%, hava və su keçirmə qabiliyyəti yaxşı olan torpaqlarda becərilən
üzümlərin saxlanma qabiliyyəti yüksək olur. əksinə humusla zəngin olan düzənlik
torpaqlarda becərilən üzümlərin saxlanması o qədər də faydalı olmur. Süni
suvarmalar artıqlıq təşkil edən yerlərdə üzümün saxlanma qabiliyyəti çox pis
olur. Yığım qabağı suvarmalar saxlamanın keyfiyyətinə daha mənfi təsir göstərir.
Normal yükü olan salxımlar daha keyfiyyətlə saxlanır. Tənəyin yükün
aqroqaydalarda göstərildiyindən 20-25% az götürülməsi üzümün saxlanma
qabiliyyətinə müsbət təsir göstərir. Salxımın kolda yerləşmə zonasının da
məhsulun saxlanmasına əhəmiyyətli dərəcədə təsiri vardır. Torpaq səthində 30-60
sm məsafə bu məqsəd üçün optimal hesab edilir və bu zonada gilədə şəkər
yüksək olur, salxım və gilələr gözəl xarici görkəm kəsb edir və uzun müdddət
saxlana bilir.
Üzüm saxlanan kameralar yerləşən binalar işıqlı, geniş olmalı və binada toz
olmamalıdır. Saxlanılan məhsulun miqdarından asılı olaraq binanın uzunluğu 100
435
m-ə qədər, eni 8 m və hündürlüyü 4 m olmalıdır. Binanın döşəməsi beton qatı ilə
örtülməlidir.
Soyuducu kameralar məhsul yığımına 1-1,5 ay qalmış təmir olunmalı və
təmizlənərək dezinfeksiya olunmalıdır. Döşəmə əhəngli su ilə diqqətlə
yuyulmalıdır. Bina və kamera havalandırılır və qurudulur. Kif göbələklərini məhv
etmək üçün kamera natrium-oksidofenol ―preparat- 5‖ adlanan dezinfeksiya edici
maddə ilə işlənməlidir.
Üzüm qoyulmazdan 15 gün qabaq kamera təzə sönmüş əhənglə
ağardılmalıdır. Əhəngə mis kuporosu əlavə edilməlidir ( 1,5 kq əhəngə 100-200
qr mis kuporosu əlavə edib 10 l suda həll edilməlidir). Kamerada olan
avadanlıqlar 10% -li formalinlə silinməlidir.axırıncı hazırlıq işlərindən biri də
saxlayıcının kükürd anhdridi ilə tüstüləndirilməsidir. Saxlayıcının hər kub metr
sahəsi üçün 50 qr əzilmiş kükürd işlənməlidir. Müxtəlif üsullarla dezinfeksiya
edilmiş otaqlar və yaxud bina 24-28 saat müddətində qapı və pəncərələri
germetik bağlanmalıdır. Sonra kamera havalandırılmalıdır, kükürd iyi
olmamalıdır. Bundan sonra soyuducu işə salınır və kamerada temperatur +3-40C-
yə çartdırılır.
Saxlayıcıya gətirilən üzüm əvvəlcə kameranın az soyudulan şöbəsinə (5-80C)
qoyulur və kifayət qədər havalandırılır. Bu şöbədə üzüm 8-10 saat müddətində
qalır. Birdən-birə çox aşağı temperaturda saxlansa gilələr tərləyə bilər.
Sərinləşdirici kameradan ( az soyudulan şöbədən) üzüm çıxarılaraq daimi
saxlanma kamerasına keçirilir. Burada temperatur +4 dərəcə olmalıdır.
Kükürd anhidridi ilə dezinfeksiyanın faydası odur ki, o, göbələklərin
fəaliyyətini dayandırır və yaxud onları məhv edir. Hər şeydən əvvəl boz çürümə
(Botrutis sinerea)xəstəliyindən qoruyur. Fumiqasiya mikroorqanizmləri və
sporları öldürür. əgər üzüm saxlayıcıya gətirilənə qədər mikroorqanizmlərlə və
sporlarla sirayətlənibsə, onda dezinfeksiyanın təsiri az olacaqdır. Kükürd
anhidridi adi kükürdün yandırılmasından əldə olunur. Adi temperaturda və
atmosfer təzyiqində qaz şəklində olan kükürd anhidridi havadan 2,2 dəfə ağırdır.
Qaz rəngsizdir, çox kəskin iyi olduğundan göz, burunu qıcıqlandırır. Uzun illərdir
ki, kükürd qazı yeyinti sənayesində istifadə edilir. Quru meyvə istehsalında da
kükürd qazından geniş istifadə olunur.
Qablaşdırma məqsədilə fumiqasiya işin sonunda aparılır. Əgər bu əməliyyat
günün əvvəlində aparılsa gün ərzində orada aparılan işlərə maneçilik törədilə
bilər. Əlverişli şəraitdə 20 dəqiqə ərzində havada 0,5% kükürd anhidridi olsa qutu
materialının, taxtanın, üzümün və onların tutduğu fəzanın qəbul etdiyi (udduğu)
kükürd anhidridi aşağıdakı düsturla hesablanır:
C= + Qx D